| Library / Tipiṭaka / திபிடக • Tipiṭaka / மஹாவிப⁴ங்க³ • Mahāvibhaṅga |
5. ஸஞ்சரித்தஸிக்கா²பத³ங்
5. Sañcarittasikkhāpadaṃ
296. தேன ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ ஆராமே. தேன கோ² பன ஸமயேன ஆயஸ்மா உதா³யீ ஸாவத்தி²யங் குலூபகோ ஹோதி. ப³ஹுகானி குலானி உபஸங்கமதி. யத்த² பஸ்ஸதி குமாரகங் வா அபஜாபதிகங், குமாரிகங் வா அபதிகங், குமாரகஸ்ஸ மாதாபிதூனங் ஸந்திகே குமாரிகாய வண்ணங் ப⁴ணதி – ‘‘அமுகஸ்ஸ குலஸ்ஸ குமாரிகா அபி⁴ரூபா த³ஸ்ஸனீயா பாஸாதி³கா பண்டி³தா ப்³யத்தா மேதா⁴வினீ த³க்கா² அனலஸா. ச²ன்னா ஸா குமாரிகா இமஸ்ஸ குமாரகஸ்ஸா’’தி. தே ஏவங் வத³ந்தி – ‘‘ஏதே கோ², ப⁴ந்தே, அம்ஹே ந ஜானந்தி – ‘கே வா இமே கஸ்ஸ வா’தி. ஸசே, ப⁴ந்தே, அய்யோ தா³பெய்ய ஆனெய்யாம மயங் தங் குமாரிகங் இமஸ்ஸ குமாரகஸ்ஸா’’தி. குமாரிகாய மாதாபிதூனங் ஸந்திகே குமாரகஸ்ஸ வண்ணங் ப⁴ணதி – ‘‘அமுகஸ்ஸ குலஸ்ஸ குமாரகோ அபி⁴ரூபோ த³ஸ்ஸனீயோ பாஸாதி³கோ பண்டி³தோ ப்³யத்தோ மேதா⁴வீ த³க்கோ² அனலஸோ. ச²ன்னாயங் குமாரிகா தஸ்ஸ குமாரகஸ்ஸா’’தி 1. தே ஏவங் வத³ந்தி – ‘‘ஏதே கோ², ப⁴ந்தே, அம்ஹே ந ஜானந்தி – ‘கே வா இமே கஸ்ஸ வா’தி, கிஸ்மிங் விய குமாரிகாய வத்துங். ஸசே, ப⁴ந்தே, அய்யோ யாசாபெய்ய த³ஜ்ஜெய்யாம மயங் இமங் குமாரிகங் தஸ்ஸ குமாரகஸ்ஸா’’தி. ஏதேனேவ உபாயேன ஆவாஹானிபி காராபேதி , விவாஹானிபி காராபேதி, வாரெய்யானிபி காராபேதி.
296. Tena samayena buddho bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena āyasmā udāyī sāvatthiyaṃ kulūpako hoti. Bahukāni kulāni upasaṅkamati. Yattha passati kumārakaṃ vā apajāpatikaṃ, kumārikaṃ vā apatikaṃ, kumārakassa mātāpitūnaṃ santike kumārikāya vaṇṇaṃ bhaṇati – ‘‘amukassa kulassa kumārikā abhirūpā dassanīyā pāsādikā paṇḍitā byattā medhāvinī dakkhā analasā. Channā sā kumārikā imassa kumārakassā’’ti. Te evaṃ vadanti – ‘‘ete kho, bhante, amhe na jānanti – ‘ke vā ime kassa vā’ti. Sace, bhante, ayyo dāpeyya āneyyāma mayaṃ taṃ kumārikaṃ imassa kumārakassā’’ti. Kumārikāya mātāpitūnaṃ santike kumārakassa vaṇṇaṃ bhaṇati – ‘‘amukassa kulassa kumārako abhirūpo dassanīyo pāsādiko paṇḍito byatto medhāvī dakkho analaso. Channāyaṃ kumārikā tassa kumārakassā’’ti 2. Te evaṃ vadanti – ‘‘ete kho, bhante, amhe na jānanti – ‘ke vā ime kassa vā’ti, kismiṃ viya kumārikāya vattuṃ. Sace, bhante, ayyo yācāpeyya dajjeyyāma mayaṃ imaṃ kumārikaṃ tassa kumārakassā’’ti. Eteneva upāyena āvāhānipi kārāpeti , vivāhānipi kārāpeti, vāreyyānipi kārāpeti.
297. தேன கோ² பன ஸமயேன அஞ்ஞதரிஸ்ஸா புராணக³ணகியா தீ⁴தா அபி⁴ரூபா ஹோதி த³ஸ்ஸனீயா பாஸாதி³கா. திரோகா³மகா ஆஜீவகஸாவகா ஆக³ந்த்வா தங் க³ணகிங் ஏதத³வோசுங் – ‘‘தே³ஹாய்யே, இமங் குமாரிகங் அம்ஹாகங் குமாரகஸ்ஸா’’தி. ஸா ஏவமாஹ – ‘‘அஹங் க்²வய்யோ 3 தும்ஹே ந ஜானாமி – ‘கே வா இமே கஸ்ஸ வா’தி. அயஞ்ச மே ஏகதீ⁴திகா, திரோகா³மோ ச க³ந்தப்³போ³, நாஹங் த³ஸ்ஸாமீ’’தி. மனுஸ்ஸா தே ஆஜீவகஸாவகே ஏதத³வோசுங் – ‘‘கிஸ்ஸ தும்ஹே, அய்யோ , ஆக³தத்தா²’’தி? ‘‘இத⁴ மயங், அய்யோ, அமுகங் நாம க³ணகிங் தீ⁴தரங் யாசிம்ஹா அம்ஹாகங் குமாரகஸ்ஸ. ஸா ஏவமாஹ – ‘அஹங், க்²வய்யோ தும்ஹே ந ஜானாமி – கே வா இமே கஸ்ஸ வா’தி. அயஞ்ச மே ஏகதீ⁴திகா, திரோகா³மோ ச க³ந்தப்³போ³, நாஹங் த³ஸ்ஸாமீ’’தி. ‘‘கிஸ்ஸ தும்ஹே, அய்யோ, தங் க³ணகிங் தீ⁴தரங் யாசித்த²? நனு அய்யோ உதா³யீ வத்தப்³போ³. அய்யோ உதா³யீ தா³பெஸ்ஸதீ’’தி.
297. Tena kho pana samayena aññatarissā purāṇagaṇakiyā dhītā abhirūpā hoti dassanīyā pāsādikā. Tirogāmakā ājīvakasāvakā āgantvā taṃ gaṇakiṃ etadavocuṃ – ‘‘dehāyye, imaṃ kumārikaṃ amhākaṃ kumārakassā’’ti. Sā evamāha – ‘‘ahaṃ khvayyo 4 tumhe na jānāmi – ‘ke vā ime kassa vā’ti. Ayañca me ekadhītikā, tirogāmo ca gantabbo, nāhaṃ dassāmī’’ti. Manussā te ājīvakasāvake etadavocuṃ – ‘‘kissa tumhe, ayyo , āgatatthā’’ti? ‘‘Idha mayaṃ, ayyo, amukaṃ nāma gaṇakiṃ dhītaraṃ yācimhā amhākaṃ kumārakassa. Sā evamāha – ‘ahaṃ, khvayyo tumhe na jānāmi – ke vā ime kassa vā’ti. Ayañca me ekadhītikā, tirogāmo ca gantabbo, nāhaṃ dassāmī’’ti. ‘‘Kissa tumhe, ayyo, taṃ gaṇakiṃ dhītaraṃ yācittha? Nanu ayyo udāyī vattabbo. Ayyo udāyī dāpessatī’’ti.
அத² கோ² தே ஆஜீவகஸாவகா யேனாயஸ்மா உதா³யீ தேனுபஸங்கமிங்ஸு; உபஸங்கமித்வா ஆயஸ்மந்தங் உதா³யிங் ஏதத³வோசுங் – ‘‘இத⁴ மயங், ப⁴ந்தே, அமுகங் நாம க³ணகிங் தீ⁴தரங் யாசிம்ஹா அம்ஹாகங் குமாரகஸ்ஸ. ஸா ஏவமாஹ – ‘அஹங் க்²வய்யோ தும்ஹே ந ஜானாமி – கே வா இமே கஸ்ஸ வாதி. அயஞ்ச மே ஏகதீ⁴திகா, திரோகா³மோ ச க³ந்தப்³போ³, நாஹங் த³ஸ்ஸாமீ’தி. ஸாது⁴, ப⁴ந்தே, அய்யோ தங் க³ணகிங் தீ⁴தரங் தா³பேது அம்ஹாகங் குமாரகஸ்ஸா’’தி. அத² கோ² ஆயஸ்மா உதா³யீ யேன ஸா க³ணகீ தேனுபஸங்கமி; உபஸங்கமித்வா தங் க³ணகிங் ஏதத³வோச – ‘‘கிஸ்ஸிமேஸங் தீ⁴தரங் ந தே³ஸீ’’தி? ‘‘அஹங் க்²வய்ய, இமே ந ஜானாமி – ‘கே வா இமே கஸ்ஸ வா’தி. அயஞ்ச மே ஏகதீ⁴திகா, திரோகா³மோ ச க³ந்தப்³போ³, நாஹங் த³ஸ்ஸாமீ’’தி. ‘‘தே³ஹிமேஸங். அஹங் இமே ஜானாமீ’’தி. ‘‘ஸசே, ப⁴ந்தே, அய்யோ ஜானாதி, த³ஸ்ஸாமீ’’தி. அத² கோ² ஸா க³ணகீ தேஸங் ஆஜீவகஸாவகானங் தீ⁴தரங் அதா³ஸி. அத² கோ² தே ஆஜீவகஸாவகா தங் குமாரிகங் நெத்வா மாஸங்யேவ ஸுணிஸபோ⁴கே³ன பு⁴ஞ்ஜிங்ஸு. ததோ அபரேன தா³ஸிபோ⁴கே³ன பு⁴ஞ்ஜந்தி.
Atha kho te ājīvakasāvakā yenāyasmā udāyī tenupasaṅkamiṃsu; upasaṅkamitvā āyasmantaṃ udāyiṃ etadavocuṃ – ‘‘idha mayaṃ, bhante, amukaṃ nāma gaṇakiṃ dhītaraṃ yācimhā amhākaṃ kumārakassa. Sā evamāha – ‘ahaṃ khvayyo tumhe na jānāmi – ke vā ime kassa vāti. Ayañca me ekadhītikā, tirogāmo ca gantabbo, nāhaṃ dassāmī’ti. Sādhu, bhante, ayyo taṃ gaṇakiṃ dhītaraṃ dāpetu amhākaṃ kumārakassā’’ti. Atha kho āyasmā udāyī yena sā gaṇakī tenupasaṅkami; upasaṅkamitvā taṃ gaṇakiṃ etadavoca – ‘‘kissimesaṃ dhītaraṃ na desī’’ti? ‘‘Ahaṃ khvayya, ime na jānāmi – ‘ke vā ime kassa vā’ti. Ayañca me ekadhītikā, tirogāmo ca gantabbo, nāhaṃ dassāmī’’ti. ‘‘Dehimesaṃ. Ahaṃ ime jānāmī’’ti. ‘‘Sace, bhante, ayyo jānāti, dassāmī’’ti. Atha kho sā gaṇakī tesaṃ ājīvakasāvakānaṃ dhītaraṃ adāsi. Atha kho te ājīvakasāvakā taṃ kumārikaṃ netvā māsaṃyeva suṇisabhogena bhuñjiṃsu. Tato aparena dāsibhogena bhuñjanti.
அத² கோ² ஸா குமாரிகா மாதுயா ஸந்திகே தூ³தங் பாஹேஸி – ‘‘அஹம்ஹி து³க்³க³தா து³க்கி²தா, ந ஸுக²ங் லபா⁴மி. மாஸங்யேவ மங் ஸுணிஸபோ⁴கே³ன பு⁴ஞ்ஜிங்ஸு. ததோ அபரேன தா³ஸிபோ⁴கே³ன பு⁴ஞ்ஜந்தி. ஆக³ச்ச²து மே மாதா, மங் நெஸ்ஸதூ’’தி. அத² கோ² ஸா க³ணகீ யேன தே ஆஜீவகஸாவகா தேனுபஸங்கமி; உபஸங்கமித்வா தே ஆஜீவகஸாவகே ஏதத³வோச – ‘‘மாய்யோ, இமங் குமாரிகங் தா³ஸிபோ⁴கே³ன பு⁴ஞ்ஜித்த². ஸுணிஸபோ⁴கே³ன இமங் குமாரிகங் பு⁴ஞ்ஜதா²’’தி. தே ஏவமாஹங்ஸு – ‘‘நத்த²ம்ஹாகங் தயா ஸத்³தி⁴ங் ஆஹாரூபஹாரோ, ஸமணேன ஸத்³தி⁴ங் அம்ஹாகங் ஆஹாரூபஹாரோ . க³ச்ச² த்வங். ந மயங் தங் ஜானாமா’’தி. அத² கோ² ஸா க³ணகீ தேஹி ஆஜீவகஸாவகேஹி அபஸாதி³தா புனதே³வ ஸாவத்தி²ங் பச்சாக³ஞ்சி². து³தியம்பி கோ² ஸா குமாரிகா மாதுயா ஸந்திகே தூ³தங் பாஹேஸி – ‘‘அஹம்ஹி து³க்³க³தா து³க்கி²தா, ந ஸுக²ங் லபா⁴மி. மாஸங்யேவ மங் ஸுணிஸபோ⁴கே³ன பு⁴ஞ்ஜிங்ஸு. ததோ அபரேன தா³ஸிபோ⁴கே³ன பு⁴ஞ்ஜந்தி. ஆக³ச்ச²து மே மாதா, மங் நெஸ்ஸதூ’’தி. அத² கோ² ஸா க³ணகீ யேனாயஸ்மா உதா³யீ தேனுபஸங்கமி; உபஸங்கமித்வா ஆயஸ்மந்தங் உதா³யிங் ஏதத³வோச – ‘‘ஸா கிர, ப⁴ந்தே, குமாரிகா து³க்³க³தா து³க்கி²தா, ந ஸுக²ங் லப⁴தி. மாஸங்யேவ நங் ஸுணிஸபோ⁴கே³ன பு⁴ஞ்ஜிங்ஸு. ததோ அபரேன தா³ஸிபோ⁴கே³ன பு⁴ஞ்ஜந்தி. வதெ³ய்யாத², ப⁴ந்தே – ‘மாய்யோ, இமங் குமாரிகங் தா³ஸிபோ⁴கே³ன பு⁴ஞ்ஜித்த². ஸுணிஸபோ⁴கே³ன இமங் குமாரிகங் பு⁴ஞ்ஜிதா²’’’தி.
Atha kho sā kumārikā mātuyā santike dūtaṃ pāhesi – ‘‘ahamhi duggatā dukkhitā, na sukhaṃ labhāmi. Māsaṃyeva maṃ suṇisabhogena bhuñjiṃsu. Tato aparena dāsibhogena bhuñjanti. Āgacchatu me mātā, maṃ nessatū’’ti. Atha kho sā gaṇakī yena te ājīvakasāvakā tenupasaṅkami; upasaṅkamitvā te ājīvakasāvake etadavoca – ‘‘māyyo, imaṃ kumārikaṃ dāsibhogena bhuñjittha. Suṇisabhogena imaṃ kumārikaṃ bhuñjathā’’ti. Te evamāhaṃsu – ‘‘natthamhākaṃ tayā saddhiṃ āhārūpahāro, samaṇena saddhiṃ amhākaṃ āhārūpahāro . Gaccha tvaṃ. Na mayaṃ taṃ jānāmā’’ti. Atha kho sā gaṇakī tehi ājīvakasāvakehi apasāditā punadeva sāvatthiṃ paccāgañchi. Dutiyampi kho sā kumārikā mātuyā santike dūtaṃ pāhesi – ‘‘ahamhi duggatā dukkhitā, na sukhaṃ labhāmi. Māsaṃyeva maṃ suṇisabhogena bhuñjiṃsu. Tato aparena dāsibhogena bhuñjanti. Āgacchatu me mātā, maṃ nessatū’’ti. Atha kho sā gaṇakī yenāyasmā udāyī tenupasaṅkami; upasaṅkamitvā āyasmantaṃ udāyiṃ etadavoca – ‘‘sā kira, bhante, kumārikā duggatā dukkhitā, na sukhaṃ labhati. Māsaṃyeva naṃ suṇisabhogena bhuñjiṃsu. Tato aparena dāsibhogena bhuñjanti. Vadeyyātha, bhante – ‘māyyo, imaṃ kumārikaṃ dāsibhogena bhuñjittha. Suṇisabhogena imaṃ kumārikaṃ bhuñjithā’’’ti.
அத² கோ² ஆயஸ்மா உதா³யீ யேன தே ஆஜீவகஸாவகா தேனுபஸங்கமி; உபஸங்கமித்வா தே ஆஜீவகஸாவகே ஏதத³வோச – ‘‘மாய்யோ, இமங் குமாரிகங் தா³ஸிபோ⁴கே³ன பு⁴ஜ்ஜித்த². ஸுணிஸபோ⁴கே³ன இமங் குமாரிகங் பு⁴ஞ்ஜதா²’’தி. தே ஏவமாஹங்ஸு – ‘‘நத்த²ம்ஹாகங் தயா ஸத்³தி⁴ங் ஆஹாரூபஹாரோ, க³ணகியா ஸத்³தி⁴ங் அம்ஹாகங் ஆஹாரூபஹாரோ. ஸமணேன ப⁴விதப்³ப³ங் அப்³யாவடேன. ஸமணோ அஸ்ஸ ஸுஸமணோ, க³ச்ச² த்வங், ந மயங் தங் ஜானாமா’’தி. அத² கோ² ஆயஸ்மா உதா³யீ தேஹி ஆஜீவகஸாவகேஹி அபஸாதி³தோ புனதே³வ ஸாவத்தி²ங் பச்சாக³ஞ்சி². ததியம்பி கோ² ஸா குமாரிகா மாதுயா ஸந்திகே தூ³தங் பாஹேஸி – ‘‘அஹம்ஹி து³க்³க³தா து³க்கி²தா, ந ஸுக²ங் லபா⁴மி. மாஸங்யேவ மங் ஸுணிஸபோ⁴கே³ன பு⁴ஞ்ஜிங்ஸு. ததோ அபரேன தா³ஸிபோ⁴கே³ன பு⁴ஞ்ஜந்தி. ஆக³ச்ச²து மே மாதா, மங் நெஸ்ஸதூ’’தி. து³தியம்பி கோ² ஸா க³ணகீ யேனாயஸ்மா உதா³யீ தேனுபஸங்கமி; உபஸங்கமித்வா ஆயஸ்மந்தங் உதா³யிங் ஏதத³வோச – ‘‘ஸா கிர, ப⁴ந்தே, குமாரிகா து³க்³க³தா து³க்கி²தா, ந ஸுக²ங் லப⁴தி. மாஸங்யேவ நங் ஸுணிஸபோ⁴கே³ன பு⁴ஞ்ஜிங்ஸு. ததோ அபரேன தா³ஸிபோ⁴கே³ன பு⁴ஞ்ஜந்தி. வதெ³ய்யாத², ப⁴ந்தே – ‘மாய்யோ, இமங் குமாரிகங் தா³ஸிபோ⁴கே³ன பு⁴ஞ்ஜித்த², ஸுணிஸபோ⁴கே³ன இமங் குமாரிகங் பு⁴ஞ்ஜதா²’’’தி. ‘‘பட²மங்பாஹங் தேஹி ஆஜீவகஸாவகேஹி அபஸாதி³தோ. க³ச்ச² த்வங். நாஹங் க³மிஸ்ஸாமீ’’தி.
Atha kho āyasmā udāyī yena te ājīvakasāvakā tenupasaṅkami; upasaṅkamitvā te ājīvakasāvake etadavoca – ‘‘māyyo, imaṃ kumārikaṃ dāsibhogena bhujjittha. Suṇisabhogena imaṃ kumārikaṃ bhuñjathā’’ti. Te evamāhaṃsu – ‘‘natthamhākaṃ tayā saddhiṃ āhārūpahāro, gaṇakiyā saddhiṃ amhākaṃ āhārūpahāro. Samaṇena bhavitabbaṃ abyāvaṭena. Samaṇo assa susamaṇo, gaccha tvaṃ, na mayaṃ taṃ jānāmā’’ti. Atha kho āyasmā udāyī tehi ājīvakasāvakehi apasādito punadeva sāvatthiṃ paccāgañchi. Tatiyampi kho sā kumārikā mātuyā santike dūtaṃ pāhesi – ‘‘ahamhi duggatā dukkhitā, na sukhaṃ labhāmi. Māsaṃyeva maṃ suṇisabhogena bhuñjiṃsu. Tato aparena dāsibhogena bhuñjanti. Āgacchatu me mātā, maṃ nessatū’’ti. Dutiyampi kho sā gaṇakī yenāyasmā udāyī tenupasaṅkami; upasaṅkamitvā āyasmantaṃ udāyiṃ etadavoca – ‘‘sā kira, bhante, kumārikā duggatā dukkhitā, na sukhaṃ labhati. Māsaṃyeva naṃ suṇisabhogena bhuñjiṃsu. Tato aparena dāsibhogena bhuñjanti. Vadeyyātha, bhante – ‘māyyo, imaṃ kumārikaṃ dāsibhogena bhuñjittha, suṇisabhogena imaṃ kumārikaṃ bhuñjathā’’’ti. ‘‘Paṭhamaṃpāhaṃ tehi ājīvakasāvakehi apasādito. Gaccha tvaṃ. Nāhaṃ gamissāmī’’ti.
298. அத² கோ² ஸா க³ணகீ உஜ்ஜா²யதி கி²ய்யதி விபாசேதி – ‘‘ஏவங் து³க்³க³தோ ஹோது அய்யோ உதா³யீ, ஏவங் து³க்கி²தோ ஹோது அய்யோ உதா³யீ, ஏவங் மா ஸுக²ங் லப⁴து அய்யோ உதா³யீ, யதா² மே குமாரிகா து³க்³க³தா து³க்கி²தா ந ஸுக²ங் லப⁴தி பாபிகாய ஸஸ்ஸுயா பாபகேன ஸஸுரேன பாபகேன ஸாமிகேனா’’தி. ஸாபி கோ² குமாரிகா உஜ்ஜா²யதி கி²ய்யதி விபாசேதி – ‘‘ஏவங் து³க்³க³தோ ஹோது அய்யோ உதா³யீ, ஏவங் து³க்கி²தோ ஹோது அய்யோ உதா³யீ, ஏவங் மா ஸுக²ங் லப⁴து அய்யோ உதா³யீ, யதா²ஹங் து³க்³க³தா து³க்கி²தா ந ஸுக²ங் லபா⁴மி பாபிகாய ஸஸ்ஸுயா பாபகேன ஸஸுரேன பாபகேன ஸாமிகேனா’’தி. அஞ்ஞாபி இத்தி²யோ அஸந்துட்டா² ஸஸ்ஸூஹி வா ஸஸுரேஹி வா ஸாமிகேஹி வா, தா ஏவங் ஓயாசந்தி – ‘‘ஏவங் து³க்³க³தோ ஹோது அய்யோ உதா³யீ, ஏவங் து³க்கி²தோ ஹோது அய்யோ உதா³யீ, ஏவங் மா ஸுக²ங் லப⁴து அய்யோ உதா³யீ, யதா² மயங் து³க்³க³தா து³க்கி²தா ந ஸுக²ங் லபா⁴ம பாபிகாஹி ஸஸ்ஸூஹி பாபகேஹி ஸஸுரேஹி பாபகேஹி ஸாமிகேஹீ’’தி. யா பன தா இத்தி²யோ ஸந்துட்டா² ஸஸ்ஸூஹி வா ஸஸுரேஹி வா ஸாமிகேஹி வா தா ஏவங் ஆயாசந்தி – ‘‘ஏவங் ஸுகி²தோ ஹோது அய்யோ உதா³யீ, ஏவங் ஸஜ்ஜிதோ ஹோது அய்யோ உதா³யீ, ஏவங் ஸுக²மேதோ⁴ 5 ஹோது அய்யோ உதா³யீ, யதா² மயங் ஸுகி²தா ஸஜ்ஜிதா ஸுக²மேதா⁴ ப⁴த்³தி³காஹி ஸஸ்ஸூஹி ப⁴த்³த³கேஹி ஸஸுரேஹி ப⁴த்³த³கேஹி ஸாமிகேஹீ’’தி.
298. Atha kho sā gaṇakī ujjhāyati khiyyati vipāceti – ‘‘evaṃ duggato hotu ayyo udāyī, evaṃ dukkhito hotu ayyo udāyī, evaṃ mā sukhaṃ labhatu ayyo udāyī, yathā me kumārikā duggatā dukkhitā na sukhaṃ labhati pāpikāya sassuyā pāpakena sasurena pāpakena sāmikenā’’ti. Sāpi kho kumārikā ujjhāyati khiyyati vipāceti – ‘‘evaṃ duggato hotu ayyo udāyī, evaṃ dukkhito hotu ayyo udāyī, evaṃ mā sukhaṃ labhatu ayyo udāyī, yathāhaṃ duggatā dukkhitā na sukhaṃ labhāmi pāpikāya sassuyā pāpakena sasurena pāpakena sāmikenā’’ti. Aññāpi itthiyo asantuṭṭhā sassūhi vā sasurehi vā sāmikehi vā, tā evaṃ oyācanti – ‘‘evaṃ duggato hotu ayyo udāyī, evaṃ dukkhito hotu ayyo udāyī, evaṃ mā sukhaṃ labhatu ayyo udāyī, yathā mayaṃ duggatā dukkhitā na sukhaṃ labhāma pāpikāhi sassūhi pāpakehi sasurehi pāpakehi sāmikehī’’ti. Yā pana tā itthiyo santuṭṭhā sassūhi vā sasurehi vā sāmikehi vā tā evaṃ āyācanti – ‘‘evaṃ sukhito hotu ayyo udāyī, evaṃ sajjito hotu ayyo udāyī, evaṃ sukhamedho 6 hotu ayyo udāyī, yathā mayaṃ sukhitā sajjitā sukhamedhā bhaddikāhi sassūhi bhaddakehi sasurehi bhaddakehi sāmikehī’’ti.
அஸ்ஸோஸுங் கோ² பி⁴க்கூ² ஏகச்சானங் இத்தீ²னங் ஓயாசந்தீனங் ஏகச்சானங் இத்தீ²னங் ஆயாசந்தீனங். யே தே பி⁴க்கூ² அப்பிச்சா²…பே॰… தே உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம ஆயஸ்மா உதா³யீ ஸஞ்சரித்தங் ஸமாபஜ்ஜிஸ்ஸதீ’’தி! அத² கோ² தே பி⁴க்கூ² ஆயஸ்மந்தங் உதா³யிங் அனேகபரியாயேன விக³ரஹித்வா ப⁴க³வதோ ஏதமத்த²ங் ஆரோசேஸுங். அத² கோ² ப⁴க³வா ஏதஸ்மிங் நிதா³னே ஏதஸ்மிங் பகரணே பி⁴க்கு²ஸங்க⁴ங் ஸன்னிபாதாபெத்வா ஆயஸ்மந்தங் உதா³யிங் படிபுச்சி² – ‘‘ஸச்சங் கிர த்வங், உதா³யி, ஸஞ்சரித்தங் ஸமாபஜ்ஜஸீ’’தி? ‘‘ஸச்சங், ப⁴க³வா’’தி. விக³ரஹி பு³த்³தோ⁴ ப⁴க³வா…பே॰… கத²ஞ்ஹி நாம த்வங், மோக⁴புரிஸ, ஸஞ்சரித்தங் ஸமாபஜ்ஜஸி! நேதங், மோக⁴புரிஸ, அப்பஸன்னானங் வா பஸாதா³ய…பே॰… ஏவஞ்ச பன, பி⁴க்க²வே, இமங் ஸிக்கா²பத³ங் உத்³தி³ஸெய்யாத² –
Assosuṃ kho bhikkhū ekaccānaṃ itthīnaṃ oyācantīnaṃ ekaccānaṃ itthīnaṃ āyācantīnaṃ. Ye te bhikkhū appicchā…pe… te ujjhāyanti khiyyanti vipācenti – ‘‘kathañhi nāma āyasmā udāyī sañcarittaṃ samāpajjissatī’’ti! Atha kho te bhikkhū āyasmantaṃ udāyiṃ anekapariyāyena vigarahitvā bhagavato etamatthaṃ ārocesuṃ. Atha kho bhagavā etasmiṃ nidāne etasmiṃ pakaraṇe bhikkhusaṅghaṃ sannipātāpetvā āyasmantaṃ udāyiṃ paṭipucchi – ‘‘saccaṃ kira tvaṃ, udāyi, sañcarittaṃ samāpajjasī’’ti? ‘‘Saccaṃ, bhagavā’’ti. Vigarahi buddho bhagavā…pe… kathañhi nāma tvaṃ, moghapurisa, sañcarittaṃ samāpajjasi! Netaṃ, moghapurisa, appasannānaṃ vā pasādāya…pe… evañca pana, bhikkhave, imaṃ sikkhāpadaṃ uddiseyyātha –
299. ‘‘யோ பன பி⁴க்கு² ஸஞ்சரித்தங் ஸமாபஜ்ஜெய்ய, இத்தி²யா வா புரிஸமதிங் புரிஸஸ்ஸ வா இத்தி²மதிங், ஜாயத்தனே வா ஜாரத்தனே வா, ஸங்கா⁴தி³ஸேஸோ’’தி.
299.‘‘Yopana bhikkhu sañcarittaṃ samāpajjeyya, itthiyā vā purisamatiṃ purisassa vā itthimatiṃ, jāyattane vā jārattane vā, saṅghādiseso’’ti.
ஏவஞ்சித³ங் ப⁴க³வதா பி⁴க்கூ²னங் ஸிக்கா²பத³ங் பஞ்ஞத்தங் ஹோதி.
Evañcidaṃ bhagavatā bhikkhūnaṃ sikkhāpadaṃ paññattaṃ hoti.
300. தேன கோ² பன ஸமயேன ஸம்ப³ஹுலா து⁴த்தா உய்யானே பரிசாரெந்தா அஞ்ஞதரிஸ்ஸா வேஸியா ஸந்திகே தூ³தங் பாஹேஸுங் – ‘‘ஆக³ச்ச²து உய்யானே, பரிசாரெஸ்ஸாமா’’தி. ஸா ஏவமாஹ – ‘‘அஹங் க்²வய்யோ தும்ஹே ந ஜானாமி – ‘கே வா இமே கஸ்ஸ வா’தி. அஹஞ்சம்ஹி ப³ஹுப⁴ண்டா³ ப³ஹுபரிக்கா²ரா, ப³ஹினக³ரஞ்ச க³ந்தப்³ப³ங். நாஹங் க³மிஸ்ஸாமீ’’தி. அத² கோ² ஸோ தூ³தோ தேஸங் து⁴த்தானங் ஏதமத்த²ங் ஆரோசேஸி. ஏவங் வுத்தே, அஞ்ஞதரோ புரிஸோ தே து⁴த்தே ஏதத³வோச – ‘‘கிஸ்ஸ தும்ஹே அய்யோ ஏதங் வேஸிங் யாசித்த²? நனு அய்யோ உதா³யீ வத்தப்³போ³! அய்யோ உதா³யீ உய்யோஜெஸ்ஸதீ’’தி. ஏவங் வுத்தே, அஞ்ஞதரோ உபாஸகோ தங் புரிஸங் ஏதத³வோச – ‘‘மாய்யோ ஏவங் அவச. ந கப்பதி ஸமணானங் ஸக்யபுத்தியானங் ஏவரூபங் காதுங். நாய்யோ உதா³யீ ஏவங் கரிஸ்ஸதீ’’தி. ஏவங் வுத்தே, ‘‘கரிஸ்ஸதி ந கரிஸ்ஸதீ’’தி அப்³பு⁴தமகங்ஸு. அத² கோ² தே து⁴த்தா யேனாயஸ்மா உதா³யீ தேனுபஸங்கமிங்ஸு; உபஸங்கமித்வா ஆயஸ்மந்தங் உதா³யிங் ஏதத³வோசுங் – ‘‘இத⁴ மயங், ப⁴ந்தே, உய்யானே பரிசாரெந்தா அஸுகாய நாம வேஸியா ஸந்திகே தூ³தங் பஹிணிம்ஹா – ‘ஆக³ச்ச²து உய்யானே, பரிசாரெஸ்ஸாமா’தி. ஸா ஏவமாஹ – ‘அஹங் க்²வய்யோ தும்ஹே ந ஜானாமி – கே வா இமே கஸ்ஸ வாதி, அஹஞ்சம்ஹி ப³ஹுப⁴ண்டா³ ப³ஹுபரிக்கா²ரா, ப³ஹினக³ரஞ்ச க³ந்தப்³ப³ங். நாஹங் க³மிஸ்ஸாமீ’தி. ஸாது⁴, ப⁴ந்தே, அய்யோ தங் வஸிங் உய்யோஜேதூ’’தி.
300. Tena kho pana samayena sambahulā dhuttā uyyāne paricārentā aññatarissā vesiyā santike dūtaṃ pāhesuṃ – ‘‘āgacchatu uyyāne, paricāressāmā’’ti. Sā evamāha – ‘‘ahaṃ khvayyo tumhe na jānāmi – ‘ke vā ime kassa vā’ti. Ahañcamhi bahubhaṇḍā bahuparikkhārā, bahinagarañca gantabbaṃ. Nāhaṃ gamissāmī’’ti. Atha kho so dūto tesaṃ dhuttānaṃ etamatthaṃ ārocesi. Evaṃ vutte, aññataro puriso te dhutte etadavoca – ‘‘kissa tumhe ayyo etaṃ vesiṃ yācittha? Nanu ayyo udāyī vattabbo! Ayyo udāyī uyyojessatī’’ti. Evaṃ vutte, aññataro upāsako taṃ purisaṃ etadavoca – ‘‘māyyo evaṃ avaca. Na kappati samaṇānaṃ sakyaputtiyānaṃ evarūpaṃ kātuṃ. Nāyyo udāyī evaṃ karissatī’’ti. Evaṃ vutte, ‘‘karissati na karissatī’’ti abbhutamakaṃsu. Atha kho te dhuttā yenāyasmā udāyī tenupasaṅkamiṃsu; upasaṅkamitvā āyasmantaṃ udāyiṃ etadavocuṃ – ‘‘idha mayaṃ, bhante, uyyāne paricārentā asukāya nāma vesiyā santike dūtaṃ pahiṇimhā – ‘āgacchatu uyyāne, paricāressāmā’ti. Sā evamāha – ‘ahaṃ khvayyo tumhe na jānāmi – ke vā ime kassa vāti, ahañcamhi bahubhaṇḍā bahuparikkhārā, bahinagarañca gantabbaṃ. Nāhaṃ gamissāmī’ti. Sādhu, bhante, ayyo taṃ vasiṃ uyyojetū’’ti.
அத² கோ² ஆயஸ்மா உதா³யீ யேன ஸா வேஸீ தேனுபஸங்கமி; உபஸங்கமித்வா தங் வேஸிங் ஏதத³வோச – ‘‘கிஸ்ஸிமேஸங் ந க³ச்ச²ஸீ’’தி? ‘‘அஹங் க்²வய்ய இமே ந ஜானாமி – ‘கே வா இமே கஸ்ஸ வா’தி. அஹஞ்சம்ஹி ப³ஹுப⁴ண்டா³ ப³ஹுபரிக்கா²ரா, ப³ஹினக³ரஞ்ச க³ந்தப்³ப³ங். நாஹங் க³மிஸ்ஸாமீ’’தி. ‘‘க³ச்சி²மேஸங். அஹங் இமே ஜானாமீ’’தி. ‘‘ஸசே, ப⁴ந்தே, அய்யோ ஜானாதி அஹங் க³மிஸ்ஸாமீ’’தி. அத² கோ² தே து⁴த்தா தங் வேஸிங் ஆதா³ய உய்யானங் அக³மங்ஸு. அத² கோ² ஸோ உபாஸகோ உஜ்ஜா²யதி கி²ய்யதி விபாசேதி – ‘‘கத²ஞ்ஹி நாம அய்யோ உதா³யீ தங்க²ணிகங் ஸஞ்சரித்தங் ஸமாபஜ்ஜிஸ்ஸதீ’’தி. அஸ்ஸோஸுங் கோ² பி⁴க்கூ² தஸ்ஸ உபாஸகஸ்ஸ உஜ்ஜா²யந்தஸ்ஸ கி²ய்யந்தஸ்ஸ விபாசெந்தஸ்ஸ. யே தே பி⁴க்கூ² அப்பிச்சா²…பே॰… தே உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம ஆயஸ்மா உதா³யீ தங்க²ணிகங் ஸஞ்சரித்தங் ஸமாபஜ்ஜிஸ்ஸதீ’’தி! அத² கோ² தே பி⁴க்கூ² ஆயஸ்மந்தங் உதா³யிங் அனேகபரியாயேன விக³ரஹித்வா ப⁴க³வதோ ஏதமத்த²ங் ஆரோசேஸுங்…பே॰… ‘‘ஸச்சங் கிர த்வங், உதா³யி, தங்க²ணிகங் ஸஞ்சரித்தங் ஸமாபஜ்ஜஸீ’’தி? ‘‘ஸச்சங், ப⁴க³வா’’தி. விக³ரஹி பு³த்³தோ⁴ ப⁴க³வா…பே॰… ‘‘கத²ஞ்ஹி நாம த்வங், மோக⁴புரிஸ, தங்க²ணிகங் ஸஞ்சரித்தங் ஸமாபஜ்ஜிஸ்ஸஸி? நேதங், மோக⁴புரிஸ, அப்பஸன்னானங் வா பஸாதா³ய…பே॰… ஏவஞ்ச பன, பி⁴க்க²வே, இமங் ஸிக்கா²பத³ங் உத்³தி³ஸெய்யாத² –
Atha kho āyasmā udāyī yena sā vesī tenupasaṅkami; upasaṅkamitvā taṃ vesiṃ etadavoca – ‘‘kissimesaṃ na gacchasī’’ti? ‘‘Ahaṃ khvayya ime na jānāmi – ‘ke vā ime kassa vā’ti. Ahañcamhi bahubhaṇḍā bahuparikkhārā, bahinagarañca gantabbaṃ. Nāhaṃ gamissāmī’’ti. ‘‘Gacchimesaṃ. Ahaṃ ime jānāmī’’ti. ‘‘Sace, bhante, ayyo jānāti ahaṃ gamissāmī’’ti. Atha kho te dhuttā taṃ vesiṃ ādāya uyyānaṃ agamaṃsu. Atha kho so upāsako ujjhāyati khiyyati vipāceti – ‘‘kathañhi nāma ayyo udāyī taṅkhaṇikaṃ sañcarittaṃ samāpajjissatī’’ti. Assosuṃ kho bhikkhū tassa upāsakassa ujjhāyantassa khiyyantassa vipācentassa. Ye te bhikkhū appicchā…pe… te ujjhāyanti khiyyanti vipācenti – ‘‘kathañhi nāma āyasmā udāyī taṅkhaṇikaṃ sañcarittaṃ samāpajjissatī’’ti! Atha kho te bhikkhū āyasmantaṃ udāyiṃ anekapariyāyena vigarahitvā bhagavato etamatthaṃ ārocesuṃ…pe… ‘‘saccaṃ kira tvaṃ, udāyi, taṅkhaṇikaṃ sañcarittaṃ samāpajjasī’’ti? ‘‘Saccaṃ, bhagavā’’ti. Vigarahi buddho bhagavā…pe… ‘‘kathañhi nāma tvaṃ, moghapurisa, taṅkhaṇikaṃ sañcarittaṃ samāpajjissasi? Netaṃ, moghapurisa, appasannānaṃ vā pasādāya…pe… evañca pana, bhikkhave, imaṃ sikkhāpadaṃ uddiseyyātha –
301. ‘‘யோ பன பி⁴க்கு² ஸஞ்சரித்தங் ஸமாபஜ்ஜெய்ய, இத்தி²யா வா புரிஸமதிங் புரிஸஸ்ஸ வா இத்தி²மதிங், ஜாயத்தனே வா ஜாரத்தனே வா, அந்தமஸோ தங்க²ணிகாயபி, ஸங்கா⁴தி³ஸேஸோ’’தி.
