Library / Tipiṭaka / д̇ибидага • Tipiṭaka / бзд̇авад̇т̇у-адтагат̇аа • Petavatthu-aṭṭhakathā

2. саан̣аваасид̇т̇зрабзд̇авад̇т̇уван̣н̣анаа

2. Sāṇavāsittherapetavatthuvaṇṇanā

гун̣д̣инааг̇арияо т̇зрод̇и ид̣̇ам̣ сад̇т̇ари взл̣уванз вихаранд̇з ааяасмад̇о саан̣аваасид̇т̇зрасса н̃аад̇ибзд̇з аараб̣бха вуд̇д̇ам̣. ад̇ийд̇з гира б̣аараан̣асияам̣ гид̇авасса наама ран̃н̃о буд̇д̇о уяяаанагийл̣ам̣ гийл̣ид̇ваа нивад̇д̇анд̇о сунзд̇д̇ам̣ наама бажжзгаб̣уд̣̇д̇хам̣ бин̣д̣ааяа жарид̇ваа наг̇арад̇о нигкаманд̇ам̣ д̣̇исваа иссарияамад̣̇амад̇д̇о худ̇ваа ‘‘гат̇ан̃хи наама маяхам̣ ан̃ж̇алим̣ агад̇ваа аяам̣ мун̣д̣аго г̇ажчад̇ий’’д̇и бад̣̇удтажид̇д̇о хад̇т̇игканд̇хад̇о од̇арид̇ваа ‘‘гажжи д̇з бин̣д̣абаад̇о лад̣̇д̇хо’’д̇и аалабанд̇о хад̇т̇ад̇о бад̇д̇ам̣ г̇ахзд̇ваа бат̇авияам̣ баад̇зд̇ваа бхинд̣̇и. ат̇а нам̣ саб̣б̣ад̇т̇а д̇аад̣̇ибхааваббад̇д̇ияаа ниб̣б̣игаарам̣ гарун̣аавибпаарасоманассанибаад̇абасаннажид̇д̇амзва ологзнд̇ам̣ адтаанаагхаад̇зна д̣̇уусид̇ажид̇д̇о ‘‘гим̣ мам̣ гид̇авасса ран̃н̃о буд̇д̇ам̣ на ж̇аанааси, д̇вам̣ ологаяанд̇о маяхам̣ гим̣ гариссасий’’д̇и вад̇ваа авахасанд̇о баггаами. багганд̇амад̇д̇ассзва жасса нарагаг̇г̇ид̣̇аахабадибхааг̇о б̣алавасарийрад̣̇аахо уббаж̇ж̇и. со д̇зна махаасанд̇аабзнаабхибхууд̇агааяо ад̇иб̣аал̣хам̣ д̣̇угкавзд̣̇анаабхид̇унно гаалам̣ гад̇ваа авийжиймахаанираяз ниб̣б̣ад̇д̇и.

Kuṇḍināgariyo theroti idaṃ satthari veḷuvane viharante āyasmato sāṇavāsittherassa ñātipete ārabbha vuttaṃ. Atīte kira bārāṇasiyaṃ kitavassa nāma rañño putto uyyānakīḷaṃ kīḷitvā nivattanto sunettaṃ nāma paccekabuddhaṃ piṇḍāya caritvā nagarato nikkhamantaṃ disvā issariyamadamatto hutvā ‘‘kathañhi nāma mayhaṃ añjaliṃ akatvā ayaṃ muṇḍako gacchatī’’ti paduṭṭhacitto hatthikkhandhato otaritvā ‘‘kacci te piṇḍapāto laddho’’ti ālapanto hatthato pattaṃ gahetvā pathaviyaṃ pātetvā bhindi. Atha naṃ sabbattha tādibhāvappattiyā nibbikāraṃ karuṇāvipphārasomanassanipātapasannacittameva olokentaṃ aṭṭhānāghātena dūsitacitto ‘‘kiṃ maṃ kitavassa rañño puttaṃ na jānāsi, tvaṃ olokayanto mayhaṃ kiṃ karissasī’’ti vatvā avahasanto pakkāmi. Pakkantamattasseva cassa narakaggidāhapaṭibhāgo balavasarīradāho uppajji. So tena mahāsantāpenābhibhūtakāyo atibāḷhaṃ dukkhavedanābhitunno kālaṃ katvā avīcīmahāniraye nibbatti.

со д̇ад̇т̇а д̣̇агкин̣абассзна ваамабассзна уд̇д̇аано авагуж̇ж̇од̇и б̣ахуухи багаарзхи баривад̇д̇ид̇ваа жад̇ураасийд̇и вассасахассаани бажжид̇ваа д̇ад̇о жуд̇о бзд̇зсу абиримид̇агаалам̣ куббибаасаад̣̇ид̣̇угкам̣ анубхавид̇ваа д̇ад̇о жуд̇о имасмим̣ б̣уд̣̇д̇хуббаад̣̇з гун̣д̣инаг̇арасса самийбз гзваддаг̇аамз ниб̣б̣ад̇д̇и. д̇асса ж̇аад̇иссаран̃аан̣ам̣ уббаж̇ж̇и, д̇зна со буб̣б̣з ад̇д̇анаа анубхууд̇абуб̣б̣ам̣ д̣̇угкам̣ ануссаранд̇о ваяаббад̇д̇оби баабабхаязна н̃аад̇агзхиби сад̣̇д̇хим̣ мажчаб̣анд̇ханад̇т̇ам̣ на г̇ажчад̇и. д̇зсу г̇ажчанд̇зсу мажчз гхаад̇зд̇ум̣ анижчанд̇о нилийяад̇и, г̇ад̇о жа ж̇аалам̣ бхинд̣̇ад̇и, ж̇ийванд̇з ваа мажчз г̇ахзд̇ваа уд̣̇агз виссаж̇ж̇зд̇и, д̇асса д̇ам̣ гирияам̣ арожанд̇аа н̃аад̇агаа г̇зхад̇о д̇ам̣ нийхарим̣су. зго банасса бхаад̇аа синзхаб̣ад̣̇д̇хахад̣̇аяо ахоси.

