| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය (අට්‌ඨකථා) • Aṅguttaranikāya (aṭṭhakathā) |
8. සංයොගසුත්‌තවණ්‌ණනා
8. Saṃyogasuttavaṇṇanā
51. අට්‌ඨමෙ සංයොගවිසංයොගන්‌ති සංයොගවිසංයොගසාධකං. ධම්‌මපරියායන්‌ති ධම්‌මකාරණං. අජ්‌ඣත්‌තං ඉත්‌ථින්‌ද්‍රියන්‌ති නියකජ්‌ඣත්‌තෙ ඉත්‌ථිභාවං. ඉත්‌ථිකුත්‌තන්‌ති ඉත්‌ථිකිරියං. ඉත්‌ථාකප්‌පන්‌ති නිවාසනපාරුපනාදිඉත්‌ථිආකප්‌පං. ඉත්‌ථිවිධන්‌ති ඉත්‌ථියා මානවිධං. ඉත්‌ථිඡන්‌දන්‌ති ඉත්‌ථියා අජ්‌ඣාසයච්‌ඡන්‌දං. ඉත්‌ථිස්‌සරන්‌ති ඉත්‌ථිසද්‌දං. ඉත්‌ථාලඞ්‌කාරන්‌ති ඉත්‌ථියා පසාධනභණ්‌ඩං. පුරිසින්‌ද්‍රියාදීසුපි එසෙව නයො. බහිද්‌ධා සංයොගන්‌ති පුරිසෙන සද්‌ධිං සමාගමං. අතිවත්‌තතීති අනභිරතාති එවං වුත්‌තාය බලවවිපස්‌සනාය අරියමග්‌ගං පත්‌වා අතිවත්‌තති. ඉමස්‌මිං සුත්‌තෙ වට්‌ටවිවට්‌ටං කථිතං.
51. Aṭṭhame saṃyogavisaṃyoganti saṃyogavisaṃyogasādhakaṃ. Dhammapariyāyanti dhammakāraṇaṃ. Ajjhattaṃ itthindriyanti niyakajjhatte itthibhāvaṃ. Itthikuttanti itthikiriyaṃ. Itthākappanti nivāsanapārupanādiitthiākappaṃ. Itthividhanti itthiyā mānavidhaṃ. Itthichandanti itthiyā ajjhāsayacchandaṃ. Itthissaranti itthisaddaṃ. Itthālaṅkāranti itthiyā pasādhanabhaṇḍaṃ. Purisindriyādīsupi eseva nayo. Bahiddhā saṃyoganti purisena saddhiṃ samāgamaṃ. Ativattatīti anabhiratāti evaṃ vuttāya balavavipassanāya ariyamaggaṃ patvā ativattati. Imasmiṃ sutte vaṭṭavivaṭṭaṃ kathitaṃ.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / අඞ්‌ගුත්‌තරනිකාය • Aṅguttaranikāya / 8. සංයොගසුත්‌තං • 8. Saṃyogasuttaṃ
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / අඞ්‌ගුත්‌තරනිකාය (ටීකා) • Aṅguttaranikāya (ṭīkā) / 7-8. මෙථුනසුත්‌තාදිවණ්‌ණනා • 7-8. Methunasuttādivaṇṇanā