301.‘‘Yo pana bhikkhu sañcarittaṃ samāpajjeyya, itthiyā vā purisamatiṃ purisassa vā itthimatiṃ, jāyattane vā jārattane vā, antamaso taṅkhaṇikāyapi, saṅghādiseso’’ti.
302. யோ பனாதி யோ யாதி³ஸோ…பே॰… பி⁴க்கூ²தி…பே॰… அயங் இமஸ்மிங் அத்தே² அதி⁴ப்பேதோ பி⁴க்கூ²தி.
302.Yo panāti yo yādiso…pe… bhikkhūti…pe… ayaṃ imasmiṃ atthe adhippeto bhikkhūti.
ஸஞ்சரித்தங் ஸமாபஜ்ஜெய்யாதி இத்தி²யா வா பஹிதோ புரிஸஸ்ஸ ஸந்திகே க³ச்ச²தி, புரிஸேன வா பஹிதோ இத்தி²யா ஸந்திகே க³ச்ச²தி.
Sañcarittaṃ samāpajjeyyāti itthiyā vā pahito purisassa santike gacchati, purisena vā pahito itthiyā santike gacchati.
இத்தி²யா வா புரிஸமதிந்தி புரிஸஸ்ஸ மதிங் இத்தி²யா ஆரோசேதி.
Itthiyāvā purisamatinti purisassa matiṃ itthiyā āroceti.
புரிஸஸ்ஸ வா இத்தி²மதிந்தி இத்தி²யா மதிங் புரிஸஸ்ஸ ஆரோசேதி.
Purisassa vā itthimatinti itthiyā matiṃ purisassa āroceti.
ஜாயத்தனே வாதி ஜாயா ப⁴விஸ்ஸஸி.
Jāyattane vāti jāyā bhavissasi.
ஜாரத்தனே வாதி ஜாரீ ப⁴விஸ்ஸஸி.
Jārattane vāti jārī bhavissasi.
அந்தமஸோ தங்க²ணிகாயபீதி முஹுத்திகா ப⁴விஸ்ஸஸி .
Antamaso taṅkhaṇikāyapīti muhuttikā bhavissasi .
ஸங்கா⁴தி³ஸேஸோதி…பே॰… தேனபி வுச்சதி ஸங்கா⁴தி³ஸேஸோதி.
Saṅghādisesoti…pe… tenapi vuccati saṅghādisesoti.
303. த³ஸ இத்தி²யோ – மாதுரக்கி²தா பிதுரக்கி²தா மாதாபிதுரக்கி²தா பா⁴துரக்கி²தா ப⁴கி³னிரக்கி²தா ஞாதிரக்கி²தா கொ³த்தரக்கி²தா த⁴ம்மரக்கி²தா ஸாரக்கா² ஸபரித³ண்டா³.
303. Dasa itthiyo – māturakkhitā piturakkhitā mātāpiturakkhitā bhāturakkhitā bhaginirakkhitā ñātirakkhitā gottarakkhitā dhammarakkhitā sārakkhā saparidaṇḍā.
த³ஸ ப⁴ரியாயோ – த⁴னக்கீதா ச²ந்த³வாஸினீ போ⁴க³வாஸினீ படவாஸினீ ஓத³பத்தகினீ ஓப⁴டசும்ப³டா தா³ஸீ ச ப⁴ரியா ச கம்மகாரீ ச ப⁴ரியா ச த⁴ஜாஹடா முஹுத்திகா.
Dasa bhariyāyo – dhanakkītā chandavāsinī bhogavāsinī paṭavāsinī odapattakinī obhaṭacumbaṭā dāsī ca bhariyā ca kammakārī ca bhariyā ca dhajāhaṭā muhuttikā.
304. மாதுரக்கி²தா நாம மாதா ரக்க²தி கோ³பேதி இஸ்ஸரியங் காரேதி வஸங் வத்தேதி.
304.Māturakkhitā nāma mātā rakkhati gopeti issariyaṃ kāreti vasaṃ vatteti.
பிதுரக்கி²தா நாம பிதா ரக்க²தி கோ³பேதி இஸ்ஸரியங் காரேதி வஸங் வத்தேதி.
Piturakkhitā nāma pitā rakkhati gopeti issariyaṃ kāreti vasaṃ vatteti.
மாதாபிதுரக்கி²தா நாம மாதாபிதரோ ரக்க²ந்தி கோ³பெந்தி இஸ்ஸரியங் காரெந்தி வஸங் வத்தெந்தி.
Mātāpiturakkhitā nāma mātāpitaro rakkhanti gopenti issariyaṃ kārenti vasaṃ vattenti.
பா⁴துரக்கி²தா நாம பா⁴தா ரக்க²தி கோ³பேதி இஸ்ஸரியங் காரேதி வஸங் வத்தேதி.
Bhāturakkhitā nāma bhātā rakkhati gopeti issariyaṃ kāreti vasaṃ vatteti.
ப⁴கி³னிரக்கி²தா நாம ப⁴கி³னீ ரக்க²தி கோ³பேதி இஸ்ஸரியங் காரேதி வஸங் வத்தேதி.
Bhaginirakkhitā nāma bhaginī rakkhati gopeti issariyaṃ kāreti vasaṃ vatteti.
ஞாதிரக்கி²தா நாம ஞாதகா ரக்க²ந்தி கோ³பெந்தி இஸ்ஸரியங் காரெந்தி வஸங் வத்தெந்தி.
Ñātirakkhitā nāma ñātakā rakkhanti gopenti issariyaṃ kārenti vasaṃ vattenti.
கொ³த்தரக்கி²தா நாம ஸகொ³த்தா ரக்க²ந்தி கோ³பெந்தி இஸ்ஸரியங் காரெந்தி வஸங் வத்தெந்தி.
Gottarakkhitā nāma sagottā rakkhanti gopenti issariyaṃ kārenti vasaṃ vattenti.
த⁴ம்மரக்கி²தா நாம ஸஹத⁴ம்மிகா ரக்க²ந்தி கோ³பெந்தி இஸ்ஸரியங் காரெந்தி வஸங் வத்தெந்தி.
Dhammarakkhitā nāma sahadhammikā rakkhanti gopenti issariyaṃ kārenti vasaṃ vattenti.
ஸாரக்கா² நாம க³ப்³பே⁴பி பரிக்³க³ஹிதா ஹோதி – மய்ஹங் ஏஸாதி. அந்தமஸோ மாலாகு³ளபரிக்கி²த்தாபி.
Sārakkhā nāma gabbhepi pariggahitā hoti – mayhaṃ esāti. Antamaso mālāguḷaparikkhittāpi.
ஸபரித³ண்டா³ நாம கேஹிசி த³ண்டோ³ ட²பிதோ ஹோதி – யோ இத்த²ன்னாமங் இத்தி²ங் க³ச்ச²தி எத்தகோ த³ண்டோ³தி.
Saparidaṇḍā nāma kehici daṇḍo ṭhapito hoti – yo itthannāmaṃ itthiṃ gacchati ettako daṇḍoti.
த⁴னக்கீதா நாம த⁴னேன கிணித்வா வாஸேதி.
Dhanakkītā nāma dhanena kiṇitvā vāseti.
ச²ந்த³வாஸினீ நாம பியோ பியங் வாஸேதி.
Chandavāsinī nāma piyo piyaṃ vāseti.
போ⁴க³வாஸினீ நாம போ⁴க³ங் த³த்வா வாஸேதி.
Bhogavāsinī nāma bhogaṃ datvā vāseti.
படவாஸினீ நாம படங் த³த்வா வாஸேதி.
Paṭavāsinī nāma paṭaṃ datvā vāseti.
ஓத³பத்தகினீ நாம உத³கபத்தங் ஆமஸித்வா வாஸேதி.
Odapattakinī nāma udakapattaṃ āmasitvā vāseti.
ஓப⁴டசும்ப³டா நாம சும்ப³டங் ஓரோபெத்வா வாஸேதி.
Obhaṭacumbaṭā nāma cumbaṭaṃ oropetvā vāseti.
தா³ஸீ நாம தா³ஸீ சேவ ஹோதி ப⁴ரியா ச.
Dāsī nāma dāsī ceva hoti bhariyā ca.
கம்மகாரீ நாம கம்மகாரீ சேவ ஹோதி ப⁴ரியா ச.
Kammakārī nāma kammakārī ceva hoti bhariyā ca.
த⁴ஜாஹடா நாம கரமரானீதா வுச்சதி.
Dhajāhaṭā nāma karamarānītā vuccati.
முஹுத்திகா நாம தங்க²ணிகா வுச்சதி.
Muhuttikā nāma taṅkhaṇikā vuccati.
305. புரிஸோ பி⁴க்கு²ங் பஹிணதி – ‘‘க³ச்ச², ப⁴ந்தே, இத்த²ன்னாமங் மாதுரக்கி²தங் ப்³ரூஹி – ‘ஹோஹி கிர இத்த²ன்னாமஸ்ஸ ப⁴ரியா த⁴னக்கீதா’’’தி. படிக்³க³ண்ஹாதி வீமங்ஸதி பச்சாஹரதி, ஆபத்தி ஸங்கா⁴தி³ஸேஸஸ்ஸ.
305. Puriso bhikkhuṃ pahiṇati – ‘‘gaccha, bhante, itthannāmaṃ māturakkhitaṃ brūhi – ‘hohi kira itthannāmassa bhariyā dhanakkītā’’’ti. Paṭiggaṇhāti vīmaṃsati paccāharati, āpatti saṅghādisesassa.
புரிஸோ பி⁴க்கு²ங் பஹிணதி – ‘‘க³ச்ச², ப⁴ந்தே, இத்த²ன்னாமங் பிதுரக்கி²தங் ப்³ரூஹி…பே॰… மாதாபிதுரக்கி²தங் ப்³ரூஹி… பா⁴துரக்கி²தங் ப்³ரூஹி… ப⁴கி³னிரக்கி²தங் ப்³ரூஹி… ஞாதிரக்கி²தங் ப்³ரூஹி… கொ³த்தரக்கி²தங் ப்³ரூஹி… த⁴ம்மரக்கி²தங் ப்³ரூஹி… ஸாரக்க²ங் ப்³ரூஹி… ஸபரித³ண்ட³ங் ப்³ரூஹி – ‘ஹோஹி கிர இத்த²ன்னாமஸ்ஸ ப⁴ரியா த⁴னக்கீதா’’’தி. படிக்³க³ண்ஹாதி வீமங்ஸதி பச்சாஹரதி, ஆபத்தி ஸங்கா⁴தி³ஸேஸஸ்ஸ.
Puriso bhikkhuṃ pahiṇati – ‘‘gaccha, bhante, itthannāmaṃ piturakkhitaṃ brūhi…pe… mātāpiturakkhitaṃ brūhi… bhāturakkhitaṃ brūhi… bhaginirakkhitaṃ brūhi… ñātirakkhitaṃ brūhi… gottarakkhitaṃ brūhi… dhammarakkhitaṃ brūhi… sārakkhaṃ brūhi… saparidaṇḍaṃ brūhi – ‘hohi kira itthannāmassa bhariyā dhanakkītā’’’ti. Paṭiggaṇhāti vīmaṃsati paccāharati, āpatti saṅghādisesassa.
நிக்கே²பபதா³னி.
Nikkhepapadāni.
306. புரிஸோ பி⁴க்கு²ங் பஹிணதி – ‘‘க³ச்ச², ப⁴ந்தே, இத்த²ன்னாமங் மாதுரக்கி²தஞ்ச பிதுரக்கி²தஞ்ச ப்³ரூஹி – ‘ஹோத² கிர இத்த²ன்னாமஸ்ஸ ப⁴ரியாயோ த⁴னக்கீதா’’’தி. படிக்³க³ண்ஹாதி வீமங்ஸதி பச்சாஹரதி, ஆபத்தி ஸங்கா⁴தி³ஸேஸஸ்ஸ.
306. Puriso bhikkhuṃ pahiṇati – ‘‘gaccha, bhante, itthannāmaṃ māturakkhitañca piturakkhitañca brūhi – ‘hotha kira itthannāmassa bhariyāyo dhanakkītā’’’ti. Paṭiggaṇhāti vīmaṃsati paccāharati, āpatti saṅghādisesassa.
புரிஸோ பி⁴க்கு²ங் பஹிணதி – ‘‘க³ச்ச², ப⁴ந்தே, இத்த²ன்னாமங் மாதுரக்கி²தஞ்ச மாதாபிதுரஅக²தஞ்ச…பே॰…
Puriso bhikkhuṃ pahiṇati – ‘‘gaccha, bhante, itthannāmaṃ māturakkhitañca mātāpituraakhatañca…pe…
மாதுரக்கி²தஞ்ச பா⁴துரக்கி²தஞ்ச… மாதுரக்கி²தஞ்ச ப⁴கி³னிரக்கி²தஞ்ச… மாதுரக்கி²தஞ்ச ஞாதிரக்கி²தஞ்ச… மாதுரக்கி²தஞ்ச கொ³த்தரக்கி²தஞ்ச… மாதுரக்கி²தஞ்ச த⁴ம்மரக்கி²தஞ்ச… மாதுரக்கி²தஞ்ச ஸாரக்க²ஞ்ச… மாதுரக்கி²தஞ்ச ஸபரித³ண்ட³ஞ்ச ப்³ரூஹி – ‘ஹோத² கிர இத்த²ன்னாமஸ்ஸ ப⁴ரியாயோ த⁴னக்கீதா’’’தி. படிக்³க³ண்ஹாதி வீமங்ஸதி பச்சாஹரதி, ஆபத்தி ஸங்கா⁴தி³ஸேஸஸ்ஸ.
Māturakkhitañca bhāturakkhitañca… māturakkhitañca bhaginirakkhitañca… māturakkhitañca ñātirakkhitañca… māturakkhitañca gottarakkhitañca… māturakkhitañca dhammarakkhitañca… māturakkhitañca sārakkhañca… māturakkhitañca saparidaṇḍañca brūhi – ‘hotha kira itthannāmassa bhariyāyo dhanakkītā’’’ti. Paṭiggaṇhāti vīmaṃsati paccāharati, āpatti saṅghādisesassa.
க²ண்ட³சக்கங்.
Khaṇḍacakkaṃ.
307. புரிஸோ பி⁴க்கு²ங் பஹிணதி – ‘‘க³ச்ச², ப⁴ந்தே, இத்த²ன்னாமங் பிதுரக்கி²தஞ்ச மாதாபிதுரக்கி²தஞ்ச ப்³ரூஹி – ‘ஹோத² கிர இத்த²ன்னாமஸ்ஸ ப⁴ரியாயோ த⁴னக்கீதா’’’தி. படிக்³க³ண்ஹாதி வீமங்ஸதி பச்சாஹரதி, ஆபத்தி ஸங்கா⁴தி³ஸேஸஸ்ஸ.
307. Puriso bhikkhuṃ pahiṇati – ‘‘gaccha, bhante, itthannāmaṃ piturakkhitañca mātāpiturakkhitañca brūhi – ‘hotha kira itthannāmassa bhariyāyo dhanakkītā’’’ti. Paṭiggaṇhāti vīmaṃsati paccāharati, āpatti saṅghādisesassa.
புரிஸோ பி⁴க்கு²ங் பஹிணதி – ‘‘க³ச்ச², ப⁴ந்தே, இத்த²ன்னாமங் பிதுரக்கி²தஞ்ச பா⁴துரக்கி²தஞ்ச…பே॰… பிதுரக்கி²தஞ்ச ப⁴கி³னிரக்கி²தஞ்ச… பிதுரக்கி²தஞ்ச ஞாதிரக்கி²தஞ்ச… பிதுரக்கி²தஞ்ச கொ³த்தரக்கி²தஞ்ச… பிதுரக்கி²தஞ்ச த⁴ம்மரக்கி²தஞ்ச… பிதுரக்கி²தஞ்ச ஸாரக்க²ஞ்ச… பிதுரக்கி²தஞ்ச ஸபரித³ண்ட³ஞ்ச ப்³ரூஹி – ‘ஹோத² கிர இத்த²ன்னாமஸ்ஸ ப⁴ரியாயோ த⁴னக்கீதா’’’தி. படிக்³க³ண்ஹாதி வீமங்ஸதி பச்சாஹரதி, ஆபத்தி ஸங்கா⁴தி³ஸேஸஸ்ஸ.
