| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය • Aṅguttaranikāya |
6. සංයොජනසුත්‌තං
6. Saṃyojanasuttaṃ
6. ‘‘ද්‌වෙමෙ, භික්‌ඛවෙ, ධම්‌මා. කතමෙ ද්‌වෙ? යා ච සංයොජනියෙසු ධම්‌මෙසු අස්‌සාදානුපස්‌සිතා, යා ච සංයොජනියෙසු ධම්‌මෙසු නිබ්‌බිදානුපස්‌සිතා. සංයොජනියෙසු, භික්‌ඛවෙ, ධම්‌මෙසු අස්‌සාදානුපස්‌සී විහරන්‌තො රාගං න පජහති, දොසං න පජහති, මොහං න පජහති. රාගං අප්‌පහාය, දොසං අප්‌පහාය, මොහං අප්‌පහාය න පරිමුච්‌චති ජාතියා ජරාය මරණෙන සොකෙහි පරිදෙවෙහි දුක්‌ඛෙහි දොමනස්‌සෙහි උපායාසෙහි. න පරිමුච්‌චති දුක්‌ඛස්‌මාති වදාමි.
6. ‘‘Dveme, bhikkhave, dhammā. Katame dve? Yā ca saṃyojaniyesu dhammesu assādānupassitā, yā ca saṃyojaniyesu dhammesu nibbidānupassitā. Saṃyojaniyesu, bhikkhave, dhammesu assādānupassī viharanto rāgaṃ na pajahati, dosaṃ na pajahati, mohaṃ na pajahati. Rāgaṃ appahāya, dosaṃ appahāya, mohaṃ appahāya na parimuccati jātiyā jarāya maraṇena sokehi paridevehi dukkhehi domanassehi upāyāsehi. Na parimuccati dukkhasmāti vadāmi.
‘‘සංයොජනියෙසු, භික්‌ඛවෙ, ධම්‌මෙසු නිබ්‌බිදානුපස්‌සී විහරන්‌තො රාගං පජහති, දොසං පජහති, මොහං පජහති. රාගං පහාය, දොසං පහාය, මොහං පහාය, පරිමුච්‌චති ජාතියා ජරාය මරණෙන සොකෙහි පරිදෙවෙහි දුක්‌ඛෙහි දොමනස්‌සෙහි උපායාසෙහි. පරිමුච්‌චති දුක්‌ඛස්‌මාති වදාමි. ඉමෙ ඛො, භික්‌ඛවෙ, ද්‌වෙ ධම්‌මා’’ති. ඡට්‌ඨං.
‘‘Saṃyojaniyesu, bhikkhave, dhammesu nibbidānupassī viharanto rāgaṃ pajahati, dosaṃ pajahati, mohaṃ pajahati. Rāgaṃ pahāya, dosaṃ pahāya, mohaṃ pahāya, parimuccati jātiyā jarāya maraṇena sokehi paridevehi dukkhehi domanassehi upāyāsehi. Parimuccati dukkhasmāti vadāmi. Ime kho, bhikkhave, dve dhammā’’ti. Chaṭṭhaṃ.
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / අඞ්‌ගුත්‌තරනිකාය (අට්‌ඨකථා) • Aṅguttaranikāya (aṭṭhakathā) / 6. සංයොජනසුත්‌තවණ්‌ණනා • 6. Saṃyojanasuttavaṇṇanā
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / අඞ්‌ගුත්‌තරනිකාය (ටීකා) • Aṅguttaranikāya (ṭīkā) / 6. සංයොජනසුත්‌තවණ්‌ණනා • 6. Saṃyojanasuttavaṇṇanā
