| Library / Tipiṭaka / ਤਿਪਿਟਕ • Tipiṭaka / ਮਹਾવਿਭਙ੍ਗ-ਅਟ੍ਠਕਥਾ • Mahāvibhaṅga-aṭṭhakathā |
੭. ਸਂવਿਧਾਨਸਿਕ੍ਖਾਪਦવਣ੍ਣਨਾ
7. Saṃvidhānasikkhāpadavaṇṇanā
੧੮੧. ਸਤ੍ਤਮਸਿਕ੍ਖਾਪਦੇ – ਪਚ੍ਛਾ ਗਚ੍ਛਨ੍ਤੀਨਂ ਚੋਰਾ ਅਚ੍ਛਿਨ੍ਦਿਂਸੂਤਿ ਪਚ੍ਛਾ ਗਚ੍ਛਨ੍ਤੀਨਂ ਪਤ੍ਤਚੀવਰਂ ਚੋਰਾ ਹਰਿਂਸੁ। ਦੂਸੇਸੁਨ੍ਤਿ ਤਾ ਭਿਕ੍ਖੁਨਿਯੋ ਚੋਰਾ ਦੂਸਯਿਂਸੁ, ਸੀਲવਿਨਾਸਂ ਪਾਪਯਿਂਸੂਤਿ ਅਤ੍ਥੋ ।
181. Sattamasikkhāpade – pacchā gacchantīnaṃ corā acchindiṃsūti pacchā gacchantīnaṃ pattacīvaraṃ corā hariṃsu. Dūsesunti tā bhikkhuniyo corā dūsayiṃsu, sīlavināsaṃ pāpayiṃsūti attho .
੧੮੨-੩. ਸਂવਿਧਾਯਾਤਿ ਸਂવਿਦਹਿਤ੍વਾ, ਗਮਨਕਾਲੇ ਸਙ੍ਕੇਤਂ ਕਤ੍વਾਤਿ ਅਤ੍ਥੋ। ਕੁਕ੍ਕੁਟਸਮ੍ਪਾਦੇਤਿ ਏਤ੍ਥ ਯਸ੍ਮਾ ਗਾਮਾ ਨਿਕ੍ਖਮਿਤ੍વਾ ਕੁਕ੍ਕੁਟੋ ਪਦਸਾવ ਅਞ੍ਞਂ ਗਾਮਂ ਗਚ੍ਛਤਿ, ਅਯਂ ਕੁਕ੍ਕੁਟਸਮ੍ਪਾਦੋਤਿ વੁਚ੍ਚਤਿ। ਤਤ੍ਰਾਯਂ વਚਨਤ੍ਥੋ – ਸਮ੍ਪਦਨ੍ਤਿ ਏਤ੍ਥਾਤਿ ਸਮ੍ਪਾਦੋ। ਕੇ ਸਮ੍ਪਦਨ੍ਤਿ? ਕੁਕ੍ਕੁਟਾ। ਕੁਕ੍ਕੁਟਾਨਂ ਸਮ੍ਪਾਦੋ ਕੁਕ੍ਕੁਟਸਮ੍ਪਾਦੋ। ਅਥ વਾ ਸਮ੍ਪਾਦੋਤਿ ਗਮਨਂ, ਕੁਕ੍ਕੁਟਾਨਂ ਸਮ੍ਪਾਦੋ ਏਤ੍ਥ ਅਤ੍ਥੀਤਿਪਿ ਕੁਕ੍ਕੁਟਸਮ੍ਪਾਦੋ। ਕੁਕ੍ਕੁਟਸਮ੍ਪਾਤੇ ਇਤਿਪਿ ਪਾਠੋ, ਤਤ੍ਥ ਯਸ੍ਸ ਗਾਮਸ੍ਸ ਗੇਹਚ੍ਛਦਨਪਿਟ੍ਠਿਤੋ ਕੁਕ੍ਕੁਟੋ ਉਪ੍ਪਤਿਤ੍વਾ ਅਞ੍ਞਸ੍ਸ ਗੇਹਚ੍ਛਦਨਪਿਟ੍ਠਿਯਂ ਪਤਤਿ, ਅਯਂ ਕੁਕ੍ਕੁਟਸਮ੍ਪਾਤੋਤਿ વੁਚ੍ਚਤਿ। વਚਨਤ੍ਥੋ ਪਨੇਤ੍ਥ વੁਤ੍ਤਨਯੇਨੇવ વੇਦਿਤਬ੍ਬੋ। ਦ੍વਿਧਾ વੁਤ੍ਤਪ੍ਪਕਾਰੋਪਿ ਚੇਸ ਗਾਮੋ ਅਚ੍ਚਾਸਨ੍ਨੋ ਹੋਤਿ, ਉਪਚਾਰੋ ਨ ਲਬ੍ਭਤਿ। ਯਸ੍ਮਿਂ ਪਨ ਗਾਮੇ ਪਚ੍ਚੂਸੇ વਸ੍ਸਨ੍ਤਸ੍ਸ ਕੁਕ੍ਕੁਟਸ੍ਸ ਸਦ੍ਦੋ ਅਨਨ੍ਤਰੇ ਗਾਮੇ ਸੁਯ੍ਯਤਿ, ਤਾਦਿਸੇਹਿ ਗਾਮੇਹਿ ਸਮ੍ਪੁਣ੍ਣਰਟ੍ਠੇ ਗਾਮਨ੍ਤਰੇ ਗਾਮਨ੍ਤਰੇ ਪਾਚਿਤ੍ਤਿਯਨ੍ਤਿ ਅਟ੍ਠਕਥਾਯਂ વੁਤ੍ਤਂ। ਕਿਞ੍ਚਾਪਿ વੁਤ੍ਤਂ, ‘‘ਗਾਮਨ੍ਤਰੇ ਗਾਮਨ੍ਤਰੇ ਆਪਤ੍ਤਿ ਪਾਚਿਤ੍ਤਿਯਸ੍ਸਾ’’ਤਿ વਚਨਤੋ ਪਨ ਸਚੇਪਿ ਰਤਨਮਤ੍ਤਨ੍ਤਰੋ ਗਾਮੋ ਹੋਤਿ, ਯੋ ਤਸ੍ਸ ਮਨੁਸ੍ਸੇਹਿ ਠਪਿਤਉਪਚਾਰੋ, ਤਂ ਓਕ੍ਕਮਨ੍ਤਸ੍ਸ ਆਪਤ੍ਤਿਯੇવ।
182-3.Saṃvidhāyāti saṃvidahitvā, gamanakāle saṅketaṃ katvāti attho. Kukkuṭasampādeti ettha yasmā gāmā nikkhamitvā kukkuṭo padasāva aññaṃ gāmaṃ gacchati, ayaṃ kukkuṭasampādoti vuccati. Tatrāyaṃ vacanattho – sampadanti etthāti sampādo. Ke sampadanti? Kukkuṭā. Kukkuṭānaṃ sampādo kukkuṭasampādo. Atha vā sampādoti gamanaṃ, kukkuṭānaṃ sampādo ettha atthītipi kukkuṭasampādo. Kukkuṭasampāte itipi pāṭho, tattha yassa gāmassa gehacchadanapiṭṭhito kukkuṭo uppatitvā aññassa gehacchadanapiṭṭhiyaṃ patati, ayaṃ kukkuṭasampātoti vuccati. Vacanattho panettha vuttanayeneva veditabbo. Dvidhā vuttappakāropi cesa gāmo accāsanno hoti, upacāro na labbhati. Yasmiṃ pana gāme paccūse vassantassa kukkuṭassa saddo anantare gāme suyyati, tādisehi gāmehi sampuṇṇaraṭṭhe gāmantare gāmantare pācittiyanti aṭṭhakathāyaṃ vuttaṃ. Kiñcāpi vuttaṃ, ‘‘gāmantare gāmantare āpatti pācittiyassā’’ti vacanato pana sacepi ratanamattantaro gāmo hoti, yo tassa manussehi ṭhapitaupacāro, taṃ okkamantassa āpattiyeva.
