| Library / Tipiṭaka / д̇ибидага • Tipiṭaka / важ̇ираб̣уд̣̇д̇хи-дийгаа • Vajirabuddhi-ṭīkā |
7. сам̣вид̇хаанасигкаабад̣̇аван̣н̣анаа
7. Saṃvidhānasikkhāpadavaṇṇanā
181. д̇аа бхигкунияо д̣̇уусаяим̣сууд̇и вибарин̣аамо гаад̇аб̣б̣о.
181. Tā bhikkhuniyo dūsayiṃsūti vipariṇāmo kātabbo.
182-4. самбад̣̇анд̇ийд̇и бад̣̇асаа г̇ажчанд̇и. вуд̇д̇анаязнзваад̇и ‘‘самбад̇анд̇и зд̇т̇аад̇и самбаад̇о’’д̇иаад̣̇инаа. бад̣̇аг̇ад̇з убажааро на лаб̣бхад̇и, ажжаасаннад̇д̇аа миссам̣ вияа ход̇ийд̇и. гуггудавассид̇абарижчинно махааадтагат̇ааяам̣. ‘‘д̇амби вохаарзнаа’’д̇и ликид̇ам̣. ‘‘язбхуяязна д̇ат̇аа саннивзсо ход̇ийд̇и гад̇ваа адтагат̇ааяам̣ вуд̇д̇ам̣, д̇асмаа на бамаад̣̇алзко’’д̇и жа, ‘‘уггадтабарижчзд̣̇зна вуд̇д̇ам̣ адтагат̇ааяам̣, д̇ад̇о уд̣̇д̇хам̣ ад̣̇д̇хаяож̇аналагкан̣асамбад̇д̇ам̣ наама ход̇ийд̇и г̇ахзд̇аб̣б̣а’’нд̇и жа вуд̇д̇ам̣. ‘‘габбияабхууми гирааяам̣…бз… на вад̣̇анд̇ий’’д̇и вуд̇д̇ам̣. д̣̇уд̣̇д̣̇асан̃хзд̇т̇а гааран̣ам̣. гад̇арам̣ бана д̇анд̇и? ‘‘г̇ажчаамаад̇и сам̣вид̣̇ахад̇и, аабад̇д̇и д̣̇уггадассаа’’д̇и вуд̇д̇ам̣. д̇ад̇т̇а ‘‘г̇ажчаамаа’’д̇и вад̇д̇амаанаважананд̇ан̃жа, амаг̇г̇з бхигкунубассаяаад̣̇имхи на самбхавад̇иязва мануссаанам̣ анд̇арагхараад̣̇имхи маг̇г̇асан̇кзбаг̇аманад̇о, ужжаасаяанаад̣̇иуббад̇д̇идтаанад̇д̇аа жа. на д̇ид̇т̇ияасзяяааяа ваа баб̣б̣аж̇ид̇ааваасад̇д̇аа. д̣̇ваарзд̇и самийбад̇т̇з бхуммам̣, д̇асмаа д̇ам̣ д̣̇ассзд̇ум̣ буна ‘‘рат̇игааяаа’’д̇и ааха. сзсаадтагат̇ааяам̣ ‘‘зд̇т̇анд̇арз сам̣вид̣̇ахид̇зби бхигкуно д̣̇уггада’’нд̇и ааг̇ад̇ад̇д̇аа на самзд̇и. ‘‘г̇ааманд̇арз’’д̇и важанад̇о ан̃н̃аг̇аамасса убажаароггаманз зва аабад̇д̇и. ‘‘ад̣̇д̇хаяож̇анз’’д̇и важанад̇о ад̇иггаманзязва яуд̇д̇ам̣.
182-4.Sampadantīti padasā gacchanti. Vuttanayenevāti ‘‘sampatanti etthāti sampāto’’tiādinā. Padagate upacāro na labbhati, accāsannattā missaṃ viya hotīti. Kukkuṭavassitaparicchinno mahāaṭṭhakathāyaṃ. ‘‘Tampi vohārenā’’ti likhitaṃ. ‘‘Yebhuyyena tathā sanniveso hotīti katvā aṭṭhakathāyaṃ vuttaṃ, tasmā na pamādalekho’’ti ca, ‘‘ukkaṭṭhaparicchedena vuttaṃ aṭṭhakathāyaṃ, tato uddhaṃ addhayojanalakkhaṇasampattaṃ nāma hotīti gahetabba’’nti ca vuttaṃ. ‘‘Kappiyabhūmi kirāyaṃ…pe… na vadantī’’ti vuttaṃ. Duddasañhettha kāraṇaṃ. Kataraṃ pana tanti? ‘‘Gacchāmāti saṃvidahati, āpatti dukkaṭassā’’ti vuttaṃ. Tattha ‘‘gacchāmā’’ti vattamānavacanantañca, amagge bhikkhunupassayādimhi na sambhavatiyeva manussānaṃ antaragharādimhi maggasaṅkhepagamanato, uccāsayanādiuppattiṭṭhānattā ca. Na titthiyaseyyāya vā pabbajitāvāsattā. Dvāreti samīpatthe bhummaṃ, tasmā taṃ dassetuṃ puna ‘‘rathikāyā’’ti āha. Sesaaṭṭhakathāyaṃ ‘‘etthantare saṃvidahitepi bhikkhuno dukkaṭa’’nti āgatattā na sameti. ‘‘Gāmantare’’ti vacanato aññagāmassa upacārokkamane eva āpatti. ‘‘Addhayojane’’ti vacanato atikkamaneyeva yuttaṃ.
185. радтабхзд̣̇зд̇и вилобз. бораан̣аг̇ан̣тибад̣̇з ‘‘д̇аяоби сан̇гзд̇аа гаалад̣̇ивасамаг̇г̇авасзна, д̇ад̇т̇а бажчимзнзва аабад̇д̇ий’’д̇и вуд̇д̇ам̣. ‘‘иминаа маг̇г̇знаа’’д̇и виссаж̇ж̇зд̇ваа ан̃н̃зна г̇ажчанд̇и жз, аабад̇д̇иязваад̇и ад̇т̇о.
185.Raṭṭhabhedeti vilope. Porāṇagaṇṭhipade ‘‘tayopi saṅketā kāladivasamaggavasena, tattha pacchimeneva āpattī’’ti vuttaṃ. ‘‘Iminā maggenā’’ti vissajjetvā aññena gacchanti ce, āpattiyevāti attho.
сам̣вид̇хаанасигкаабад̣̇аван̣н̣анаа нидтид̇аа.
Saṃvidhānasikkhāpadavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 3. оваад̣̇аваг̇г̇о • 3. Ovādavaggo
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 7. сам̣вид̇хаанасигкаабад̣̇аван̣н̣анаа • 7. Saṃvidhānasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 7. сам̣вид̣̇аханасигкаабад̣̇аван̣н̣анаа • 7. Saṃvidahanasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 7. сам̣вид̇хаанасигкаабад̣̇аван̣н̣анаа • 7. Saṃvidhānasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 7. сам̣вид̇хаанасигкаабад̣̇ам̣ • 7. Saṃvidhānasikkhāpadaṃ
