| Library / Tipiṭaka / திபிடக • Tipiṭaka / ஸங்யுத்தனிகாய • Saṃyuttanikāya |
2. ஸங்யோஜனபஹானஸுத்தங்
2. Saṃyojanapahānasuttaṃ
54. ‘‘கத²ங் நு கோ², ப⁴ந்தே, ஜானதோ, கத²ங் பஸ்ஸதோ, ஸங்யோஜனா பஹீயந்தீ’’தி? ‘‘சக்கு²ங் கோ², பி⁴க்கு², அனிச்சதோ ஜானதோ பஸ்ஸதோ ஸங்யோஜனா பஹீயந்தி. ரூபே… சக்கு²விஞ்ஞாணங்… சக்கு²ஸம்ப²ஸ்ஸங்… யம்பித³ங் சக்கு²ஸம்ப²ஸ்ஸபச்சயா உப்பஜ்ஜதி வேத³யிதங் ஸுக²ங் வா து³க்க²ங் வா அது³க்க²மஸுக²ங் வா தம்பி அனிச்சதோ ஜானதோ பஸ்ஸதோ ஸங்யோஜனா பஹீயந்தி. ஸோதங்… கா⁴னங்… ஜிவ்ஹங்… காயங்… மனங்… த⁴ம்மே… மனோவிஞ்ஞாணங்… மனோஸம்ப²ஸ்ஸங்… யம்பித³ங் மனோஸம்ப²ஸ்ஸபச்சயா உப்பஜ்ஜதி வேத³யிதங் ஸுக²ங் வா து³க்க²ங் வா அது³க்க²மஸுக²ங் வா தம்பி அனிச்சதோ ஜானதோ பஸ்ஸதோ ஸங்யோஜனா பஹீயந்தி. ஏவங் கோ², பி⁴க்கு², ஜானதோ ஏவங் பஸ்ஸதோ ஸங்யோஜனா பஹீயந்தீ’’தி. து³தியங்.
54. ‘‘Kathaṃ nu kho, bhante, jānato, kathaṃ passato, saṃyojanā pahīyantī’’ti? ‘‘Cakkhuṃ kho, bhikkhu, aniccato jānato passato saṃyojanā pahīyanti. Rūpe… cakkhuviññāṇaṃ… cakkhusamphassaṃ… yampidaṃ cakkhusamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tampi aniccato jānato passato saṃyojanā pahīyanti. Sotaṃ… ghānaṃ… jivhaṃ… kāyaṃ… manaṃ… dhamme… manoviññāṇaṃ… manosamphassaṃ… yampidaṃ manosamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tampi aniccato jānato passato saṃyojanā pahīyanti. Evaṃ kho, bhikkhu, jānato evaṃ passato saṃyojanā pahīyantī’’ti. Dutiyaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 6. அவிஜ்ஜாவக்³க³வண்ணனா • 6. Avijjāvaggavaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 6. அவிஜ்ஜாவக்³க³வண்ணனா • 6. Avijjāvaggavaṇṇanā