ਤਤ੍ਰਾਯਂ ਆਪਤ੍ਤਿવਿਨਿਚ੍ਛਯੋ – ਸਂવਿਧਾਨਕਾਲੇ ਹਿ ਸਚੇ ਉਭੋਪਿ ਭਿਕ੍ਖੁਨੁਪਸ੍ਸਯੇ વਾ ਅਨ੍ਤਰਾਰਾਮੇ વਾ ਆਸਨਸਾਲਾਯ વਾ ਤਿਤ੍ਥਿਯਸੇਯ੍ਯਾਯ વਾ ਠਤ੍વਾ ਸਂવਿਦਹਨ੍ਤਿ, ਅਨਾਪਤ੍ਤਿ ਕਪ੍ਪਿਯਭੂਮਿ ਕਿਰਾਯਂ। ਤਸ੍ਮਾ ਏਤ੍ਥ ਸਂવਿਦਹਨਪਚ੍ਚਯਾ ਦੁਕ੍ਕਟਾਪਤ੍ਤਿਂ ਨ વਦਨ੍ਤਿ, ਗਚ੍ਛਨ੍ਤਸ੍ਸ ਯਥਾવਤ੍ਥੁਕਮੇવ। ਸਚੇ ਪਨ ਅਨ੍ਤੋਗਾਮੇ ਭਿਕ੍ਖੁਨੁਪਸ੍ਸਯਦ੍વਾਰੇ ਰਥਿਕਾਯ ਅਞ੍ਞੇਸੁ વਾ ਚਤੁਕ੍ਕਸਿਙ੍ਘਾਟਕਹਤ੍ਥਿਸਾਲਾਦੀਸੁ ਸਂવਿਦਹਨ੍ਤਿ, ਭਿਕ੍ਖੁਨੋ ਆਪਤ੍ਤਿ ਦੁਕ੍ਕਟਸ੍ਸ। ਏવਂ ਸਂવਿਦਹਿਤ੍વਾ ਗਾਮਤੋ ਨਿਕ੍ਖਮਨ੍ਤਿ, ਨਿਕ੍ਖਮਨੇ ਅਨਾਪਤ੍ਤਿ, ਅਨਨ੍ਤਰਗਾਮਸ੍ਸ ਉਪਚਾਰੋਕ੍ਕਮਨੇ ਪਨ ਭਿਕ੍ਖੁਨੋ ਪਾਚਿਤ੍ਤਿਯਂ। ਤਤ੍ਰਾਪਿ ‘‘ਪਠਮਪਾਦੇ ਦੁਕ੍ਕਟਂ, ਦੁਤਿਯਪਾਦੇ ਪਾਚਿਤ੍ਤਿਯ’’ਨ੍ਤਿ ਮਹਾਪਚ੍ਚਰਿਯਂ વੁਤ੍ਤਂ। ਗਾਮਤੋ ਨਿਕ੍ਖਮਿਤ੍વਾ ਪਨ ਯਾવ ਅਨਨ੍ਤਰਗਾਮਸ੍ਸ ਉਪਚਾਰਂ ਨ ਓਕ੍ਕਮਨ੍ਤਿ , ਏਤ੍ਥਨ੍ਤਰੇ ਸਂવਿਦਹਿਤੇਪਿ ਭਿਕ੍ਖੁਨੋ ਦੁਕ੍ਕਟਂ, ਅਨਨ੍ਤਰਗਾਮਸ੍ਸ ਉਪਚਾਰੋਕ੍ਕਮਨੇ ਪੁਰਿਮਨਯੇਨੇવ ਆਪਤ੍ਤਿ। ਸਚੇ ਦੂਰਂ ਗਨ੍ਤੁਕਾਮਾ ਹੋਨ੍ਤਿ, ਗਾਮੂਪਚਾਰਗਣਨਾਯ ਓਕ੍ਕਮਨੇ ਓਕ੍ਕਮਨੇ ਆਪਤ੍ਤਿ, ਤਸ੍ਸ ਤਸ੍ਸ ਪਨ ਗਾਮਸ੍ਸ ਅਤਿਕ੍ਕਮਨੇ ਅਨਾਪਤ੍ਤਿ। ਸਚੇ ਪਨ ਭਿਕ੍ਖੁਨੀ ‘‘ਅਸੁਕਂ ਨਾਮ ਗਾਮਂ ਗਮਿਸ੍ਸਾਮੀ’’ਤਿ ਉਪਸ੍ਸਯਤੋ ਨਿਕ੍ਖਮਤਿ, ਭਿਕ੍ਖੁਪਿ ਤਮੇવ ਗਾਮਂ ਸਨ੍ਧਾਯ ‘‘ਅਸੁਕਂ ਨਾਮ ਗਾਮਂ ਗਮਿਸ੍ਸਾਮੀ’’ਤਿ વਿਹਾਰਤੋ ਨਿਕ੍ਖਮਤਿ। ਅਥ ਦ੍વੇਪਿ ਗਾਮਦ੍વਾਰੇ ਸਮਾਗਨ੍ਤ੍વਾ ‘‘ਤੁਮ੍ਹੇ ਕੁਹਿਂ ਗਚ੍ਛਥ, ਅਸੁਕਂ ਨਾਮ ਗਾਮਂ ਤੁਮ੍ਹੇ ਕੁਹਿਨ੍ਤਿ, ਮਯਮ੍ਪਿ ਤਤ੍ਥੇવਾ’’ਤਿ વਤ੍વਾ ‘‘ਏਹਿ ਦਾਨਿ, ਗਚ੍ਛਾਮਾ’’ਤਿ ਸਂવਿਧਾਯ ਗਚ੍ਛਨ੍ਤਿ, ਅਨਾਪਤ੍ਤਿ। ਕਸ੍ਮਾ? ਪੁਬ੍ਬਮੇવ ਗਮਿਸ੍ਸਾਮਾਤਿ ਨਿਕ੍ਖਨ੍ਤਤ੍ਤਾਤਿ ਮਹਾਪਚ੍ਚਰਿਯਂ વੁਤ੍ਤਂ। ਤਂ ਨੇવ ਪਾਲ਼ਿਯਾ ਨ ਸੇਸਅਟ੍ਠਕਥਾਯ ਸਮੇਤਿ।
