| Library / Tipiṭaka / ཏིཔིཊཀ • Tipiṭaka / པརིཝཱར-ཨཊྛཀཐཱ • Parivāra-aṭṭhakathā |
སཉྩརིཏྟསམུཊྛཱནཝཎྞནཱ
Sañcarittasamuṭṭhānavaṇṇanā
༢༦༠. སཉྩརཱི ཀུཊི ཝིཧཱརོཏི སཉྩརིཏྟཾ སཉྙཱཙིཀཱཡ ཀུཊིཀརཎཾ མཧལླཀཝིཧཱརཀརཎཉྩ། དྷོཝནཉྩ པཊིགྒཧོཏི ཨཉྙཱཏིཀཱཡ བྷིཀྑུནིཡཱ པུརཱཎཙཱིཝརདྷོཝཱཔནཉྩ ཙཱིཝརཔཊིགྒཧཎཉྩ། ཝིཉྙཏྟུཏྟརི ཨབྷིཧཊྛུནྟི ཨཉྙཱཏཀཾ གཧཔཏིཾ ཙཱིཝརཝིཉྙཱཔནཾ ཏཏུཏྟརིསཱདིཡནསིཀྑཱཔདཉྩ། ཨུབྷིནྣཾ དཱུཏཀེན ཙཱཏི ‘‘ཙཱིཝརཙེཏཱཔནྣཾ ཨུཔཀྑཊཾ ཧོཏཱི’’ཏི ཨཱགཏསིཀྑཱཔདདྭཡཉྩ དཱུཏེན ཙཱིཝརཙེཏཱཔནྣཔཧིཏསིཀྑཱཔདཉྩ།
260.Sañcarīkuṭi vihāroti sañcarittaṃ saññācikāya kuṭikaraṇaṃ mahallakavihārakaraṇañca. Dhovanañca paṭiggahoti aññātikāya bhikkhuniyā purāṇacīvaradhovāpanañca cīvarapaṭiggahaṇañca. Viññattuttari abhihaṭṭhunti aññātakaṃ gahapatiṃ cīvaraviññāpanaṃ tatuttarisādiyanasikkhāpadañca. Ubhinnaṃ dūtakena cāti ‘‘cīvaracetāpannaṃ upakkhaṭaṃ hotī’’ti āgatasikkhāpadadvayañca dūtena cīvaracetāpannapahitasikkhāpadañca.
ཀོསིཡཱ སུདྡྷདྭེབྷཱགཱ, ཚབྦསྶཱནི ནིསཱིདནནྟི ‘‘ཀོསིཡམིསྶཀཾ སནྠཏ’’ནྟིཨཱདཱིནི པཉྩ སིཀྑཱཔདཱནི། རིཉྩནྟི རཱུཔིཀཱ ཙེཝཱཏི ཝིབྷངྒེ ‘‘རིཉྩནྟི ཨུདྡེས’’ནྟི ཨཱགཏཾ ཨེལ༹ཀལོམདྷོཝཱཔནཾ རཱུཔིཡཔྤཊིགྒཧཎསིཀྑཱཔདཉྩ། ཨུབྷོ ནཱནཔྤཀཱརཀཱཏི རཱུཔིཡསཾཝོཧཱརཀཡཝིཀྐཡསིཀྑཱཔདདྭཡཾ།
Kosiyā suddhadvebhāgā, chabbassāni nisīdananti ‘‘kosiyamissakaṃ santhata’’ntiādīni pañca sikkhāpadāni. Riñcanti rūpikā cevāti vibhaṅge ‘‘riñcanti uddesa’’nti āgataṃ eḷakalomadhovāpanaṃ rūpiyappaṭiggahaṇasikkhāpadañca. Ubho nānappakārakāti rūpiyasaṃvohārakayavikkayasikkhāpadadvayaṃ.
ཨཱུནབནྡྷནཝསྶིཀཱཏི ཨཱུནཔཉྩབནྡྷནཔཏྟསིཀྑཱཔདཉྩ ཝསྶིཀསཱཊིཀསིཀྑཱཔདཉྩ། སུཏྟཾ ཝིཀཔྤནེན ཙཱཏི སུཏྟཾ ཝིཉྙཱཔེཏྭཱ ཙཱིཝརཝཱཡཱཔནཉྩ ཏནྟཝཱཡེ ཨུཔསངྐམིཏྭཱ ཙཱིཝརེ ཝིཀཔྤཱཔཛྫནཉྩ། དྭཱརདཱནསིབྦཱནི ཙཱཏི ཡཱཝ དྭཱརཀོསཱ ཨགྒལ༹ཊྛཔནཱཡ, ‘‘ཨཉྙཱཏིཀཱཡ བྷིཀྑུནིཡཱ ཙཱིཝརཾ དདེཡྻ, ཙཱིཝརཾ སིབྦེཡྻཱ’’ཏི ཝུཏྟསིཀྑཱཔདཏྟཡཾ། པཱུཝཔཙྩཡཛོཏི ཙཱཏི པཱུཝེཧི ཝཱ མནྠེཧི ཝཱ ཨབྷིཧཊྛུཾ པཝཱརཎཱསིཀྑཱཔདཾ ཙཱཏུམཱསཔཙྩཡཔྤཝཱརཎཱཛོཏིསམཱདཧནསིཀྑཱཔདཱནི ཙ།
Ūnabandhanavassikāti ūnapañcabandhanapattasikkhāpadañca vassikasāṭikasikkhāpadañca. Suttaṃ vikappanena cāti suttaṃ viññāpetvā cīvaravāyāpanañca tantavāye upasaṅkamitvā cīvare vikappāpajjanañca. Dvāradānasibbāni cāti yāva dvārakosā aggaḷaṭṭhapanāya, ‘‘aññātikāya bhikkhuniyā cīvaraṃ dadeyya, cīvaraṃ sibbeyyā’’ti vuttasikkhāpadattayaṃ. Pūvapaccayajoti cāti pūvehi vā manthehi vā abhihaṭṭhuṃ pavāraṇāsikkhāpadaṃ cātumāsapaccayappavāraṇājotisamādahanasikkhāpadāni ca.
