| Library / Tipiṭaka / తిపిటక • Tipiṭaka / సంయుత్తనికాయ (అట్ఠకథా) • Saṃyuttanikāya (aṭṭhakathā) |
౭. చిత్తసంయుత్తం
7. Cittasaṃyuttaṃ
౧. సంయోజనసుత్తవణ్ణనా
1. Saṃyojanasuttavaṇṇanā
౩౪౩. చిత్తసంయుత్తస్స పఠమే మచ్ఛికాసణ్డేతి ఏవంనామకే వనసణ్డే. అయమన్తరాకథా ఉదపాదీతి పోరాణకత్థేరా అతిరచ్ఛానకథా హోన్తి, నిసిన్ననిసిన్నట్ఠానే పఞ్హం సముట్ఠాపేత్వా అజానన్తా పుచ్ఛన్తి, జానన్తా విస్సజ్జేన్తి, తేన నేసం అయం కథా ఉదపాది. మిగపథకన్తి ఏవంనామకం అత్తనో భోగగామం. సో కిర అమ్బాటకారామస్స పిట్ఠిభాగే హోతి. తేనుపసఙ్కమీతి ‘‘థేరానం పఞ్హం విస్సజ్జేత్వా ఫాసువిహారం కత్వా దస్సామీ’’తి చిన్తేత్వా ఉపసఙ్కమి. గమ్భీరే బుద్ధవచనేతి అత్థగమ్భీరే చేవ ధమ్మగమ్భీరే చ బుద్ధవచనే. పఞ్ఞాచక్ఖు కమతీతి ఞాణచక్ఖు వహతి పవత్తతి.
343. Cittasaṃyuttassa paṭhame macchikāsaṇḍeti evaṃnāmake vanasaṇḍe. Ayamantarākathā udapādīti porāṇakattherā atiracchānakathā honti, nisinnanisinnaṭṭhāne pañhaṃ samuṭṭhāpetvā ajānantā pucchanti, jānantā vissajjenti, tena nesaṃ ayaṃ kathā udapādi. Migapathakanti evaṃnāmakaṃ attano bhogagāmaṃ. So kira ambāṭakārāmassa piṭṭhibhāge hoti. Tenupasaṅkamīti ‘‘therānaṃ pañhaṃ vissajjetvā phāsuvihāraṃ katvā dassāmī’’ti cintetvā upasaṅkami. Gambhīre buddhavacaneti atthagambhīre ceva dhammagambhīre ca buddhavacane. Paññācakkhu kamatīti ñāṇacakkhu vahati pavattati.
Related texts:
తిపిటక (మూల) • Tipiṭaka (Mūla) / సుత్తపిటక • Suttapiṭaka / సంయుత్తనికాయ • Saṃyuttanikāya / ౧. సంయోజనసుత్తం • 1. Saṃyojanasuttaṃ
టీకా • Tīkā / సుత్తపిటక (టీకా) • Suttapiṭaka (ṭīkā) / సంయుత్తనికాయ (టీకా) • Saṃyuttanikāya (ṭīkā) / ౧. సంయోజనసుత్తవణ్ణనా • 1. Saṃyojanasuttavaṇṇanā
