| Library / Tipiṭaka / ਤਿਪਿਟਕ • Tipiṭaka / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā |
੭. ਸਂવਿਧਾਨਸਿਕ੍ਖਾਪਦવਣ੍ਣਨਾ
7. Saṃvidhānasikkhāpadavaṇṇanā
੧੮੩. ਸਤ੍ਤਮੇ ਪਾਲ਼ਿਯਂ ਗਚ੍ਛਾਮ ਭਗਿਨਿ ਗਚ੍ਛਾਮਾਯ੍ਯਾਤਿ ਭਿਕ੍ਖੁਪੁਬ੍ਬਕਂ ਸਂવਿਧਾਨਂ, ਇਤਰਂ ਭਿਕ੍ਖੁਨਿਪੁਬ੍ਬਕਂ । ਏਕਦ੍ਧਾਨਮਗ੍ਗਨ੍ਤਿ ਏਕਤੋ ਅਦ੍ਧਾਨਸਙ੍ਖਾਤਂ ਮਗ੍ਗਂ। ਹਿਯ੍ਯੋਤਿ ਸੁવੇ। ਪਰੇਤਿ ਤਤਿਯੇ ਦਿવਸੇ।
183. Sattame pāḷiyaṃ gacchāma bhagini gacchāmāyyāti bhikkhupubbakaṃ saṃvidhānaṃ, itaraṃ bhikkhunipubbakaṃ . Ekaddhānamagganti ekato addhānasaṅkhātaṃ maggaṃ. Hiyyoti suve. Pareti tatiye divase.
ਦ੍વਿਧਾ વੁਤ੍ਤਪ੍ਪਕਾਰੋਤਿ ਪਾਦਗਮਨੇ ਪਕ੍ਖਗਮਨੇਤਿ ਦ੍વਿਧਾ વੁਤ੍ਤਪ੍ਪਕਾਰੋ। ਉਪਚਾਰੋ ਨ ਲਬ੍ਭਤੀਤਿ ਯੋ ਪਰਿਕ੍ਖਿਤ੍ਤਾਦਿਗਾਮਸ੍ਸ ਏਕਲੇਡ੍ਡੁਪਾਤਾਦਿਉਪਚਾਰੋ વੁਤ੍ਤੋ, ਸੋ ਇਧ ਨ ਲਬ੍ਭਤਿ ਆਸਨ੍ਨਤ੍ਤਾ। ਏਤੇਨ ਚ ਅਨ੍ਤਰਘਰੇਯੇવੇਤ੍ਥ ਗਾਮੋਤਿ ਅਧਿਪ੍ਪੇਤੋ, ਨ ਸਕਲਂ ਗਾਮਖੇਤ੍ਤਂ। ਤਤ੍ਥਾਪਿ ਯਤ੍ਥ ਉਪਚਾਰੋ ਲਬ੍ਭਤਿ, ਤਤ੍ਥ ਉਪਚਾਰੋਕ੍ਕਮਨੇ ਏવ ਆਪਤ੍ਤੀਤਿ ਦਸ੍ਸੇਤਿ। ਤੇਨਾਹ ‘‘ਰਤਨਮਤ੍ਤਨ੍ਤਰੋ’’ਤਿਆਦਿ। ਉਪਚਾਰੋਕ੍ਕਮਨਞ੍ਚੇਤ੍ਥ ਉਪਚਾਰਬ੍ਭਨ੍ਤਰੇ ਪવਿਸਨਮੇવ ਹੋਤਿ। ਤਤ੍ਥ ਅਪ੍ਪવਿਸਿਤ੍વਾਪਿ ਉਪਚਾਰਤੋ ਬਹਿ ਅਦ੍ਧਯੋਜਨਬ੍ਭਨ੍ਤਰਗਤੇਨ ਮਗ੍ਗੇਨ ਗਚ੍ਛਨ੍ਤੋਪਿ ਮਗ੍ਗਸ੍ਸ ਦ੍વੀਸੁ ਪਸ੍ਸੇਸੁ ਅਦ੍ਧਯੋਜਨਬ੍ਭਨ੍ਤਰਗਤਂ ਗਾਮੂਪਚਾਰਂ ਸਬ੍ਬਂ ਓਕ੍ਕਮਿਤ੍વਾ ਗਚ੍ਛਤਿਚ੍ਚੇવ વੁਚ੍ਚਤਿ। ਅਦ੍ਧਯੋਜਨਤੋ ਬਹਿ ਗਤੇਨ ਮਗ੍ਗੇਨ ਗਚ੍ਛਨ੍ਤੋ ਨ ਗਾਮੂਪਚਾਰਗਣਨਾਯ ਕਾਰੇਤਬ੍ਬੋ, ਅਦ੍ਧਯੋਜਨਗਣਨਾਯੇવ ਕਾਰੇਤਬ੍ਬੋ। ਏવਞ੍ਚ ਸਤਿ ਅਨਨ੍ਤਰਸਿਕ੍ਖਾਪਦੇ ਨਾવਾਯੇવ ਗਾਮਤੀਰਪਸ੍ਸੇਨ ਗਚ੍ਛਨ੍ਤਸ੍ਸ ਗਾਮੂਪਚਾਰਗਣਨਾਯ ਆਪਤ੍ਤਿ ਸਮਤ੍ਥਿਤਾ ਹੋਤਿ। ਨ ਹਿ ਸਕ੍ਕਾ ਨਾવਾਯ ਗਾਮੂਪਚਾਰਬ੍ਭਨ੍ਤਰੇ ਪવਿਸਿਤੁਂ। ਤਿਣ੍ਣਂ ਮਗ੍ਗਾਨਂ ਸਮ੍ਬਨ੍ਧਟ੍ਠਾਨਂ ਸਿਙ੍ਘਾਟਕਂ। ਏਤ੍ਥਨ੍ਤਰੇ ਸਂવਿਦਹਿਤੇਤਿ ਏਤ੍ਥ ਨ ਕੇવਲਂ ਯਥਾવੁਤ੍ਤਰਥਿਕਾਦੀਸੁ ਏવ ਸਂવਿਦਹਨੇ ਦੁਕ੍ਕਟਂ, ਅਨ੍ਤਰਾਮਗ੍ਗੇਪੀਤਿ ਅਧਿਪ੍ਪਾਯੋ।
Dvidhā vuttappakāroti pādagamane pakkhagamaneti dvidhā vuttappakāro. Upacāro na labbhatīti yo parikkhittādigāmassa ekaleḍḍupātādiupacāro vutto, so idha na labbhati āsannattā. Etena ca antaraghareyevettha gāmoti adhippeto, na sakalaṃ gāmakhettaṃ. Tatthāpi yattha upacāro labbhati, tattha upacārokkamane eva āpattīti dasseti. Tenāha ‘‘ratanamattantaro’’tiādi. Upacārokkamanañcettha upacārabbhantare pavisanameva hoti. Tattha appavisitvāpi upacārato bahi addhayojanabbhantaragatena maggena gacchantopi maggassa dvīsu passesu addhayojanabbhantaragataṃ gāmūpacāraṃ sabbaṃ okkamitvā gacchaticceva vuccati. Addhayojanato bahi gatena maggena gacchanto na gāmūpacāragaṇanāya kāretabbo, addhayojanagaṇanāyeva kāretabbo. Evañca sati anantarasikkhāpade nāvāyeva gāmatīrapassena gacchantassa gāmūpacāragaṇanāya āpatti samatthitā hoti. Na hi sakkā nāvāya gāmūpacārabbhantare pavisituṃ. Tiṇṇaṃ maggānaṃ sambandhaṭṭhānaṃ siṅghāṭakaṃ. Etthantare saṃvidahiteti ettha na kevalaṃ yathāvuttarathikādīsu eva saṃvidahane dukkaṭaṃ, antarāmaggepīti adhippāyo.
