| Library / Tipiṭaka / д̇ибидага • Tipiṭaka / вимад̇ивинод̣̇аний-дийгаа • Vimativinodanī-ṭīkā |
7. сам̣вид̇хаанасигкаабад̣̇аван̣н̣анаа
7. Saṃvidhānasikkhāpadavaṇṇanā
183. сад̇д̇амз баал̣ияам̣ г̇ажчаама бхаг̇ини г̇ажчаамааяяаад̇и бхигкубуб̣б̣агам̣ сам̣вид̇хаанам̣, ид̇арам̣ бхигкунибуб̣б̣агам̣ . згад̣̇д̇хаанамаг̇г̇анд̇и згад̇о ад̣̇д̇хаанасан̇каад̇ам̣ маг̇г̇ам̣. хияяод̇и сувз. барзд̇и д̇ад̇ияз д̣̇ивасз.
183. Sattame pāḷiyaṃ gacchāma bhagini gacchāmāyyāti bhikkhupubbakaṃ saṃvidhānaṃ, itaraṃ bhikkhunipubbakaṃ . Ekaddhānamagganti ekato addhānasaṅkhātaṃ maggaṃ. Hiyyoti suve. Pareti tatiye divase.
д̣̇вид̇хаа вуд̇д̇аббагаарод̇и баад̣̇аг̇аманз багкаг̇аманзд̇и д̣̇вид̇хаа вуд̇д̇аббагааро. убажааро на лаб̣бхад̇ийд̇и яо баригкид̇д̇аад̣̇иг̇аамасса згалзд̣д̣убаад̇аад̣̇иубажааро вуд̇д̇о, со ид̇ха на лаб̣бхад̇и аасаннад̇д̇аа. зд̇зна жа анд̇арагхарзязвзд̇т̇а г̇аамод̇и ад̇хиббзд̇о, на сагалам̣ г̇аамакзд̇д̇ам̣. д̇ад̇т̇ааби яад̇т̇а убажааро лаб̣бхад̇и, д̇ад̇т̇а убажаароггаманз зва аабад̇д̇ийд̇и д̣̇ассзд̇и. д̇знааха ‘‘рад̇анамад̇д̇анд̇аро’’д̇иаад̣̇и. убажаароггаманан̃жзд̇т̇а убажаараб̣бханд̇арз бависанамзва ход̇и. д̇ад̇т̇а аббависид̇вааби убажаарад̇о б̣ахи ад̣̇д̇хаяож̇анаб̣бханд̇араг̇ад̇зна маг̇г̇зна г̇ажчанд̇оби маг̇г̇асса д̣̇вийсу бассзсу ад̣̇д̇хаяож̇анаб̣бханд̇араг̇ад̇ам̣ г̇аамуубажаарам̣ саб̣б̣ам̣ оггамид̇ваа г̇ажчад̇ижжзва вужжад̇и. ад̣̇д̇хаяож̇анад̇о б̣ахи г̇ад̇зна маг̇г̇зна г̇ажчанд̇о на г̇аамуубажаараг̇ан̣анааяа гаарзд̇аб̣б̣о, ад̣̇д̇хаяож̇анаг̇ан̣анааязва гаарзд̇аб̣б̣о. зван̃жа сад̇и ананд̇арасигкаабад̣̇з наавааязва г̇аамад̇ийрабассзна г̇ажчанд̇асса г̇аамуубажаараг̇ан̣анааяа аабад̇д̇и самад̇т̇ид̇аа ход̇и. на хи саггаа наавааяа г̇аамуубажаараб̣бханд̇арз бависид̇ум̣. д̇ин̣н̣ам̣ маг̇г̇аанам̣ самб̣анд̇хадтаанам̣ син̇гхаадагам̣. зд̇т̇анд̇арз сам̣вид̣̇ахид̇зд̇и зд̇т̇а на гзвалам̣ яат̇аавуд̇д̇арат̇игаад̣̇ийсу зва сам̣вид̣̇аханз д̣̇уггадам̣, анд̇араамаг̇г̇збийд̇и ад̇хиббааяо.