Puriso bhikkhuṃ pahiṇati – ‘‘gaccha, bhante, itthannāmaṃ piturakkhitañca bhāturakkhitañca…pe… piturakkhitañca bhaginirakkhitañca… piturakkhitañca ñātirakkhitañca… piturakkhitañca gottarakkhitañca… piturakkhitañca dhammarakkhitañca… piturakkhitañca sārakkhañca… piturakkhitañca saparidaṇḍañca brūhi – ‘hotha kira itthannāmassa bhariyāyo dhanakkītā’’’ti. Paṭiggaṇhāti vīmaṃsati paccāharati, āpatti saṅghādisesassa.
புரிஸோ பி⁴க்கு²ங் பஹிணதி – ‘‘க³ச்ச², ப⁴ந்தே, இத்த²ன்னாமங் பிதுரக்கி²தஞ்ச மாதுரக்கி²தஞ்ச ப்³ரூஹி – ‘ஹோத² கிர இத்த²ன்னாமஸ்ஸ ப⁴ரியாயோ த⁴னக்கீதா’’’தி. படிக்³க³ண்ஹாதி வீமங்ஸதி பச்சாஹரதி, ஆபத்தி ஸங்கா⁴தி³ஸேஸஸ்ஸ.
Puriso bhikkhuṃ pahiṇati – ‘‘gaccha, bhante, itthannāmaṃ piturakkhitañca māturakkhitañca brūhi – ‘hotha kira itthannāmassa bhariyāyo dhanakkītā’’’ti. Paṭiggaṇhāti vīmaṃsati paccāharati, āpatti saṅghādisesassa.
ப³த்³த⁴சக்கங் மூலங் ஸங்கி²த்தங்.
Baddhacakkaṃ mūlaṃ saṃkhittaṃ.
308. புரிஸோ பி⁴க்கு²ங் பஹிணதி – ‘‘க³ச்ச², ப⁴ந்தே, இத்த²ன்னாமங் ஸபரித³ண்ட³ஞ்ச மாதுரக்கி²தஞ்ச ப்³ரூஹி – ‘ஹோத² கிர இத்த²ன்னாமஸ்ஸ ப⁴ரியாயோ த⁴னக்கீதா’’’தி. படிக்³க³ண்ஹாதி வீமங்ஸதி பச்சாஹரதி, ஆபத்தி ஸங்கா⁴தி³ஸேஸஸ்ஸ.
308. Puriso bhikkhuṃ pahiṇati – ‘‘gaccha, bhante, itthannāmaṃ saparidaṇḍañca māturakkhitañca brūhi – ‘hotha kira itthannāmassa bhariyāyo dhanakkītā’’’ti. Paṭiggaṇhāti vīmaṃsati paccāharati, āpatti saṅghādisesassa.
புரிஸோ பி⁴க்கு²ங் பஹிணதி – ‘‘க³ச்ச², ப⁴ந்தே, இத்த²ன்னாமங் ஸபரித³ண்ட³ஞ்ச பிதுரஅக²தஞ்ச…பே॰…
Puriso bhikkhuṃ pahiṇati – ‘‘gaccha, bhante, itthannāmaṃ saparidaṇḍañca pituraakhatañca…pe…
ஸபரித³ண்ட³ஞ்ச மாதாபிதுரக்கி²தஞ்ச… ஸபரித³ண்ட³ஞ்ச பா⁴துரக்கி²தஞ்ச… ஸபரித³ண்ட³ஞ்ச ப⁴கி³னிரக்கி²தஞ்ச… ஸபரித³ண்ட³ஞ்ச ஞாதிரக்கி²தஞ்ச… ஸபரித³ண்ட³ஞ்ச கொ³த்தரக்கி²தஞ்ச… ஸபரித³ண்ட³ஞ்ச த⁴ம்மரக்கி²தஞ்ச… ஸபரித³ண்ட³ஞ்ச ஸாரக்க²ஞ்ச ப்³ரூஹி – ‘ஹோத² கிர இத்த²ன்னாமஸ்ஸ ப⁴ரியாயோ த⁴னக்கீதா’’’தி. படிக்³க³ண்ஹாதி வீமங்ஸதி பச்சாஹரதி, ஆபத்தி ஸங்கா⁴தி³ஸேஸஸ்ஸ.
Saparidaṇḍañca mātāpiturakkhitañca… saparidaṇḍañca bhāturakkhitañca… saparidaṇḍañca bhaginirakkhitañca… saparidaṇḍañca ñātirakkhitañca… saparidaṇḍañca gottarakkhitañca… saparidaṇḍañca dhammarakkhitañca… saparidaṇḍañca sārakkhañca brūhi – ‘hotha kira itthannāmassa bhariyāyo dhanakkītā’’’ti. Paṭiggaṇhāti vīmaṃsati paccāharati, āpatti saṅghādisesassa.
ஏகமூலகங் நிட்டி²தங்.
Ekamūlakaṃ niṭṭhitaṃ.
ஏவங் து³மூலகம்பி திமூலகம்பி யாவ நவமூலகங் காதப்³ப³ங்.
Evaṃ dumūlakampi timūlakampi yāva navamūlakaṃ kātabbaṃ.
இத³ங் த³ஸமூலகங்
Idaṃ dasamūlakaṃ
309. புரிஸோ பி⁴க்கு²ங் பஹிணதி – ‘‘க³ச்ச², ப⁴ந்தே, இத்த²ன்னாமங் மாதுரக்கி²தஞ்ச பிதுரக்கி²தஞ்ச மாதாபிதுரக்கி²தஞ்ச பா⁴துரக்கி²தஞ்ச ப⁴கி³னிரக்கி²தஞ்ச ஞாதிரக்கி²தஞ்ச கொ³த்தரக்கி²தஞ்ச த⁴ம்மரக்கி²தஞ்ச ஸாரக்க²ஞ்ச ஸபரித³ண்ட³ஞ்ச ப்³ரூஹி – ‘ஹோத² கிர இத்த²ன்னாமஸ்ஸ ப⁴ரியாயோ த⁴னக்கீதா’’’தி. படிக்³க³ண்ஹாதி வீமங்ஸதி பச்சாஹரதி, ஆபத்தி ஸங்கா⁴தி³ஸேஸஸ்ஸ.
309. Puriso bhikkhuṃ pahiṇati – ‘‘gaccha, bhante, itthannāmaṃ māturakkhitañca piturakkhitañca mātāpiturakkhitañca bhāturakkhitañca bhaginirakkhitañca ñātirakkhitañca gottarakkhitañca dhammarakkhitañca sārakkhañca saparidaṇḍañca brūhi – ‘hotha kira itthannāmassa bhariyāyo dhanakkītā’’’ti. Paṭiggaṇhāti vīmaṃsati paccāharati, āpatti saṅghādisesassa.
த⁴னக்கீதாசக்கங் நிட்டி²தங்.
Dhanakkītācakkaṃ niṭṭhitaṃ.
310. புரிஸோ பி⁴க்கு²ங் பஹிணதி – ‘‘க³ச்ச², ப⁴ந்தே, இத்த²ன்னாமங் மாதுரக்கி²தங் ப்³ரூஹி – ‘ஹோஹி கிர இத்த²ன்னாமஸ்ஸ ப⁴ரியா ச²ந்த³வாஸினீ…பே॰… போ⁴க³வாஸினீ… படவாஸினீ… ஓத³பத்தகினீ… ஓப⁴டசும்ப³டா… தா³ஸீ ச ப⁴ரியா ச… கம்மகாரீ ச ப⁴ரியா ச… த⁴ஜாஹடா… முஹுத்திகா’’’தி. படிக்³க³ண்ஹாதி வீமங்ஸதி பச்சாஹரதி, ஆபத்தி ஸங்கா⁴தி³ஸேஸஸ்ஸ.
310. Puriso bhikkhuṃ pahiṇati – ‘‘gaccha, bhante, itthannāmaṃ māturakkhitaṃ brūhi – ‘hohi kira itthannāmassa bhariyā chandavāsinī…pe… bhogavāsinī… paṭavāsinī… odapattakinī… obhaṭacumbaṭā… dāsī ca bhariyā ca… kammakārī ca bhariyā ca… dhajāhaṭā… muhuttikā’’’ti. Paṭiggaṇhāti vīmaṃsati paccāharati, āpatti saṅghādisesassa.
புரிஸோ பி⁴க்கு²ங் பஹிணதி – ‘‘க³ச்ச², ப⁴ந்தே, இத்த²ன்னாமங் பிதுரக்கி²தங் ப்³ரூஹி…பே॰… மாதாபிதுரக்கி²தங் ப்³ரூஹி… பா⁴துரக்கி²தங் ப்³ரூஹி… ப⁴கி³னிரக்கி²தங் ப்³ரூஹி… ஞாதிரக்கி²தங் ப்³ரூஹி… கொ³த்தரக்கி²தங் ப்³ரூஹி… த⁴ம்மரக்கி²தங் ப்³ரூஹி… ஸாரக்க²ங் ப்³ரூஹி… ஸபரித³ண்ட³ங் ப்³ரூஹி – ‘ஹோஹி கிர இத்த²ன்னாமஸ்ஸ ப⁴ரியா முஹுத்திகா’’’தி. படிக்³க³ண்ஹாதி வீமங்ஸதி பச்சாஹரதி, ஆபத்தி ஸங்கா⁴தி³ஸேஸஸ்ஸ.
Puriso bhikkhuṃ pahiṇati – ‘‘gaccha, bhante, itthannāmaṃ piturakkhitaṃ brūhi…pe… mātāpiturakkhitaṃ brūhi… bhāturakkhitaṃ brūhi… bhaginirakkhitaṃ brūhi… ñātirakkhitaṃ brūhi… gottarakkhitaṃ brūhi… dhammarakkhitaṃ brūhi… sārakkhaṃ brūhi… saparidaṇḍaṃ brūhi – ‘hohi kira itthannāmassa bhariyā muhuttikā’’’ti. Paṭiggaṇhāti vīmaṃsati paccāharati, āpatti saṅghādisesassa.
நிக்கே²பபதா³னி.
Nikkhepapadāni.
311. புரிஸோ பி⁴க்கு²ங் பஹிணதி – ‘‘க³ச்ச², ப⁴ந்தே, இத்த²ன்னாமங் மாதுரக்கி²தஞ்ச பிதுரக்கி²தஞ்ச ப்³ரூஹி – ‘ஹோத² கிர இத்த²ன்னாமஸ்ஸ ப⁴ரியாயோ முஹுத்திகா’’’தி. படிக்³க³ண்ஹாதி வீமங்ஸதி பச்சாஹரதி, ஆபத்தி ஸங்கா⁴தி³ஸேஸஸ்ஸ.
311. Puriso bhikkhuṃ pahiṇati – ‘‘gaccha, bhante, itthannāmaṃ māturakkhitañca piturakkhitañca brūhi – ‘hotha kira itthannāmassa bhariyāyo muhuttikā’’’ti. Paṭiggaṇhāti vīmaṃsati paccāharati, āpatti saṅghādisesassa.
புரிஸோ பி⁴க்கு²ங் பஹிணதி – ‘‘க³ச்ச², ப⁴ந்தே, இத்த²ன்னாமங் மாதுரக்கி²தஞ்ச மாதாபிதுரக்கி²தஞ்ச…பே॰… மாதுரக்கி²தஞ்ச ஸபரித³ண்ட³ஞ்ச ப்³ரூஹி – ‘ஹோத² கிர இத்த²ன்னாமஸ்ஸ ப⁴ரியாயோ முஹுத்திகா’’’தி. படிக்³க³ண்ஹாதி வீமங்ஸதி பச்சாஹரதி, ஆபத்தி ஸங்கா⁴தி³ஸேஸஸ்ஸ.
Puriso bhikkhuṃ pahiṇati – ‘‘gaccha, bhante, itthannāmaṃ māturakkhitañca mātāpiturakkhitañca…pe… māturakkhitañca saparidaṇḍañca brūhi – ‘hotha kira itthannāmassa bhariyāyo muhuttikā’’’ti. Paṭiggaṇhāti vīmaṃsati paccāharati, āpatti saṅghādisesassa.
க²ண்ட³சக்கங்.
Khaṇḍacakkaṃ.
312. புரிஸோ பி⁴க்கு²ங் பஹிணதி – ‘‘க³ச்ச², ப⁴ந்தே, இத்த²ன்னாமங் பிதுரக்கி²தஞ்ச மாதாபிதுரக்கி²தஞ்ச ப்³ரூஹி – ‘ஹோத² கிர இத்த²ன்னாமஸ்ஸ ப⁴ரியாயோ முஹுத்திகா’’’தி. படிக்³க³ண்ஹாதி வீமங்ஸதி பச்சாஹரதி, ஆபத்தி ஸங்கா⁴தி³ஸேஸஸ்ஸ.
312. Puriso bhikkhuṃ pahiṇati – ‘‘gaccha, bhante, itthannāmaṃ piturakkhitañca mātāpiturakkhitañca brūhi – ‘hotha kira itthannāmassa bhariyāyo muhuttikā’’’ti. Paṭiggaṇhāti vīmaṃsati paccāharati, āpatti saṅghādisesassa.
புரிஸோ பி⁴க்கு²ங் பஹிணதி – ‘‘க³ச்ச², ப⁴ந்தே, இத்த²ன்னாமங் பிதுரக்கி²தஞ்ச பா⁴துரக்கி²தஞ்ச…பே॰… பிதுரக்கி²தஞ்ச ஸபரித³ண்ட³ஞ்ச ப்³ரூஹி – ‘ஹோத² கிர இத்த²ன்னாமஸ்ஸ ப⁴ரியாயோ முஹுத்திகா’’’தி. படிக்³க³ண்ஹாதி வீமங்ஸதி பச்சாஹரதி, ஆபத்தி ஸங்கா⁴தி³ஸேஸஸ்ஸ.
Puriso bhikkhuṃ pahiṇati – ‘‘gaccha, bhante, itthannāmaṃ piturakkhitañca bhāturakkhitañca…pe… piturakkhitañca saparidaṇḍañca brūhi – ‘hotha kira itthannāmassa bhariyāyo muhuttikā’’’ti. Paṭiggaṇhāti vīmaṃsati paccāharati, āpatti saṅghādisesassa.
புரிஸோ பி⁴க்கு²ங் பஹிணதி – ‘‘க³ச்ச², ப⁴ந்தே, இத்த²ன்னாமங் பிதுரக்கி²தஞ்ச மாதுரக்கி²தஞ்ச ப்³ரூஹி – ‘ஹோத² கிர இத்த²ன்னாமஸ்ஸ ப⁴ரியாயோ முஹுத்திகா’’’தி. படிக்³க³ண்ஹாதி வீமங்ஸதி பச்சாஹரதி, ஆபத்தி ஸங்கா⁴தி³ஸேஸஸ்ஸ.
Puriso bhikkhuṃ pahiṇati – ‘‘gaccha, bhante, itthannāmaṃ piturakkhitañca māturakkhitañca brūhi – ‘hotha kira itthannāmassa bhariyāyo muhuttikā’’’ti. Paṭiggaṇhāti vīmaṃsati paccāharati, āpatti saṅghādisesassa.
ப³த்³த⁴சக்கங் மூலங் ஸங்கி²த்தங்.
Baddhacakkaṃ mūlaṃ saṃkhittaṃ.
313. புரிஸோ பி⁴க்கு²ங் பஹிணதி – ‘‘க³ச்ச², ப⁴ந்தே, இத்த²ன்னாமங் ஸபரித³ண்ட³ஞ்ச மாதுரக்கி²தஞ்ச ப்³ரூஹி – ‘ஹோத² கிர இத்த²ன்னாமஸ்ஸ ப⁴ரியாயோ முஹுத்திகா’’’தி . படிக்³க³ண்ஹாதி வீமங்ஸதி பச்சாஹரதி, ஆபத்தி ஸங்கா⁴தி³ஸேஸஸ்ஸ.
313. Puriso bhikkhuṃ pahiṇati – ‘‘gaccha, bhante, itthannāmaṃ saparidaṇḍañca māturakkhitañca brūhi – ‘hotha kira itthannāmassa bhariyāyo muhuttikā’’’ti . Paṭiggaṇhāti vīmaṃsati paccāharati, āpatti saṅghādisesassa.
புரிஸோ பி⁴க்கு²ங் பஹிணதி – ‘‘க³ச்ச², ப⁴ந்தே, இத்த²ன்னாமங் ஸபரித³ண்ட³ஞ்ச பிதுரக்கி²தஞ்ச…பே॰… ஸபரித³ண்ட³ஞ்ச ஸாரக்க²ஞ்ச ப்³ரூஹி – ‘ஹோத² கிர இத்த²ன்னாமஸ்ஸ ப⁴ரியாயோ முஹுத்திகா’’’தி. படிக்³க³ண்ஹாதி வீமங்ஸதி பச்சாஹரதி, ஆபத்தி ஸங்கா⁴தி³ஸேஸஸ்ஸ.
Puriso bhikkhuṃ pahiṇati – ‘‘gaccha, bhante, itthannāmaṃ saparidaṇḍañca piturakkhitañca…pe… saparidaṇḍañca sārakkhañca brūhi – ‘hotha kira itthannāmassa bhariyāyo muhuttikā’’’ti. Paṭiggaṇhāti vīmaṃsati paccāharati, āpatti saṅghādisesassa.
ஏகமூலகங் நிட்டி²தங்.
Ekamūlakaṃ niṭṭhitaṃ.
து³மூலகாதீ³னிபி ஏவமேவ காதப்³பா³னி.
Dumūlakādīnipi evameva kātabbāni.
இத³ங் த³ஸமூலகங்
Idaṃ dasamūlakaṃ
314. புரிஸோ பி⁴க்கு²ங் பஹிணதி – ‘‘க³ச்ச², ப⁴ந்தே, இத்த²ன்னாமங் மாதுரக்கி²தஞ்ச பிதுரக்கி²தஞ்ச மாதாபிதுரக்கி²தஞ்ச பா⁴துரக்கி²தஞ்ச ப⁴கி³னிரக்கி²தஞ்ச ஞாதிரக்கி²தஞ்ச கொ³த்தரக்கி²தஞ்ச த⁴ம்மரக்கி²தஞ்ச ஸாரக்க²ஞ்ச ஸபரித³ண்ட³ஞ்ச ப்³ரூஹி – ‘ஹோத² கிர இத்த²ன்னாமஸ்ஸ ப⁴ரியாயோ முஹுத்திகா’’’தி. படிக்³க³ண்ஹாதி வீமங்ஸதி பச்சாஹரதி, ஆபத்தி ஸங்கா⁴தி³ஸேஸஸ்ஸ.
314. Puriso bhikkhuṃ pahiṇati – ‘‘gaccha, bhante, itthannāmaṃ māturakkhitañca piturakkhitañca mātāpiturakkhitañca bhāturakkhitañca bhaginirakkhitañca ñātirakkhitañca gottarakkhitañca dhammarakkhitañca sārakkhañca saparidaṇḍañca brūhi – ‘hotha kira itthannāmassa bhariyāyo muhuttikā’’’ti. Paṭiggaṇhāti vīmaṃsati paccāharati, āpatti saṅghādisesassa.
முஹுத்திகாசக்கங் நிட்டி²தங்.