So tattha dakkhiṇapassena vāmapassena uttāno avakujjoti bahūhi pakārehi parivattitvā caturāsīti vassasahassāni paccitvā tato cuto petesu apirimitakālaṃ khuppipāsādidukkhaṃ anubhavitvā tato cuto imasmiṃ buddhuppāde kuṇḍinagarassa samīpe kevaṭṭagāme nibbatti. Tassa jātissarañāṇaṃ uppajji, tena so pubbe attanā anubhūtapubbaṃ dukkhaṃ anussaranto vayappattopi pāpabhayena ñātakehipi saddhiṃ macchabandhanatthaṃ na gacchati. Tesu gacchantesu macche ghātetuṃ anicchanto nilīyati, gato ca jālaṃ bhindati, jīvante vā macche gahetvā udake vissajjeti, tassa taṃ kiriyaṃ arocantā ñātakā gehato taṃ nīhariṃsu. Eko panassa bhātā sinehabaddhahadayo ahosi.

д̇зна жа самаязна ааяасмаа аананд̣̇о гун̣д̣инаг̇арам̣ убаниссааяа саан̣абаб̣б̣ад̇з вихарад̇и. ат̇а со гзваддабуд̇д̇о н̃аад̇агзхи барижжад̇д̇о худ̇ваа ид̇о жид̇о жа бариб̣бхаманд̇о д̇ам̣ бад̣̇зсам̣ бад̇д̇о бхож̇анавзлааяа т̇зрасса санд̇игам̣ убасан̇гами. т̇зро д̇ам̣ бужчид̇ваа бхож̇анзна ад̇т̇игабхаавам̣ н̃ад̇ваа д̇асса бхад̇д̇ам̣ д̣̇ад̇ваа гад̇абхад̇д̇агижжо саб̣б̣ам̣ д̇ам̣ бавад̇д̇им̣ н̃ад̇ваа д̇хаммагат̇ааяа басаннамаанасам̣ н̃ад̇ваа ‘‘баб̣б̣аж̇иссаси, аавусо’’д̇и? ‘‘аама, бханд̇з, баб̣б̣аж̇иссаамий’’д̇и. т̇зро д̇ам̣ баб̣б̣ааж̇зд̇ваа д̇зна сад̣̇д̇хим̣ бхаг̇авад̇о санд̇игам̣ аг̇амааси. ат̇а нам̣ сад̇т̇аа ааха – ‘‘аананд̣̇а, имам̣ сааман̣зрам̣ анугамбзяяаасий’’д̇и. со жа агад̇агусалад̇д̇аа аббалаабхо ахоси. ат̇а нам̣ сад̇т̇аа ануг̇г̇ан̣ханд̇о бхигкуунам̣ барибхог̇ад̇т̇ааяа баанийяагхадаанам̣ барибууран̣з нияож̇зси. д̇ам̣ д̣̇исваа убаасагаа д̇асса б̣ахууни нижжабхад̇д̇аани бадтабзсум̣.

Tena ca samayena āyasmā ānando kuṇḍinagaraṃ upanissāya sāṇapabbate viharati. Atha so kevaṭṭaputto ñātakehi pariccatto hutvā ito cito ca paribbhamanto taṃ padesaṃ patto bhojanavelāya therassa santikaṃ upasaṅkami. Thero taṃ pucchitvā bhojanena atthikabhāvaṃ ñatvā tassa bhattaṃ datvā katabhattakicco sabbaṃ taṃ pavattiṃ ñatvā dhammakathāya pasannamānasaṃ ñatvā ‘‘pabbajissasi, āvuso’’ti? ‘‘Āma, bhante, pabbajissāmī’’ti. Thero taṃ pabbājetvā tena saddhiṃ bhagavato santikaṃ agamāsi. Atha naṃ satthā āha – ‘‘ānanda, imaṃ sāmaṇeraṃ anukampeyyāsī’’ti. So ca akatakusalattā appalābho ahosi. Atha naṃ satthā anuggaṇhanto bhikkhūnaṃ paribhogatthāya pānīyaghaṭānaṃ paripūraṇe niyojesi. Taṃ disvā upāsakā tassa bahūni niccabhattāni paṭṭhapesuṃ.

со абарзна самаязна лад̣̇д̇хуубасамбад̣̇о арахад̇д̇ам̣ бад̇ваа т̇зро худ̇ваа д̣̇ваад̣̇асахи бхигкуухи сад̣̇д̇хим̣ саан̣абаб̣б̣ад̇з васи. д̇асса бана н̃аад̇агаа бан̃жасад̇амад̇д̇аа анубажид̇агусалагаммаа убажид̇амажчзраад̣̇ибаабад̇хаммаа гаалам̣ гад̇ваа бзд̇зсу ниб̣б̣ад̇д̇им̣су. д̇асса бана маад̇аабид̇аро ‘‘зса амхзхи буб̣б̣з г̇зхад̇о ниггад̣дхид̇о’’д̇и саараж̇ж̇амаанаа д̇ам̣ анубасан̇гамид̇ваа д̇асмим̣ б̣ад̣̇д̇хасинзхам̣ бхаад̇игам̣ бзсзсум̣. со т̇зрасса г̇аамам̣ бин̣д̣ааяа бавидтасамаяз д̣̇агкин̣аж̇аан̣уман̣д̣алам̣ бат̇авияам̣ бад̇идтаабзд̇ваа гад̇ан̃ж̇алий ад̇д̇аанам̣ д̣̇ассзд̇ваа ‘‘маад̇аа бид̇аа жа д̇з, бханд̇з’’д̇иаад̣̇иг̇аат̇аа авожа. гун̣д̣инааг̇арияо т̇зрод̇иаад̣̇аяо бана аад̣̇ид̇о бан̃жа г̇аат̇аа д̇аасам̣ самб̣анд̇хад̣̇ассанад̇т̇ам̣ д̇хаммасан̇г̇аахагзхи табид̇аа.

