| Library / Tipiṭaka / д̇ибидага • Tipiṭaka / бариваара-адтагат̇аа • Parivāra-aṭṭhakathā |
сан̃жарид̇д̇асамудтаанаван̣н̣анаа
Sañcarittasamuṭṭhānavaṇṇanā
260. сан̃жарий гуди вихаарод̇и сан̃жарид̇д̇ам̣ сан̃н̃аажигааяа гудигаран̣ам̣ махаллагавихаарагаран̣ан̃жа. д̇хованан̃жа бадиг̇г̇аход̇и ан̃н̃аад̇игааяа бхигкунияаа бураан̣ажийварад̇ховаабанан̃жа жийварабадиг̇г̇ахан̣ан̃жа. вин̃н̃ад̇д̇уд̇д̇ари абхихадтунд̇и ан̃н̃аад̇агам̣ г̇ахабад̇им̣ жийваравин̃н̃аабанам̣ д̇ад̇уд̇д̇арисаад̣̇ияанасигкаабад̣̇ан̃жа. убхиннам̣ д̣̇ууд̇агзна жаад̇и ‘‘жийваражзд̇аабаннам̣ убагкадам̣ ход̇ий’’д̇и ааг̇ад̇асигкаабад̣̇ад̣̇ваяан̃жа д̣̇ууд̇зна жийваражзд̇аабаннабахид̇асигкаабад̣̇ан̃жа.
260.Sañcarīkuṭi vihāroti sañcarittaṃ saññācikāya kuṭikaraṇaṃ mahallakavihārakaraṇañca. Dhovanañca paṭiggahoti aññātikāya bhikkhuniyā purāṇacīvaradhovāpanañca cīvarapaṭiggahaṇañca. Viññattuttari abhihaṭṭhunti aññātakaṃ gahapatiṃ cīvaraviññāpanaṃ tatuttarisādiyanasikkhāpadañca. Ubhinnaṃ dūtakena cāti ‘‘cīvaracetāpannaṃ upakkhaṭaṃ hotī’’ti āgatasikkhāpadadvayañca dūtena cīvaracetāpannapahitasikkhāpadañca.
госияаа суд̣̇д̇хад̣̇взбхааг̇аа, чаб̣б̣ассаани нисийд̣̇ананд̇и ‘‘госияамиссагам̣ сант̇ад̇а’’нд̇иаад̣̇ийни бан̃жа сигкаабад̣̇аани. рин̃жанд̇и руубигаа жзваад̇и вибхан̇г̇з ‘‘рин̃жанд̇и уд̣̇д̣̇зса’’нд̇и ааг̇ад̇ам̣ зл̣агаломад̇ховаабанам̣ руубияаббадиг̇г̇ахан̣асигкаабад̣̇ан̃жа. убхо наанаббагаарагаад̇и руубияасам̣вохаарагаяавиггаяасигкаабад̣̇ад̣̇ваяам̣.
Kosiyā suddhadvebhāgā, chabbassāni nisīdananti ‘‘kosiyamissakaṃ santhata’’ntiādīni pañca sikkhāpadāni. Riñcanti rūpikā cevāti vibhaṅge ‘‘riñcanti uddesa’’nti āgataṃ eḷakalomadhovāpanaṃ rūpiyappaṭiggahaṇasikkhāpadañca. Ubho nānappakārakāti rūpiyasaṃvohārakayavikkayasikkhāpadadvayaṃ.
уунаб̣анд̇ханавассигаад̇и уунабан̃жаб̣анд̇ханабад̇д̇асигкаабад̣̇ан̃жа вассигасаадигасигкаабад̣̇ан̃жа. суд̇д̇ам̣ вигаббанзна жаад̇и суд̇д̇ам̣ вин̃н̃аабзд̇ваа жийваравааяаабанан̃жа д̇анд̇авааяз убасан̇гамид̇ваа жийварз вигаббаабаж̇ж̇анан̃жа. д̣̇ваарад̣̇аанасиб̣б̣аани жаад̇и яаава д̣̇ваарагосаа аг̇г̇ал̣адтабанааяа, ‘‘ан̃н̃аад̇игааяа бхигкунияаа жийварам̣ д̣̇ад̣̇зяяа, жийварам̣ сиб̣б̣зяяаа’’д̇и вуд̇д̇асигкаабад̣̇ад̇д̇аяам̣. буувабажжаяаж̇од̇и жаад̇и буувзхи ваа мант̇зхи ваа абхихадтум̣ бавааран̣аасигкаабад̣̇ам̣ жаад̇умаасабажжаяаббавааран̣ааж̇од̇исамаад̣̇аханасигкаабад̣̇аани жа.
