| Library / Tipiṭaka / তিপিটক • Tipiṭaka / সংযুত্তনিকায • Saṃyuttanikāya |
৩. সংযোজনসমুগ্ঘাতসুত্তং
3. Saṃyojanasamugghātasuttaṃ
৫৫. ‘‘কথং নু খো, ভন্তে, জানতো, কথং পস্সতো সংযোজনা সমুগ্ঘাতং গচ্ছন্তী’’তি? ‘‘চক্খুং খো, ভিক্খু, অনত্ততো জানতো পস্সতো সংযোজনা সমুগ্ঘাতং গচ্ছন্তি। রূপে অনত্ততো… চক্খুৰিঞ্ঞাণং… চক্খুসম্ফস্সং… যম্পিদং চক্খুসম্ফস্সপচ্চযা উপ্পজ্জতি ৰেদযিতং সুখং ৰা দুক্খং ৰা অদুক্খমসুখং ৰা তম্পি অনত্ততো জানতো পস্সতো সংযোজনা সমুগ্ঘাতং গচ্ছন্তি। সোতং… ঘানং… জিৰ্হং… কাযং… মনং… ধম্মে… মনোৰিঞ্ঞাণং… মনোসম্ফস্সং… যম্পিদং মনোসম্ফস্সপচ্চযা উপ্পজ্জতি ৰেদযিতং সুখং ৰা দুক্খং ৰা অদুক্খমসুখং ৰা তম্পি অনত্ততো জানতো পস্সতো সংযোজনা সমুগ্ঘাতং গচ্ছন্তি। এৰং খো, ভিক্খু, জানতো এৰং পস্সতো সংযোজনা সমুগ্ঘাতং গচ্ছন্তী’’তি। ততিযং।
55. ‘‘Kathaṃ nu kho, bhante, jānato, kathaṃ passato saṃyojanā samugghātaṃ gacchantī’’ti? ‘‘Cakkhuṃ kho, bhikkhu, anattato jānato passato saṃyojanā samugghātaṃ gacchanti. Rūpe anattato… cakkhuviññāṇaṃ… cakkhusamphassaṃ… yampidaṃ cakkhusamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tampi anattato jānato passato saṃyojanā samugghātaṃ gacchanti. Sotaṃ… ghānaṃ… jivhaṃ… kāyaṃ… manaṃ… dhamme… manoviññāṇaṃ… manosamphassaṃ… yampidaṃ manosamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tampi anattato jānato passato saṃyojanā samugghātaṃ gacchanti. Evaṃ kho, bhikkhu, jānato evaṃ passato saṃyojanā samugghātaṃ gacchantī’’ti. Tatiyaṃ.
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ৬. অৰিজ্জাৰগ্গৰণ্ণনা • 6. Avijjāvaggavaṇṇanā
টীকা • Tīkā / সুত্তপিটক (টীকা) • Suttapiṭaka (ṭīkā) / সংযুত্তনিকায (টীকা) • Saṃyuttanikāya (ṭīkā) / ৬. অৰিজ্জাৰগ্গৰণ্ণনা • 6. Avijjāvaggavaṇṇanā