Tatrāyaṃ āpattivinicchayo – saṃvidhānakāle hi sace ubhopi bhikkhunupassaye vā antarārāme vā āsanasālāya vā titthiyaseyyāya vā ṭhatvā saṃvidahanti, anāpatti kappiyabhūmi kirāyaṃ. Tasmā ettha saṃvidahanapaccayā dukkaṭāpattiṃ na vadanti, gacchantassa yathāvatthukameva. Sace pana antogāme bhikkhunupassayadvāre rathikāya aññesu vā catukkasiṅghāṭakahatthisālādīsu saṃvidahanti, bhikkhuno āpatti dukkaṭassa. Evaṃ saṃvidahitvā gāmato nikkhamanti, nikkhamane anāpatti, anantaragāmassa upacārokkamane pana bhikkhuno pācittiyaṃ. Tatrāpi ‘‘paṭhamapāde dukkaṭaṃ, dutiyapāde pācittiya’’nti mahāpaccariyaṃ vuttaṃ. Gāmato nikkhamitvā pana yāva anantaragāmassa upacāraṃ na okkamanti , etthantare saṃvidahitepi bhikkhuno dukkaṭaṃ, anantaragāmassa upacārokkamane purimanayeneva āpatti. Sace dūraṃ gantukāmā honti, gāmūpacāragaṇanāya okkamane okkamane āpatti, tassa tassa pana gāmassa atikkamane anāpatti. Sace pana bhikkhunī ‘‘asukaṃ nāma gāmaṃ gamissāmī’’ti upassayato nikkhamati, bhikkhupi tameva gāmaṃ sandhāya ‘‘asukaṃ nāma gāmaṃ gamissāmī’’ti vihārato nikkhamati. Atha dvepi gāmadvāre samāgantvā ‘‘tumhe kuhiṃ gacchatha, asukaṃ nāma gāmaṃ tumhe kuhinti, mayampi tatthevā’’ti vatvā ‘‘ehi dāni, gacchāmā’’ti saṃvidhāya gacchanti, anāpatti. Kasmā? Pubbameva gamissāmāti nikkhantattāti mahāpaccariyaṃ vuttaṃ. Taṃ neva pāḷiyā na sesaaṭṭhakathāya sameti.