Muhuttikācakkaṃ niṭṭhitaṃ.
315. புரிஸோ பி⁴க்கு²ங் பஹிணதி – ‘‘க³ச்ச², ப⁴ந்தே, இத்த²ன்னாமங் மாதுரக்கி²தங் ப்³ரூஹி – ‘ஹோஹி கிர இத்த²ன்னாமஸ்ஸ ப⁴ரியா த⁴னக்கீதா’’’தி. படிக்³க³ண்ஹாதி வீமங்ஸதி பச்சாஹரதி, ஆபத்தி ஸங்கா⁴தி³ஸேஸஸ்ஸ.
315. Puriso bhikkhuṃ pahiṇati – ‘‘gaccha, bhante, itthannāmaṃ māturakkhitaṃ brūhi – ‘hohi kira itthannāmassa bhariyā dhanakkītā’’’ti. Paṭiggaṇhāti vīmaṃsati paccāharati, āpatti saṅghādisesassa.
புரிஸோ பி⁴க்கு²ங் பஹிணதி – ‘‘க³ச்ச², ப⁴ந்தே, இத்த²ன்னாமங் மாதுரக்கி²தங் ப்³ரூஹி – ‘ஹோஹி கிர இத்த²ன்னாமஸ்ஸ ப⁴ரியா ச²ந்த³வாஸினீ…பே॰… போ⁴க³வாஸினீ… படவாஸினீ… ஓத³பத்தகினீ… ஓப⁴டசும்ப³டா… தா³ஸீ ச ப⁴ரியா ச… கம்மகாரீ ச ப⁴ரியா ச… த⁴ஜாஹடா… முஹுத்திகா’’’தி. படிக்³க³ண்ஹாதி வீமங்ஸதி பச்சாஹரதி, ஆபத்தி ஸங்கா⁴தி³ஸேஸஸ்ஸ.
Puriso bhikkhuṃ pahiṇati – ‘‘gaccha, bhante, itthannāmaṃ māturakkhitaṃ brūhi – ‘hohi kira itthannāmassa bhariyā chandavāsinī…pe… bhogavāsinī… paṭavāsinī… odapattakinī… obhaṭacumbaṭā… dāsī ca bhariyā ca… kammakārī ca bhariyā ca… dhajāhaṭā… muhuttikā’’’ti. Paṭiggaṇhāti vīmaṃsati paccāharati, āpatti saṅghādisesassa.
நிக்கே²பபதா³னி.
Nikkhepapadāni.
316. புரிஸோ பி⁴க்கு²ங் பஹிணதி – ‘‘க³ச்ச², ப⁴ந்தே, இத்த²ன்னாமங் மாதுரக்கி²தங் ப்³ரூஹி – ‘ஹோஹி கிர இத்த²ன்னாமஸ்ஸ ப⁴ரியா த⁴னக்கீதா ச ச²ந்த³வாஸினீ சா’’’தி. படிக்³க³ண்ஹாதி வீமங்ஸதி பச்சாஹரதி, ஆபத்தி ஸங்கா⁴தி³ஸேஸஸ்ஸ.
316. Puriso bhikkhuṃ pahiṇati – ‘‘gaccha, bhante, itthannāmaṃ māturakkhitaṃ brūhi – ‘hohi kira itthannāmassa bhariyā dhanakkītā ca chandavāsinī cā’’’ti. Paṭiggaṇhāti vīmaṃsati paccāharati, āpatti saṅghādisesassa.
புரிஸோ பி⁴க்கு²ங் பஹிணதி – ‘‘க³ச்ச², ப⁴ந்தே, இத்த²ன்னாமங் மாதுரக்கி²தங் ப்³ரூஹி – ‘ஹோஹி கிர இத்த²ன்னாமஸ்ஸ ப⁴ரியா த⁴னக்கீதா ச போ⁴க³வாஸினீ ச…பே॰… த⁴னக்கீதா ச படவாஸினீ ச… த⁴னக்கீதா ச ஓத³பத்தகினீ ச… த⁴னக்கீதா ச ஓப⁴டசும்ப³டா ச… த⁴னக்கீதா ச தா³ஸீ ச ப⁴ரியா ச… த⁴னக்கீதா ச கம்மகாரீ ச ப⁴ரியா ச… த⁴னக்கீதா ச த⁴ஜாஹடா ச… த⁴னக்கீதா ச முஹுத்திகா சா’’’தி. படிக்³க³ண்ஹாதி வீமங்ஸதி பச்சாஹரதி, ஆபத்தி ஸங்கா⁴தி³ஸேஸஸ்ஸ.
Puriso bhikkhuṃ pahiṇati – ‘‘gaccha, bhante, itthannāmaṃ māturakkhitaṃ brūhi – ‘hohi kira itthannāmassa bhariyā dhanakkītā ca bhogavāsinī ca…pe… dhanakkītā ca paṭavāsinī ca… dhanakkītā ca odapattakinī ca… dhanakkītā ca obhaṭacumbaṭā ca… dhanakkītā ca dāsī ca bhariyā ca… dhanakkītā ca kammakārī ca bhariyā ca… dhanakkītā ca dhajāhaṭā ca… dhanakkītā ca muhuttikā cā’’’ti. Paṭiggaṇhāti vīmaṃsati paccāharati, āpatti saṅghādisesassa.
க²ண்ட³சக்கங்.
Khaṇḍacakkaṃ.
317. புரிஸோ பி⁴க்கு²ங் பஹிணதி – ‘‘க³ச்ச², ப⁴ந்தே, இத்த²ன்னாமங் மாதுரக்கி²தங் ப்³ரூஹி – ‘ஹோஹி கிர இத்த²ன்னாமஸ்ஸ ப⁴ரியா ச²ந்த³வாஸினீ ச போ⁴க³வாஸினீ ச…பே॰… ச²ந்த³வாஸினீ ச முஹுத்திகா ச… ச²ந்த³வாஸினீ ச த⁴னக்கீதா சா’’’தி. படிக்³க³ண்ஹாதி வீமங்ஸதி பச்சாஹரதி, ஆபத்தி ஸங்கா⁴தி³ஸேஸஸ்ஸ.
317. Puriso bhikkhuṃ pahiṇati – ‘‘gaccha, bhante, itthannāmaṃ māturakkhitaṃ brūhi – ‘hohi kira itthannāmassa bhariyā chandavāsinī ca bhogavāsinī ca…pe… chandavāsinī ca muhuttikā ca… chandavāsinī ca dhanakkītā cā’’’ti. Paṭiggaṇhāti vīmaṃsati paccāharati, āpatti saṅghādisesassa.
ப³த்³த⁴சக்கங் மூலங் ஸங்கி²த்தங்.
Baddhacakkaṃ mūlaṃ saṃkhittaṃ.
318. புரிஸோ பி⁴க்கு²ங் பஹிணதி – ‘‘க³ச்ச², ப⁴ந்தே, இத்த²ன்னாமங் மாதுரக்கி²தங் ப்³ரூஹி – ‘ஹோஹி கிர இத்த²ன்னாமஸ்ஸ ப⁴ரியா முஹுத்திகா ச த⁴னக்கீதா ச…பே॰… முஹுத்திகா ச ச²ந்த³வாஸினீ ச…பே॰… முஹுத்திகா ச த⁴ஜாஹடா சா’’’தி. படிக்³க³ண்ஹாதி வீமங்ஸதி பச்சாஹரதி, ஆபத்தி ஸங்கா⁴தி³ஸேஸஸ்ஸ.
318. Puriso bhikkhuṃ pahiṇati – ‘‘gaccha, bhante, itthannāmaṃ māturakkhitaṃ brūhi – ‘hohi kira itthannāmassa bhariyā muhuttikā ca dhanakkītā ca…pe… muhuttikā ca chandavāsinī ca…pe… muhuttikā ca dhajāhaṭā cā’’’ti. Paṭiggaṇhāti vīmaṃsati paccāharati, āpatti saṅghādisesassa.
ஏகமூலகங் நிட்டி²தங்.
Ekamūlakaṃ niṭṭhitaṃ.
து³மூலகாதீ³னிபி ஏவமேவ காதப்³பா³னி.
Dumūlakādīnipi evameva kātabbāni.
இத³ங் த³ஸமூலகங்
Idaṃ dasamūlakaṃ
319. புரிஸோ பி⁴க்கு²ங் பஹிணதி – ‘‘க³ச்ச², ப⁴ந்தே, இத்த²ன்னாமங் மாதுரக்கி²தங் ப்³ரூஹி – ‘ஹோஹி கிர இத்த²ன்னாமஸ்ஸ ப⁴ரியா த⁴னக்கீதா ச ச²ந்த³வாஸினீ ச போ⁴க³வாஸினீ ச படவாஸினீ ச ஓத³பத்தகினீ ச ஓப⁴டசும்ப³டா ச தா³ஸீ ச ப⁴ரியா ச கம்மகாரீ ச ப⁴ரியா ச த⁴ஜாஹடா ச முஹுத்திகா சா’’’தி. படிக்³க³ண்ஹாதி வீமங்ஸதி பச்சாஹரதி, ஆபத்தி ஸங்கா⁴தி³ஸேஸஸ்ஸ.
319. Puriso bhikkhuṃ pahiṇati – ‘‘gaccha, bhante, itthannāmaṃ māturakkhitaṃ brūhi – ‘hohi kira itthannāmassa bhariyā dhanakkītā ca chandavāsinī ca bhogavāsinī ca paṭavāsinī ca odapattakinī ca obhaṭacumbaṭā ca dāsī ca bhariyā ca kammakārī ca bhariyā ca dhajāhaṭā ca muhuttikā cā’’’ti. Paṭiggaṇhāti vīmaṃsati paccāharati, āpatti saṅghādisesassa.
மாதுரக்கி²தாசக்கங் நிட்டி²தங்.
Māturakkhitācakkaṃ niṭṭhitaṃ.
புரிஸோ பி⁴க்கு²ங் பஹிணதி – ‘‘க³ச்ச², ப⁴ந்தே, இத்த²ன்னாமங் பிதுரக்கி²தங்…பே॰… மாதாபிதுரக்கி²தங்… பா⁴துரக்கி²தங்… ப⁴கி³னிரக்கி²தங் … ஞாதிரக்கி²தங்… கொ³த்தரக்கி²தங்… த⁴ம்மரக்கி²தங் … ஸாரக்க²ங்… ஸபரித³ண்ட³ங் ப்³ரூஹி – ‘ஹோஹி கிர இத்த²ன்னாமஸ்ஸ ப⁴ரியா த⁴னக்கீதா’’’தி. படிக்³க³ண்ஹாதி வீமங்ஸதி பச்சாஹரதி, ஆபத்தி ஸங்கா⁴தி³ஸேஸஸ்ஸ.
Puriso bhikkhuṃ pahiṇati – ‘‘gaccha, bhante, itthannāmaṃ piturakkhitaṃ…pe… mātāpiturakkhitaṃ… bhāturakkhitaṃ… bhaginirakkhitaṃ … ñātirakkhitaṃ… gottarakkhitaṃ… dhammarakkhitaṃ … sārakkhaṃ… saparidaṇḍaṃ brūhi – ‘hohi kira itthannāmassa bhariyā dhanakkītā’’’ti. Paṭiggaṇhāti vīmaṃsati paccāharati, āpatti saṅghādisesassa.
புரிஸோ பி⁴க்கு²ங் பஹிணதி – ‘‘க³ச்ச², ப⁴ந்தே, இத்த²ன்னாமங் ஸபரித³ண்ட³ங் ப்³ரூஹி – ‘ஹோஹி கிர இத்த²ன்னாமஸ்ஸ ப⁴ரியா ச²ந்த³வாஸினீ…பே॰… போ⁴க³வாஸினீ, படவாஸினீ, ஓத³பத்தகினீ, ஓப⁴டசும்ப³டா, தா³ஸீ ச ப⁴ரியா ச, கம்மகாரீ ச ப⁴ரியா ச, த⁴ஜாஹடா, முஹுத்திகா’’’தி. படிக்³க³ண்ஹாதி வீமங்ஸதி பச்சாஹரதி, ஆபத்தி ஸங்கா⁴தி³ஸேஸஸ்ஸ.
Puriso bhikkhuṃ pahiṇati – ‘‘gaccha, bhante, itthannāmaṃ saparidaṇḍaṃ brūhi – ‘hohi kira itthannāmassa bhariyā chandavāsinī…pe… bhogavāsinī, paṭavāsinī, odapattakinī, obhaṭacumbaṭā, dāsī ca bhariyā ca, kammakārī ca bhariyā ca, dhajāhaṭā, muhuttikā’’’ti. Paṭiggaṇhāti vīmaṃsati paccāharati, āpatti saṅghādisesassa.
நிக்கே²பபதா³னி.
Nikkhepapadāni.
320. புரிஸோ பி⁴க்கு²ங் பஹிணதி – ‘‘க³ச்ச², ப⁴ந்தே, இத்த²ன்னாமங் ஸபரித³ண்ட³ங் ப்³ரூஹி – ‘ஹோஹி கிர இத்த²ன்னாமஸ்ஸ ப⁴ரியா த⁴னக்கீதா ச ச²ந்த³வாஸினீ சா’’’தி. படிக்³க³ண்ஹாதி வீமங்ஸதி பச்சாஹரதி, ஆபத்தி ஸங்கா⁴தி³ஸேஸஸ்ஸ.
320. Puriso bhikkhuṃ pahiṇati – ‘‘gaccha, bhante, itthannāmaṃ saparidaṇḍaṃ brūhi – ‘hohi kira itthannāmassa bhariyā dhanakkītā ca chandavāsinī cā’’’ti. Paṭiggaṇhāti vīmaṃsati paccāharati, āpatti saṅghādisesassa.
புரிஸோ பி⁴க்கு²ங் பஹிணதி – ‘‘க³ச்ச², ப⁴ந்தே, இத்த²ன்னாமங் ஸபரித³ண்ட³ங் ப்³ரூஹி – ‘ஹோஹி கிர இத்த²ன்னாமஸ்ஸ ப⁴ரியா த⁴னக்கீதா ச போ⁴க³வாஸினீ ச…பே॰… த⁴னக்கீதா ச முஹுத்திகா சா’’’தி. படிக்³க³ண்ஹாதி வீமங்ஸதி பச்சாஹரதி, ஆபத்தி ஸங்கா⁴தி³ஸேஸஸ்ஸ.
Puriso bhikkhuṃ pahiṇati – ‘‘gaccha, bhante, itthannāmaṃ saparidaṇḍaṃ brūhi – ‘hohi kira itthannāmassa bhariyā dhanakkītā ca bhogavāsinī ca…pe… dhanakkītā ca muhuttikā cā’’’ti. Paṭiggaṇhāti vīmaṃsati paccāharati, āpatti saṅghādisesassa.
க²ண்ட³சக்கங்.
Khaṇḍacakkaṃ.
புரிஸோ பி⁴க்கு²ங் பஹிணதி – ‘‘க³ச்ச², ப⁴ந்தே, இத்த²ன்னாமங் ஸபரித³ண்ட³ங் ப்³ரூஹி – ‘ஹோஹி கிர இத்த²ன்னாமஸ்ஸ ப⁴ரியா ச²ந்த³வாஸினீ ச போ⁴க³வாஸினீ ச…பே॰… ச²ந்த³வாஸினீ ச முஹுத்திகா ச, ச²ந்த³வாஸினீ ச த⁴னக்கீதா சா’’’தி. படிக்³க³ண்ஹாதி வீமங்ஸதி பச்சாஹரதி, ஆபத்தி ஸங்கா⁴தி³ஸேஸஸ்ஸ.
Puriso bhikkhuṃ pahiṇati – ‘‘gaccha, bhante, itthannāmaṃ saparidaṇḍaṃ brūhi – ‘hohi kira itthannāmassa bhariyā chandavāsinī ca bhogavāsinī ca…pe… chandavāsinī ca muhuttikā ca, chandavāsinī ca dhanakkītā cā’’’ti. Paṭiggaṇhāti vīmaṃsati paccāharati, āpatti saṅghādisesassa.
ப³த்³த⁴சக்கங் மூலங் ஸங்கி²த்தங்.
Baddhacakkaṃ mūlaṃ saṃkhittaṃ.
புரிஸோ பி⁴க்கு²ங் பஹிணதி – ‘‘க³ச்ச², ப⁴ந்தே, இத்த²ன்னாமங் ஸபரித³ண்ட³ங் ப்³ரூஹி – ‘ஹோஹி கிர இத்த²ன்னாமஸ்ஸ ப⁴ரியா முஹுத்திகா ச த⁴னக்கீதா ச…பே॰… முஹுத்திகா ச ச²ந்த³வாஸினீ ச, முஹுத்திகா ச த⁴ஜாஹடா சா’’’தி. படிக்³க³ண்ஹாதி வீமங்ஸதி பச்சாஹரதி, ஆபத்தி ஸங்கா⁴தி³ஸேஸஸ்ஸ.
Puriso bhikkhuṃ pahiṇati – ‘‘gaccha, bhante, itthannāmaṃ saparidaṇḍaṃ brūhi – ‘hohi kira itthannāmassa bhariyā muhuttikā ca dhanakkītā ca…pe… muhuttikā ca chandavāsinī ca, muhuttikā ca dhajāhaṭā cā’’’ti. Paṭiggaṇhāti vīmaṃsati paccāharati, āpatti saṅghādisesassa.
ஏகமூலகங் நிட்டி²தங்.
Ekamūlakaṃ niṭṭhitaṃ.
து³மூலகம்பி திமூலகம்பி யாவ நவமூலகங் ஏவமேவ காதப்³ப³ங்.
Dumūlakampi timūlakampi yāva navamūlakaṃ evameva kātabbaṃ.
இத³ங் த³ஸமூலகங்.
Idaṃ dasamūlakaṃ.
321. புரிஸோ பி⁴க்கு²ங் பஹிணதி – ‘‘க³ச்ச², ப⁴ந்தே, இத்த²ன்னாமங் ஸபரித³ண்ட³ங் ப்³ரூஹி – ‘ஹோஹி கிர இத்த²ன்னாமஸ்ஸ ப⁴ரியா த⁴னக்கீதா ச ச²ந்த³வாஸினீ ச போ⁴க³வாஸினீ ச படவாஸினீ ச ஓத³பத்தகினீ ச ஓப⁴டசும்ப³டா ச தா³ஸீ ச ப⁴ரியா ச கம்மகாரீ ச ப⁴ரியா ச த⁴ஜாஹடா ச முஹுத்திகா சா’’’தி. படிக்³க³ண்ஹாதி வீமங்ஸதி பச்சாஹரதி, ஆபத்தி ஸங்கா⁴தி³ஸேஸஸ்ஸ.
321. Puriso bhikkhuṃ pahiṇati – ‘‘gaccha, bhante, itthannāmaṃ saparidaṇḍaṃ brūhi – ‘hohi kira itthannāmassa bhariyā dhanakkītā ca chandavāsinī ca bhogavāsinī ca paṭavāsinī ca odapattakinī ca obhaṭacumbaṭā ca dāsī ca bhariyā ca kammakārī ca bhariyā ca dhajāhaṭā ca muhuttikā cā’’’ti. Paṭiggaṇhāti vīmaṃsati paccāharati, āpatti saṅghādisesassa.
