| Library / Tipiṭaka / ਤਿਪਿਟਕ • Tipiṭaka / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā |
੭. ਸਂવਿਧਾਨਸਿਕ੍ਖਾਪਦવਣ੍ਣਨਾ
7. Saṃvidhānasikkhāpadavaṇṇanā
੧੮੧. ਤਾ ਭਿਕ੍ਖੁਨਿਯੋ ਦੂਸਯਿਂਸੂਤਿ વਿਪਰਿਣਾਮੋ ਕਾਤਬ੍ਬੋ।
181. Tā bhikkhuniyo dūsayiṃsūti vipariṇāmo kātabbo.
੧੮੨-੪. ਸਮ੍ਪਦਨ੍ਤੀਤਿ ਪਦਸਾ ਗਚ੍ਛਨ੍ਤਿ। વੁਤ੍ਤਨਯੇਨੇવਾਤਿ ‘‘ਸਮ੍ਪਤਨ੍ਤਿ ਏਤ੍ਥਾਤਿ ਸਮ੍ਪਾਤੋ’’ਤਿਆਦਿਨਾ। ਪਦਗਤੇ ਉਪਚਾਰੋ ਨ ਲਬ੍ਭਤਿ, ਅਚ੍ਚਾਸਨ੍ਨਤ੍ਤਾ ਮਿਸ੍ਸਂ વਿਯ ਹੋਤੀਤਿ। ਕੁਕ੍ਕੁਟવਸ੍ਸਿਤਪਰਿਚ੍ਛਿਨ੍ਨੋ ਮਹਾਅਟ੍ਠਕਥਾਯਂ। ‘‘ਤਮ੍ਪਿ વੋਹਾਰੇਨਾ’’ਤਿ ਲਿਖਿਤਂ। ‘‘ਯੇਭੁਯ੍ਯੇਨ ਤਥਾ ਸਨ੍ਨਿવੇਸੋ ਹੋਤੀਤਿ ਕਤ੍વਾ ਅਟ੍ਠਕਥਾਯਂ વੁਤ੍ਤਂ, ਤਸ੍ਮਾ ਨ ਪਮਾਦਲੇਖੋ’’ਤਿ ਚ, ‘‘ਉਕ੍ਕਟ੍ਠਪਰਿਚ੍ਛੇਦੇਨ વੁਤ੍ਤਂ ਅਟ੍ਠਕਥਾਯਂ, ਤਤੋ ਉਦ੍ਧਂ ਅਦ੍ਧਯੋਜਨਲਕ੍ਖਣਸਮ੍ਪਤ੍ਤਂ ਨਾਮ ਹੋਤੀਤਿ ਗਹੇਤਬ੍ਬ’’ਨ੍ਤਿ ਚ વੁਤ੍ਤਂ। ‘‘ਕਪ੍ਪਿਯਭੂਮਿ ਕਿਰਾਯਂ…ਪੇ॰… ਨ વਦਨ੍ਤੀ’’ਤਿ વੁਤ੍ਤਂ। ਦੁਦ੍ਦਸਞ੍ਹੇਤ੍ਥ ਕਾਰਣਂ। ਕਤਰਂ ਪਨ ਤਨ੍ਤਿ? ‘‘ਗਚ੍ਛਾਮਾਤਿ ਸਂવਿਦਹਤਿ, ਆਪਤ੍ਤਿ ਦੁਕ੍ਕਟਸ੍ਸਾ’’ਤਿ વੁਤ੍ਤਂ। ਤਤ੍ਥ ‘‘ਗਚ੍ਛਾਮਾ’’ਤਿ વਤ੍ਤਮਾਨવਚਨਨ੍ਤਞ੍ਚ, ਅਮਗ੍ਗੇ ਭਿਕ੍ਖੁਨੁਪਸ੍ਸਯਾਦਿਮ੍ਹਿ ਨ ਸਮ੍ਭવਤਿਯੇવ ਮਨੁਸ੍ਸਾਨਂ ਅਨ੍ਤਰਘਰਾਦਿਮ੍ਹਿ ਮਗ੍ਗਸਙ੍ਖੇਪਗਮਨਤੋ, ਉਚ੍ਚਾਸਯਨਾਦਿਉਪ੍ਪਤ੍ਤਿਟ੍ਠਾਨਤ੍ਤਾ ਚ। ਨ ਤਿਤ੍ਥਿਯਸੇਯ੍ਯਾਯ વਾ ਪਬ੍ਬਜਿਤਾવਾਸਤ੍ਤਾ। ਦ੍વਾਰੇਤਿ ਸਮੀਪਤ੍ਥੇ ਭੁਮ੍ਮਂ, ਤਸ੍ਮਾ ਤਂ ਦਸ੍ਸੇਤੁਂ ਪੁਨ ‘‘ਰਥਿਕਾਯਾ’’ਤਿ ਆਹ। ਸੇਸਅਟ੍ਠਕਥਾਯਂ ‘‘ਏਤ੍ਥਨ੍ਤਰੇ ਸਂવਿਦਹਿਤੇਪਿ ਭਿਕ੍ਖੁਨੋ ਦੁਕ੍ਕਟ’’ਨ੍ਤਿ ਆਗਤਤ੍ਤਾ ਨ ਸਮੇਤਿ। ‘‘ਗਾਮਨ੍ਤਰੇ’’ਤਿ વਚਨਤੋ ਅਞ੍ਞਗਾਮਸ੍ਸ ਉਪਚਾਰੋਕ੍ਕਮਨੇ ਏવ ਆਪਤ੍ਤਿ। ‘‘ਅਦ੍ਧਯੋਜਨੇ’’ਤਿ વਚਨਤੋ ਅਤਿਕ੍ਕਮਨੇਯੇવ ਯੁਤ੍ਤਂ।
182-4.Sampadantīti padasā gacchanti. Vuttanayenevāti ‘‘sampatanti etthāti sampāto’’tiādinā. Padagate upacāro na labbhati, accāsannattā missaṃ viya hotīti. Kukkuṭavassitaparicchinno mahāaṭṭhakathāyaṃ. ‘‘Tampi vohārenā’’ti likhitaṃ. ‘‘Yebhuyyena tathā sanniveso hotīti katvā aṭṭhakathāyaṃ vuttaṃ, tasmā na pamādalekho’’ti ca, ‘‘ukkaṭṭhaparicchedena vuttaṃ aṭṭhakathāyaṃ, tato uddhaṃ addhayojanalakkhaṇasampattaṃ nāma hotīti