ਅਦ੍ਧਯੋਜਨੇ ਅਦ੍ਧਯੋਜਨੇਤਿ ਏਕਮੇਕਂ ਅਦ੍ਧਯੋਜਨਂ ਅਤਿਕ੍ਕਮਨ੍ਤਸ੍ਸ ਇਦਾਨਿ ਅਤਿਕ੍ਕਮਿਸ੍ਸਤੀਤਿ ਪਠਮਪਾਦੇ ਦੁਕ੍ਕਟਂ, ਦੁਤਿਯਪਾਦੇ ਪਾਚਿਤ੍ਤਿਯਂ। ਇਮਸ੍ਮਿਞ੍ਹਿ ਨਯੇ ਅਤਿਕ੍ਕਮਨੇ ਆਪਤ੍ਤਿ, ਓਕ੍ਕਮਨੇ ਅਨਾਪਤ੍ਤਿ।
Addhayojane addhayojaneti ekamekaṃ addhayojanaṃ atikkamantassa idāni atikkamissatīti paṭhamapāde dukkaṭaṃ, dutiyapāde pācittiyaṃ. Imasmiñhi naye atikkamane āpatti, okkamane anāpatti.
੧੮੪. ਭਿਕ੍ਖੁ ਸਂવਿਦਹਤੀਤਿ ਨਗਰਦ੍વਾਰੇ વਾ ਰਥਿਕਾਯ વਾ ਭਿਕ੍ਖੁਨਿਂ ਦਿਸ੍વਾ ‘‘ਅਸੁਕਂ ਗਾਮਂ ਨਾਮ ਗਤਪੁਬ੍ਬਤ੍ਥਾ’’ਤਿ વਦਤਿ, ‘‘ਨਾਮ੍ਹਿ ਅਯ੍ਯ ਗਤਪੁਬ੍ਬਾ’’ਤਿ ‘‘ਏਹਿ ਗਚ੍ਛਾਮਾ’’ਤਿ વਾ ‘‘ਸ੍વੇ ਅਹਂ ਗਮਿਸ੍ਸਾਮਿ, ਤ੍વਮ੍ਪਿ ਆਗਚ੍ਛੇਯ੍ਯਾਸੀ’’ਤਿ વਾ વਦਤਿ। ਭਿਕ੍ਖੁਨੀ ਸਂવਿਦਹਤੀਤਿ ਗਾਮਨ੍ਤਰੇ ਚੇਤਿਯવਨ੍ਦਨਤ੍ਥਂ ਗਾਮਤੋ ਨਿਕ੍ਖਮਨ੍ਤਂ ਭਿਕ੍ਖੁਂ ਦਿਸ੍વਾ ‘‘ਅਯ੍ਯ ਕੁਹਿਂ ਗਚ੍ਛਥਾ’’ਤਿ વਦਤਿ। ‘‘ਅਸੁਕਂ ਨਾਮ ਗਾਮਂ ਚੇਤਿਯવਨ੍ਦਨਤ੍ਥ’’ਨ੍ਤਿ। ‘‘ਅਹਮ੍ਪਿ ਅਯ੍ਯ ਆਗਚ੍ਛਾਮੀ’’ਤਿ ਏવਂ ਭਿਕ੍ਖੁਨੀਯੇવ ਸਂવਿਦਹਤਿ, ਨ ਭਿਕ੍ਖੁ।
184.Bhikkhu saṃvidahatīti nagaradvāre vā rathikāya vā bhikkhuniṃ disvā ‘‘asukaṃ gāmaṃ nāma gatapubbatthā’’ti vadati, ‘‘nāmhi ayya gatapubbā’’ti ‘‘ehi gacchāmā’’ti vā ‘‘sve ahaṃ gamissāmi, tvampi āgaccheyyāsī’’ti vā vadati. Bhikkhunī saṃvidahatīti gāmantare cetiyavandanatthaṃ gāmato nikkhamantaṃ bhikkhuṃ disvā ‘‘ayya kuhiṃ gacchathā’’ti vadati. ‘‘Asukaṃ nāma gāmaṃ cetiyavandanattha’’nti. ‘‘Ahampi ayya āgacchāmī’’ti evaṃ bhikkhunīyeva saṃvidahati, na bhikkhu.