So aparena samayena laddhūpasampado arahattaṃ patvā thero hutvā dvādasahi bhikkhūhi saddhiṃ sāṇapabbate vasi. Tassa pana ñātakā pañcasatamattā anupacitakusalakammā upacitamaccherādipāpadhammā kālaṃ katvā petesu nibbattiṃsu. Tassa pana mātāpitaro ‘‘esa amhehi pubbe gehato nikkaḍḍhito’’ti sārajjamānā taṃ anupasaṅkamitvā tasmiṃ baddhasinehaṃ bhātikaṃ pesesuṃ. So therassa gāmaṃ piṇḍāya paviṭṭhasamaye dakkhiṇajāṇumaṇḍalaṃ pathaviyaṃ patiṭṭhāpetvā katañjalī attānaṃ dassetvā ‘‘mātā pitā ca te, bhante’’tiādigāthā avoca. Kuṇḍināgariyo therotiādayo pana ādito pañca gāthā tāsaṃ sambandhadassanatthaṃ dhammasaṅgāhakehi ṭhapitā.

408.

‘‘гун̣д̣инааг̇арияо т̇зро, саан̣аваасиниваасиго;

‘‘Kuṇḍināgariyo thero, sāṇavāsinivāsiko;

бодтабаад̣̇од̇и наамзна, саман̣о бхаавид̇инд̣̇рияо.

Poṭṭhapādoti nāmena, samaṇo bhāvitindriyo.

409.

‘‘д̇асса маад̇аа бид̇аа бхаад̇аа, д̣̇уг̇г̇ад̇аа яамалогигаа;

‘‘Tassa mātā pitā bhātā, duggatā yamalokikā;

баабагаммам̣ гарид̇ваана, бзд̇алогам̣ ид̇о г̇ад̇аа.

Pāpakammaṃ karitvāna, petalokaṃ ito gatā.

410.

‘‘д̇з д̣̇уг̇г̇ад̇аа суужигаддаа, гиланд̇аа наг̇г̇ино гисаа;

‘‘Te duggatā sūcikaṭṭā, kilantā naggino kisā;

уд̇д̇асанд̇аа махад̇д̇аасаа, на д̣̇ассзнд̇и гуруурино.

Uttasantā mahattāsā, na dassenti kurūrino.

411.

‘‘д̇асса бхаад̇аа вид̇арид̇ваа, наг̇г̇о згабат̇згаго;

‘‘Tassa bhātā vitaritvā, naggo ekapathekako;

жад̇угун̣д̣иго бхавид̇ваана, т̇зрасса д̣̇ассаяийд̇умам̣.

Catukuṇḍiko bhavitvāna, therassa dassayītumaṃ.

412.

‘‘т̇зро жааманасигад̇ваа, д̇ун̣хийбхууд̇о ад̇иггами;

‘‘Thero cāmanasikatvā, tuṇhībhūto atikkami;

со жа вин̃н̃аабаяий т̇зрам̣, ‘бхаад̇аа бзд̇аг̇ад̇о ахам̣’.

So ca viññāpayī theraṃ, ‘bhātā petagato ahaṃ’.

413.

‘‘маад̇аа бид̇аа жа д̇з бханд̇з, д̣̇уг̇г̇ад̇аа яамалогигаа;

‘‘Mātā pitā ca te bhante, duggatā yamalokikā;

баабагаммам̣ гарид̇ваана, бзд̇алогам̣ ид̇о г̇ад̇аа.

Pāpakammaṃ karitvāna, petalokaṃ ito gatā.

414.

‘‘д̇зна д̣̇уг̇г̇ад̇аа суужигаддаа, гиланд̇аа наг̇г̇ино гисаа;

‘‘Tena duggatā sūcikaṭṭā, kilantā naggino kisā;

уд̇д̇асанд̇аа махад̇д̇аасаа, на д̣̇ассзнд̇и гуруурино.

Uttasantā mahattāsā, na dassenti kurūrino.

415.

‘‘анугамбассу гаарун̣иго, д̣̇ад̇ваа анваад̣̇исаахи но;

‘‘Anukampassu kāruṇiko, datvā anvādisāhi no;

д̇ава д̣̇иннзна д̣̇аанзна, яаабзссанд̇и гуруурино’’д̇и.

Tava dinnena dānena, yāpessanti kurūrino’’ti.

408-9. д̇ад̇т̇а гун̣д̣инааг̇арияо т̇зрод̇и звам̣наамагз наг̇арз ж̇аад̇асам̣вад̣дхад̇т̇зро, ‘‘гун̣д̣иганаг̇аро т̇зро’’д̇иби баато, со звад̇т̇о. саан̣аваасиниваасигод̇и саан̣абаб̣б̣ад̇аваасий. бодтабаад̣̇од̇и наамзнаад̇и наамзна бодтабаад̣̇о наама. саман̣од̇и самид̇абаабо. бхаавид̇инд̣̇рияод̇и арияамаг̇г̇абхааванааяа бхаавид̇асад̣̇д̇хаад̣̇иинд̣̇рияо, арахаад̇и ад̇т̇о. д̇ассаад̇и д̇асса саан̣аваасид̇т̇зрасса. д̣̇уг̇г̇ад̇аад̇и д̣̇уг̇г̇ад̇иг̇ад̇аа.

408-9. Tattha kuṇḍināgariyo theroti evaṃnāmake nagare jātasaṃvaḍḍhatthero, ‘‘kuṇḍikanagaro thero’’tipi pāṭho, so evattho. Sāṇavāsinivāsikoti sāṇapabbatavāsī. Poṭṭhapādoti nāmenāti nāmena poṭṭhapādo nāma. Samaṇoti samitapāpo. Bhāvitindriyoti ariyamaggabhāvanāya bhāvitasaddhādiindriyo, arahāti attho. Tassāti tassa sāṇavāsittherassa. Duggatāti duggatigatā.

410. суужигаддаад̇и бууд̇инаа луукаг̇ад̇д̇аа аддагаа, суужигаад̇и лад̣̇д̇ханаамааяа куббибаасааяа аддаа бийл̣ид̇аа. ‘‘суужиган̣таа’’д̇и гзжи батанд̇и, суужичид̣̇д̣̇асад̣̇исамукад̣̇ваараад̇и ад̇т̇о. гиланд̇аад̇и гиланд̇агааяажид̇д̇аа. наг̇г̇инод̇и наг̇г̇аруубаа нижжол̣аа. гисаад̇и адтид̇д̇ажамад̇д̇асарийрад̇ааяа гисад̣̇зхаа. уд̇д̇асанд̇аад̇и ‘‘аяам̣ саман̣о амхаагам̣ буд̇д̇о’’д̇и од̇д̇аббзна уд̇раасам̣ аабаж̇ж̇анд̇аа . махад̇д̇аасаад̇и ад̇д̇анаа буб̣б̣з гад̇агаммам̣ бадижжа сан̃ж̇аад̇амахаабхаяаа. на д̣̇ассзнд̇ийд̇и ад̇д̇аанам̣ на д̣̇ассзнд̇и, саммукийбхаавам̣ на г̇ажчанд̇и. гурууринод̇и д̣̇аарун̣агамманд̇аа.

