| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
6. сам̣яож̇анасуд̇д̇аван̣н̣анаа
6. Saṃyojanasuttavaṇṇanā
6. чадтз сам̣яож̇анаанам̣ хид̇аа бажжаяабхаавзнаад̇и сам̣яож̇анияаа, д̇збхуумагаа д̇хаммаа. д̇знааха ‘‘д̣̇асаннам̣ сам̣яож̇анаана’’нд̇иаад̣̇и. сам̣яож̇анияз д̇хаммз ассаад̣̇ад̇о анубассад̇и сийлзнаад̇и ассаад̣̇аанубассий, д̇асса бхааво ассаад̣̇аанубассид̇аа. ниб̣б̣ид̣̇аанубассид̇аад̇и зд̇т̇ааби зсзва наяо. угган̣танавасзнаад̇и сам̣яож̇аниязсу д̇збхуумагад̇хаммзсу ниб̣б̣инд̣̇анавасзна. ж̇ананам̣ ж̇аад̇и, канд̇хаанам̣ баад̇убхаавод̇и ааха ‘‘ж̇аад̇ияаад̇и канд̇ханиб̣б̣ад̇д̇ид̇о’’д̇и, канд̇хаанам̣ д̇ад̇т̇а д̇ад̇т̇а бхавз абараабарам̣ ниб̣б̣ад̇д̇ид̇од̇и ад̇т̇о. канд̇хабарибааго згабхавабарияаабаннаанам̣ канд̇хаанам̣ бураан̣абхааво. згабхавабарияаабаннаж̇ийвид̇инд̣̇рияаббаб̣анд̇хавижчзд̣̇авасзна канд̇хаанам̣ бхзд̣̇о ид̇ха маран̣анд̇и ааха ‘‘маран̣знаад̇и канд̇хабхзд̣̇ад̇о’’д̇и. анд̇ониж̇жхаанам̣ жид̇д̇асанд̇аабо. барид̣̇зво наама н̃аад̇иб̣яасанаад̣̇ийхи пудтасса ваажаавиббалаабо. со жа согасамудтаанод̇и ааха ‘‘д̇анниссид̇алаалаббид̇алагкан̣зхи барид̣̇звзхий’’д̇и. лаалаббид̇ам̣ ваажаавиббалаабо, со жа ад̇т̇ад̇о сад̣̇д̣̇оязва.
6. Chaṭṭhe saṃyojanānaṃ hitā paccayabhāvenāti saṃyojaniyā, tebhūmakā dhammā. Tenāha ‘‘dasannaṃ saṃyojanāna’’ntiādi. Saṃyojaniye dhamme assādato anupassati sīlenāti assādānupassī, tassa bhāvo assādānupassitā. Nibbidānupassitāti etthāpi eseva nayo. Ukkaṇṭhanavasenāti saṃyojaniyesu tebhūmakadhammesu nibbindanavasena. Jananaṃ jāti, khandhānaṃ pātubhāvoti āha ‘‘jātiyāti khandhanibbattito’’ti, khandhānaṃ tattha tattha bhave aparāparaṃ nibbattitoti attho. Khandhaparipāko ekabhavapariyāpannānaṃ khandhānaṃ purāṇabhāvo. Ekabhavapariyāpannajīvitindriyappabandhavicchedavasena khandhānaṃ bhedo idha maraṇanti āha ‘‘maraṇenāti khandhabhedato’’ti. Antonijjhānaṃ cittasantāpo. Paridevo nāma ñātibyasanādīhi phuṭṭhassa vācāvippalāpo. So ca sokasamuṭṭhānoti āha ‘‘tannissitalālappitalakkhaṇehi paridevehī’’ti. Lālappitaṃ vācāvippalāpo, so ca atthato saddoyeva.
д̣̇угканд̇и ид̇ха гааяигам̣ д̣̇угкам̣ ад̇хиббзд̇анд̇и ааха ‘‘гааяабадибийл̣анад̣̇угкзхий’’д̇и. мановигхаад̇ад̣̇оманассзхийд̇и манасо вигхаад̇агарзхи д̣̇оманассзхи. б̣яаабаад̣̇асамбаяог̇зна манасо вихананарасан̃хи д̣̇оманассам̣. бхусо ааяаасо убааяаасо яат̇аа ‘‘бхусамаад̣̇аанам̣ убаад̣̇аана’’нд̇и, со жа ад̇т̇ад̇о н̃аад̇иб̣яасанаад̣̇ийхи пудтасса ад̇химад̇д̇ажзд̇од̣̇угкаббабхаавид̇о д̣̇осоязва. гааяажид̇д̇аанан̃хи ааяаасанавасзна д̣̇осассзва бавад̇д̇иаагааро убааяаасод̇и вужжад̇и сан̇каарагканд̇хабарияаабанно. д̇ам̣ жуд̣̇д̣̇асахи агусалажзд̇асигзхи ан̃н̃о зго жзд̇асигад̇хаммод̇и згз. яам̣ висаад̣̇од̇и жа вад̣̇анд̇и.
Dukkhanti idha kāyikaṃ dukkhaṃ adhippetanti āha ‘‘kāyapaṭipīḷanadukkhehī’’ti. Manovighātadomanassehīti manaso vighātakarehi domanassehi. Byāpādasampayogena manaso vihananarasañhi domanassaṃ. Bhuso āyāso upāyāso yathā ‘‘bhusamādānaṃ upādāna’’nti, so ca atthato ñātibyasanādīhi phuṭṭhassa adhimattacetodukkhappabhāvito dosoyeva. Kāyacittānañhi āyāsanavasena dosasseva pavattiākāro upāyāsoti vuccati saṅkhārakkhandhapariyāpanno. Taṃ cuddasahi akusalacetasikehi añño eko cetasikadhammoti eke. Yaṃ visādoti ca vadanti.
сам̣яож̇анасуд̇д̇аван̣н̣анаа нидтид̇аа.
Saṃyojanasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 6. сам̣яож̇анасуд̇д̇ам̣ • 6. Saṃyojanasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 6. сам̣яож̇анасуд̇д̇аван̣н̣анаа • 6. Saṃyojanasuttavaṇṇanā