gahetabba’’nti ca vuttaṃ. ‘‘Kappiyabhūmi kirāyaṃ…pe… na vadantī’’ti vuttaṃ. Duddasañhettha kāraṇaṃ. Kataraṃ pana tanti? ‘‘Gacchāmāti saṃvidahati, āpatti dukkaṭassā’’ti vuttaṃ. Tattha ‘‘gacchāmā’’ti vattamānavacanantañca, amagge bhikkhunupassayādimhi na sambhavatiyeva manussānaṃ antaragharādimhi maggasaṅkhepagamanato, uccāsayanādiuppattiṭṭhānattā ca. Na titthiyaseyyāya vā pabbajitāvāsattā. Dvāreti samīpatthe bhummaṃ, tasmā taṃ dassetuṃ puna ‘‘rathikāyā’’ti āha. Sesaaṭṭhakathāyaṃ ‘‘etthantare saṃvidahitepi bhikkhuno dukkaṭa’’nti āgatattā na sameti. ‘‘Gāmantare’’ti vacanato aññagāmassa upacārokkamane eva āpatti. ‘‘Addhayojane’’ti vacanato atikkamaneyeva yuttaṃ.
੧੮੫. ਰਟ੍ਠਭੇਦੇਤਿ વਿਲੋਪੇ। ਪੋਰਾਣਗਣ੍ਠਿਪਦੇ ‘‘ਤਯੋਪਿ ਸਙ੍ਕੇਤਾ ਕਾਲਦਿવਸਮਗ੍ਗવਸੇਨ, ਤਤ੍ਥ ਪਚ੍ਛਿਮੇਨੇવ ਆਪਤ੍ਤੀ’’ਤਿ વੁਤ੍ਤਂ। ‘‘ਇਮਿਨਾ ਮਗ੍ਗੇਨਾ’’ਤਿ વਿਸ੍ਸਜ੍ਜੇਤ੍વਾ ਅਞ੍ਞੇਨ ਗਚ੍ਛਨ੍ਤਿ ਚੇ, ਆਪਤ੍ਤਿਯੇવਾਤਿ ਅਤ੍ਥੋ।
185.Raṭṭhabhedeti vilope. Porāṇagaṇṭhipade ‘‘tayopi saṅketā kāladivasamaggavasena, tattha pacchimeneva āpattī’’ti vuttaṃ. ‘‘Iminā maggenā’’ti vissajjetvā aññena gacchanti ce, āpattiyevāti attho.
ਸਂવਿਧਾਨਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Saṃvidhānasikkhāpadavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਿਭਙ੍ਗ • Mahāvibhaṅga / ੩. ਓવਾਦવਗ੍ਗੋ • 3. Ovādavaggo
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਿਭਙ੍ਗ-ਅਟ੍ਠਕਥਾ • Mahāvibhaṅga-aṭṭhakathā / ੭. ਸਂવਿਧਾਨਸਿਕ੍ਖਾਪਦવਣ੍ਣਨਾ • 7. Saṃvidhānasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ੭. ਸਂવਿਦਹਨਸਿਕ੍ਖਾਪਦવਣ੍ਣਨਾ • 7. Saṃvidahanasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ੭. ਸਂવਿਧਾਨਸਿਕ੍ਖਾਪਦવਣ੍ਣਨਾ • 7. Saṃvidhānasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੭. ਸਂવਿਧਾਨਸਿਕ੍ਖਾਪਦਂ • 7. Saṃvidhānasikkhāpadaṃ