410.Sūcikaṭṭāti pūtinā lūkhagattā aṭṭakā, sūcikāti laddhanāmāya khuppipāsāya aṭṭā pīḷitā. ‘‘Sūcikaṇṭhā’’ti keci paṭhanti, sūcichiddasadisamukhadvārāti attho. Kilantāti kilantakāyacittā. Nagginoti naggarūpā niccoḷā. Kisāti aṭṭhittacamattasarīratāya kisadehā. Uttasantāti ‘‘ayaṃ samaṇo amhākaṃ putto’’ti ottappena utrāsaṃ āpajjantā . Mahattāsāti attanā pubbe katakammaṃ paṭicca sañjātamahābhayā. Na dassentīti attānaṃ na dassenti, sammukhībhāvaṃ na gacchanti. Kurūrinoti dāruṇakammantā.

411. д̇асса бхаад̇аад̇и саан̣аваасид̇т̇зрасса бхаад̇аа. вид̇арид̇ваад̇и вид̇ин̣н̣о худ̇ваа, од̇д̇аббасанд̇аасабхаяаад̇и ад̇т̇о. вид̇урид̇ваад̇и ваа баато, д̇урид̇о худ̇ваа, д̇арамаанаруубо худ̇ваад̇и вуд̇д̇ам̣ ход̇и. згабат̇зд̇и згабад̣̇игамаг̇г̇з. згагод̇и згиго ад̣̇уд̇ияо. жад̇угун̣д̣иго бхавид̇ваанаад̇и жад̇уухи ан̇г̇зхи гун̣д̣зд̇и ад̇д̇абхаавам̣ бавад̇д̇зд̇ийд̇и жад̇угун̣д̣иго, д̣̇вийхи ж̇аан̣уухи д̣̇вийхи хад̇т̇зхи г̇ажчанд̇о д̇идтанд̇о жа, звам̣бхууд̇о худ̇ваад̇и ад̇т̇о. со хи звам̣ бурад̇о гобийнабадижчаад̣̇анаа ход̇ийд̇и д̇ат̇аа агааси. т̇зрасса д̣̇ассаяийд̇уманд̇и т̇зрасса ад̇д̇аанам̣ уд̣̇д̣̇исаяи д̣̇ассзси.

411.Tassa bhātāti sāṇavāsittherassa bhātā. Vitaritvāti vitiṇṇo hutvā, ottappasantāsabhayāti attho. Vituritvāti vā pāṭho, turito hutvā, taramānarūpo hutvāti vuttaṃ hoti. Ekapatheti ekapadikamagge. Ekakoti ekiko adutiyo. Catukuṇḍiko bhavitvānāti catūhi aṅgehi kuṇḍeti attabhāvaṃ pavattetīti catukuṇḍiko, dvīhi jāṇūhi dvīhi hatthehi gacchanto tiṭṭhanto ca, evaṃbhūto hutvāti attho. So hi evaṃ purato kopīnapaṭicchādanā hotīti tathā akāsi. Therassa dassayītumanti therassa attānaṃ uddisayi dassesi.

412. аманасигад̇ваад̇и ‘‘аяам̣ наама зсо’’д̇и звам̣ манаси агарид̇ваа анааваж̇ж̇зд̇ваа. со жаад̇и со бзд̇о. бхаад̇аа бзд̇аг̇ад̇о аханд̇и ‘‘ахам̣ ад̇ийд̇ад̇д̇абхаавз бхаад̇аа, ид̣̇аани бзд̇абхууд̇о ид̇хааг̇ад̇о’’д̇и вад̇ваа вин̃н̃аабаяи т̇зранд̇и яож̇анаа.

412.Amanasikatvāti ‘‘ayaṃ nāma eso’’ti evaṃ manasi akaritvā anāvajjetvā. So cāti so peto. Bhātā petagato ahanti ‘‘ahaṃ atītattabhāve bhātā, idāni petabhūto idhāgato’’ti vatvā viññāpayi theranti yojanā.

413-5. яат̇аа бана вин̃н̃аабаяи, д̇ам̣ д̣̇ассзд̇ум̣ ‘‘маад̇аа бид̇аа жаа’’д̇иаад̣̇инаа д̇иссо г̇аат̇аа вуд̇д̇аа. д̇ад̇т̇а маад̇аа бид̇аа жа д̇зд̇и д̇ава маад̇аа жа бид̇аа жа. анугамбассууд̇и ануг̇г̇ан̣ха ануд̣̇аяам̣ гарохи. анваад̣̇исаахийд̇и аад̣̇иса. нод̇и амхаагам̣. д̇ава д̣̇иннзнаад̇и д̇аяаа д̣̇иннзна.

413-5. Yathā pana viññāpayi, taṃ dassetuṃ ‘‘mātā pitā cā’’tiādinā tisso gāthā vuttā. Tattha mātā pitā ca teti tava mātā ca pitā ca. Anukampassūti anuggaṇha anudayaṃ karohi. Anvādisāhīti ādisa. Noti amhākaṃ. Tava dinnenāti tayā dinnena.

д̇ам̣ суд̇ваа т̇зро яат̇аа бадибаж̇ж̇и, д̇ам̣ д̣̇ассзд̇ум̣ –

Taṃ sutvā thero yathā paṭipajji, taṃ dassetuṃ –

416.

‘‘т̇зро жарид̇ваа бин̣д̣ааяа, бхигкуу ан̃н̃з жа д̣̇ваад̣̇аса;

‘‘Thero caritvā piṇḍāya, bhikkhū aññe ca dvādasa;

згаж̇жхам̣ саннибад̇им̣су, бхад̇д̇ависсаг̇г̇агааран̣аа.

