| Library / Tipiṭaka / திபிடக • Tipiṭaka / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) |
7. சித்தஸங்யுத்தங்
7. Cittasaṃyuttaṃ
1. ஸங்யோஜனஸுத்தவண்ணனா
1. Saṃyojanasuttavaṇṇanā
343. சித்தஸங்யுத்தஸ்ஸ பட²மே மச்சி²காஸண்டே³தி ஏவங்னாமகே வனஸண்டே³. அயமந்தராகதா² உத³பாதீ³தி போராணகத்தே²ரா அதிரச்சா²னகதா² ஹொந்தி, நிஸின்னநிஸின்னட்டா²னே பஞ்ஹங் ஸமுட்டா²பெத்வா அஜானந்தா புச்ச²ந்தி, ஜானந்தா விஸ்ஸஜ்ஜெந்தி, தேன நேஸங் அயங் கதா² உத³பாதி³. மிக³பத²கந்தி ஏவங்னாமகங் அத்தனோ போ⁴க³கா³மங். ஸோ கிர அம்பா³டகாராமஸ்ஸ பிட்டி²பா⁴கே³ ஹோதி. தேனுபஸங்கமீதி ‘‘தே²ரானங் பஞ்ஹங் விஸ்ஸஜ்ஜெத்வா பா²ஸுவிஹாரங் கத்வா த³ஸ்ஸாமீ’’தி சிந்தெத்வா உபஸங்கமி. க³ம்பீ⁴ரே பு³த்³த⁴வசனேதி அத்த²க³ம்பீ⁴ரே சேவ த⁴ம்மக³ம்பீ⁴ரே ச பு³த்³த⁴வசனே. பஞ்ஞாசக்கு² கமதீதி ஞாணசக்கு² வஹதி பவத்ததி.
343. Cittasaṃyuttassa paṭhame macchikāsaṇḍeti evaṃnāmake vanasaṇḍe. Ayamantarākathā udapādīti porāṇakattherā atiracchānakathā honti, nisinnanisinnaṭṭhāne pañhaṃ samuṭṭhāpetvā ajānantā pucchanti, jānantā vissajjenti, tena nesaṃ ayaṃ kathā udapādi. Migapathakanti evaṃnāmakaṃ attano bhogagāmaṃ. So kira ambāṭakārāmassa piṭṭhibhāge hoti. Tenupasaṅkamīti ‘‘therānaṃ pañhaṃ vissajjetvā phāsuvihāraṃ katvā dassāmī’’ti cintetvā upasaṅkami. Gambhīre buddhavacaneti atthagambhīre ceva dhammagambhīre ca buddhavacane. Paññācakkhu kamatīti ñāṇacakkhu vahati pavattati.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 1. ஸங்யோஜனஸுத்தங் • 1. Saṃyojanasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 1. ஸங்யோஜனஸுத்தவண்ணனா • 1. Saṃyojanasuttavaṇṇanā