Dvidhā vuttappakāroti pādagamane pakkhagamaneti dvidhā vuttappakāro. Upacāro na labbhatīti yo parikkhittādigāmassa ekaleḍḍupātādiupacāro vutto, so idha na labbhati āsannattā. Etena ca antaraghareyevettha gāmoti adhippeto, na sakalaṃ gāmakhettaṃ. Tatthāpi yattha upacāro labbhati, tattha upacārokkamane eva āpattīti dasseti. Tenāha ‘‘ratanamattantaro’’tiādi. Upacārokkamanañcettha upacārabbhantare pavisanameva hoti. Tattha appavisitvāpi upacārato bahi addhayojanabbhantaragatena maggena gacchantopi maggassa dvīsu passesu addhayojanabbhantaragataṃ gāmūpacāraṃ sabbaṃ okkamitvā gacchaticceva vuccati. Addhayojanato bahi gatena maggena gacchanto na gāmūpacāragaṇanāya kāretabbo, addhayojanagaṇanāyeva kāretabbo. Evañca sati anantarasikkhāpade nāvāyeva gāmatīrapassena gacchantassa gāmūpacāragaṇanāya āpatti samatthitā hoti. Na hi sakkā nāvāya gāmūpacārabbhantare pavisituṃ. Tiṇṇaṃ maggānaṃ sambandhaṭṭhānaṃ siṅghāṭakaṃ. Etthantare saṃvidahiteti ettha na kevalaṃ yathāvuttarathikādīsu eva saṃvidahane dukkaṭaṃ, antarāmaggepīti adhippāyo.
ад̣̇д̇хаяож̇анам̣ ад̇иггаманд̇ассаад̇и асад̇и г̇аамз ад̣̇д̇хаяож̇анам̣ ад̇иггаманд̇асса. яасмин̃хи г̇аамакзд̇д̇абхууд̇зби аран̃н̃з ад̣̇д̇хаяож̇анаб̣бханд̇арз г̇аамо на ход̇и, д̇амби ид̇ха аг̇аамагам̣ аран̃н̃анд̇и ад̇хиббзд̇ам̣, на вин̃жхаадаваад̣̇аяо.
Addhayojanaṃ atikkamantassāti asati gāme addhayojanaṃ atikkamantassa. Yasmiñhi gāmakhettabhūtepi araññe addhayojanabbhantare gāmo na hoti, tampi idha agāmakaṃ araññanti adhippetaṃ, na viñjhāṭavādayo.
185. радтабхзд̣̇зд̇и радтавилобз. жаггасамаарул̣хаад̇и ирияаабат̇ажаггам̣, сагадажаггам̣ ваа самаарул̣хаа. д̣̇виннамби сам̣вид̣̇ахид̇ваа маг̇г̇аббадибад̇д̇и, ависан̇гзд̇ам̣, самаяаабхааво, анаабад̣̇аа, г̇ааманд̇ароггаманам̣ ваа ад̣̇д̇хаяож̇анаад̇иггамо ваад̇и имаанзд̇т̇а бан̃жа ан̇г̇аани. згад̇оубасамбаннаад̣̇ийхи сад̣̇д̇хим̣ сам̣вид̇хааяа г̇ажчанд̇асса бана маад̇уг̇аамасигкаабад̣̇зна аабад̇д̇и.
185.Raṭṭhabhedeti raṭṭhavilope. Cakkasamāruḷhāti iriyāpathacakkaṃ, sakaṭacakkaṃ vā samāruḷhā. Dvinnampi saṃvidahitvā maggappaṭipatti, avisaṅketaṃ, samayābhāvo, anāpadā, gāmantarokkamanaṃ vā addhayojanātikkamo vāti imānettha pañca aṅgāni. Ekatoupasampannādīhi saddhiṃ saṃvidhāya gacchantassa pana mātugāmasikkhāpadena āpatti.
сам̣вид̇хаанасигкаабад̣̇аван̣н̣анаа нидтид̇аа.
Saṃvidhānasikkhāpadavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 3. оваад̣̇аваг̇г̇о • 3. Ovādavaggo
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 7. сам̣вид̇хаанасигкаабад̣̇аван̣н̣анаа • 7. Saṃvidhānasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 7. сам̣вид̣̇аханасигкаабад̣̇аван̣н̣анаа • 7. Saṃvidahanasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 7. сам̣вид̇хаанасигкаабад̣̇аван̣н̣анаа • 7. Saṃvidhānasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 7. сам̣вид̇хаанасигкаабад̣̇ам̣ • 7. Saṃvidhānasikkhāpadaṃ