Ekajjhaṃ sannipatiṃsu, bhattavissaggakāraṇā.

417.

‘‘т̇зро саб̣б̣зва д̇з ааха, яат̇аалад̣̇д̇хам̣ д̣̇ад̣̇аат̇а мз;

‘‘Thero sabbeva te āha, yathāladdhaṃ dadātha me;

сан̇гхабхад̇д̇ам̣ гариссаами, анугамбааяа н̃аад̇инам̣.

Saṅghabhattaṃ karissāmi, anukampāya ñātinaṃ.

418.

‘‘нияяаад̣̇аяим̣су т̇зрасса, т̇зро сан̇гхам̣ ниманд̇аяи;

‘‘Niyyādayiṃsu therassa, thero saṅghaṃ nimantayi;

д̣̇ад̇ваа анваад̣̇иси т̇зро, маад̇у бид̇у жа бхаад̇уно;

Datvā anvādisi thero, mātu pitu ca bhātuno;

‘ид̣̇ам̣ мз н̃аад̇ийнам̣ ход̇у, сукид̇аа хонд̇у н̃аад̇аяо’.

‘Idaṃ me ñātīnaṃ hotu, sukhitā hontu ñātayo’.

419.

‘‘самананд̇араануд̣̇д̣̇идтз, бхож̇анам̣ уд̣̇абаж̇ж̇ат̇а;

‘‘Samanantarānuddiṭṭhe, bhojanaṃ udapajjatha;

сужим̣ бан̣ийд̇ам̣ самбаннам̣, анзгарасаб̣яан̃ж̇анам̣.

Suciṃ paṇītaṃ sampannaṃ, anekarasabyañjanaṃ.

420.

‘‘д̇ад̇о уд̣̇д̣̇ассаяий бхаад̇аа, ван̣н̣аваа б̣алаваа сукий;

‘‘Tato uddassayī bhātā, vaṇṇavā balavā sukhī;

бахууд̇ам̣ бхож̇анам̣ бханд̇з, басса наг̇г̇аамхасз маяам̣;

Pahūtaṃ bhojanaṃ bhante, passa naggāmhase mayaṃ;

д̇ат̇аа бханд̇з бараггама, яат̇аа вад̇т̇ам̣ лабхаамасз.

Tathā bhante parakkama, yathā vatthaṃ labhāmase.

421.

‘‘т̇зро сан̇гаарагуудамхаа, ужжинид̇ваана нанд̇агз;

‘‘Thero saṅkārakūṭamhā, uccinitvāna nantake;

билод̇игам̣ бадам̣ гад̇ваа, сан̇гхз жаад̇уд̣̇д̣̇исз ад̣̇аа.

Pilotikaṃ paṭaṃ katvā, saṅghe cātuddise adā.

422.

‘‘д̣̇ад̇ваа анваад̣̇исий т̇зро, маад̇у бид̇у жа бхаад̇уно;

‘‘Datvā anvādisī thero, mātu pitu ca bhātuno;

‘ид̣̇ам̣ мз н̃аад̇ийнам̣ ход̇у, сукид̇аа хонд̇у н̃аад̇аяо’.

‘Idaṃ me ñātīnaṃ hotu, sukhitā hontu ñātayo’.

423.

‘‘самананд̇араануд̣̇д̣̇идтз, вад̇т̇аани уд̣̇абаж̇ж̇исум̣;

‘‘Samanantarānuddiṭṭhe, vatthāni udapajjisuṃ;

д̇ад̇о сувад̇т̇авасано, т̇зрасса д̣̇ассаяийд̇умам̣.

Tato suvatthavasano, therassa dassayītumaṃ.

424.

‘‘яаавад̇аа нанд̣̇арааж̇асса, виж̇ид̇асмим̣ бадижчад̣̇аа;

‘‘Yāvatā nandarājassa, vijitasmiṃ paṭicchadā;

д̇ад̇о б̣ахуд̇араа бханд̇з, вад̇т̇аанажчаад̣̇анаани но.

Tato bahutarā bhante, vatthānacchādanāni no.

425.

‘‘госзяяагамб̣алийяаани, комагаббаасигаани жа;

‘‘Koseyyakambalīyāni, khomakappāsikāni ca;

вибулаа жа махаг̇гхаа жа, д̇збаагаасзваламб̣арз.

Vipulā ca mahagghā ca, tepākāsevalambare.

426.

‘‘д̇з маяам̣ барид̣̇ахаама, яам̣ яан̃хи манасо бияам̣;

‘‘Te mayaṃ paridahāma, yaṃ yañhi manaso piyaṃ;

д̇ат̇аа бханд̇з бараггама, яат̇аа г̇зхам̣ лабхаамасз.

Tathā bhante parakkama, yathā gehaṃ labhāmase.

427.

‘‘т̇зро бан̣н̣агудим̣ гад̇ваа, сан̇гхз жаад̇уд̣̇д̣̇исз ад̣̇аа;

‘‘Thero paṇṇakuṭiṃ katvā, saṅghe cātuddise adā;

д̣̇ад̇ваа жа анваад̣̇исий т̇зро, маад̇у бид̇у жа бхаад̇уно;

Datvā ca anvādisī thero, mātu pitu ca bhātuno;

‘ид̣̇ам̣ мз н̃аад̇ийнам̣ ход̇у, сукид̇аа хонд̇у н̃аад̇аяо’.

‘Idaṃ me ñātīnaṃ hotu, sukhitā hontu ñātayo’.

428.

‘‘самананд̇араануд̣̇д̣̇идтз, гхараани уд̣̇абаж̇ж̇исум̣;

‘‘Samanantarānuddiṭṭhe, gharāni udapajjisuṃ;

гуудааг̇ааранивзсанаа, вибхад̇д̇аа бхааг̇асо мид̇аа.

Kūṭāgāranivesanā, vibhattā bhāgaso mitā.

429.

‘‘на мануссзсу ийд̣̇исаа, яаад̣̇исаа но гхараа ид̇ха;

‘‘Na manussesu īdisā, yādisā no gharā idha;

аби д̣̇иб̣б̣зсу яаад̣̇исаа, д̇аад̣̇исаа но гхараа ид̇ха.

Api dibbesu yādisā, tādisā no gharā idha.

