| Library / Tipiṭaka / ತಿಪಿಟಕ • Tipiṭaka / ಸಂಯುತ್ತನಿಕಾಯ (ಟೀಕಾ) • Saṃyuttanikāya (ṭīkā) |
೨. ದುತಿಯವಗ್ಗೋ
2. Dutiyavaggo
೧. ಸನಙ್ಕುಮಾರಸುತ್ತವಣ್ಣನಾ
1. Sanaṅkumārasuttavaṇṇanā
೧೮೨. ಪೋರಾಣಕತ್ತಾತಿ ನಿಬ್ಬತ್ತಿತ್ವಾ ಚಿರಕಾಲತ್ತಾ। ಜಾತತ್ತಾ ಜನೋ, ತಂ ಇತೋ ಜನೇತೋ, ತಸ್ಮಿಂ। ಖತ್ತಿಯೋ ಸೇಟ್ಠೋ ಲೋಕಮರಿಯಾದಪರಿಪಾಲನಾದಿನಾ ಸಮ್ಮಾಪಟಿಪತ್ತಿಯಂ ಸತ್ತಾನಂ ನಿಯೋಜನೇನ ಬಹುಕಾರತ್ತಾ। ಸೋ ಹಿ ಪರೇ ತಥಾ ಪಟಿಪಾದೇನ್ತೋ ಸಯಮ್ಪಿ ತತ್ಥ ಪತಿಟ್ಠಿತೋಯೇವ ಹೋತೀತಿ ಸೇಟ್ಠೋ ವುತ್ತೋ। ಪಟಿಪಕ್ಖವಿಜ್ಝನಟ್ಠೇನ ಪುಬ್ಬೇನಿವಾಸಾದೀನಂ ವಿದಿತಕರಣಟ್ಠೇನ ವಿಜ್ಜಾತಿ। ಸದ್ಧಾಹಿರೋತ್ತಪ್ಪಬಾಹುಸಚ್ಚವೀರಿಯಸತಿಪಞ್ಞಾತಿ ಇಮೇ ಸತ್ತ ಸದ್ಧಮ್ಮಾ। ಚರನ್ತಿ ಅಗತಪುಬ್ಬಂ ದಿಸಂ ಏತೇಹೀತಿ ಚರಣಾನಿ, ಸೀಲಾದಯೋ ಪನ್ನರಸ ಧಮ್ಮಾ।
182.Porāṇakattāti nibbattitvā cirakālattā. Jātattā jano, taṃ ito janeto, tasmiṃ. Khattiyo seṭṭho lokamariyādaparipālanādinā sammāpaṭipattiyaṃ sattānaṃ niyojanena bahukārattā. So hi pare tathā paṭipādento sayampi tattha patiṭṭhitoyeva hotīti seṭṭho vutto. Paṭipakkhavijjhanaṭṭhena pubbenivāsādīnaṃ viditakaraṇaṭṭhena vijjāti. Saddhāhirottappabāhusaccavīriyasatipaññāti ime satta saddhammā. Caranti agatapubbaṃ disaṃ etehīti caraṇāni, sīlādayo pannarasa dhammā.
ಸನಙ್ಕುಮಾರಸುತ್ತವಣ್ಣನಾ ನಿಟ್ಠಿತಾ।
Sanaṅkumārasuttavaṇṇanā niṭṭhitā.
Related texts:
ತಿಪಿಟಕ (ಮೂಲ) • Tipiṭaka (Mūla) / ಸುತ್ತಪಿಟಕ • Suttapiṭaka / ಸಂಯುತ್ತನಿಕಾಯ • Saṃyuttanikāya / ೧. ಸನಙ್ಕುಮಾರಸುತ್ತಂ • 1. Sanaṅkumārasuttaṃ
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಸಂಯುತ್ತನಿಕಾಯ (ಅಟ್ಠಕಥಾ) • Saṃyuttanikāya (aṭṭhakathā) / ೧. ಸನಙ್ಕುಮಾರಸುತ್ತವಣ್ಣನಾ • 1. Sanaṅkumārasuttavaṇṇanā
