| Library / Tipiṭaka / තිපිටක • Tipiṭaka / සංයුත්‌තනිකාය • Saṃyuttanikāya |
9. සංයොජනියධම්‌මසුත්‌තං
9. Saṃyojaniyadhammasuttaṃ
122. ‘‘සංයොජනියෙ ච, භික්‌ඛවෙ, ධම්‌මෙ දෙසෙස්‌සාමි සංයොජනඤ්‌ච. තං සුණාථ. කතමෙ ච, භික්‌ඛවෙ, සංයොජනියා ධම්‌මා, කතමඤ්‌ච සංයොජනං? සන්‌ති, භික්‌ඛවෙ, චක්‌ඛුවිඤ්‌ඤෙය්‍යා රූපා ඉට්‌ඨා කන්‌තා මනාපා පියරූපා කාමූපසංහිතා රජනීයා. ඉමෙ වුච්‌චන්‌ති, භික්‌ඛවෙ, සංයොජනියා ධම්‌මා. යො තත්‌ථ ඡන්‌දරාගො, තං තත්‌ථ සංයොජනං…පෙ.… සන්‌ති, භික්‌ඛවෙ, ජිව්‌හාවිඤ්‌ඤෙය්‍යා රසා…පෙ.… සන්‌ති, භික්‌ඛවෙ, මනොවිඤ්‌ඤෙය්‍යා ධම්‌මා ඉට්‌ඨා කන්‌තා මනාපා පියරූපා කාමූපසංහිතා රජනීයා. ඉමෙ වුච්‌චන්‌ති, භික්‌ඛවෙ, සංයොජනියා ධම්‌මා. යො තත්‌ථ ඡන්‌දරාගො තං තත්‌ථ සංයොජන’’න්‌ති. නවමං.
122. ‘‘Saṃyojaniye ca, bhikkhave, dhamme desessāmi saṃyojanañca. Taṃ suṇātha. Katame ca, bhikkhave, saṃyojaniyā dhammā, katamañca saṃyojanaṃ? Santi, bhikkhave, cakkhuviññeyyā rūpā iṭṭhā kantā manāpā piyarūpā kāmūpasaṃhitā rajanīyā. Ime vuccanti, bhikkhave, saṃyojaniyā dhammā. Yo tattha chandarāgo, taṃ tattha saṃyojanaṃ…pe… santi, bhikkhave, jivhāviññeyyā rasā…pe… santi, bhikkhave, manoviññeyyā dhammā iṭṭhā kantā manāpā piyarūpā kāmūpasaṃhitā rajanīyā. Ime vuccanti, bhikkhave, saṃyojaniyā dhammā. Yo tattha chandarāgo taṃ tattha saṃyojana’’nti. Navamaṃ.
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) / 9-10. සංයොජනියධම්‌මසුත්‌තාදිවණ්‌ණනා • 9-10. Saṃyojaniyadhammasuttādivaṇṇanā
