| Library / Tipiṭaka / തിപിടക • Tipiṭaka / അങ്ഗുത്തരനികായ (അട്ഠകഥാ) • Aṅguttaranikāya (aṭṭhakathā) |
൬. സംയോജനസുത്തവണ്ണനാ
6. Saṃyojanasuttavaṇṇanā
൬. ഛട്ഠേ സംയോജനിയേസു ധമ്മേസൂതി ദസന്നം സംയോജനാനം പച്ചയഭൂതേസു തേഭൂമകധമ്മേസു. അസ്സാദാനുപസ്സിതാതി അസ്സാദതോ പസ്സിതാ പസ്സനഭാവോതി അത്ഥോ. നിബ്ബിദാനുപസ്സിതാതി നിബ്ബിദാവസേന ഉക്കണ്ഠനവസേന പസ്സനഭാവോ. ജാതിയാതി ഖന്ധനിബ്ബത്തിതോ. ജരായാതി ഖന്ധപരിപാകതോ. മരണേനാതി ഖന്ധഭേദതോ. സോകേഹീതി അന്തോനിജ്ഝായനലക്ഖണേഹി സോകേഹി. പരിദേവേഹീതി തന്നിസ്സിതലാലപ്പിതലക്ഖണേഹി പരിദേവേഹി. ദുക്ഖേഹീതി കായപടിപീളനദുക്ഖേഹി. ദോമനസ്സേഹീതി മനോവിഘാതദോമനസ്സേഹി. ഉപായാസേഹീതി അധിമത്തായാസലക്ഖണഉപായാസേഹി. ദുക്ഖസ്മാതി സകലവട്ടദുക്ഖതോ. പജഹതീതി മഗ്ഗേന പജഹതി. പഹായാതി ഏത്ഥ പന ഫലക്ഖണോ കഥിതോ. ഇമസ്മിം സുത്തേ വട്ടവിവട്ടം കഥിതം. ഛട്ഠം.
6. Chaṭṭhe saṃyojaniyesu dhammesūti dasannaṃ saṃyojanānaṃ paccayabhūtesu tebhūmakadhammesu. Assādānupassitāti assādato passitā passanabhāvoti attho. Nibbidānupassitāti nibbidāvasena ukkaṇṭhanavasena passanabhāvo. Jātiyāti khandhanibbattito. Jarāyāti khandhaparipākato. Maraṇenāti khandhabhedato. Sokehīti antonijjhāyanalakkhaṇehi sokehi. Paridevehīti tannissitalālappitalakkhaṇehi paridevehi. Dukkhehīti kāyapaṭipīḷanadukkhehi. Domanassehīti manovighātadomanassehi. Upāyāsehīti adhimattāyāsalakkhaṇaupāyāsehi. Dukkhasmāti sakalavaṭṭadukkhato. Pajahatīti maggena pajahati. Pahāyāti ettha pana phalakkhaṇo kathito. Imasmiṃ sutte vaṭṭavivaṭṭaṃ kathitaṃ. Chaṭṭhaṃ.
Related texts:
തിപിടക (മൂല) • Tipiṭaka (Mūla) / സുത്തപിടക • Suttapiṭaka / അങ്ഗുത്തരനികായ • Aṅguttaranikāya / ൬. സംയോജനസുത്തം • 6. Saṃyojanasuttaṃ
ടീകാ • Tīkā / സുത്തപിടക (ടീകാ) • Suttapiṭaka (ṭīkā) / അങ്ഗുത്തരനികായ (ടീകാ) • Aṅguttaranikāya (ṭīkā) / ൬. സംയോജനസുത്തവണ്ണനാ • 6. Saṃyojanasuttavaṇṇanā