ஸபரித³ண்டா³சக்கங் நிட்டி²தங்.
Saparidaṇḍācakkaṃ niṭṭhitaṃ.
புரிஸோ பி⁴க்கு²ங் பஹிணதி – ‘‘க³ச்ச², ப⁴ந்தே, இத்த²ன்னாமங் மாதுரக்கி²தங் ப்³ரூஹி – ‘ஹோஹி கிர இத்த²ன்னாமஸ்ஸ ப⁴ரியா த⁴னக்கீதா’’’தி. படிக்³க³ண்ஹாதி வீமங்ஸதி பச்சாஹரதி, ஆபத்தி ஸங்கா⁴தி³ஸேஸஸ்ஸ.
Puriso bhikkhuṃ pahiṇati – ‘‘gaccha, bhante, itthannāmaṃ māturakkhitaṃ brūhi – ‘hohi kira itthannāmassa bhariyā dhanakkītā’’’ti. Paṭiggaṇhāti vīmaṃsati paccāharati, āpatti saṅghādisesassa.
புரிஸோ பி⁴க்கு²ங் பஹிணதி – ‘‘க³ச்ச², ப⁴ந்தே, இத்த²ன்னாமங் மாதுரக்கி²தஞ்ச பிதுரக்கி²தஞ்ச ப்³ரூஹி – ‘ஹோத² கிர இத்த²ன்னாமஸ்ஸ ப⁴ரியாயோ த⁴னக்கீதா ச ச²ந்த³வாஸினீ சா’’’தி. படிக்³க³ண்ஹாதி வீமங்ஸதி பச்சாஹரதி, ஆபத்தி ஸங்கா⁴தி³ஸேஸஸ்ஸ.
Puriso bhikkhuṃ pahiṇati – ‘‘gaccha, bhante, itthannāmaṃ māturakkhitañca piturakkhitañca brūhi – ‘hotha kira itthannāmassa bhariyāyo dhanakkītā ca chandavāsinī cā’’’ti. Paṭiggaṇhāti vīmaṃsati paccāharati, āpatti saṅghādisesassa.
புரிஸோ பி⁴க்கு²ங் பஹிணதி – ‘‘க³ச்ச², ப⁴ந்தே, இத்த²ன்னாமங் மாதுரக்கி²தஞ்ச பிதுரக்கி²தஞ்ச மாதாபிதுரக்கி²தஞ்ச ப்³ரூஹி – ‘ஹோத² கிர இத்த²ன்னாமஸ்ஸ ப⁴ரியாயோ த⁴னக்கீதா ச ச²ந்த³வாஸினீ ச போ⁴க³வாஸினீ சா’’’தி. படிக்³க³ண்ஹாதி வீமங்ஸதி பச்சாஹரதி, ஆபத்தி ஸங்கா⁴தி³ஸேஸஸ்ஸ.
Puriso bhikkhuṃ pahiṇati – ‘‘gaccha, bhante, itthannāmaṃ māturakkhitañca piturakkhitañca mātāpiturakkhitañca brūhi – ‘hotha kira itthannāmassa bhariyāyo dhanakkītā ca chandavāsinī ca bhogavāsinī cā’’’ti. Paṭiggaṇhāti vīmaṃsati paccāharati, āpatti saṅghādisesassa.
ஏவங் உப⁴தோவட்³ட⁴கங் காதப்³ப³ங்.
Evaṃ ubhatovaḍḍhakaṃ kātabbaṃ.
புரிஸோ பி⁴க்கு²ங் பஹிணதி – ‘‘க³ச்ச², ப⁴ந்தே, இத்த²ன்னாமங் மாதுரக்கி²தஞ்ச பிதுரக்கி²தஞ்ச மாதாபிதுரக்கி²தஞ்ச பா⁴துரக்கி²தஞ்ச ப⁴கி³னிரக்கி²தஞ்ச ஞாதிரக்கி²தஞ்ச கொ³த்தரக்கி²தஞ்ச த⁴ம்மரக்கி²தஞ்ச ஸாரக்க²ஞ்ச ஸபரித³ண்ட³ஞ்ச ப்³ரூஹி – ‘ஹோத² கிர இத்த²ன்னாமஸ்ஸ ப⁴ரியாயோ த⁴னக்கீதா ச ச²ந்த³வாஸினீ ச போ⁴க³வாஸினீ ச படவாஸினீ ச ஓத³பத்தகினீ ச ஓப⁴டசும்ப³டா ச தா³ஸீ ச ப⁴ரியா ச கம்மகாரீ ச ப⁴ரியா ச த⁴ஜாஹடா ச முஹுத்திகா சா’’’தி. படிக்³க³ண்ஹாதி வீமங்ஸதி பச்சாஹரதி, ஆபத்தி ஸங்கா⁴தி³ஸேஸஸ்ஸ.
Puriso bhikkhuṃ pahiṇati – ‘‘gaccha, bhante, itthannāmaṃ māturakkhitañca piturakkhitañca mātāpiturakkhitañca bhāturakkhitañca bhaginirakkhitañca ñātirakkhitañca gottarakkhitañca dhammarakkhitañca sārakkhañca saparidaṇḍañca brūhi – ‘hotha kira itthannāmassa bhariyāyo dhanakkītā ca chandavāsinī ca bhogavāsinī ca paṭavāsinī ca odapattakinī ca obhaṭacumbaṭā ca dāsī ca bhariyā ca kammakārī ca bhariyā ca dhajāhaṭā ca muhuttikā cā’’’ti. Paṭiggaṇhāti vīmaṃsati paccāharati, āpatti saṅghādisesassa.
உப⁴தோவட்³ட⁴கங் நிட்டி²தங்.
Ubhatovaḍḍhakaṃ niṭṭhitaṃ.
புரிஸஸ்ஸ மாதா பி⁴க்கு²ங் பஹிணதி…பே॰… புரிஸஸ்ஸ பிதா பி⁴க்கு²ங் பஹிணதி…பே॰… புரிஸஸ்ஸ மாதாபிதரோ பி⁴க்கு²ங் பஹிணந்தி…பே॰… புரிஸஸ்ஸ பா⁴தா பி⁴க்கு²ங் பஹிணதி…பே॰… புரிஸஸ்ஸ ப⁴கி³னீ பி⁴க்கு²ங் பஹிணதி…பே॰… புரிஸஸ்ஸ ஞாதகா பி⁴க்கு²ங் பஹிணந்தி…பே॰… புரிஸஸ்ஸ கொ³த்தா பி⁴க்கு²ங் பஹிணந்தி…பே॰… புரிஸஸ்ஸ ஸஹத⁴ம்மிகா பி⁴க்கு²ங் பஹிணந்தி…பே॰….
Purisassa mātā bhikkhuṃ pahiṇati…pe… purisassa pitā bhikkhuṃ pahiṇati…pe… purisassa mātāpitaro bhikkhuṃ pahiṇanti…pe… purisassa bhātā bhikkhuṃ pahiṇati…pe… purisassa bhaginī bhikkhuṃ pahiṇati…pe… purisassa ñātakā bhikkhuṃ pahiṇanti…pe… purisassa gottā bhikkhuṃ pahiṇanti…pe… purisassa sahadhammikā bhikkhuṃ pahiṇanti…pe….
புரிஸஸ்ஸ பெய்யாலோ வித்தா²ரேதப்³போ³.
Purisassa peyyālo vitthāretabbo.
உப⁴தோவட்³ட⁴கங் யதா² புரிமனயோ ததே²வ வித்தா²ரேதப்³ப³ங்.
Ubhatovaḍḍhakaṃ yathā purimanayo tatheva vitthāretabbaṃ.
322. மாதுரக்கி²தாய மாதா பி⁴க்கு²ங் பஹிணதி – ‘‘க³ச்ச², ப⁴ந்தே, இத்த²ன்னாமங் ப்³ரூஹி – ‘ஹோது இத்த²ன்னாமஸ்ஸ ப⁴ரியா த⁴னக்கீதா’’’தி. படிக்³க³ண்ஹாதி வீமங்ஸதி பச்சாஹரதி, ஆபத்தி ஸங்கா⁴தி³ஸேஸஸ்ஸ.
322. Māturakkhitāya mātā bhikkhuṃ pahiṇati – ‘‘gaccha, bhante, itthannāmaṃ brūhi – ‘hotu itthannāmassa bhariyā dhanakkītā’’’ti. Paṭiggaṇhāti vīmaṃsati paccāharati, āpatti saṅghādisesassa.
மாதுரக்கி²தாய மாதா பி⁴க்கு²ங் பஹிணதி – ‘‘க³ச்ச², ப⁴ந்தே, இத்த²ன்னாமங் ப்³ரூஹி – ‘ஹோது இத்த²ன்னாமஸ்ஸ ப⁴ரியா ச²ந்த³வாஸினீ…பே॰… போ⁴க³வாஸினீ, படவாஸினீ, ஓத³பத்தகினீ, ஓப⁴டசும்ப³டா, தா³ஸீ ச ப⁴ரியா ச, கம்மகாரீ ச ப⁴ரியா ச, த⁴ஜாஹடா, முஹுத்திகா’’’தி. படிக்³க³ண்ஹாதி வீமங்ஸதி பச்சாஹரதி, ஆபத்தி ஸங்கா⁴தி³ஸேஸஸ்ஸ.
Māturakkhitāya mātā bhikkhuṃ pahiṇati – ‘‘gaccha, bhante, itthannāmaṃ brūhi – ‘hotu itthannāmassa bhariyā chandavāsinī…pe… bhogavāsinī, paṭavāsinī, odapattakinī, obhaṭacumbaṭā, dāsī ca bhariyā ca, kammakārī ca bhariyā ca, dhajāhaṭā, muhuttikā’’’ti. Paṭiggaṇhāti vīmaṃsati paccāharati, āpatti saṅghādisesassa.
நிக்கே²பபதா³னி.
Nikkhepapadāni.
323. மாதுரக்கி²தாய மாதா பி⁴க்கு²ங் பஹிணதி – ‘‘க³ச்ச², ப⁴ந்தே, இத்த²ன்னாமங் ப்³ரூஹி – ‘ஹோது இத்த²ன்னாமஸ்ஸ ப⁴ரியா த⁴னக்கீதா ச ச²ந்த³வாஸினீ ச…பே॰… த⁴னக்கீதா ச போ⁴க³வாஸினீ ச, த⁴னக்கீதா ச முஹுத்திகா சா’’’தி. படிக்³க³ண்ஹாதி வீமங்ஸதி பச்சாஹரதி, ஆபத்தி ஸங்கா⁴தி³ஸேஸஸ்ஸ.
323. Māturakkhitāya mātā bhikkhuṃ pahiṇati – ‘‘gaccha, bhante, itthannāmaṃ brūhi – ‘hotu itthannāmassa bhariyā dhanakkītā ca chandavāsinī ca…pe… dhanakkītā ca bhogavāsinī ca, dhanakkītā ca muhuttikā cā’’’ti. Paṭiggaṇhāti vīmaṃsati paccāharati, āpatti saṅghādisesassa.
க²ண்ட³சக்கங்.
Khaṇḍacakkaṃ.
324. மாதுரக்கி²தாய மாதா பி⁴க்கு²ங் பஹிணதி – ‘‘க³ச்ச², ப⁴ந்தே, இத்த²ன்னாமங் ப்³ரூஹி – ‘ஹோது இத்த²ன்னாமஸ்ஸ ப⁴ரியா ச²ந்த³வாஸினீ ச போ⁴க³வாஸினீ ச…பே॰… ச²ந்த³வாஸினீ ச முஹுத்திகா ச, ச²ந்த³வாஸினீ ச த⁴னக்கீதா சா’’’தி. படிக்³க³ண்ஹாதி வீமங்ஸதி பச்சாஹரதி, ஆபத்தி ஸங்கா⁴தி³ஸேஸஸ்ஸ.
324. Māturakkhitāya mātā bhikkhuṃ pahiṇati – ‘‘gaccha, bhante, itthannāmaṃ brūhi – ‘hotu itthannāmassa bhariyā chandavāsinī ca bhogavāsinī ca…pe… chandavāsinī ca muhuttikā ca, chandavāsinī ca dhanakkītā cā’’’ti. Paṭiggaṇhāti vīmaṃsati paccāharati, āpatti saṅghādisesassa.
ப³த்³த⁴சக்கங் மூலங் ஸங்கி²த்தங்.
Baddhacakkaṃ mūlaṃ saṃkhittaṃ.
325. மாதுரக்கி²தாய மாதா பி⁴க்கு²ங் பஹிணதி – ‘‘க³ச்ச², ப⁴ந்தே, இத்த²ன்னாமங் ப்³ரூஹி – ‘ஹோது இத்த²ன்னாமஸ்ஸ ப⁴ரியா முஹுத்திகா ச த⁴னக்கீதா ச…பே॰… முஹுத்திகா ச ச²ந்த³வாஸினீ ச…பே॰… முஹுத்திகா ச த⁴ஜாஹடா சா’’’தி. படிக்³க³ண்ஹாதி வீமங்ஸதி பச்சாஹரதி, ஆபத்தி ஸங்கா⁴தி³ஸேஸஸ்ஸ.
325. Māturakkhitāya mātā bhikkhuṃ pahiṇati – ‘‘gaccha, bhante, itthannāmaṃ brūhi – ‘hotu itthannāmassa bhariyā muhuttikā ca dhanakkītā ca…pe… muhuttikā ca chandavāsinī ca…pe… muhuttikā ca dhajāhaṭā cā’’’ti. Paṭiggaṇhāti vīmaṃsati paccāharati, āpatti saṅghādisesassa.
ஏகமூலகங் நிட்டி²தங்.
Ekamūlakaṃ niṭṭhitaṃ.
து³மூலகம்பி திமூலகம்பி யாவ நவமூலகங் ஏவமேவ காதப்³ப³ங்.
Dumūlakampi timūlakampi yāva navamūlakaṃ evameva kātabbaṃ.
இத³ங் த³ஸமூலகங்
Idaṃ dasamūlakaṃ
326. மாதுரக்கி²தாய மாதா பி⁴க்கு²ங் பஹிணதி – ‘‘க³ச்ச², ப⁴ந்தே, இத்த²ன்னாமங் ப்³ரூஹி – ‘ஹோது இத்த²ன்னாமஸ்ஸ ப⁴ரியா த⁴னக்கீதா ச ச²ந்த³வாஸினீ ச போ⁴க³வாஸினீ ச படவாஸினீ ச ஓத³பத்தகினீ ச ஓப⁴டசும்ப³டா ச தா³ஸீ ச ப⁴ரியா ச கம்மகாரீ ச ப⁴ரியா ச த⁴ஜாஹடா ச முஹுத்திகா சா’’’தி. படிக்³க³ண்ஹாதி வீமங்ஸதி பச்சாஹரதி, ஆபத்தி ஸங்கா⁴தி³ஸேஸஸ்ஸ.
326. Māturakkhitāya mātā bhikkhuṃ pahiṇati – ‘‘gaccha, bhante, itthannāmaṃ brūhi – ‘hotu itthannāmassa bhariyā dhanakkītā ca chandavāsinī ca bhogavāsinī ca paṭavāsinī ca odapattakinī ca obhaṭacumbaṭā ca dāsī ca bhariyā ca kammakārī ca bhariyā ca dhajāhaṭā ca muhuttikā cā’’’ti. Paṭiggaṇhāti vīmaṃsati paccāharati, āpatti saṅghādisesassa.
மாதுசக்கங் நிட்டி²தங்.
Mātucakkaṃ niṭṭhitaṃ.
பிதுரக்கி²தாய பிதா பி⁴க்கு²ங் பஹிணதி…பே॰… மாதாபிதுரக்கி²தாய மாதாபிதரோ பி⁴க்கு²ங் பஹிணந்தி… பா⁴துரக்கி²தாய பா⁴தா பி⁴க்கு²ங் பஹிணதி… ப⁴கி³னிரக்கி²தாய ப⁴கி³னீ பி⁴க்கு²ங் பஹிணதி… ஞாதிரக்கி²தாய ஞாதகா பி⁴க்கு²ங் பஹிணந்தி… கொ³த்தரக்கி²தாய கொ³த்தா 7 பி⁴க்கு²ங் பஹிணந்தி… த⁴ம்மரக்கி²தாய ஸஹத⁴ம்மிகா பி⁴க்கு²ங் பஹிணந்தி… ஸாரக்கா²ய யேன பரிக்³க³ஹிதா ஹோதி ஸோ பி⁴க்கு²ங் பஹிணதி… ஸபரித³ண்டா³ய யேன த³ண்டோ³ ட²பிதோ ஹோதி ஸோ பி⁴க்கு²ங் பஹிணதி – ‘‘க³ச்ச², ப⁴ந்தே, இத்த²ன்னாமங் ப்³ரூஹி – ‘ஹோது இத்த²ன்னாமஸ்ஸ ப⁴ரியா த⁴னக்கீதா’’’தி. படிக்³க³ண்ஹாதி வீமங்ஸதி பச்சாஹரதி, ஆபத்தி ஸங்கா⁴தி³ஸேஸஸ்ஸ.
Piturakkhitāya pitā bhikkhuṃ pahiṇati…pe… mātāpiturakkhitāya mātāpitaro bhikkhuṃ pahiṇanti… bhāturakkhitāya bhātā bhikkhuṃ pahiṇati… bhaginirakkhitāya bhaginī bhikkhuṃ pahiṇati… ñātirakkhitāya ñātakā bhikkhuṃ pahiṇanti… gottarakkhitāya gottā 8 bhikkhuṃ pahiṇanti… dhammarakkhitāya sahadhammikā bhikkhuṃ pahiṇanti… sārakkhāya yena pariggahitā hoti so bhikkhuṃ pahiṇati… saparidaṇḍāya yena daṇḍo ṭhapito hoti so bhikkhuṃ pahiṇati – ‘‘gaccha, bhante, itthannāmaṃ brūhi – ‘hotu itthannāmassa bhariyā dhanakkītā’’’ti. Paṭiggaṇhāti vīmaṃsati paccāharati, āpatti saṅghādisesassa.
ஸபரித³ண்டா³ய யேன த³ண்டோ³ ட²பிதோ ஹோதி ஸோ பி⁴க்கு²ங் பஹிணதி – ‘‘க³ச்ச², ப⁴ந்தே, இத்த²ன்னாமங் ப்³ரூஹி – ‘ஹோது இத்த²ன்னாமஸ்ஸ ப⁴ரியா ச²ந்த³வாஸினீ…பே॰… போ⁴க³வாஸினீ… படவாஸினீ… ஓத³பத்தகினீ… ஓப⁴டசும்ப³டா… தா³ஸீ ச ப⁴ரியா ச… கம்மகாரீ ச ப⁴ரியா ச… த⁴ஜாஹடா… முஹுத்திகா’’’தி. படிக்³க³ண்ஹாதி வீமங்ஸதி பச்சாஹரதி, ஆபத்தி ஸங்கா⁴தி³ஸேஸஸ்ஸ.
