| Library / Tipiṭaka / తిపిటక • Tipiṭaka / వజిరబుద్ధి-టీకా • Vajirabuddhi-ṭīkā |
౭. సంవిధానసిక్ఖాపదవణ్ణనా
7. Saṃvidhānasikkhāpadavaṇṇanā
౪౧౨. ‘‘తేన ఖో పన సమయేన అఞ్ఞతరా ఇత్థీ’’తి చ పాఠో అత్థి, కేసుచి నత్థి. నత్థిభావో సున్దరో ‘‘తేన ఖో సమయేనా’’తి అధికారత్తాతి కేచి. ఇధ ఏకతోఉపసమ్పన్నా, సిక్ఖమానా, సామణేరీతి ఇమాపి తిస్సో సఙ్గహం గచ్ఛన్తి. ఇమాసం పన సమయో రక్ఖతి, అయమిమాసం, మాతుగామస్స చ విసేసో.
412. ‘‘Tena kho pana samayena aññatarā itthī’’ti ca pāṭho atthi, kesuci natthi. Natthibhāvo sundaro ‘‘tena kho samayenā’’ti adhikārattāti keci. Idha ekatoupasampannā, sikkhamānā, sāmaṇerīti imāpi tisso saṅgahaṃ gacchanti. Imāsaṃ pana samayo rakkhati, ayamimāsaṃ, mātugāmassa ca viseso.
౪౧౪. అపిచేత్థ ‘‘విఞ్ఞూ పటిబలా’’తి వచనతో అప్పటిబలా అనాపత్తివత్థుకాతి ఏకే, తం న యుత్తం దుక్కటవత్థుకత్తా. ‘‘భిక్ఖు సంవిదహతి, మాతుగామో న సంవిదహతి, ఆపత్తి దుక్కటస్సా’’తి హి వుత్తం. తథా హి ఉపపరిక్ఖితబ్బం.
414. Apicettha ‘‘viññū paṭibalā’’ti vacanato appaṭibalā anāpattivatthukāti eke, taṃ na yuttaṃ dukkaṭavatthukattā. ‘‘Bhikkhu saṃvidahati, mātugāmo na saṃvidahati, āpatti dukkaṭassā’’ti hi vuttaṃ. Tathā hi upaparikkhitabbaṃ.
సంవిధానసిక్ఖాపదవణ్ణనా నిట్ఠితా.
Saṃvidhānasikkhāpadavaṇṇanā niṭṭhitā.
Related texts:
తిపిటక (మూల) • Tipiṭaka (Mūla) / వినయపిటక • Vinayapiṭaka / మహావిభఙ్గ • Mahāvibhaṅga / ౭. సప్పాణకవగ్గో • 7. Sappāṇakavaggo
అట్ఠకథా • Aṭṭhakathā / వినయపిటక (అట్ఠకథా) • Vinayapiṭaka (aṭṭhakathā) / మహావిభఙ్గ-అట్ఠకథా • Mahāvibhaṅga-aṭṭhakathā / ౭. సంవిధానసిక్ఖాపదవణ్ణనా • 7. Saṃvidhānasikkhāpadavaṇṇanā
టీకా • Tīkā / వినయపిటక (టీకా) • Vinayapiṭaka (ṭīkā) / సారత్థదీపనీ-టీకా • Sāratthadīpanī-ṭīkā / ౬. థేయ్యసత్థసిక్ఖాపదవణ్ణనా • 6. Theyyasatthasikkhāpadavaṇṇanā
టీకా • Tīkā / వినయపిటక (టీకా) • Vinayapiṭaka (ṭīkā) / విమతివినోదనీ-టీకా • Vimativinodanī-ṭīkā / ౬. థేయ్యసత్థసిక్ఖాపదవణ్ణనా • 6. Theyyasatthasikkhāpadavaṇṇanā
టీకా • Tīkā / వినయపిటక (టీకా) • Vinayapiṭaka (ṭīkā) / పాచిత్యాదియోజనాపాళి • Pācityādiyojanāpāḷi / ౭. సంవిధానసిక్ఖాపదం • 7. Saṃvidhānasikkhāpadaṃ
