| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
6. сам̣яож̇анасуд̇д̇ам̣
6. Saṃyojanasuttaṃ
6. ‘‘д̣̇взмз, бхигкавз, д̇хаммаа. гад̇амз д̣̇вз? яаа жа сам̣яож̇аниязсу д̇хаммзсу ассаад̣̇аанубассид̇аа, яаа жа сам̣яож̇аниязсу д̇хаммзсу ниб̣б̣ид̣̇аанубассид̇аа. сам̣яож̇аниязсу, бхигкавз, д̇хаммзсу ассаад̣̇аанубассий вихаранд̇о рааг̇ам̣ на баж̇ахад̇и, д̣̇осам̣ на баж̇ахад̇и, мохам̣ на баж̇ахад̇и. рааг̇ам̣ аббахааяа, д̣̇осам̣ аббахааяа, мохам̣ аббахааяа на баримужжад̇и ж̇аад̇ияаа ж̇арааяа маран̣зна согзхи барид̣̇звзхи д̣̇угкзхи д̣̇оманассзхи убааяаасзхи. на баримужжад̇и д̣̇угкасмаад̇и вад̣̇аами.
6. ‘‘Dveme, bhikkhave, dhammā. Katame dve? Yā ca saṃyojaniyesu dhammesu assādānupassitā, yā ca saṃyojaniyesu dhammesu nibbidānupassitā. Saṃyojaniyesu, bhikkhave, dhammesu assādānupassī viharanto rāgaṃ na pajahati, dosaṃ na pajahati, mohaṃ na pajahati. Rāgaṃ appahāya, dosaṃ appahāya, mohaṃ appahāya na parimuccati jātiyā jarāya maraṇena sokehi paridevehi dukkhehi domanassehi upāyāsehi. Na parimuccati dukkhasmāti vadāmi.
‘‘сам̣яож̇аниязсу, бхигкавз, д̇хаммзсу ниб̣б̣ид̣̇аанубассий вихаранд̇о рааг̇ам̣ баж̇ахад̇и, д̣̇осам̣ баж̇ахад̇и, мохам̣ баж̇ахад̇и. рааг̇ам̣ бахааяа, д̣̇осам̣ бахааяа, мохам̣ бахааяа, баримужжад̇и ж̇аад̇ияаа ж̇арааяа маран̣зна согзхи барид̣̇звзхи д̣̇угкзхи д̣̇оманассзхи убааяаасзхи. баримужжад̇и д̣̇угкасмаад̇и вад̣̇аами. имз ко, бхигкавз, д̣̇вз д̇хаммаа’’д̇и. чадтам̣.
‘‘Saṃyojaniyesu, bhikkhave, dhammesu nibbidānupassī viharanto rāgaṃ pajahati, dosaṃ pajahati, mohaṃ pajahati. Rāgaṃ pahāya, dosaṃ pahāya, mohaṃ pahāya, parimuccati jātiyā jarāya maraṇena sokehi paridevehi dukkhehi domanassehi upāyāsehi. Parimuccati dukkhasmāti vadāmi. Ime kho, bhikkhave, dve dhammā’’ti. Chaṭṭhaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 6. сам̣яож̇анасуд̇д̇аван̣н̣анаа • 6. Saṃyojanasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 6. сам̣яож̇анасуд̇д̇аван̣н̣анаа • 6. Saṃyojanasuttavaṇṇanā