੧੮੫. વਿਸਙ੍ਕੇਤੇਨਾਤਿ ਏਤ੍ਥ ‘‘ਪੁਰੇਭਤ੍ਤਂ ਗਚ੍ਛਿਸ੍ਸਾਮਾ’’ਤਿ વਤ੍વਾ ਪਚ੍ਛਾਭਤ੍ਤਂ ਗਚ੍ਛਨ੍ਤਿ, ‘‘ਅਜ੍ਜ વਾ ਗਮਿਸ੍ਸਾਮਾ’’ਤਿ વਤ੍વਾ ਸ੍વੇ ਗਚ੍ਛਨ੍ਤਿ। ਏવਂ ਕਾਲવਿਸਙ੍ਕੇਤੇਯੇવ ਅਨਾਪਤ੍ਤਿ, ਦ੍વਾਰવਿਸਙ੍ਕੇਤੇ ਪਨ ਮਗ੍ਗવਿਸਙ੍ਕੇਤੇ વਾ ਸਤਿਪਿ ਆਪਤ੍ਤਿਯੇવ। ਆਪਦਾਸੂਤਿ ਰਟ੍ਠਭੇਦੇ ਚਕ੍ਕਸਮਾਰੁਲ਼੍ਹਾ ਜਨਪਦਾ ਪਰਿਯਾਯਨ੍ਤਿ ਏવਰੂਪਾਸੁ ਆਪਦਾਸੁ ਅਨਾਪਤ੍ਤਿ। ਸੇਸਂ ਉਤ੍ਤਾਨਮੇવਾਤਿ।
185.Visaṅketenāti ettha ‘‘purebhattaṃ gacchissāmā’’ti vatvā pacchābhattaṃ gacchanti, ‘‘ajja vā gamissāmā’’ti vatvā sve gacchanti. Evaṃ kālavisaṅketeyeva anāpatti, dvāravisaṅkete pana maggavisaṅkete vā satipi āpattiyeva. Āpadāsūti raṭṭhabhede cakkasamāruḷhā janapadā pariyāyanti evarūpāsu āpadāsu anāpatti. Sesaṃ uttānamevāti.
ਚਤੁਸਮੁਟ੍ਠਾਨਂ – ਕਾਯਤੋ ਕਾਯવਾਚਤੋ ਕਾਯਚਿਤ੍ਤਤੋ ਕਾਯવਾਚਾਚਿਤ੍ਤਤੋ ਚ ਸਮੁਟ੍ਠਾਤਿ, ਕਿਰਿਯਂ, ਨੋਸਞ੍ਞਾવਿਮੋਕ੍ਖਂ, ਅਚਿਤ੍ਤਕਂ, ਪਣ੍ਣਤ੍ਤਿવਜ੍ਜਂ, ਕਾਯਕਮ੍ਮਂ, વਚੀਕਮ੍ਮਂ, ਤਿਚਿਤ੍ਤਂ, ਤਿવੇਦਨਨ੍ਤਿ।
Catusamuṭṭhānaṃ – kāyato kāyavācato kāyacittato kāyavācācittato ca samuṭṭhāti, kiriyaṃ, nosaññāvimokkhaṃ, acittakaṃ, paṇṇattivajjaṃ, kāyakammaṃ, vacīkammaṃ, ticittaṃ, tivedananti.
ਸਂવਿਧਾਨਸਿਕ੍ਖਾਪਦਂ ਸਤ੍ਤਮਂ।
Saṃvidhānasikkhāpadaṃ sattamaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਿਭਙ੍ਗ • Mahāvibhaṅga / ੩. ਓવਾਦવਗ੍ਗੋ • 3. Ovādavaggo
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ੭. ਸਂવਿਦਹਨਸਿਕ੍ਖਾਪਦવਣ੍ਣਨਾ • 7. Saṃvidahanasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ੭. ਸਂવਿਧਾਨਸਿਕ੍ਖਾਪਦવਣ੍ਣਨਾ • 7. Saṃvidhānasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ੭. ਸਂવਿਧਾਨਸਿਕ੍ਖਾਪਦવਣ੍ਣਨਾ • 7. Saṃvidhānasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੭. ਸਂવਿਧਾਨਸਿਕ੍ਖਾਪਦਂ • 7. Saṃvidhānasikkhāpadaṃ