Saparidaṇḍāya yena daṇḍo ṭhapito hoti so bhikkhuṃ pahiṇati – ‘‘gaccha, bhante, itthannāmaṃ brūhi – ‘hotu itthannāmassa bhariyā chandavāsinī…pe… bhogavāsinī… paṭavāsinī… odapattakinī… obhaṭacumbaṭā… dāsī ca bhariyā ca… kammakārī ca bhariyā ca… dhajāhaṭā… muhuttikā’’’ti. Paṭiggaṇhāti vīmaṃsati paccāharati, āpatti saṅghādisesassa.
நிக்கே²பபதா³னி.
Nikkhepapadāni.
327. ஸபரித³ண்டா³ய யேன த³ண்டோ³ ட²பிதோ ஹோதி ஸோ பி⁴க்கு²ங் பஹிணதி – ‘‘க³ச்ச², ப⁴ந்தே, இத்த²ன்னாமங் ப்³ரூஹி – ‘ஹோது இத்த²ன்னாமஸ்ஸ ப⁴ரியா த⁴னக்கீதா ச ச²ந்த³வாஸினீ ச…பே॰… த⁴னக்கீதா ச போ⁴க³வாஸினீ ச… த⁴னக்கீதா ச முஹுத்திகா சா’’’தி. படிக்³க³ண்ஹாதி வீமங்ஸதி பச்சாஹரதி, ஆபத்தி ஸங்கா⁴தி³ஸேஸஸ்ஸ.
327. Saparidaṇḍāya yena daṇḍo ṭhapito hoti so bhikkhuṃ pahiṇati – ‘‘gaccha, bhante, itthannāmaṃ brūhi – ‘hotu itthannāmassa bhariyā dhanakkītā ca chandavāsinī ca…pe… dhanakkītā ca bhogavāsinī ca… dhanakkītā ca muhuttikā cā’’’ti. Paṭiggaṇhāti vīmaṃsati paccāharati, āpatti saṅghādisesassa.
க²ண்ட³சக்கங்.
Khaṇḍacakkaṃ.
328. ஸபரித³ண்டா³ய யேன த³ண்டோ³ ட²பிதோ ஹோதி ஸோ பி⁴க்கு²ங் பஹிணதி – ‘‘க³ச்ச², ப⁴ந்தே, இத்த²ன்னாமங் ப்³ரூஹி – ‘ஹோது இத்த²ன்னாமஸ்ஸ ப⁴ரியா ச²ந்த³வாஸினீ ச போ⁴க³வாஸினீ ச…பே॰… ச²ந்த³வாஸினீ ச முஹுத்திகா ச… ச²ந்த³வாஸினீ ச த⁴னக்கீதா சா’’’ தி. படிக்³க³ண்ஹாதி வீமங்ஸதி பச்சாஹரதி ஆபத்தி ஸங்கா⁴தி³ஸேஸஸ்ஸ.
328. Saparidaṇḍāya yena daṇḍo ṭhapito hoti so bhikkhuṃ pahiṇati – ‘‘gaccha, bhante, itthannāmaṃ brūhi – ‘hotu itthannāmassa bhariyā chandavāsinī ca bhogavāsinī ca…pe… chandavāsinī ca muhuttikā ca… chandavāsinī ca dhanakkītā cā’’’ ti. Paṭiggaṇhāti vīmaṃsati paccāharati āpatti saṅghādisesassa.
ப³த்³த⁴சக்கங் மூலங் ஸங்கி²த்தங்.
Baddhacakkaṃ mūlaṃ saṃkhittaṃ.
329. ஸபரித³ண்டா³ய யேன த³ண்டோ³, ட²பிதோ ஹோதி ஸோ பி⁴க்கு²ங் பஹிணதி – ‘‘க³ச்ச², ப⁴ந்தே, இத்த²ன்னாமங் ப்³ரூஹி – ‘ஹோது இத்த²ன்னாமஸ்ஸ ப⁴ரியா முஹுத்திகா ச த⁴னக்கீதா ச…பே॰… முஹுத்திகா ச ச²ந்த³வாஸினீ ச…பே॰… முஹுத்திகா ச த⁴ஜாஹடா சா’’’தி. படிக்³க³ண்ஹாதி வீமங்ஸதி பச்சாஹரதி, ஆபத்தி ஸங்கா⁴தி³ஸேஸஸ்ஸ.
329. Saparidaṇḍāya yena daṇḍo, ṭhapito hoti so bhikkhuṃ pahiṇati – ‘‘gaccha, bhante, itthannāmaṃ brūhi – ‘hotu itthannāmassa bhariyā muhuttikā ca dhanakkītā ca…pe… muhuttikā ca chandavāsinī ca…pe… muhuttikā ca dhajāhaṭā cā’’’ti. Paṭiggaṇhāti vīmaṃsati paccāharati, āpatti saṅghādisesassa.
ஏகமூலகங் நிட்டி²தங்.
Ekamūlakaṃ niṭṭhitaṃ.
து³மூலகம்பி திமூலகம்பி யாவ நவமூலகங் ஏவமேவ காதப்³ப³ங்.
Dumūlakampi timūlakampi yāva navamūlakaṃ evameva kātabbaṃ.
இத³ங் த³ஸமூலகங்
Idaṃ dasamūlakaṃ
330. ஸபரித³ண்டா³ய யேன த³ண்டோ³ ட²பிதோ ஹோதி ஸோ பி⁴க்கு²ங் பஹிணதி – ‘‘க³ச்ச², ப⁴ந்தே, இத்த²ன்னாமங் ப்³ரூஹி – ‘ஹோது இத்த²ன்னாமஸ்ஸ ப⁴ரியா த⁴னக்கீதா ச ச²ந்த³வாஸினீ ச போ⁴க³வாஸினீ ச படவாஸினீ ச ஓத³பத்தகினீ ச ஓப⁴டசும்ப³டா ச தா³ஸீ ச ப⁴ரியா ச கம்மகாரீ ச ப⁴ரியா ச த⁴ஜாஹடா ச முஹுத்திகா சா’’’தி. படிக்³க³ண்ஹாதி வீமங்ஸதி பச்சாஹரதி, ஆபத்தி ஸங்கா⁴தி³ஸேஸஸ்ஸ.
330. Saparidaṇḍāya yena daṇḍo ṭhapito hoti so bhikkhuṃ pahiṇati – ‘‘gaccha, bhante, itthannāmaṃ brūhi – ‘hotu itthannāmassa bhariyā dhanakkītā ca chandavāsinī ca bhogavāsinī ca paṭavāsinī ca odapattakinī ca obhaṭacumbaṭā ca dāsī ca bhariyā ca kammakārī ca bhariyā ca dhajāhaṭā ca muhuttikā cā’’’ti. Paṭiggaṇhāti vīmaṃsati paccāharati, āpatti saṅghādisesassa.
த³ண்ட³ட²பிதசக்கங் நிட்டி²தங்.
Daṇḍaṭhapitacakkaṃ niṭṭhitaṃ.
மாதுரக்கி²தா பி⁴க்கு²ங் பஹிணதி – ‘‘க³ச்ச², ப⁴ந்தே, இத்த²ன்னாமங் ப்³ரூஹி – ‘ஹோமி இத்த²ன்னாமஸ்ஸ ப⁴ரியா த⁴னக்கீதா’’’தி. படிக்³க³ண்ஹாதி வீமங்ஸதி பச்சாஹரதி, ஆபத்தி ஸங்கா⁴தி³ஸேஸஸ்ஸ.
Māturakkhitā bhikkhuṃ pahiṇati – ‘‘gaccha, bhante, itthannāmaṃ brūhi – ‘homi itthannāmassa bhariyā dhanakkītā’’’ti. Paṭiggaṇhāti vīmaṃsati paccāharati, āpatti saṅghādisesassa.
மாதுரக்கி²தா பி⁴க்கு²ங் பஹிணதி – ‘‘க³ச்ச², ப⁴ந்தே, இத்த²ன்னாமங் ப்³ரூஹி – ‘ஹோமி இத்த²ன்னாமஸ்ஸ ப⁴ரியா ச²ந்த³வாஸினீ…பே॰… போ⁴க³வாஸினீ… படவாஸினீ… ஓத³பத்தகினீ… ஓப⁴டசும்ப³டா… தா³ஸீ ச ப⁴ரியா ச… கம்மகாரீ ச ப⁴ரியா ச… த⁴ஜாஹடா… முஹுத்திகா’’’தி. படிக்³க³ண்ஹாதி வீமங்ஸதி பச்சாஹரதி, ஆபத்தி ஸங்கா⁴தி³ஸேஸஸ்ஸ.
Māturakkhitā bhikkhuṃ pahiṇati – ‘‘gaccha, bhante, itthannāmaṃ brūhi – ‘homi itthannāmassa bhariyā chandavāsinī…pe… bhogavāsinī… paṭavāsinī… odapattakinī… obhaṭacumbaṭā… dāsī ca bhariyā ca… kammakārī ca bhariyā ca… dhajāhaṭā… muhuttikā’’’ti. Paṭiggaṇhāti vīmaṃsati paccāharati, āpatti saṅghādisesassa.
நிக்கே²பபதா³னி.
Nikkhepapadāni.
331. மாதுரக்கி²தா பி⁴க்கு²ங் பஹிணதி – ‘‘க³ச்ச², ப⁴ந்தே, இத்த²ன்னாமங் ப்³ரூஹி – ‘ஹோமி இத்த²ன்னாமஸ்ஸ ப⁴ரியா த⁴னக்கீதா ச ச²ந்த³வாஸினீ சா’’’தி. படிக்³க³ண்ஹாதி வீமங்ஸதி பச்சாஹரதி, ஆபத்தி ஸங்கா⁴தி³ஸேஸஸ்ஸ.
331. Māturakkhitā bhikkhuṃ pahiṇati – ‘‘gaccha, bhante, itthannāmaṃ brūhi – ‘homi itthannāmassa bhariyā dhanakkītā ca chandavāsinī cā’’’ti. Paṭiggaṇhāti vīmaṃsati paccāharati, āpatti saṅghādisesassa.
மாதுரக்கி²தா பி⁴க்கு²ங் பஹிணதி – ‘‘க³ச்ச², ப⁴ந்தே, இத்த²ன்னாமங் ப்³ரூஹி – ‘ஹோமி இத்த²ன்னாமஸ்ஸ ப⁴ரியா த⁴னக்கீதா ச போ⁴க³வாஸினீ ச…பே॰… த⁴னக்கீதா ச படவாஸினீ ச…பே॰… த⁴னக்கீதா ச முஹுத்திகா சா’’’தி. படிக்³க³ண்ஹாதி வீமங்ஸதி பச்சாஹரதி, ஆபத்தி ஸங்கா⁴தி³ஸேஸஸ்ஸ.
Māturakkhitā bhikkhuṃ pahiṇati – ‘‘gaccha, bhante, itthannāmaṃ brūhi – ‘homi itthannāmassa bhariyā dhanakkītā ca bhogavāsinī ca…pe… dhanakkītā ca paṭavāsinī ca…pe… dhanakkītā ca muhuttikā cā’’’ti. Paṭiggaṇhāti vīmaṃsati paccāharati, āpatti saṅghādisesassa.
க²ண்ட³சக்கங்.
Khaṇḍacakkaṃ.
332. மாதுரக்கி²தா பி⁴க்கு²ங் பஹிணதி – ‘‘க³ச்ச², ப⁴ந்தே, இத்த²ன்னாமங் ப்³ரூஹி – ‘ஹோமி இத்த²ன்னாமஸ்ஸ ப⁴ரியா ச²ந்த³வாஸினீ ச போ⁴க³வாஸினீ ச…பே॰… ச²ந்த³வாஸினீ ச முஹுத்திகா ச… ச²ந்த³வாஸினீ ச த⁴னக்கீதா சா’’’தி. படிக்³க³ண்ஹாதி வீமங்ஸதி பச்சாஹரதி, ஆபத்தி ஸங்கா⁴தி³ஸேஸஸ்ஸ.
332. Māturakkhitā bhikkhuṃ pahiṇati – ‘‘gaccha, bhante, itthannāmaṃ brūhi – ‘homi itthannāmassa bhariyā chandavāsinī ca bhogavāsinī ca…pe… chandavāsinī ca muhuttikā ca… chandavāsinī ca dhanakkītā cā’’’ti. Paṭiggaṇhāti vīmaṃsati paccāharati, āpatti saṅghādisesassa.
ப³த்³த⁴சக்கங் மூலங் ஸங்கி²த்தங்.
Baddhacakkaṃ mūlaṃ saṃkhittaṃ.
மாதுரக்கி²தா பி⁴க்கு²ங் பஹிணதி – ‘‘க³ச்ச², ப⁴ந்தே, இத்த²ன்னாமங் ப்³ரூஹி – ‘ஹோமி இத்த²ன்னாமஸ்ஸ ப⁴ரியா முஹுத்திகா ச த⁴னக்கீதா ச…பே॰… முஹுத்திகா ச ச²ந்த³வாஸினீ ச…பே॰… முஹுத்திகா ச த⁴ஜாஹடா சா’’’தி. படிக்³க³ண்ஹாதி வீமங்ஸதி பச்சாஹரதி, ஆபத்தி ஸங்கா⁴தி³ஸேஸஸ்ஸ.
Māturakkhitā bhikkhuṃ pahiṇati – ‘‘gaccha, bhante, itthannāmaṃ brūhi – ‘homi itthannāmassa bhariyā muhuttikā ca dhanakkītā ca…pe… muhuttikā ca chandavāsinī ca…pe… muhuttikā ca dhajāhaṭā cā’’’ti. Paṭiggaṇhāti vīmaṃsati paccāharati, āpatti saṅghādisesassa.
ஏகமூலகங் நிட்டி²தங்.
Ekamūlakaṃ niṭṭhitaṃ.
து³மூலகாதீ³னிபி ஏவமேவ காதப்³பா³னி.
Dumūlakādīnipi evameva kātabbāni.
இத³ங் த³ஸமூலகங்
Idaṃ dasamūlakaṃ
333. மாதுரக்கி²தா பி⁴க்கு²ங் பஹிணதி – ‘‘க³ச்ச², ப⁴ந்தே, இத்த²ன்னாமங் ப்³ரூஹி – ‘ஹோமி இத்த²ன்னாமஸ்ஸ ப⁴ரியா த⁴னக்கீதா ச ச²ந்த³வாஸினீ ச போ⁴க³வாஸினீ ச படவாஸினீ ச ஓத³பத்தகினீ ச ஓப⁴டசும்ப³டா ச தா³ஸீ ச ப⁴ரியா ச கம்மகாரீ ச ப⁴ரியா ச த⁴ஜாஹடா ச முஹுத்திகா சா’’’தி. படிக்³க³ண்ஹாதி வீமங்ஸதி பச்சாஹரதி, ஆபத்தி ஸங்கா⁴தி³ஸேஸஸ்ஸ.
333. Māturakkhitā bhikkhuṃ pahiṇati – ‘‘gaccha, bhante, itthannāmaṃ brūhi – ‘homi itthannāmassa bhariyā dhanakkītā ca chandavāsinī ca bhogavāsinī ca paṭavāsinī ca odapattakinī ca obhaṭacumbaṭā ca dāsī ca bhariyā ca kammakārī ca bhariyā ca dhajāhaṭā ca muhuttikā cā’’’ti. Paṭiggaṇhāti vīmaṃsati paccāharati, āpatti saṅghādisesassa.
அபரங் மாதுரக்கி²தாசக்கங் நிட்டி²தங்.
Aparaṃ māturakkhitācakkaṃ niṭṭhitaṃ.
பிதுரக்கி²தா பி⁴க்கு²ங் பஹிணதி…பே॰… மாதாபிதுரக்கி²தா பி⁴க்கு²ங் பஹிணதி… பா⁴துரக்கி²தா பி⁴க்கு²ங் பஹிணதி… ப⁴கி³னிரக்கி²தா பி⁴க்கு²ங் பஹிணதி… ஞாதிரக்கி²தா பி⁴க்கு²ங் பஹிணதி… கொ³த்தரக்கி²தா பி⁴க்கு²ங் பஹிணதி… த⁴ம்மரக்கி²தா பி⁴க்கு²ங் பஹிணதி… ஸாரக்கா² பி⁴க்கு²ங் பஹிணதி… ஸபரித³ண்டா³ பி⁴க்கு²ங் பஹிணதி – ‘‘க³ச்ச², ப⁴ந்தே, இத்த²ன்னாமங் ப்³ரூஹி – ‘ஹோமி இத்த²ன்னாமஸ்ஸ ப⁴ரியா த⁴னக்கீதா’’’தி. படிக்³க³ண்ஹாதி வீமங்ஸதி பச்சாஹரதி, ஆபத்தி ஸங்கா⁴தி³ஸேஸஸ்ஸ.
Piturakkhitā bhikkhuṃ pahiṇati…pe… mātāpiturakkhitā bhikkhuṃ pahiṇati… bhāturakkhitā bhikkhuṃ pahiṇati… bhaginirakkhitā bhikkhuṃ pahiṇati… ñātirakkhitā bhikkhuṃ pahiṇati… gottarakkhitā bhikkhuṃ pahiṇati… dhammarakkhitā bhikkhuṃ pahiṇati… sārakkhā bhikkhuṃ pahiṇati… saparidaṇḍā bhikkhuṃ pahiṇati – ‘‘gaccha, bhante, itthannāmaṃ brūhi – ‘homi itthannāmassa bhariyā dhanakkītā’’’ti. Paṭiggaṇhāti vīmaṃsati paccāharati, āpatti saṅghādisesassa.
ஸபரித³ண்டா³ பி⁴க்கு²ங் பஹிணதி – ‘‘க³ச்ச², ப⁴ந்தே, இத்த²ன்னாமங் ப்³ரூஹி – ‘ஹோமி இத்த²ன்னாமஸ்ஸ ப⁴ரியா ச²ந்த³வாஸினீ…பே॰… போ⁴க³வாஸினீ… படவாஸினீ… ஓத³பத்தகினீ… ஓப⁴டசும்ப³டா… தா³ஸீ ச ப⁴ரியா ச… கம்மகாரீ ச ப⁴ரியா ச… த⁴ஜாஹடா… முஹுத்திகா’’’தி. படிக்³க³ண்ஹாதி வீமங்ஸதி பச்சாஹரதி, ஆபத்தி ஸங்கா⁴தி³ஸேஸஸ்ஸ.
Saparidaṇḍā bhikkhuṃ pahiṇati – ‘‘gaccha, bhante, itthannāmaṃ brūhi – ‘homi itthannāmassa bhariyā chandavāsinī…pe… bhogavāsinī… paṭavāsinī… odapattakinī… obhaṭacumbaṭā… dāsī ca bhariyā ca… kammakārī ca bhariyā ca… dhajāhaṭā… muhuttikā’’’ti. Paṭiggaṇhāti vīmaṃsati paccāharati, āpatti saṅghādisesassa.
நிக்கே²பபதா³னி.
Nikkhepapadāni.