430.

‘‘д̣̇ад̣̇д̣̇алламаанаа аабхзнд̇и, саманд̇аа жад̇уро д̣̇исаа;

‘‘Daddallamānā ābhenti, samantā caturo disā;

д̇ат̇аа бханд̇з бараггама, яат̇аа баанийяам̣ лабхаамасз.

Tathā bhante parakkama, yathā pānīyaṃ labhāmase.

431.

‘‘т̇зро гаран̣ам̣ буурзд̇ваа, сан̇гхз жаад̇уд̣̇д̣̇исз ад̣̇аа;

‘‘Thero karaṇaṃ pūretvā, saṅghe cātuddise adā;

д̣̇ад̇ваа анваад̣̇исий т̇зро, маад̇у бид̇у жа бхаад̇уно;

Datvā anvādisī thero, mātu pitu ca bhātuno;

‘ид̣̇ам̣ мз н̃аад̇ийнам̣ ход̇у, сукид̇аа хонд̇у н̃аад̇аяо’.

‘Idaṃ me ñātīnaṃ hotu, sukhitā hontu ñātayo’.

432.

‘‘самананд̇араануд̣̇д̣̇идтз, баанийяам̣ уд̣̇абаж̇ж̇ат̇а;

‘‘Samanantarānuddiṭṭhe, pānīyaṃ udapajjatha;

г̇амбхийраа жад̇урассаа жа, богкаран̃н̃о суниммид̇аа.

Gambhīrā caturassā ca, pokkharañño sunimmitā.

433.

‘‘сийд̇од̣̇игаа суббад̇ид̇т̇аа, сийд̇аа аббадиг̇анд̇хияаа;

‘‘Sītodikā suppatitthā, sītā appaṭigandhiyā;

бад̣̇умуббаласан̃чаннаа, вааригин̃ж̇агкабуурид̇аа.

Padumuppalasañchannā, vārikiñjakkhapūritā.

434.

‘‘д̇ад̇т̇а нхад̇ваа бивид̇ваа жа, т̇зрасса бадид̣̇ассаяум̣;

‘‘Tattha nhatvā pivitvā ca, therassa paṭidassayuṃ;

бахууд̇ам̣ баанийяам̣ бханд̇з, баад̣̇аа д̣̇угкаа паланд̇и но.

Pahūtaṃ pānīyaṃ bhante, pādā dukkhā phalanti no.

435.

‘‘аахин̣д̣амаанаа кан̃ж̇аама, сагкарз гусаган̣дагз;

‘‘Āhiṇḍamānā khañjāma, sakkhare kusakaṇṭake;

д̇ат̇аа бханд̇з бараггама, яат̇аа яаанам̣ лабхаамасз.

Tathā bhante parakkama, yathā yānaṃ labhāmase.

436.

‘‘т̇зро сибаадигам̣ лад̣̇д̇хаа, сан̇гхз жаад̇уд̣̇д̣̇исз ад̣̇аа;

‘‘Thero sipāṭikaṃ laddhā, saṅghe cātuddise adā;

д̣̇ад̇ваа анваад̣̇исий т̇зро, маад̇у бид̇у жа бхаад̇уно;

Datvā anvādisī thero, mātu pitu ca bhātuno;

‘ид̣̇ам̣ мз н̃аад̇ийнам̣ ход̇у, сукид̇аа хонд̇у н̃аад̇аяо’.

‘Idaṃ me ñātīnaṃ hotu, sukhitā hontu ñātayo’.

437.

‘‘самананд̇араануд̣̇д̣̇идтз , бзд̇аа рат̇зна мааг̇амум̣;

‘‘Samanantarānuddiṭṭhe , petā rathena māgamuṃ;

анугамбид̇амха бхад̣̇анд̇з, бхад̇д̇знажчаад̣̇анзна жа.

Anukampitamha bhadante, bhattenacchādanena ca.

438.

‘‘гхарзна баанийяад̣̇аанзна, яаанад̣̇аанзна жуубхаяам̣;

‘‘Gharena pānīyadānena, yānadānena cūbhayaṃ;

муним̣ гаарун̣игам̣ логз, бханд̇з ванд̣̇ид̇умааг̇ад̇аа’’д̇и. – г̇аат̇ааяо аахам̣су;

Muniṃ kāruṇikaṃ loke, bhante vanditumāgatā’’ti. – gāthāyo āhaṃsu;

416-7. д̇ад̇т̇а т̇зро жарид̇ваа бин̣д̣ааяаад̇и т̇зро бин̣д̣аабаад̇ажааригааяа жарид̇ваа. бхигкуу ан̃н̃з жа д̣̇ваад̣̇асаад̇и т̇зрзна саха васанд̇аа ан̃н̃з жа д̣̇ваад̣̇аса бхигкуу згаж̇жхам̣ згад̇о саннибад̇им̣су. гасмаад̇и жз? бхад̇д̇ависсаг̇г̇агааран̣аад̇и бхад̇д̇агижжагааран̣аа бхун̃ж̇ананимид̇д̇ам̣. д̇зд̇и д̇з бхигкуу. яат̇аалад̣̇д̇ханд̇и яам̣ яам̣ лад̣̇д̇хам̣. д̣̇ад̣̇аат̇аад̇и д̣̇зт̇а.

416-7. Tattha thero caritvā piṇḍāyāti thero piṇḍāpātacārikāya caritvā. Bhikkhū aññe ca dvādasāti therena saha vasantā aññe ca dvādasa bhikkhū ekajjhaṃ ekato sannipatiṃsu. Kasmāti ce? Bhattavissaggakāraṇāti bhattakiccakāraṇā bhuñjananimittaṃ. Teti te bhikkhū. Yathāladdhanti yaṃ yaṃ laddhaṃ. Dadāthāti detha.

418. нияяаад̣̇аяим̣сууд̇и ад̣̇ам̣су. сан̇гхам̣ ниманд̇аяийд̇и д̇з зва д̣̇ваад̣̇аса бхигкуу сан̇гхуд̣̇д̣̇зсавасзна д̇ам̣ бхад̇д̇ам̣ д̣̇аад̇ум̣ ниманд̇зси. анваад̣̇исийд̇и аад̣̇иси. д̇ад̇т̇а язсам̣ анваад̣̇иси, д̇з д̣̇ассзд̇ум̣ ‘‘маад̇у бид̇у жа бхаад̇уно, ид̣̇ам̣ мз н̃аад̇ийнам̣ ход̇у, сукид̇аа хонд̇у н̃аад̇аяо’’д̇и вуд̇д̇ам̣.

