| Library / Tipiṭaka / ติปิฎก • Tipiṭaka / องฺคุตฺตรนิกาย (อฎฺฐกถา) • Aṅguttaranikāya (aṭṭhakathā) |
๖. สํโยชนสุตฺตวณฺณนา
6. Saṃyojanasuttavaṇṇanā
๖. ฉเฎฺฐ สํโยชนิเยสุ ธเมฺมสูติ ทสนฺนํ สํโยชนานํ ปจฺจยภูเตสุ เตภูมกธเมฺมสุฯ อสฺสาทานุปสฺสิตาติ อสฺสาทโต ปสฺสิตา ปสฺสนภาโวติ อโตฺถฯ นิพฺพิทานุปสฺสิตาติ นิพฺพิทาวเสน อุกฺกณฺฐนวเสน ปสฺสนภาโวฯ ชาติยาติ ขนฺธนิพฺพตฺติโตฯ ชรายาติ ขนฺธปริปากโตฯ มรเณนาติ ขนฺธเภทโตฯ โสเกหีติ อโนฺตนิชฺฌายนลกฺขเณหิ โสเกหิฯ ปริเทเวหีติ ตนฺนิสฺสิตลาลปฺปิตลกฺขเณหิ ปริเทเวหิฯ ทุเกฺขหีติ กายปฎิปีฬนทุเกฺขหิฯ โทมนเสฺสหีติ มโนวิฆาตโทมนเสฺสหิฯ อุปายาเสหีติ อธิมตฺตายาสลกฺขณอุปายาเสหิฯ ทุกฺขสฺมาติ สกลวฎฺฎทุกฺขโตฯ ปชหตีติ มเคฺคน ปชหติฯ ปหายาติ เอตฺถ ปน ผลกฺขโณ กถิโตฯ อิมสฺมิํ สุเตฺต วฎฺฎวิวฎฺฎํ กถิตํฯ ฉฎฺฐํฯ
6. Chaṭṭhe saṃyojaniyesu dhammesūti dasannaṃ saṃyojanānaṃ paccayabhūtesu tebhūmakadhammesu. Assādānupassitāti assādato passitā passanabhāvoti attho. Nibbidānupassitāti nibbidāvasena ukkaṇṭhanavasena passanabhāvo. Jātiyāti khandhanibbattito. Jarāyāti khandhaparipākato. Maraṇenāti khandhabhedato. Sokehīti antonijjhāyanalakkhaṇehi sokehi. Paridevehīti tannissitalālappitalakkhaṇehi paridevehi. Dukkhehīti kāyapaṭipīḷanadukkhehi. Domanassehīti manovighātadomanassehi. Upāyāsehīti adhimattāyāsalakkhaṇaupāyāsehi. Dukkhasmāti sakalavaṭṭadukkhato. Pajahatīti maggena pajahati. Pahāyāti ettha pana phalakkhaṇo kathito. Imasmiṃ sutte vaṭṭavivaṭṭaṃ kathitaṃ. Chaṭṭhaṃ.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / องฺคุตฺตรนิกาย • Aṅguttaranikāya / ๖. สํโยชนสุตฺตํ • 6. Saṃyojanasuttaṃ
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / องฺคุตฺตรนิกาย (ฎีกา) • Aṅguttaranikāya (ṭīkā) / ๖. สํโยชนสุตฺตวณฺณนา • 6. Saṃyojanasuttavaṇṇanā
