| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
2. сам̣яож̇анабахаанасуд̇д̇ам̣
2. Saṃyojanapahānasuttaṃ
54. ‘‘гат̇ам̣ ну ко, бханд̇з, ж̇аанад̇о, гат̇ам̣ бассад̇о, сам̣яож̇анаа бахийяанд̇ий’’д̇и? ‘‘жагкум̣ ко, бхигку, анижжад̇о ж̇аанад̇о бассад̇о сам̣яож̇анаа бахийяанд̇и. руубз… жагкувин̃н̃аан̣ам̣… жагкусампассам̣… яамбид̣̇ам̣ жагкусампассабажжаяаа уббаж̇ж̇ад̇и взд̣̇аяид̇ам̣ сукам̣ ваа д̣̇угкам̣ ваа ад̣̇угкамасукам̣ ваа д̇амби анижжад̇о ж̇аанад̇о бассад̇о сам̣яож̇анаа бахийяанд̇и. сод̇ам̣… гхаанам̣… ж̇ивхам̣… гааяам̣… манам̣… д̇хаммз… мановин̃н̃аан̣ам̣… маносампассам̣… яамбид̣̇ам̣ маносампассабажжаяаа уббаж̇ж̇ад̇и взд̣̇аяид̇ам̣ сукам̣ ваа д̣̇угкам̣ ваа ад̣̇угкамасукам̣ ваа д̇амби анижжад̇о ж̇аанад̇о бассад̇о сам̣яож̇анаа бахийяанд̇и. звам̣ ко, бхигку, ж̇аанад̇о звам̣ бассад̇о сам̣яож̇анаа бахийяанд̇ий’’д̇и. д̣̇уд̇ияам̣.
54. ‘‘Kathaṃ nu kho, bhante, jānato, kathaṃ passato, saṃyojanā pahīyantī’’ti? ‘‘Cakkhuṃ kho, bhikkhu, aniccato jānato passato saṃyojanā pahīyanti. Rūpe… cakkhuviññāṇaṃ… cakkhusamphassaṃ… yampidaṃ cakkhusamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tampi aniccato jānato passato saṃyojanā pahīyanti. Sotaṃ… ghānaṃ… jivhaṃ… kāyaṃ… manaṃ… dhamme… manoviññāṇaṃ… manosamphassaṃ… yampidaṃ manosamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tampi aniccato jānato passato saṃyojanā pahīyanti. Evaṃ kho, bhikkhu, jānato evaṃ passato saṃyojanā pahīyantī’’ti. Dutiyaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 6. авиж̇ж̇ааваг̇г̇аван̣н̣анаа • 6. Avijjāvaggavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 6. авиж̇ж̇ааваг̇г̇аван̣н̣анаа • 6. Avijjāvaggavaṇṇanā