418.Niyyādayiṃsūti adaṃsu. Saṅghaṃ nimantayīti te eva dvādasa bhikkhū saṅghuddesavasena taṃ bhattaṃ dātuṃ nimantesi. Anvādisīti ādisi. Tattha yesaṃ anvādisi, te dassetuṃ ‘‘mātu pitu ca bhātuno, idaṃ me ñātīnaṃ hotu, sukhitā hontu ñātayo’’ti vuttaṃ.

419. самананд̇араануд̣̇д̣̇идтзд̇и уд̣̇д̣̇идтасамананд̇арамзва. бхож̇анам̣ уд̣̇абаж̇ж̇ат̇аад̇и д̇зсам̣ бзд̇аанам̣ бхож̇анам̣ уббаж̇ж̇и. гийд̣̇исанд̇и ааха ‘‘сужи’’нд̇иаад̣̇и. д̇ад̇т̇а анзгарасаб̣яан̃ж̇ананд̇и наанаарасзхи б̣яан̃ж̇анзхи яуд̇д̇ам̣, ат̇а ваа анзгарасам̣ анзгаб̣яан̃ж̇анан̃жа. д̇ад̇од̇и бхож̇аналаабхад̇о бажчаа.

419.Samanantarānuddiṭṭheti uddiṭṭhasamanantarameva. Bhojanaṃ udapajjathāti tesaṃ petānaṃ bhojanaṃ uppajji. Kīdisanti āha ‘‘suci’’ntiādi. Tattha anekarasabyañjananti nānārasehi byañjanehi yuttaṃ, atha vā anekarasaṃ anekabyañjanañca. Tatoti bhojanalābhato pacchā.

420. уд̣̇д̣̇ассаяий бхаад̇аад̇и бхаад̇игабхууд̇о бзд̇о т̇зрасса ад̇д̇аанам̣ д̣̇ассзси. ван̣н̣аваа б̣алаваа сукийд̇и д̇зна бхож̇аналаабхзна д̇аавад̣̇зва руубасамбанно б̣аласамбанно сукид̇ова худ̇ваа. бахууд̇ам̣ бхож̇анам̣, бханд̇зд̇и, бханд̇з, д̇ава д̣̇аанаанубхаавзна бахууд̇ам̣ анаббагам̣ бхож̇анам̣ амхзхи лад̣̇д̇хам̣. басса наг̇г̇аамхасзд̇и ологзхи, наг̇г̇игаа бана амха, д̇асмаа д̇ат̇аа, бханд̇з, бараггама баяог̇ам̣ гарохи. яат̇аа вад̇т̇ам̣ лабхаамасзд̇и язна багаарзна яаад̣̇исзна баяог̇зна саб̣б̣зва маяам̣ вад̇т̇аани лабхзяяаама, д̇ат̇аа вааяамат̇аад̇и ад̇т̇о.

420.Uddassayī bhātāti bhātikabhūto peto therassa attānaṃ dassesi. Vaṇṇavā balavā sukhīti tena bhojanalābhena tāvadeva rūpasampanno balasampanno sukhitova hutvā. Pahūtaṃ bhojanaṃ, bhanteti, bhante, tava dānānubhāvena pahūtaṃ anappakaṃ bhojanaṃ amhehi laddhaṃ. Passa naggāmhaseti olokehi, naggikā pana amha, tasmā tathā, bhante, parakkama payogaṃ karohi. Yathā vatthaṃ labhāmaseti yena pakārena yādisena payogena sabbeva mayaṃ vatthāni labheyyāma, tathā vāyamathāti attho.

421. сан̇гаарагуудамхаад̇и д̇ад̇т̇а д̇ад̇т̇а сан̇гаарадтаанад̇о. ужжинид̇ваанаад̇и г̇авзсанавасзна г̇ахзд̇ваа. нанд̇агзд̇и чиннабарияанд̇з чад̣д̣ид̇ад̣̇уссакан̣д̣з . д̇з бана яасмаа кан̣д̣абхууд̇аа билод̇игаа наама хонд̇и, д̇аахи жа т̇зро жийварам̣ гад̇ваа сан̇гхасса ад̣̇ааси, д̇асмаа ааха ‘‘билод̇игам̣ бадам̣ гад̇ваа, сан̇гхз жаад̇уд̣̇д̣̇исз ад̣̇аа’’д̇и. д̇ад̇т̇а сан̇гхз жаад̇уд̣̇д̣̇исз ад̣̇аад̇и жад̇уухиби д̣̇исаахи ааг̇ад̇абхигкусан̇гхасса ад̣̇ааси. самбад̣̇аанад̇т̇з хи ид̣̇ам̣ бхуммаважанам̣.

421.Saṅkārakūṭamhāti tattha tattha saṅkāraṭṭhānato. Uccinitvānāti gavesanavasena gahetvā. Nantaketi chinnapariyante chaḍḍitadussakhaṇḍe . Te pana yasmā khaṇḍabhūtā pilotikā nāma honti, tāhi ca thero cīvaraṃ katvā saṅghassa adāsi, tasmā āha ‘‘pilotikaṃ paṭaṃ katvā, saṅghe cātuddise adā’’ti. Tattha saṅghe cātuddise adāti catūhipi disāhi āgatabhikkhusaṅghassa adāsi. Sampadānatthe hi idaṃ bhummavacanaṃ.

423-4. сувад̇т̇авасанод̇и сунд̣̇аравад̇т̇авасано. т̇зрасса д̣̇ассаяийд̇уманд̇и т̇зрасса ад̇д̇аанам̣ д̣̇ассаяи д̣̇ассзси, баагадо ахоси. бадижчаад̣̇аяад̇и зд̇т̇аад̇и бадижчад̣̇аа.

423-4.Suvatthavasanoti sundaravatthavasano. Therassa dassayītumanti therassa attānaṃ dassayi dassesi, pākaṭo ahosi. Paṭicchādayati etthāti paṭicchadā.