ਅਦ੍ਧਯੋਜਨਂ ਅਤਿਕ੍ਕਮਨ੍ਤਸ੍ਸਾਤਿ ਅਸਤਿ ਗਾਮੇ ਅਦ੍ਧਯੋਜਨਂ ਅਤਿਕ੍ਕਮਨ੍ਤਸ੍ਸ। ਯਸ੍ਮਿਞ੍ਹਿ ਗਾਮਖੇਤ੍ਤਭੂਤੇਪਿ ਅਰਞ੍ਞੇ ਅਦ੍ਧਯੋਜਨਬ੍ਭਨ੍ਤਰੇ ਗਾਮੋ ਨ ਹੋਤਿ, ਤਮ੍ਪਿ ਇਧ ਅਗਾਮਕਂ ਅਰਞ੍ਞਨ੍ਤਿ ਅਧਿਪ੍ਪੇਤਂ, ਨ વਿਞ੍ਝਾਟવਾਦਯੋ।
Addhayojanaṃ atikkamantassāti asati gāme addhayojanaṃ atikkamantassa. Yasmiñhi gāmakhettabhūtepi araññe addhayojanabbhantare gāmo na hoti, tampi idha agāmakaṃ araññanti adhippetaṃ, na viñjhāṭavādayo.
੧੮੫. ਰਟ੍ਠਭੇਦੇਤਿ ਰਟ੍ਠવਿਲੋਪੇ। ਚਕ੍ਕਸਮਾਰੁਲ਼੍ਹਾਤਿ ਇਰਿਯਾਪਥਚਕ੍ਕਂ, ਸਕਟਚਕ੍ਕਂ વਾ ਸਮਾਰੁਲ਼੍ਹਾ। ਦ੍વਿਨ੍ਨਮ੍ਪਿ ਸਂવਿਦਹਿਤ੍વਾ ਮਗ੍ਗਪ੍ਪਟਿਪਤ੍ਤਿ, ਅવਿਸਙ੍ਕੇਤਂ, ਸਮਯਾਭਾવੋ, ਅਨਾਪਦਾ, ਗਾਮਨ੍ਤਰੋਕ੍ਕਮਨਂ વਾ ਅਦ੍ਧਯੋਜਨਾਤਿਕ੍ਕਮੋ વਾਤਿ ਇਮਾਨੇਤ੍ਥ ਪਞ੍ਚ ਅਙ੍ਗਾਨਿ। ਏਕਤੋਉਪਸਮ੍ਪਨ੍ਨਾਦੀਹਿ ਸਦ੍ਧਿਂ ਸਂવਿਧਾਯ ਗਚ੍ਛਨ੍ਤਸ੍ਸ ਪਨ ਮਾਤੁਗਾਮਸਿਕ੍ਖਾਪਦੇਨ ਆਪਤ੍ਤਿ।
185.Raṭṭhabhedeti raṭṭhavilope. Cakkasamāruḷhāti iriyāpathacakkaṃ, sakaṭacakkaṃ vā samāruḷhā. Dvinnampi saṃvidahitvā maggappaṭipatti, avisaṅketaṃ, samayābhāvo, anāpadā, gāmantarokkamanaṃ vā addhayojanātikkamo vāti imānettha pañca aṅgāni. Ekatoupasampannādīhi saddhiṃ saṃvidhāya gacchantassa pana mātugāmasikkhāpadena āpatti.
ਸਂવਿਧਾਨਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Saṃvidhānasikkhāpadavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਿਭਙ੍ਗ • Mahāvibhaṅga / ੩. ਓવਾਦવਗ੍ਗੋ • 3. Ovādavaggo
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਿਭਙ੍ਗ-ਅਟ੍ਠਕਥਾ • Mahāvibhaṅga-aṭṭhakathā / ੭. ਸਂવਿਧਾਨਸਿਕ੍ਖਾਪਦવਣ੍ਣਨਾ • 7. Saṃvidhānasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ੭. ਸਂવਿਦਹਨਸਿਕ੍ਖਾਪਦવਣ੍ਣਨਾ • 7. Saṃvidahanasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ੭. ਸਂવਿਧਾਨਸਿਕ੍ਖਾਪਦવਣ੍ਣਨਾ • 7. Saṃvidhānasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੭. ਸਂવਿਧਾਨਸਿਕ੍ਖਾਪਦਂ • 7. Saṃvidhānasikkhāpadaṃ
