| Library / Tipiṭaka / திபிடக • Tipiṭaka / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) |
5. ஸணமானஸுத்தவண்ணனா
5. Saṇamānasuttavaṇṇanā
15. பஞ்சமே டி²தே மஜ்ஜ²ன்ஹிகேதி டி²தமஜ்ஜ²ன்ஹிகே. ஸன்னிஸீவேஸூதி யதா² பா²ஸுகட்டா²னங் உபக³ந்த்வா ஸன்னிஸின்னேஸு விஸ்ஸமமானேஸு. டி²தமஜ்ஜ²ன்ஹிககாலோ நாமேஸ ஸப்³ப³ஸத்தானங் இரியாபத²து³ப்³ப³ல்யகாலோ. இத⁴ பன பக்கீ²னங்யேவ வஸேன த³ஸ்ஸிதோ. ஸணதேவாதி ஸணதி விய மஹாவிரவங் விய முச்சதி. ஸணமானமேவ செத்த² ‘‘ஸணதேவா’’தி வுத்தங். தப்படிபா⁴க³ங் நாமேதங். நிதா³க⁴ஸமயஸ்மிஞ்ஹி டி²தமஜ்ஜ²ன்ஹிககாலே சதுப்பத³க³ணேஸு சேவ பக்கீ²க³ணேஸு ச ஸன்னிஸின்னேஸு வாதபூரிதானங் ஸுஸிரருக்கா²னஞ்சேவ சி²த்³த³வேணுபப்³பா³னஞ்ச க²ந்தே⁴ன க²ந்த⁴ங் ஸாகா²ய ஸாக²ங் ஸங்க⁴ட்டயந்தானங் பாத³பானஞ்ச அரஞ்ஞமஜ்ஜே² மஹாஸத்³தோ³ உப்பஜ்ஜதி . தங் ஸந்தா⁴யேதங் வுத்தங். தங் ப⁴யங் படிபா⁴தி மந்தி தங் ஏவரூபே காலே மஹாஅரஞ்ஞஸ்ஸ ஸணமானங் மய்ஹங் ப⁴யங் ஹுத்வா உபட்டா²தி. த³ந்த⁴பஞ்ஞா கிரேஸா தே³வதா தஸ்மிங் க²ணே அத்தனோ நிஸஜ்ஜபா²ஸுகங் கதா²பா²ஸுகங் து³தியகங் அலப⁴ந்தீ ஏவமாஹ. யஸ்மா பன தாதி³ஸே காலே பிண்ட³பாதபடிக்கந்தஸ்ஸ விவித்தே அரஞ்ஞாயதனே கம்மட்டா²னங் க³ஹெத்வா நிஸின்னஸ்ஸ பி⁴க்கு²னோ அனப்பகங் ஸுக²ங் உப்பஜ்ஜதி, யங் ஸந்தா⁴ய வுத்தங் –
15. Pañcame ṭhite majjhanhiketi ṭhitamajjhanhike. Sannisīvesūti yathā phāsukaṭṭhānaṃ upagantvā sannisinnesu vissamamānesu. Ṭhitamajjhanhikakālo nāmesa sabbasattānaṃ iriyāpathadubbalyakālo. Idha pana pakkhīnaṃyeva vasena dassito. Saṇatevāti saṇati viya mahāviravaṃ viya muccati. Saṇamānameva cettha ‘‘saṇatevā’’ti vuttaṃ. Tappaṭibhāgaṃ nāmetaṃ. Nidāghasamayasmiñhi ṭhitamajjhanhikakāle catuppadagaṇesu ceva pakkhīgaṇesu ca sannisinnesu vātapūritānaṃ susirarukkhānañceva chiddaveṇupabbānañca khandhena khandhaṃ sākhāya sākhaṃ saṅghaṭṭayantānaṃ pādapānañca araññamajjhe mahāsaddo uppajjati . Taṃ sandhāyetaṃ vuttaṃ. Taṃ bhayaṃ paṭibhāti manti taṃ evarūpe kāle mahāaraññassa saṇamānaṃ mayhaṃ bhayaṃ hutvā upaṭṭhāti. Dandhapaññā kiresā devatā tasmiṃ khaṇe attano nisajjaphāsukaṃ kathāphāsukaṃ dutiyakaṃ alabhantī evamāha. Yasmā pana tādise kāle piṇḍapātapaṭikkantassa vivitte araññāyatane kammaṭṭhānaṃ gahetvā nisinnassa bhikkhuno anappakaṃ sukhaṃ uppajjati, yaṃ sandhāya vuttaṃ –
‘‘ஸுஞ்ஞாகா³ரங் பவிட்ட²ஸ்ஸ, ஸந்தசித்தஸ்ஸ பி⁴க்கு²னோ;
‘‘Suññāgāraṃ paviṭṭhassa, santacittassa bhikkhuno;
அமானுஸீ ரதீ ஹோதி, ஸம்மா த⁴ம்மங் விபஸ்ஸதோ’’தி. (த⁴॰ ப॰ 373) ச,
Amānusī ratī hoti, sammā dhammaṃ vipassato’’ti. (dha. pa. 373) ca,
‘‘புரதோ பச்ச²தோ வாபி, அபரோ சே ந விஜ்ஜதி;
‘‘Purato pacchato vāpi, aparo ce na vijjati;
அதீவ பா²ஸு ப⁴வதி, ஏகஸ்ஸ வஸதோ வனே’’தி. (தே²ரகா³॰ 537) ச;
Atīva phāsu bhavati, ekassa vasato vane’’ti. (theragā. 537) ca;
தஸ்மா ப⁴க³வா து³தியங் கா³த²மாஹ. தத்த² ஸா ரதி படிபா⁴தி மந்தி யா ஏவரூபே காலே ஏககஸ்ஸ நிஸஜ்ஜா நாம, ஸா ரதி மய்ஹங் உபட்டா²தீதி அத்தோ². ஸேஸங் தாதி³ஸமேவாதி.
Tasmā bhagavā dutiyaṃ gāthamāha. Tattha sā rati paṭibhāti manti yā evarūpe kāle ekakassa nisajjā nāma, sā rati mayhaṃ upaṭṭhātīti attho. Sesaṃ tādisamevāti.
ஸணமானஸுத்தவண்ணனா நிட்டி²தா.
Saṇamānasuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 5. ஸணமானஸுத்தங் • 5. Saṇamānasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 5. ஸணமானஸுத்தவண்ணனா • 5. Saṇamānasuttavaṇṇanā
