| Library / Tipiṭaka / திபிடக • Tipiṭaka / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) |
2. து³தியவக்³கோ³
2. Dutiyavaggo
1. ஸனங்குமாரஸுத்தவண்ணனா
1. Sanaṅkumārasuttavaṇṇanā
182. து³தியவக்³க³ஸ்ஸ பட²மே ஸப்பினீதீரேதி ஸப்பினீனாமிகாய நதி³யா தீரே. ஸனங்குமாரோதி ஸோ கிர பஞ்சஸிக²குமாரககாலே ஜா²னங் பா⁴வெத்வா ப்³ரஹ்மலோகே நிப்³ப³த்தோ குமாரகவண்ணேனேவ விசரதி. தேன நங் ‘‘குமாரோ’’தி ஸஞ்ஜானந்தி, போராணகத்தா பன ‘‘ஸனங்குமாரோ’’தி வுச்சதி. ஜனேதஸ்மிந்தி ஜனிதஸ்மிங், பஜாயாதி அத்தோ². யே கொ³த்தபடிஸாரினோதி யே ஜனேதஸ்மிங் கொ³த்தங் படிஸரந்தி தேஸு லோகே கொ³த்தபடிஸாரீஸு க²த்தியோ ஸெட்டோ². விஜ்ஜாசரணஸம்பன்னோதி ப⁴யபே⁴ரவஸுத்தபரியாயேன (ம॰ நி॰ 1.34 ஆத³யோ) புப்³பே³னிவாஸாதீ³ஹி வா தீஹி, அம்ப³ட்ட²ஸுத்தபரியாயேன (தீ³॰ நி॰ 1.278 ஆத³யோ) விபஸ்ஸனாஞாணங் மனோமயித்³தி⁴ ச² அபி⁴ஞ்ஞாயோதி இமாஹி வா அட்ட²ஹி விஜ்ஜாஹி, ஸீலேஸு பரிபூரகாரிதா இந்த்³ரியேஸு கு³த்தத்³வாரதா போ⁴ஜனே மத்தஞ்ஞுதா ஜாக³ரியானுயோகோ³ ஸத்த ஸத்³த⁴ம்மா சத்தாரி ரூபாவசரஜ்ஜா²னானீதி ஏவங் பன்னரஸத⁴ம்மபே⁴தே³ன சரணேன ச ஸமன்னாக³தோ. ஸோ ஸெட்டோ² தே³வமானுஸேதி ஸோ கீ²ணாஸவப்³ராஹ்மணோ தே³வேஸு ச மனுஸ்ஸேஸு ச ஸெட்டோ² உத்தமோதி. பட²மங்.
182. Dutiyavaggassa paṭhame sappinītīreti sappinīnāmikāya nadiyā tīre. Sanaṅkumāroti so kira pañcasikhakumārakakāle jhānaṃ bhāvetvā brahmaloke nibbatto kumārakavaṇṇeneva vicarati. Tena naṃ ‘‘kumāro’’ti sañjānanti, porāṇakattā pana ‘‘sanaṅkumāro’’ti vuccati. Janetasminti janitasmiṃ, pajāyāti attho. Ye gottapaṭisārinoti ye janetasmiṃ gottaṃ paṭisaranti tesu loke gottapaṭisārīsu khattiyo seṭṭho. Vijjācaraṇasampannoti bhayabheravasuttapariyāyena (ma. ni. 1.34 ādayo) pubbenivāsādīhi vā tīhi, ambaṭṭhasuttapariyāyena (dī. ni. 1.278 ādayo) vipassanāñāṇaṃ manomayiddhi cha abhiññāyoti imāhi vā aṭṭhahi vijjāhi, sīlesu paripūrakāritā indriyesu guttadvāratā bhojane mattaññutā jāgariyānuyogo satta saddhammā cattāri rūpāvacarajjhānānīti evaṃ pannarasadhammabhedena caraṇena ca samannāgato. So seṭṭho devamānuseti so khīṇāsavabrāhmaṇo devesu ca manussesu ca seṭṭho uttamoti. Paṭhamaṃ.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 1. ஸனங்குமாரஸுத்தங் • 1. Sanaṅkumārasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 1. ஸனங்குமாரஸுத்தவண்ணனா • 1. Sanaṅkumārasuttavaṇṇanā