རཏནཾ སཱུཙི མཉྩོ ཙ, ཏཱུལཾ ནིསཱིདནཀཎྜུ ཙ, ཝསྶིཀཱ ཙ སུགཏེནཱཏི རཏནསིཀྑཱཔདཉྩེཝ སཱུཙིགྷརསིཀྑཱཔདཱདཱིནི ཙ སཏྟ སིཀྑཱཔདཱནི། ཝིཉྙཏྟི ཨཉྙཾ ཙེཏཱཔནཱ, དྭེ སངྒྷིཀཱ མཧཱཛནིཀཱ, དྭེ པུགྒལལཧུཀཱ གརཱུཏི ‘‘ཡཱ པན བྷིཀྑུནཱི ཨཉྙཾ ཝིཉྙཱཔེཏྭཱ ཨཉྙཾ ཝིཉྙཱཔེཡྻཱ’’ཏིཨཱདཱིནི ནཝ སིཀྑཱཔདཱནི། དྭེ ཝིགྷཱསཱ སཱཊིཀཱ ཙཱཏི ‘‘ཨུཙྩཱརཾ ཝཱ པསྶཱཝཾ ཝཱ སངྐཱརཾ ཝཱ ཝིགྷཱསཾ ཝཱ ཏིརོཀུཊྚེ ཝཱ ཏིརོཔཱཀཱརེ ཝཱ ཚཌྜེཡྻ ཝཱ ཚཌྜཱཔེཡྻ ཝཱ, ཧརིཏེ ཚཌྜེཡྻ ཝཱ ཚཌྜཱཔེཡྻ ཝཱ’’ཏི ཨེཝཾ ཝུཏྟཱནི དྭེ ཝིགྷཱསསིཀྑཱཔདཱནི ཙ ཨུདཀསཱཊིཀཱསིཀྑཱཔདཉྩ། སམཎཙཱིཝརེན ཙཱཏི ‘‘སམཎཙཱིཝརཾ དདེཡྻཱ’’ཏི ཨིདམེཏཾ སནྡྷཱཡ ཝུཏྟཾ།
Ratanaṃsūci mañco ca, tūlaṃ nisīdanakaṇḍu ca, vassikā ca sugatenāti ratanasikkhāpadañceva sūcigharasikkhāpadādīni ca satta sikkhāpadāni. Viññatti aññaṃ cetāpanā, dve saṅghikā mahājanikā, dve puggalalahukā garūti ‘‘yā pana bhikkhunī aññaṃ viññāpetvā aññaṃ viññāpeyyā’’tiādīni nava sikkhāpadāni. Dve vighāsā sāṭikā cāti ‘‘uccāraṃ vā passāvaṃ vā saṅkāraṃ vā vighāsaṃ vā tirokuṭṭe vā tiropākāre vā chaḍḍeyya vā chaḍḍāpeyya vā, harite chaḍḍeyya vā chaḍḍāpeyya vā’’ti evaṃ vuttāni dve vighāsasikkhāpadāni ca udakasāṭikāsikkhāpadañca. Samaṇacīvarena cāti ‘‘samaṇacīvaraṃ dadeyyā’’ti idametaṃ sandhāya vuttaṃ.
Related texts:
ཏིཔིཊཀ (མཱུལ) • Tipiṭaka (Mūla) / ཝིནཡཔིཊཀ • Vinayapiṭaka / པརིཝཱརཔཱལི༹ • Parivārapāḷi / ༣. སཉྩརིཏྟསམུཊྛཱནཾ • 3. Sañcarittasamuṭṭhānaṃ
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝིམཏིཝིནོདནཱི-ཊཱིཀཱ • Vimativinodanī-ṭīkā / སམུཊྛཱནསཱིསཝཎྞནཱ • Samuṭṭhānasīsavaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / པཱཙིཏྱཱདིཡོཛནཱཔཱལི༹ • Pācityādiyojanāpāḷi / སཉྩརིཏྟསམུཊྛཱནཝཎྞནཱ • Sañcarittasamuṭṭhānavaṇṇanā
