| Library / Tipiṭaka / திபிடக • Tipiṭaka / பாசித்யாதி³யோஜனாபாளி • Pācityādiyojanāpāḷi |
ஸஞ்சரித்தஸமுட்டா²னவண்ணனா
Sañcarittasamuṭṭhānavaṇṇanā
260. ‘‘ஸஞ்சரீ’’தி இத³ங் தாவ ஸஞ்சரித்தங் நாம ஏகஸமுட்டா²னஸீஸங், ஸேஸானி தேன ஸதி³ஸானி.
260. ‘‘Sañcarī’’ti idaṃ tāva sañcarittaṃ nāma ekasamuṭṭhānasīsaṃ, sesāni tena sadisāni.
விப⁴ங்கே³ ஆக³தேன ‘‘ரிஞ்சந்தீ’’தி (பாரா॰ 576) பதே³ன ஏளகலோமதோ⁴வாபனஸிக்கா²பத³ங் உபலக்கி²த்வா வுத்தந்தி ஆஹ ‘‘விப⁴ங்கே³ ரிஞ்சந்தி உத்³தே³ஸந்தி ஆக³த’’ந்தி.
Vibhaṅge āgatena ‘‘riñcantī’’ti (pārā. 576) padena eḷakalomadhovāpanasikkhāpadaṃ upalakkhitvā vuttanti āha ‘‘vibhaṅge riñcanti uddesanti āgata’’nti.
‘‘யாவ த்³வாரகோஸா அக்³க³ளட்ட²பனாய’’ இதி (பாசி॰ 135-136) ச ‘‘அஞ்ஞாதிகாய பி⁴க்கு²னியா சீவரங் த³தெ³ய்ய’’இதி (பாசி॰ 169) ச ‘‘சீவரங் ஸிப்³பெ³ய்ய’’இதி (பாசி॰ 176-177) ச வுத்தஸிக்கா²பத³த்தயந்தி யோஜனா.
‘‘Yāva dvārakosā aggaḷaṭṭhapanāya’’ iti (pāci. 135-136) ca ‘‘aññātikāya bhikkhuniyā cīvaraṃ dadeyya’’iti (pāci. 169) ca ‘‘cīvaraṃ sibbeyya’’iti (pāci. 176-177) ca vuttasikkhāpadattayanti yojanā.
‘‘ஸமணசீவரேன சா’’தி ஏவங் வசனங் வுத்தந்தி ஸம்ப³ந்தோ⁴. ‘‘ஸமணசீவரங் த³தெ³ய்யா’’தி இத³ங் (பாசி॰ 917) வசனங் ஸந்தா⁴யாதி ஸம்ப³ந்தோ⁴.
‘‘Samaṇacīvarena cā’’ti evaṃ vacanaṃ vuttanti sambandho. ‘‘Samaṇacīvaraṃ dadeyyā’’ti idaṃ (pāci. 917) vacanaṃ sandhāyāti sambandho.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / பரிவாரபாளி • Parivārapāḷi / 3. ஸஞ்சரித்தஸமுட்டா²னங் • 3. Sañcarittasamuṭṭhānaṃ
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / பரிவார-அட்ட²கதா² • Parivāra-aṭṭhakathā / ஸஞ்சரித்தஸமுட்டா²னவண்ணனா • Sañcarittasamuṭṭhānavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / ஸமுட்டா²னஸீஸவண்ணனா • Samuṭṭhānasīsavaṇṇanā
