| Library / Tipiṭaka / திபிடக • Tipiṭaka / ஸங்யுத்தனிகாய • Saṃyuttanikāya |
9. ஸங்யோஜனியத⁴ம்மஸுத்தங்
9. Saṃyojaniyadhammasuttaṃ
122. ‘‘ஸங்யோஜனியே ச, பி⁴க்க²வே, த⁴ம்மே தே³ஸெஸ்ஸாமி ஸங்யோஜனஞ்ச. தங் ஸுணாத². கதமே ச, பி⁴க்க²வே, ஸங்யோஜனியா த⁴ம்மா, கதமஞ்ச ஸங்யோஜனங்? ஸந்தி, பி⁴க்க²வே, சக்கு²விஞ்ஞெய்யா ரூபா இட்டா² கந்தா மனாபா பியரூபா காமூபஸங்ஹிதா ரஜனீயா. இமே வுச்சந்தி, பி⁴க்க²வே, ஸங்யோஜனியா த⁴ம்மா. யோ தத்த² ச²ந்த³ராகோ³, தங் தத்த² ஸங்யோஜனங்…பே॰… ஸந்தி, பி⁴க்க²வே, ஜிவ்ஹாவிஞ்ஞெய்யா ரஸா…பே॰… ஸந்தி, பி⁴க்க²வே, மனோவிஞ்ஞெய்யா த⁴ம்மா இட்டா² கந்தா மனாபா பியரூபா காமூபஸங்ஹிதா ரஜனீயா. இமே வுச்சந்தி, பி⁴க்க²வே, ஸங்யோஜனியா த⁴ம்மா. யோ தத்த² ச²ந்த³ராகோ³ தங் தத்த² ஸங்யோஜன’’ந்தி. நவமங்.
122. ‘‘Saṃyojaniye ca, bhikkhave, dhamme desessāmi saṃyojanañca. Taṃ suṇātha. Katame ca, bhikkhave, saṃyojaniyā dhammā, katamañca saṃyojanaṃ? Santi, bhikkhave, cakkhuviññeyyā rūpā iṭṭhā kantā manāpā piyarūpā kāmūpasaṃhitā rajanīyā. Ime vuccanti, bhikkhave, saṃyojaniyā dhammā. Yo tattha chandarāgo, taṃ tattha saṃyojanaṃ…pe… santi, bhikkhave, jivhāviññeyyā rasā…pe… santi, bhikkhave, manoviññeyyā dhammā iṭṭhā kantā manāpā piyarūpā kāmūpasaṃhitā rajanīyā. Ime vuccanti, bhikkhave, saṃyojaniyā dhammā. Yo tattha chandarāgo taṃ tattha saṃyojana’’nti. Navamaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 9-10. ஸங்யோஜனியத⁴ம்மஸுத்தாதி³வண்ணனா • 9-10. Saṃyojaniyadhammasuttādivaṇṇanā
