| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) |
੫. ਸਣਮਾਨਸੁਤ੍ਤવਣ੍ਣਨਾ
5. Saṇamānasuttavaṇṇanā
੧੫. ਠਿਤੇ ਮਜ੍ਝਨ੍ਹਿਕੇਤਿ ਪੁਬ੍ਬਦ੍ਧਂ ਨਿਕ੍ਖਮਿਤ੍વਾ ਅਪਰਦ੍ਧਂ ਅਪ੍ਪਤ੍વਾ ਠਿਤਮਜ੍ਝਨ੍ਹੇ। ਸਨ੍ਨਿਸੀવੇਸੂਤਿ ਪਰਿਸ੍ਸਮવਿਨੋਦਨਤ੍ਥਂ ਸਬ੍ਬਸੋ ਸਨ੍ਨਿਸੀਦਨ੍ਤੇਸੁ। ਦ-ਕਾਰਸ੍ਸ ਹਿ વ-ਕਾਰਂ ਕਤ੍વਾ ਨਿਦ੍ਦੇਸੋ। ਤੇਨਾਹ ‘‘ਸਨ੍ਨਿਸਿਨ੍ਨੇਸੁ વਿਸ੍ਸਮਮਾਨੇਸੂ’’ਤਿ। ਸਬ੍ਬਸਤ੍ਤਾਨਨ੍ਤਿ ਸਬ੍ਬੇਸਞ੍ਚ ਆਹਾਰੂਪਜੀવਿਤਸਤ੍ਤਾਨਂ ਘਮ੍ਮਤਾਪਨੇ ਸਨ੍ਤਤ੍ਤਕਾਯਾਨਂ ਇਰਿਯਾਪਥਦੁਬ੍ਬਲ੍ਯਕਾਲੋਤਿ ਠਾਨਾਦਿਇਰਿਯਾਪਥਸ੍ਸ ਅਸਮਤ੍ਥਕਾਲੋ। ਸਣਤਿ વਿਯਾਤਿ ਸਦ੍ਦਂ ਕਰੋਤਿ વਿਯ, ਯਥਾ ਤਂ ਅਞ੍ਞਮ੍ਪਿ ਮਹਾવਨਂ વਕ੍ਖਮਾਨਨਯੇਨ। ਤੇਨਾਹ ‘‘ਤਪ੍ਪਟਿਭਾਗਂ ਨਾਮੇਤ’’ਨ੍ਤਿ ਛਿਦ੍ਦવੇਣੁਪਬ੍ਬਾਨਨ੍ਤਿ ਰਨ੍ਧਜਾਤਕੀਚਕਮਹਾવੇਲ਼ੁਪਬ੍ਬਾਨਂ। ਦੁਤਿਯਕਂ ਸਹਾਯਂ ਅਲਭਨ੍ਤੀ ਅਨਭਿਰਤਿਪਰਿਤਸ੍ਸਨਾਯ ਏવਮਾਹ। ਅਨਪ੍ਪਕਂ ਸੁਖਨ੍ਤਿ વਿਪੁਲਂ ਉਲ਼ਾਰਂ વਿવੇਕਸੁਖਂ।
15.Ṭhite majjhanhiketi pubbaddhaṃ nikkhamitvā aparaddhaṃ appatvā ṭhitamajjhanhe. Sannisīvesūti parissamavinodanatthaṃ sabbaso sannisīdantesu. Da-kārassa hi va-kāraṃ katvā niddeso. Tenāha ‘‘sannisinnesu vissamamānesū’’ti. Sabbasattānanti sabbesañca āhārūpajīvitasattānaṃ ghammatāpane santattakāyānaṃ iriyāpathadubbalyakāloti ṭhānādiiriyāpathassa asamatthakālo. Saṇati viyāti saddaṃ karoti viya, yathā taṃ aññampi mahāvanaṃ vakkhamānanayena. Tenāha ‘‘tappaṭibhāgaṃ nāmeta’’nti chiddaveṇupabbānanti randhajātakīcakamahāveḷupabbānaṃ. Dutiyakaṃ sahāyaṃ alabhantī anabhiratiparitassanāya evamāha. Anappakaṃ sukhanti vipulaṃ uḷāraṃ vivekasukhaṃ.
