| Library / Tipiṭaka / തിപിടക • Tipiṭaka / പാചിത്യാദിയോജനാപാളി • Pācityādiyojanāpāḷi |
സഞ്ചരിത്തസമുട്ഠാനവണ്ണനാ
Sañcarittasamuṭṭhānavaṇṇanā
൨൬൦. ‘‘സഞ്ചരീ’’തി ഇദം താവ സഞ്ചരിത്തം നാമ ഏകസമുട്ഠാനസീസം, സേസാനി തേന സദിസാനി.
260. ‘‘Sañcarī’’ti idaṃ tāva sañcarittaṃ nāma ekasamuṭṭhānasīsaṃ, sesāni tena sadisāni.
വിഭങ്ഗേ ആഗതേന ‘‘രിഞ്ചന്തീ’’തി (പാരാ॰ ൫൭൬) പദേന ഏളകലോമധോവാപനസിക്ഖാപദം ഉപലക്ഖിത്വാ വുത്തന്തി ആഹ ‘‘വിഭങ്ഗേ രിഞ്ചന്തി ഉദ്ദേസന്തി ആഗത’’ന്തി.
Vibhaṅge āgatena ‘‘riñcantī’’ti (pārā. 576) padena eḷakalomadhovāpanasikkhāpadaṃ upalakkhitvā vuttanti āha ‘‘vibhaṅge riñcanti uddesanti āgata’’nti.
‘‘യാവ ദ്വാരകോസാ അഗ്ഗളട്ഠപനായ’’ ഇതി (പാചി॰ ൧൩൫-൧൩൬) ച ‘‘അഞ്ഞാതികായ ഭിക്ഖുനിയാ ചീവരം ദദേയ്യ’’ഇതി (പാചി॰ ൧൬൯) ച ‘‘ചീവരം സിബ്ബേയ്യ’’ഇതി (പാചി॰ ൧൭൬-൧൭൭) ച വുത്തസിക്ഖാപദത്തയന്തി യോജനാ.
‘‘Yāva dvārakosā aggaḷaṭṭhapanāya’’ iti (pāci. 135-136) ca ‘‘aññātikāya bhikkhuniyā cīvaraṃ dadeyya’’iti (pāci. 169) ca ‘‘cīvaraṃ sibbeyya’’iti (pāci. 176-177) ca vuttasikkhāpadattayanti yojanā.
‘‘സമണചീവരേന ചാ’’തി ഏവം വചനം വുത്തന്തി സമ്ബന്ധോ. ‘‘സമണചീവരം ദദേയ്യാ’’തി ഇദം (പാചി॰ ൯൧൭) വചനം സന്ധായാതി സമ്ബന്ധോ.
‘‘Samaṇacīvarena cā’’ti evaṃ vacanaṃ vuttanti sambandho. ‘‘Samaṇacīvaraṃ dadeyyā’’ti idaṃ (pāci. 917) vacanaṃ sandhāyāti sambandho.
Related texts:
തിപിടക (മൂല) • Tipiṭaka (Mūla) / വിനയപിടക • Vinayapiṭaka / പരിവാരപാളി • Parivārapāḷi / ൩. സഞ്ചരിത്തസമുട്ഠാനം • 3. Sañcarittasamuṭṭhānaṃ
അട്ഠകഥാ • Aṭṭhakathā / വിനയപിടക (അട്ഠകഥാ) • Vinayapiṭaka (aṭṭhakathā) / പരിവാര-അട്ഠകഥാ • Parivāra-aṭṭhakathā / സഞ്ചരിത്തസമുട്ഠാനവണ്ണനാ • Sañcarittasamuṭṭhānavaṇṇanā
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / വിമതിവിനോദനീ-ടീകാ • Vimativinodanī-ṭīkā / സമുട്ഠാനസീസവണ്ണനാ • Samuṭṭhānasīsavaṇṇanā