428-9. гуудааг̇ааранивзсанаад̇и гуудааг̇аарабхууд̇аа д̇ад̣̇ан̃н̃анивзсанасан̇каад̇аа жа гхараа. лин̇г̇авибаллаасавасзна хзд̇ам̣ вуд̇д̇ам̣. вибхад̇д̇аад̇и самажад̇урассаааяад̇аваддасан̣таанаад̣̇ивасзна вибхад̇д̇аа. бхааг̇асо мид̇аад̇и бхааг̇зна барижчиннаа. нод̇и амхаагам̣. ид̇хаад̇и имасмим̣ бзд̇алогз. аби д̣̇иб̣б̣зсууд̇и абийд̇и нибаад̇амад̇д̇ам̣, д̣̇звалогзсууд̇и ад̇т̇о.

428-9.Kūṭāgāranivesanāti kūṭāgārabhūtā tadaññanivesanasaṅkhātā ca gharā. Liṅgavipallāsavasena hetaṃ vuttaṃ. Vibhattāti samacaturassaāyatavaṭṭasaṇṭhānādivasena vibhattā. Bhāgaso mitāti bhāgena paricchinnā. Noti amhākaṃ. Idhāti imasmiṃ petaloke. Api dibbesūti apīti nipātamattaṃ, devalokesūti attho.

431. гаран̣анд̇и д̇хамагаран̣ам̣. буурзд̇ваад̇и уд̣̇агасса буурзд̇ваа. вааригин̃ж̇агкабуурид̇аад̇и д̇ад̇т̇а д̇ад̇т̇а вааримад̇т̇агз бад̣̇умуббалаад̣̇ийнам̣ гзсарабхаарзхи сан̃чаад̣̇ид̇авасзна буурид̇аа. паланд̇ийд̇и бубпанд̇и, бан̣хигабарияанд̇аад̣̇ийсу вид̣̇аалзнд̇ийд̇и ад̇т̇о.

431.Karaṇanti dhamakaraṇaṃ. Pūretvāti udakassa pūretvā. Vārikiñjakkhapūritāti tattha tattha vārimatthake padumuppalādīnaṃ kesarabhārehi sañchāditavasena pūritā. Phalantīti pupphanti, paṇhikapariyantādīsu vidālentīti attho.

435-6. аахин̣д̣амаанаад̇и вижарамаанаа. кан̃ж̇аамаад̇и кан̃ж̇анавасзна г̇ажчаама. сагкарз гусаган̣дагзд̇и сагкаравад̇и гусаган̣дагавад̇и жа бхуумибхааг̇з, сагкарз гусаган̣дагз жа аггаманд̇аад̇и ад̇т̇о. яаананд̇и рат̇аваяхаад̣̇игам̣ яам̣гин̃жи яаанам̣. сибаадиганд̇и згабадалаубааханам̣.

435-6.Āhiṇḍamānāti vicaramānā. Khañjāmāti khañjanavasena gacchāma. Sakkhare kusakaṇṭaketi sakkharavati kusakaṇṭakavati ca bhūmibhāge, sakkhare kusakaṇṭake ca akkamantāti attho. Yānanti rathavayhādikaṃ yaṃkiñci yānaṃ. Sipāṭikanti ekapaṭalaupāhanaṃ.

437-8. рат̇зна мааг̇амунд̇и магааро бад̣̇асанд̇хигаро, рат̇зна ааг̇амам̣су. убхаяанд̇и убхаязна д̣̇аанзна, яаанад̣̇аанзна жзва бхад̇д̇аад̣̇ижад̇убажжаяад̣̇аанзна жа. баанийяад̣̇аанзна хзд̇т̇а бхзсаж̇ж̇ад̣̇аанамби сан̇г̇ахид̇ам̣. сзсам̣ хздтаа вуд̇д̇анаяад̇д̇аа уд̇д̇аанамзваад̇и.

437-8.Rathena māgamunti makāro padasandhikaro, rathena āgamaṃsu. Ubhayanti ubhayena dānena, yānadānena ceva bhattādicatupaccayadānena ca. Pānīyadānena hettha bhesajjadānampi saṅgahitaṃ. Sesaṃ heṭṭhā vuttanayattā uttānamevāti.

т̇зро д̇ам̣ бавад̇д̇им̣ бхаг̇авад̇о аарожзси. бхаг̇аваа д̇амад̇т̇ам̣ адтуббад̇д̇им̣ гад̇ваа ‘‘яат̇аа имз зд̇арахи, звам̣ д̇вамби ид̇о ананд̇араад̇ийд̇з ад̇д̇абхаавз бзд̇о худ̇ваа махаад̣̇угкам̣ анубхавий’’д̇и вад̇ваа т̇зрзна яаажид̇о суд̇д̇абзд̇авад̇т̇ум̣ гат̇зд̇ваа самбад̇д̇абарисааяа д̇хаммам̣ д̣̇зсзси. д̇ам̣ суд̇ваа махааж̇ано сан̃ж̇аад̇асам̣взг̇о д̣̇аанасийлаад̣̇ибун̃н̃агамманирад̇о ахосийд̇и.

Thero taṃ pavattiṃ bhagavato ārocesi. Bhagavā tamatthaṃ aṭṭhuppattiṃ katvā ‘‘yathā ime etarahi, evaṃ tvampi ito anantarātīte attabhāve peto hutvā mahādukkhaṃ anubhavī’’ti vatvā therena yācito suttapetavatthuṃ kathetvā sampattaparisāya dhammaṃ desesi. Taṃ sutvā mahājano sañjātasaṃvego dānasīlādipuññakammanirato ahosīti.

саан̣аваасид̇т̇зрабзд̇авад̇т̇уван̣н̣анаа нидтид̇аа.

Sāṇavāsittherapetavatthuvaṇṇanā niṭṭhitā.

Next: 3. рат̇агаарабзд̇ивад̇т̇уван̣н̣анаа • 3. Rathakārapetivatthuvaṇṇanā

Related texts:

д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / бзд̇авад̇т̇убаал̣и • Petavatthupāḷi / 2. саан̣аваасийт̇зрабзд̇авад̇т̇у • 2. Sāṇavāsītherapetavatthu

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact