| Library / Tipiṭaka / तिपिटक • Tipiṭaka / संयुत्तनिकाय (टीका) • Saṃyuttanikāya (ṭīkā) |
२. दुतियवग्गो
2. Dutiyavaggo
१. सनङ्कुमारसुत्तवण्णना
1. Sanaṅkumārasuttavaṇṇanā
१८२. पोराणकत्ताति निब्बत्तित्वा चिरकालत्ता। जातत्ता जनो, तं इतो जनेतो, तस्मिं। खत्तियो सेट्ठो लोकमरियादपरिपालनादिना सम्मापटिपत्तियं सत्तानं नियोजनेन बहुकारत्ता। सो हि परे तथा पटिपादेन्तो सयम्पि तत्थ पतिट्ठितोयेव होतीति सेट्ठो वुत्तो। पटिपक्खविज्झनट्ठेन पुब्बेनिवासादीनं विदितकरणट्ठेन विज्जाति। सद्धाहिरोत्तप्पबाहुसच्चवीरियसतिपञ्ञाति इमे सत्त सद्धम्मा। चरन्ति अगतपुब्बं दिसं एतेहीति चरणानि, सीलादयो पन्नरस धम्मा।
182.Porāṇakattāti nibbattitvā cirakālattā. Jātattā jano, taṃ ito janeto, tasmiṃ. Khattiyo seṭṭho lokamariyādaparipālanādinā sammāpaṭipattiyaṃ sattānaṃ niyojanena bahukārattā. So hi pare tathā paṭipādento sayampi tattha patiṭṭhitoyeva hotīti seṭṭho vutto. Paṭipakkhavijjhanaṭṭhena pubbenivāsādīnaṃ viditakaraṇaṭṭhena vijjāti. Saddhāhirottappabāhusaccavīriyasatipaññāti ime satta saddhammā. Caranti agatapubbaṃ disaṃ etehīti caraṇāni, sīlādayo pannarasa dhammā.
सनङ्कुमारसुत्तवण्णना निट्ठिता।
Sanaṅkumārasuttavaṇṇanā niṭṭhitā.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / संयुत्तनिकाय • Saṃyuttanikāya / १. सनङ्कुमारसुत्तं • 1. Sanaṅkumārasuttaṃ
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / संयुत्तनिकाय (अट्ठकथा) • Saṃyuttanikāya (aṭṭhakathā) / १. सनङ्कुमारसुत्तवण्णना • 1. Sanaṅkumārasuttavaṇṇanā
