| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
5. сан̣амаанасуд̇д̇аван̣н̣анаа
5. Saṇamānasuttavaṇṇanā
15. бан̃жамз тид̇з маж̇жханхигзд̇и тид̇амаж̇жханхигз. саннисийвзсууд̇и яат̇аа паасугадтаанам̣ убаг̇анд̇ваа саннисиннзсу виссамамаанзсу. тид̇амаж̇жханхигагаало наамзса саб̣б̣асад̇д̇аанам̣ ирияаабат̇ад̣̇уб̣б̣аляагаало. ид̇ха бана багкийнам̣язва васзна д̣̇ассид̇о. сан̣ад̇зваад̇и сан̣ад̇и вияа махаавиравам̣ вияа мужжад̇и. сан̣амаанамзва жзд̇т̇а ‘‘сан̣ад̇зваа’’д̇и вуд̇д̇ам̣. д̇аббадибхааг̇ам̣ наамзд̇ам̣. нид̣̇аагхасамаяасмин̃хи тид̇амаж̇жханхигагаалз жад̇уббад̣̇аг̇ан̣зсу жзва багкийг̇ан̣зсу жа саннисиннзсу ваад̇абуурид̇аанам̣ сусираругкаанан̃жзва чид̣̇д̣̇авзн̣убаб̣б̣аанан̃жа канд̇хзна канд̇хам̣ саакааяа саакам̣ сан̇гхаддаяанд̇аанам̣ баад̣̇абаанан̃жа аран̃н̃амаж̇жхз махаасад̣̇д̣̇о уббаж̇ж̇ад̇и . д̇ам̣ санд̇хааязд̇ам̣ вуд̇д̇ам̣. д̇ам̣ бхаяам̣ бадибхаад̇и манд̇и д̇ам̣ зваруубз гаалз махаааран̃н̃асса сан̣амаанам̣ маяхам̣ бхаяам̣ худ̇ваа убадтаад̇и. д̣̇анд̇хабан̃н̃аа гирзсаа д̣̇звад̇аа д̇асмим̣ кан̣з ад̇д̇ано нисаж̇ж̇апаасугам̣ гат̇аапаасугам̣ д̣̇уд̇ияагам̣ алабханд̇ий звамааха. яасмаа бана д̇аад̣̇исз гаалз бин̣д̣абаад̇абадигганд̇асса вивид̇д̇з аран̃н̃ааяад̇анз гаммадтаанам̣ г̇ахзд̇ваа нисиннасса бхигкуно анаббагам̣ сукам̣ уббаж̇ж̇ад̇и, яам̣ санд̇хааяа вуд̇д̇ам̣ –
15. Pañcame ṭhite majjhanhiketi ṭhitamajjhanhike. Sannisīvesūti yathā phāsukaṭṭhānaṃ upagantvā sannisinnesu vissamamānesu. Ṭhitamajjhanhikakālo nāmesa sabbasattānaṃ iriyāpathadubbalyakālo. Idha pana pakkhīnaṃyeva vasena dassito. Saṇatevāti saṇati viya mahāviravaṃ viya muccati. Saṇamānameva cettha ‘‘saṇatevā’’ti vuttaṃ. Tappaṭibhāgaṃ nāmetaṃ. Nidāghasamayasmiñhi ṭhitamajjhanhikakāle catuppadagaṇesu ceva pakkhīgaṇesu ca sannisinnesu vātapūritānaṃ susirarukkhānañceva chiddaveṇupabbānañca khandhena khandhaṃ sākhāya sākhaṃ saṅghaṭṭayantānaṃ pādapānañca araññamajjhe mahāsaddo uppajjati . Taṃ sandhāyetaṃ vuttaṃ. Taṃ bhayaṃ paṭibhāti manti taṃ evarūpe kāle mahāaraññassa saṇamānaṃ mayhaṃ bhayaṃ hutvā upaṭṭhāti. Dandhapaññā kiresā devatā tasmiṃ khaṇe attano nisajjaphāsukaṃ kathāphāsukaṃ dutiyakaṃ alabhantī evamāha. Yasmā pana tādise kāle piṇḍapātapaṭikkantassa vivitte araññāyatane kammaṭṭhānaṃ gahetvā nisinnassa bhikkhuno anappakaṃ sukhaṃ uppajjati, yaṃ sandhāya vuttaṃ –
‘‘сун̃н̃ааг̇аарам̣ бавидтасса, санд̇ажид̇д̇асса бхигкуно;
‘‘Suññāgāraṃ paviṭṭhassa, santacittassa bhikkhuno;
амаанусий рад̇ий ход̇и, саммаа д̇хаммам̣ вибассад̇о’’д̇и. (д̇ха. ба. 373) жа,
Amānusī ratī hoti, sammā dhammaṃ vipassato’’ti. (dha. pa. 373) ca,
‘‘бурад̇о бажчад̇о вааби, абаро жз на виж̇ж̇ад̇и;
‘‘Purato pacchato vāpi, aparo ce na vijjati;
ад̇ийва паасу бхавад̇и, згасса васад̇о ванз’’д̇и. (т̇зраг̇аа. 537) жа;
Atīva phāsu bhavati, ekassa vasato vane’’ti. (theragā. 537) ca;
д̇асмаа бхаг̇аваа д̣̇уд̇ияам̣ г̇аат̇амааха. д̇ад̇т̇а саа рад̇и бадибхаад̇и манд̇и яаа зваруубз гаалз згагасса нисаж̇ж̇аа наама, саа рад̇и маяхам̣ убадтаад̇ийд̇и ад̇т̇о. сзсам̣ д̇аад̣̇исамзваад̇и.
Tasmā bhagavā dutiyaṃ gāthamāha. Tattha sā rati paṭibhāti manti yā evarūpe kāle ekakassa nisajjā nāma, sā rati mayhaṃ upaṭṭhātīti attho. Sesaṃ tādisamevāti.
сан̣амаанасуд̇д̇аван̣н̣анаа нидтид̇аа.
Saṇamānasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 5. сан̣амаанасуд̇д̇ам̣ • 5. Saṇamānasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 5. сан̣амаанасуд̇д̇аван̣н̣анаа • 5. Saṇamānasuttavaṇṇanā