Ūnabandhanavassikāti ūnapañcabandhanapattasikkhāpadañca vassikasāṭikasikkhāpadañca. Suttaṃ vikappanena cāti suttaṃ viññāpetvā cīvaravāyāpanañca tantavāye upasaṅkamitvā cīvare vikappāpajjanañca. Dvāradānasibbāni cāti yāva dvārakosā aggaḷaṭṭhapanāya, ‘‘aññātikāya bhikkhuniyā cīvaraṃ dadeyya, cīvaraṃ sibbeyyā’’ti vuttasikkhāpadattayaṃ. Pūvapaccayajoti cāti pūvehi vā manthehi vā abhihaṭṭhuṃ pavāraṇāsikkhāpadaṃ cātumāsapaccayappavāraṇājotisamādahanasikkhāpadāni ca.
рад̇анам̣ суужи ман̃жо жа, д̇уулам̣ нисийд̣̇анаган̣д̣у жа, вассигаа жа суг̇ад̇знаад̇и рад̇анасигкаабад̣̇ан̃жзва суужигхарасигкаабад̣̇аад̣̇ийни жа сад̇д̇а сигкаабад̣̇аани. вин̃н̃ад̇д̇и ан̃н̃ам̣ жзд̇аабанаа, д̣̇вз сан̇гхигаа махааж̇анигаа, д̣̇вз буг̇г̇алалахугаа г̇арууд̇и ‘‘яаа бана бхигкуний ан̃н̃ам̣ вин̃н̃аабзд̇ваа ан̃н̃ам̣ вин̃н̃аабзяяаа’’д̇иаад̣̇ийни нава сигкаабад̣̇аани. д̣̇вз вигхаасаа саадигаа жаад̇и ‘‘ужжаарам̣ ваа бассаавам̣ ваа сан̇гаарам̣ ваа вигхаасам̣ ваа д̇ирогуддз ваа д̇иробаагаарз ваа чад̣д̣зяяа ваа чад̣д̣аабзяяа ваа, харид̇з чад̣д̣зяяа ваа чад̣д̣аабзяяа ваа’’д̇и звам̣ вуд̇д̇аани д̣̇вз вигхаасасигкаабад̣̇аани жа уд̣̇агасаадигаасигкаабад̣̇ан̃жа. саман̣ажийварзна жаад̇и ‘‘саман̣ажийварам̣ д̣̇ад̣̇зяяаа’’д̇и ид̣̇амзд̇ам̣ санд̇хааяа вуд̇д̇ам̣.
Ratanaṃsūci mañco ca, tūlaṃ nisīdanakaṇḍu ca, vassikā ca sugatenāti ratanasikkhāpadañceva sūcigharasikkhāpadādīni ca satta sikkhāpadāni. Viññatti aññaṃ cetāpanā, dve saṅghikā mahājanikā, dve puggalalahukā garūti ‘‘yā pana bhikkhunī aññaṃ viññāpetvā aññaṃ viññāpeyyā’’tiādīni nava sikkhāpadāni. Dve vighāsā sāṭikā cāti ‘‘uccāraṃ vā passāvaṃ vā saṅkāraṃ vā vighāsaṃ vā tirokuṭṭe vā tiropākāre vā chaḍḍeyya vā chaḍḍāpeyya vā, harite chaḍḍeyya vā chaḍḍāpeyya vā’’ti evaṃ vuttāni dve vighāsasikkhāpadāni ca udakasāṭikāsikkhāpadañca. Samaṇacīvarena cāti ‘‘samaṇacīvaraṃ dadeyyā’’ti idametaṃ sandhāya vuttaṃ.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / бариваарабаал̣и • Parivārapāḷi / 3. сан̃жарид̇д̇асамудтаанам̣ • 3. Sañcarittasamuṭṭhānaṃ
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / самудтаанасийсаван̣н̣анаа • Samuṭṭhānasīsavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / сан̃жарид̇д̇асамудтаанаван̣н̣анаа • Sañcarittasamuṭṭhānavaṇṇanā
