| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
2. д̣̇уд̇ияаваг̇г̇о
2. Dutiyavaggo
1. санан̇гумаарасуд̇д̇аван̣н̣анаа
1. Sanaṅkumārasuttavaṇṇanā
182. д̣̇уд̇ияаваг̇г̇асса батамз саббинийд̇ийрзд̇и саббинийнаамигааяа над̣̇ияаа д̇ийрз. санан̇гумаарод̇и со гира бан̃жасикагумаарагагаалз жхаанам̣ бхаавзд̇ваа б̣рахмалогз ниб̣б̣ад̇д̇о гумаарагаван̣н̣знзва вижарад̇и. д̇зна нам̣ ‘‘гумааро’’д̇и сан̃ж̇аананд̇и, бораан̣агад̇д̇аа бана ‘‘санан̇гумааро’’д̇и вужжад̇и. ж̇анзд̇асминд̇и ж̇анид̇асмим̣, баж̇ааяаад̇и ад̇т̇о. яз г̇од̇д̇абадисааринод̇и яз ж̇анзд̇асмим̣ г̇од̇д̇ам̣ бадисаранд̇и д̇зсу логз г̇од̇д̇абадисаарийсу кад̇д̇ияо сздто. виж̇ж̇аажаран̣асамбаннод̇и бхаяабхзравасуд̇д̇абарияааязна (ма. ни. 1.34 аад̣̇аяо) буб̣б̣зниваасаад̣̇ийхи ваа д̇ийхи, амб̣адтасуд̇д̇абарияааязна (д̣̇ий. ни. 1.278 аад̣̇аяо) вибассанаан̃аан̣ам̣ маномаяид̣̇д̇хи ча абхин̃н̃ааяод̇и имаахи ваа адтахи виж̇ж̇аахи, сийлзсу барибуурагаарид̇аа инд̣̇риязсу г̇уд̇д̇ад̣̇ваарад̇аа бхож̇анз мад̇д̇ан̃н̃уд̇аа ж̇ааг̇арияаануяог̇о сад̇д̇а сад̣̇д̇хаммаа жад̇д̇аари руубааважараж̇жхаанаанийд̇и звам̣ баннарасад̇хаммабхзд̣̇зна жаран̣зна жа саманнааг̇ад̇о. со сздто д̣̇звамаанусзд̇и со кийн̣аасаваб̣раахман̣о д̣̇звзсу жа мануссзсу жа сздто уд̇д̇амод̇и. батамам̣.
182. Dutiyavaggassa paṭhame sappinītīreti sappinīnāmikāya nadiyā tīre. Sanaṅkumāroti so kira pañcasikhakumārakakāle jhānaṃ bhāvetvā brahmaloke nibbatto kumārakavaṇṇeneva vicarati. Tena naṃ ‘‘kumāro’’ti sañjānanti, porāṇakattā pana ‘‘sanaṅkumāro’’ti vuccati. Janetasminti janitasmiṃ, pajāyāti attho. Ye gottapaṭisārinoti ye janetasmiṃ gottaṃ paṭisaranti tesu loke gottapaṭisārīsu khattiyo seṭṭho. Vijjācaraṇasampannoti bhayabheravasuttapariyāyena (ma. ni. 1.34 ādayo) pubbenivāsādīhi vā tīhi, ambaṭṭhasuttapariyāyena (dī. ni. 1.278 ādayo) vipassanāñāṇaṃ manomayiddhi cha abhiññāyoti imāhi vā aṭṭhahi vijjāhi, sīlesu paripūrakāritā indriyesu guttadvāratā bhojane mattaññutā jāgariyānuyogo satta saddhammā cattāri rūpāvacarajjhānānīti evaṃ pannarasadhammabhedena caraṇena ca samannāgato. So seṭṭho devamānuseti so khīṇāsavabrāhmaṇo devesu ca manussesu ca seṭṭho uttamoti. Paṭhamaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 1. санан̇гумаарасуд̇д̇ам̣ • 1. Sanaṅkumārasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 1. санан̇гумаарасуд̇д̇аван̣н̣анаа • 1. Sanaṅkumārasuttavaṇṇanā
