| Library / Tipiṭaka / ติปิฎก • Tipiṭaka / กถาวตฺถุปาฬิ • Kathāvatthupāḷi |
๒๑. เอกวีสติมวโคฺค
21. Ekavīsatimavaggo
(๒๐๒) ๓. สํโยชนกถา
(202) 3. Saṃyojanakathā
๘๘๑. อตฺถิ กิญฺจิ สํโยชนํ อปฺปหาย อรหตฺตปฺปตฺตีติ? อามนฺตาฯ อตฺถิ กิญฺจิ สกฺกายทิฎฺฐิํ อปฺปหาย…เป.… วิจิกิจฺฉํ อปฺปหาย…เป.… สีลพฺพตปรามาสํ อปฺปหาย… ราคํ อปฺปหาย… โทสํ อปฺปหาย… โมหํ อปฺปหาย… อโนตฺตปฺปํ อปฺปหาย อรหตฺตปฺปตฺตีติ? น เหวํ วตฺตเพฺพ…เป.…ฯ
881. Atthi kiñci saṃyojanaṃ appahāya arahattappattīti? Āmantā. Atthi kiñci sakkāyadiṭṭhiṃ appahāya…pe… vicikicchaṃ appahāya…pe… sīlabbataparāmāsaṃ appahāya… rāgaṃ appahāya… dosaṃ appahāya… mohaṃ appahāya… anottappaṃ appahāya arahattappattīti? Na hevaṃ vattabbe…pe….
อตฺถิ กิญฺจิ สํโยชนํ อปฺปหาย อรหตฺตปฺปตฺตีติ? อามนฺตาฯ อรหา สราโค สโทโส สโมโห สมาโน สมโกฺข สปฬาโส สอุปายาโส สกิเลโสติ? น เหวํ วตฺตเพฺพ…เป.… นนุ อรหา นิราโค นิโทฺทโส นิโมฺมโห นิมฺมาโน นิมฺมโกฺข นิปฺปฬาโส นิรุปายาโส นิกฺกิเลโสติ? อามนฺตาฯ หญฺจิ อรหา นิราโค…เป.… นิกฺกิเลโส, โน จ วต เร วตฺตเพฺพ – ‘‘อตฺถิ กิญฺจิ สํโยชนํ อปฺปหาย อรหตฺตปฺปตฺตี’’ติฯ
Atthi kiñci saṃyojanaṃ appahāya arahattappattīti? Āmantā. Arahā sarāgo sadoso samoho samāno samakkho sapaḷāso saupāyāso sakilesoti? Na hevaṃ vattabbe…pe… nanu arahā nirāgo niddoso nimmoho nimmāno nimmakkho nippaḷāso nirupāyāso nikkilesoti? Āmantā. Hañci arahā nirāgo…pe… nikkileso, no ca vata re vattabbe – ‘‘atthi kiñci saṃyojanaṃ appahāya arahattappattī’’ti.
๘๘๒. น วตฺตพฺพํ – ‘‘อตฺถิ กิญฺจิ สํโยชนํ อปฺปหาย อรหตฺตปฺปตฺตี’’ติ ? อามนฺตาฯ อรหา สพฺพํ พุทฺธวิสยํ ชานาตีติ? น เหวํ วตฺตเพฺพฯ เตน หิ อตฺถิ กิญฺจิ สํโยชนํ อปฺปหาย อรหตฺตปฺปตฺตีติฯ
882. Na vattabbaṃ – ‘‘atthi kiñci saṃyojanaṃ appahāya arahattappattī’’ti ? Āmantā. Arahā sabbaṃ buddhavisayaṃ jānātīti? Na hevaṃ vattabbe. Tena hi atthi kiñci saṃyojanaṃ appahāya arahattappattīti.
สํโยชนกถา นิฎฺฐิตาฯ
Saṃyojanakathā niṭṭhitā.
Related texts:
อฎฺฐกถา • Aṭṭhakathā / อภิธมฺมปิฎก (อฎฺฐกถา) • Abhidhammapiṭaka (aṭṭhakathā) / ปญฺจปกรณ-อฎฺฐกถา • Pañcapakaraṇa-aṭṭhakathā / ๓. สโญฺญชนกถาวณฺณนา • 3. Saññojanakathāvaṇṇanā
