| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය • Aṅguttaranikāya |
3. සංයොජනසුත්‌තං
3. Saṃyojanasuttaṃ
13. ‘‘දසයිමානි , භික්‌ඛවෙ, සංයොජනානි. කතමානි දස? පඤ්‌චොරම්‌භාගියානි සංයොජනානි, පඤ්‌චුද්‌ධම්‌භාගියානි සංයොජනානි. කතමානි පඤ්‌චොරම්‌භාගියානි සංයොජනානි? සක්‌කායදිට්‌ඨි, විචිකිච්‌ඡා, සීලබ්‌බතපරාමාසො, කාමච්‌ඡන්‌දො, බ්‍යාපාදො – ඉමානි පඤ්‌චොරම්‌භාගියානි සංයොජනානි.
13. ‘‘Dasayimāni , bhikkhave, saṃyojanāni. Katamāni dasa? Pañcorambhāgiyāni saṃyojanāni, pañcuddhambhāgiyāni saṃyojanāni. Katamāni pañcorambhāgiyāni saṃyojanāni? Sakkāyadiṭṭhi, vicikicchā, sīlabbataparāmāso, kāmacchando, byāpādo – imāni pañcorambhāgiyāni saṃyojanāni.
‘‘කතමානි පඤ්‌චුද්‌ධම්‌භාගියානි සංයොජනානි? රූපරාගො, අරූපරාගො, මානො, උද්‌ධච්‌චං, අවිජ්‌ජා – ඉමානි පඤ්‌චුද්‌ධම්‌භාගියානි සංයොජනානි. ඉමානි ඛො, භික්‌ඛවෙ, දස සංයොජනානී’’ති. තතියං.
‘‘Katamāni pañcuddhambhāgiyāni saṃyojanāni? Rūparāgo, arūparāgo, māno, uddhaccaṃ, avijjā – imāni pañcuddhambhāgiyāni saṃyojanāni. Imāni kho, bhikkhave, dasa saṃyojanānī’’ti. Tatiyaṃ.
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / අඞ්‌ගුත්‌තරනිකාය (අට්‌ඨකථා) • Aṅguttaranikāya (aṭṭhakathā) / 3-4. සංයොජනසුත්‌තාදිවණ්‌ණනා • 3-4. Saṃyojanasuttādivaṇṇanā
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / අඞ්‌ගුත්‌තරනිකාය (ටීකා) • Aṅguttaranikāya (ṭīkā) / 1-4. සෙනාසනසුත්‌තාදිවණ්‌ණනා • 1-4. Senāsanasuttādivaṇṇanā
