| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ • Saṃyuttanikāya |
༢. སཾཡོཛནཔཧཱནསུཏྟཾ
2. Saṃyojanapahānasuttaṃ
༥༤. ‘‘ཀཐཾ ནུ ཁོ, བྷནྟེ, ཛཱནཏོ, ཀཐཾ པསྶཏོ, སཾཡོཛནཱ པཧཱིཡནྟཱི’’ཏི? ‘‘ཙཀྑུཾ ཁོ, བྷིཀྑུ, ཨནིཙྩཏོ ཛཱནཏོ པསྶཏོ སཾཡོཛནཱ པཧཱིཡནྟི། རཱུཔེ… ཙཀྑུཝིཉྙཱཎཾ… ཙཀྑུསམྥསྶཾ… ཡམྤིདཾ ཙཀྑུསམྥསྶཔཙྩཡཱ ཨུཔྤཛྫཏི ཝེདཡིཏཾ སུཁཾ ཝཱ དུཀྑཾ ཝཱ ཨདུཀྑམསུཁཾ ཝཱ ཏམྤི ཨནིཙྩཏོ ཛཱནཏོ པསྶཏོ སཾཡོཛནཱ པཧཱིཡནྟི། སོཏཾ… གྷཱནཾ… ཛིཝ྄ཧཾ… ཀཱཡཾ… མནཾ… དྷམྨེ… མནོཝིཉྙཱཎཾ… མནོསམྥསྶཾ… ཡམྤིདཾ མནོསམྥསྶཔཙྩཡཱ ཨུཔྤཛྫཏི ཝེདཡིཏཾ སུཁཾ ཝཱ དུཀྑཾ ཝཱ ཨདུཀྑམསུཁཾ ཝཱ ཏམྤི ཨནིཙྩཏོ ཛཱནཏོ པསྶཏོ སཾཡོཛནཱ པཧཱིཡནྟི། ཨེཝཾ ཁོ, བྷིཀྑུ, ཛཱནཏོ ཨེཝཾ པསྶཏོ སཾཡོཛནཱ པཧཱིཡནྟཱི’’ཏི། དུཏིཡཾ།
54. ‘‘Kathaṃ nu kho, bhante, jānato, kathaṃ passato, saṃyojanā pahīyantī’’ti? ‘‘Cakkhuṃ kho, bhikkhu, aniccato jānato passato saṃyojanā pahīyanti. Rūpe… cakkhuviññāṇaṃ… cakkhusamphassaṃ… yampidaṃ cakkhusamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tampi aniccato jānato passato saṃyojanā pahīyanti. Sotaṃ… ghānaṃ… jivhaṃ… kāyaṃ… manaṃ… dhamme… manoviññāṇaṃ… manosamphassaṃ… yampidaṃ manosamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tampi aniccato jānato passato saṃyojanā pahīyanti. Evaṃ kho, bhikkhu, jānato evaṃ passato saṃyojanā pahīyantī’’ti. Dutiyaṃ.
Related texts:
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) / ༦. ཨཝིཛྫཱཝགྒཝཎྞནཱ • 6. Avijjāvaggavaṇṇanā
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) / ༦. ཨཝིཛྫཱཝགྒཝཎྞནཱ • 6. Avijjāvaggavaṇṇanā