ਏਕવਿਹਾਰਤਾਯ ਸੁਞ੍ਞਾਗਾਰਂ ਪવਿਟ੍ਠਸ੍ਸ। ਤੇਨ ਕਾਯવਿવੇਕਂ ਦਸ੍ਸੇਤਿ। ਅਨਿਚ੍ਚਾਨੁਪਸ੍ਸਨਾਦੀਹਿ ਨਿਚ੍ਚਸਞ੍ਞਾਦਿਪ੍ਪਹਾਨੇਨ ਸਨ੍ਤਚਿਤ੍ਤਸ੍ਸ। ਤੇਨ ਚਿਤ੍ਤવਿવੇਕਂ ਦਸ੍ਸੇਤਿ। ਸਂਸਾਰੇ ਭਯਂ ਇਕ੍ਖਨਤੋ ਭਿਕ੍ਖੁਨੋ ਉਭਯવਿવੇਕਸਮ੍ਪਨ੍ਨਸ੍ਸ, ਤਤੋ ਏવ ਉਤ੍ਤਰਿਂ ਮਨੁਸ੍ਸਧਮ੍ਮਤੋ ਰਤਿਂ ਲਾਭਿਨੋ। ਅਮਾਨੁਸੀ ਰਤੀਤਿ ਭਾવਨਾਰਤਿ। ਪੁਰਤੋਤਿ ਪੁਰਿਮਭਾਗੇ। ਪਚ੍ਛਤੋਤਿ ਪਚ੍ਛਿਮਭਾਗੇ। ਅਪਰੋਤਿ ਅਞ੍ਞੋ। ਪੁਰਤੋਤਿ વਾ ਅਨਾਗਤੇ, ਅਨਾਗਤਂ ਆਰਬ੍ਭਾਤਿ ਅਤ੍ਥੋ। ਪਚ੍ਛਤੋਤਿ ਅਤੀਤੇ ਅਤੀਤਂ ਆਰਬ੍ਭ ਪਟਿਪਤ੍ਤਿਯਾ વਿਬਾਧਨਤੋ। ਪਰੋਤਿ ਕੋਧੋ ਚਿਤ੍ਤਪਟਿਦੁਸ੍ਸਨਤਾਯ। ਨ ਪਰੋਤਿ ਅਪਰੋ, ਲੋਭੋ, ਸੋ ਚੇ ਨ વਿਜ੍ਜਤਿ। ਏਤੇਨ ਅਨਾਗਤਪ੍ਪਜਪ੍ਪਨਾਯ ਅਤੀਤਾਨੁਸੋਚਨਾਯ ਚ ਅਭਾવਂ ਦਸ੍ਸੇਤਿ। ਅਤੀવ ਫਾਸੁ ਭવਤੀਤਿ ਨੀવਰਣਜੇਟ੍ਠਕਸ੍ਸ ਕਾਮਚ੍ਛਨ੍ਦਸ੍ਸ વਿਗਮੇਨ વਿਕ੍ਖਮ੍ਭਿਤਨੀવਰਣਸ੍ਸ ਝਾਨਸ੍ਸ વਸੇਨ ਅਤਿવਿਯ ਫਾਸੁવਿਹਾਰੋ ਹੋਤਿ। ਏਕਸ੍ਸ વਸਤੋ વਨੇਤਿ ਤਣ੍ਹਾਦੁਤਿਯਿਕਾਭਾવੇਨ ਏਕਸ੍ਸ ਅਰਞ੍ਞੇ વਿવੇਕવਾਸਂ વਸਤੋ। ਸੇਸਂ ਤਾਦਿਸਮੇવਾਤਿ ਸੇਸਮੇਤ੍ਥ ਯਂ વਤ੍ਤਬ੍ਬਂ, ਤਂ ਪਠਮਗਾਥਾਯਂ વੁਤ੍ਤਸਦਿਸਮੇવ।
Ekavihāratāya suññāgāraṃ paviṭṭhassa. Tena kāyavivekaṃ dasseti. Aniccānupassanādīhi niccasaññādippahānena santacittassa. Tena cittavivekaṃ dasseti. Saṃsāre bhayaṃ ikkhanato bhikkhuno ubhayavivekasampannassa, tato eva uttariṃ manussadhammato ratiṃ lābhino. Amānusī ratīti bhāvanārati. Puratoti purimabhāge. Pacchatoti pacchimabhāge. Aparoti añño. Puratoti vā anāgate, anāgataṃ ārabbhāti attho. Pacchatoti atīte atītaṃ ārabbha paṭipattiyā vibādhanato. Paroti kodho cittapaṭidussanatāya. Na paroti aparo, lobho, so ce na vijjati. Etena anāgatappajappanāya atītānusocanāya ca abhāvaṃ dasseti. Atīva phāsu bhavatīti nīvaraṇajeṭṭhakassa kāmacchandassa vigamena vikkhambhitanīvaraṇassa jhānassa vasena ativiya phāsuvihāro hoti. Ekassa vasato vaneti taṇhādutiyikābhāvena ekassa araññe vivekavāsaṃ vasato. Sesaṃ tādisamevāti sesamettha yaṃ vattabbaṃ, taṃ paṭhamagāthāyaṃ vuttasadisameva.
ਸਣਮਾਨਸੁਤ੍ਤવਣ੍ਣਨਾ ਨਿਟ੍ਠਿਤਾ।
Saṇamānasuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੫. ਸਣਮਾਨਸੁਤ੍ਤਂ • 5. Saṇamānasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੫. ਸਣਮਾਨਸੁਤ੍ਤવਣ੍ਣਨਾ • 5. Saṇamānasuttavaṇṇanā