334. ஸபரித³ண்டா³ பி⁴க்கு²ங் பஹிணதி – ‘‘க³ச்ச², ப⁴ந்தே, இத்த²ன்னாமங் ப்³ரூஹி – ‘ஹோமி இத்த²ன்னாமஸ்ஸ ப⁴ரியா த⁴னக்கீதா ச ச²ந்த³வாஸினீ ச…பே॰… த⁴னக்கீதா ச முஹுத்திகா சா’’’தி. படிக்³க³ண்ஹாதி வீமங்ஸதி பச்சாஹரதி, ஆபத்தி ஸங்கா⁴தி³ஸேஸஸ்ஸ.
334. Saparidaṇḍā bhikkhuṃ pahiṇati – ‘‘gaccha, bhante, itthannāmaṃ brūhi – ‘homi itthannāmassa bhariyā dhanakkītā ca chandavāsinī ca…pe… dhanakkītā ca muhuttikā cā’’’ti. Paṭiggaṇhāti vīmaṃsati paccāharati, āpatti saṅghādisesassa.
க²ண்ட³சக்கங்.
Khaṇḍacakkaṃ.
335. ஸபரித³ண்டா³ பி⁴க்கு²ங் பஹிணதி – ‘‘க³ச்ச², ப⁴ந்தே, இத்த²ன்னாமங் ப்³ரூஹி – ‘ஹோமி இத்த²ன்னாமஸ்ஸ ப⁴ரியா ச²ந்த³வாஸினீ ச போ⁴க³வாஸினீ ச…பே॰… ச²ந்த³வாஸினீ ச முஹுத்திகா ச… ச²ந்த³வாஸினீ ச த⁴னக்கீதா சா’’’தி. படிக்³க³ண்ஹாதி வீமங்ஸதி பச்சாஹரதி, ஆபத்தி ஸங்கா⁴தி³ஸேஸஸ்ஸ.
335. Saparidaṇḍā bhikkhuṃ pahiṇati – ‘‘gaccha, bhante, itthannāmaṃ brūhi – ‘homi itthannāmassa bhariyā chandavāsinī ca bhogavāsinī ca…pe… chandavāsinī ca muhuttikā ca… chandavāsinī ca dhanakkītā cā’’’ti. Paṭiggaṇhāti vīmaṃsati paccāharati, āpatti saṅghādisesassa.
ப³த்³த⁴சக்கங் மூலங் ஸங்கி²த்தங்.
Baddhacakkaṃ mūlaṃ saṃkhittaṃ.
336. ஸபரித³ண்டா³ பி⁴க்கு²ங் பஹிணதி – ‘‘க³ச்ச², ப⁴ந்தே, இத்த²ன்னாமங் ப்³ரூஹி – ‘ஹோமி இத்த²ன்னாமஸ்ஸ ப⁴ரியா முஹுத்திகா ச த⁴னக்கீதா ச…பே॰… முஹுத்திகா ச ச²ந்த³வாஸினீ ச…பே॰… முஹுத்திகா ச த⁴ஜாஹடா சா’’’தி. படிக்³க³ண்ஹாதி வீமங்ஸதி பச்சாஹரதி, ஆபத்தி ஸங்கா⁴தி³ஸேஸஸ்ஸ.
336. Saparidaṇḍā bhikkhuṃ pahiṇati – ‘‘gaccha, bhante, itthannāmaṃ brūhi – ‘homi itthannāmassa bhariyā muhuttikā ca dhanakkītā ca…pe… muhuttikā ca chandavāsinī ca…pe… muhuttikā ca dhajāhaṭā cā’’’ti. Paṭiggaṇhāti vīmaṃsati paccāharati, āpatti saṅghādisesassa.
ஏகமூலகங் நிட்டி²தங்.
Ekamūlakaṃ niṭṭhitaṃ.
து³மூலகாதீ³னிபி ஏவமேவ காதப்³பா³னி.
Dumūlakādīnipi evameva kātabbāni.
இத³ங் த³ஸமூலகங்
Idaṃ dasamūlakaṃ
337. ஸபரித³ண்டா³ பி⁴க்கு²ங் பஹிணதி – ‘‘க³ச்ச², ப⁴ந்தே, இத்த²ன்னாமங் ப்³ரூஹி – ‘ஹோமி இத்த²ன்னாமஸ்ஸ ப⁴ரியா த⁴னக்கீதா ச ச²ந்த³வாஸினீ ச போ⁴க³வாஸினீ ச படவாஸினீ ச ஓத³பத்தகினீ ச ஓப⁴டசும்ப³டா ச தா³ஸீ ச ப⁴ரியா ச கம்மகாரீ ச ப⁴ரியா ச த⁴ஜாஹடா ச முஹுத்திகா சா’’’தி. படிக்³க³ண்ஹாதி வீமங்ஸதி பச்சாஹரதி, ஆபத்தி ஸங்கா⁴தி³ஸேஸஸ்ஸ.
337. Saparidaṇḍā bhikkhuṃ pahiṇati – ‘‘gaccha, bhante, itthannāmaṃ brūhi – ‘homi itthannāmassa bhariyā dhanakkītā ca chandavāsinī ca bhogavāsinī ca paṭavāsinī ca odapattakinī ca obhaṭacumbaṭā ca dāsī ca bhariyā ca kammakārī ca bhariyā ca dhajāhaṭā ca muhuttikā cā’’’ti. Paṭiggaṇhāti vīmaṃsati paccāharati, āpatti saṅghādisesassa.
அபரங் ஸபரித³ண்டா³சக்கங் நிட்டி²தங்.
Aparaṃ saparidaṇḍācakkaṃ niṭṭhitaṃ.
ஸப்³ப³ங் சக்கபெய்யாலங் நிட்டி²தங்.
Sabbaṃ cakkapeyyālaṃ niṭṭhitaṃ.
338. படிக்³க³ண்ஹாதி வீமங்ஸதி பச்சாஹரதி, ஆபத்தி ஸங்கா⁴தி³ஸேஸஸ்ஸ. படிக்³க³ண்ஹாதி வீமங்ஸதி ந பச்சாஹரதி, ஆபத்தி து²ல்லச்சயஸ்ஸ. படிக்³க³ண்ஹாதி ந வீமங்ஸதி பச்சாஹரதி, ஆபத்தி து²ல்லச்சயஸ்ஸ. படிக்³க³ண்ஹாதி ந வீமங்ஸதி ந பச்சாஹரதி, ஆபத்தி து³க்கடஸ்ஸ. ந படிக்³க³ண்ஹாதி வீமங்ஸதி பச்சாஹரதி, ஆபத்தி து²ல்லச்சயஸ்ஸ. ந படிக்³க³ண்ஹாதி வீமங்ஸதி ந பச்சாஹரதி, ஆபத்தி து³க்கடஸ்ஸ. ந படிக்³க³ண்ஹாதி ந வீமங்ஸதி பச்சாஹரதி, ஆபத்தி து³க்கடஸ்ஸ. ந படிக்³க³ண்ஹாதி ந வீமங்ஸதி ந பச்சாஹரதி, அனாபத்தி.
338. Paṭiggaṇhāti vīmaṃsati paccāharati, āpatti saṅghādisesassa. Paṭiggaṇhāti vīmaṃsati na paccāharati, āpatti thullaccayassa. Paṭiggaṇhāti na vīmaṃsati paccāharati, āpatti thullaccayassa. Paṭiggaṇhāti na vīmaṃsati na paccāharati, āpatti dukkaṭassa. Na paṭiggaṇhāti vīmaṃsati paccāharati, āpatti thullaccayassa. Na paṭiggaṇhāti vīmaṃsati na paccāharati, āpatti dukkaṭassa. Na paṭiggaṇhāti na vīmaṃsati paccāharati, āpatti dukkaṭassa. Na paṭiggaṇhāti na vīmaṃsati na paccāharati, anāpatti.
புரிஸோ ஸம்ப³ஹுலே பி⁴க்கூ² ஆணாபேதி – ‘‘க³ச்ச²த², ப⁴ந்தே, இத்த²ன்னாமங் இத்தி²ங் வீமங்ஸதா²’’தி. ஸப்³பே³ படிக்³க³ண்ஹந்தி ஸப்³பே³ வீமங்ஸந்தி ஸப்³பே³ பச்சாஹரந்தி, ஆபத்தி ஸப்³பே³ஸங் ஸங்கா⁴தி³ஸேஸஸ்ஸ.
Puriso sambahule bhikkhū āṇāpeti – ‘‘gacchatha, bhante, itthannāmaṃ itthiṃ vīmaṃsathā’’ti. Sabbe paṭiggaṇhanti sabbe vīmaṃsanti sabbe paccāharanti, āpatti sabbesaṃ saṅghādisesassa.
புரிஸோ ஸம்ப³ஹுலே பி⁴க்கூ² ஆணாபேதி – ‘‘க³ச்ச²த², ப⁴ந்தே, இத்த²ன்னாமங் இத்தி²ங் வீமங்ஸதா²’’தி. ஸப்³பே³ படிக்³க³ண்ஹந்தி ஸப்³பே³ வீமங்ஸந்தி ஏகங் பச்சாஹராபெந்தி, ஆபத்தி ஸப்³பே³ஸங் ஸங்கா⁴தி³ஸேஸஸ்ஸ.
Puriso sambahule bhikkhū āṇāpeti – ‘‘gacchatha, bhante, itthannāmaṃ itthiṃ vīmaṃsathā’’ti. Sabbe paṭiggaṇhanti sabbe vīmaṃsanti ekaṃ paccāharāpenti, āpatti sabbesaṃ saṅghādisesassa.
புரிஸோ ஸம்ப³ஹுலே பி⁴க்கூ² ஆணாபேதி – ‘‘க³ச்ச²த², ப⁴ந்தே, இத்த²ன்னாமங் இத்தி²ங் வீமங்ஸதா²’’தி. ஸப்³பே³ படிக்³க³ண்ஹந்தி, ஏகங் வீமங்ஸாபெத்வா ஸப்³பே³ பச்சாஹரந்தி, ஆபத்தி ஸப்³பே³ஸங் ஸங்கா⁴தி³ஸேஸஸ்ஸ.
Puriso sambahule bhikkhū āṇāpeti – ‘‘gacchatha, bhante, itthannāmaṃ itthiṃ vīmaṃsathā’’ti. Sabbe paṭiggaṇhanti, ekaṃ vīmaṃsāpetvā sabbe paccāharanti, āpatti sabbesaṃ saṅghādisesassa.
புரிஸோ ஸம்ப³ஹுலே பி⁴க்கூ² ஆணாபேதி – ‘‘க³ச்ச²த², ப⁴ந்தே, இத்த²ன்னாமங் இத்தி²ங் வீமங்ஸதா²’’தி. ஸப்³பே³ படிக்³க³ண்ஹந்தி, ஏகங் வீமங்ஸாபெத்வா ஏகங் பச்சாஹராபெந்தி, ஆபத்தி ஸப்³பே³ஸங் ஸங்கா⁴தி³ஸேஸஸ்ஸ.
Puriso sambahule bhikkhū āṇāpeti – ‘‘gacchatha, bhante, itthannāmaṃ itthiṃ vīmaṃsathā’’ti. Sabbe paṭiggaṇhanti, ekaṃ vīmaṃsāpetvā ekaṃ paccāharāpenti, āpatti sabbesaṃ saṅghādisesassa.
புரிஸோ பி⁴க்கு²ங் ஆணாபேதி – ‘‘க³ச்ச², ப⁴ந்தே, இத்த²ன்னாமங் இத்தி²ங் வீமங்ஸா’’தி. படிக்³க³ண்ஹாதி வீமங்ஸதி பச்சாஹரதி, ஆபத்தி ஸங்கா⁴தி³ஸேஸஸ்ஸ.
Puriso bhikkhuṃ āṇāpeti – ‘‘gaccha, bhante, itthannāmaṃ itthiṃ vīmaṃsā’’ti. Paṭiggaṇhāti vīmaṃsati paccāharati, āpatti saṅghādisesassa.
புரிஸோ பி⁴க்கு²ங் ஆணாபேதி – ‘‘க³ச்ச², ப⁴ந்தே, இத்த²ன்னாமங் இத்தி²ங் வீமங்ஸா’’தி. படிக்³க³ண்ஹாதி வீமங்ஸதி அந்தேவாஸிங் பச்சாஹராபேதி, ஆபத்தி ஸங்கா⁴தி³ஸேஸஸ்ஸ.
Puriso bhikkhuṃ āṇāpeti – ‘‘gaccha, bhante, itthannāmaṃ itthiṃ vīmaṃsā’’ti. Paṭiggaṇhāti vīmaṃsati antevāsiṃ paccāharāpeti, āpatti saṅghādisesassa.
புரிஸோ பி⁴க்கு²ங் ஆணாபேதி – ‘‘க³ச்ச², ப⁴ந்தே, இத்த²ன்னாமங் இத்தி²ங் வீமங்ஸா’’தி. படிக்³க³ண்ஹாதி அந்தேவாஸிங் வீமங்ஸாபெத்வா அத்தனா பச்சாஹரதி ஆபத்தி ஸங்கா⁴தி³ஸேஸஸ்ஸ.
Puriso bhikkhuṃ āṇāpeti – ‘‘gaccha, bhante, itthannāmaṃ itthiṃ vīmaṃsā’’ti. Paṭiggaṇhāti antevāsiṃ vīmaṃsāpetvā attanā paccāharati āpatti saṅghādisesassa.
புரிஸோ பி⁴க்கு²ங் ஆணாபேதி – ‘‘க³ச்ச², ப⁴ந்தே, இத்த²ன்னாமங் இத்தி² விமங்ஸா’’தி. படிக்³க³ண்ஹாதி அந்தேவாஸிங் வீமங்ஸாபேதி அந்தேவாஸீ வீமங்ஸித்வா ப³ஹித்³தா⁴ பச்சாஹரதி, ஆபத்தி உபி⁴ன்னங் து²ல்லச்சயஸ்ஸ.
Puriso bhikkhuṃ āṇāpeti – ‘‘gaccha, bhante, itthannāmaṃ itthi vimaṃsā’’ti. Paṭiggaṇhāti antevāsiṃ vīmaṃsāpeti antevāsī vīmaṃsitvā bahiddhā paccāharati, āpatti ubhinnaṃ thullaccayassa.
339. க³ச்ச²ந்தோ ஸம்பாதே³தி, ஆக³ச்ச²ந்தோ விஸங்வாதே³தி, ஆபத்தி து²ல்லச்சயஸ்ஸ.
339. Gacchanto sampādeti, āgacchanto visaṃvādeti, āpatti thullaccayassa.
க³ச்ச²ந்தோ விஸங்வாதே³தி, ஆக³ச்ச²ந்தோ ஸம்பாதே³தி, ஆபத்தி து²ல்லச்சயஸ்ஸ.
Gacchanto visaṃvādeti, āgacchanto sampādeti, āpatti thullaccayassa.
க³ச்ச²ந்தோ ஸம்பாதே³தி, ஆக³ச்ச²ந்தோ ஸம்பாதே³தி, ஆபத்தி ஸங்கா⁴தி³ஸேஸஸ்ஸ.
Gacchanto sampādeti, āgacchanto sampādeti, āpatti saṅghādisesassa.
க³ச்ச²ந்தோ விஸங்வாதே³தி, ஆக³ச்ச²ந்தோ விஸங்வாதே³தி, அனாபத்தி.
Gacchanto visaṃvādeti, āgacchanto visaṃvādeti, anāpatti.
340. அனாபத்தி ஸங்க⁴ஸ்ஸ வா சேதியஸ்ஸ வா கி³லானஸ்ஸ வா கரணீயேன க³ச்ச²தி, உம்மத்தகஸ்ஸ, ஆதி³கம்மிகஸ்ஸாதி.
340. Anāpatti saṅghassa vā cetiyassa vā gilānassa vā karaṇīyena gacchati, ummattakassa, ādikammikassāti.
வினீதவத்து²உத்³தா³னகா³தா²
Vinītavatthuuddānagāthā
ஸுத்தா மதா ச நிக்க²ந்தா, அனித்தீ² இத்தி²பண்ட³கா;
Suttā matā ca nikkhantā, anitthī itthipaṇḍakā;
கலஹங் கத்வான ஸம்மோதி³, ஸஞ்சரித்தஞ்ச பண்ட³கேதி.
Kalahaṃ katvāna sammodi, sañcarittañca paṇḍaketi.
வினீதவத்து²
Vinītavatthu
341. தேன கோ² பன ஸமயேன அஞ்ஞதரோ புரிஸோ அஞ்ஞதரங் பி⁴க்கு²ங் ஆணாபேஸி – 9 ‘‘க³ச்ச², ப⁴ந்தே, இத்த²ன்னாமங் இத்தி²ங் வீமங்ஸா’’தி. ஸோ க³ந்த்வா மனுஸ்ஸே புச்சி² – ‘‘கஹங் இத்த²ன்னாமா’’தி? ‘‘ஸுத்தா, ப⁴ந்தே’’தி. தஸ்ஸ குக்குச்சங் அஹோஸி – ‘‘ப⁴க³வதா ஸிக்கா²பத³ங் பஞ்ஞத்தங், கச்சி நு கோ² அஹங் ஸங்கா⁴தி³ஸேஸங் ஆபத்திங் ஆபன்னோ’’தி? ப⁴க³வதோ ஏதமத்த²ங் ஆரோசேஸி. ‘‘அனாபத்தி, பி⁴க்கு², ஸங்கா⁴தி³ஸேஸஸ்ஸ; ஆபத்தி து³க்கடஸ்ஸா’’தி.
341. Tena kho pana samayena aññataro puriso aññataraṃ bhikkhuṃ āṇāpesi – 10 ‘‘gaccha, bhante, itthannāmaṃ itthiṃ vīmaṃsā’’ti. So gantvā manusse pucchi – ‘‘kahaṃ itthannāmā’’ti? ‘‘Suttā, bhante’’ti. Tassa kukkuccaṃ ahosi – ‘‘bhagavatā sikkhāpadaṃ paññattaṃ, kacci nu kho ahaṃ saṅghādisesaṃ āpattiṃ āpanno’’ti? Bhagavato etamatthaṃ ārocesi. ‘‘Anāpatti, bhikkhu, saṅghādisesassa; āpatti dukkaṭassā’’ti.
தேன கோ² பன ஸமயேன அஞ்ஞதரோ புரிஸோ அஞ்ஞதரங் பி⁴க்கு²ங் ஆணாபேஸி – ‘‘க³ச்ச², ப⁴ந்தே, இத்த²ன்னாமங் இத்தி²ங் வீமங்ஸா’’தி. ஸோ க³ந்த்வா மனுஸ்ஸே புச்சி² – ‘‘கஹங் இத்த²ன்னாமா’’தி? ‘‘மதா, ப⁴ந்தே’’தி…பே॰… ‘‘நிக்க²ந்தா, ப⁴ந்தே’’தி… ‘‘அனித்தீ², ப⁴ந்தே’’தி… ‘‘இத்தி²பண்ட³கா, ப⁴ந்தே’’தி. தஸ்ஸ குக்குச்சங் அஹோஸி…பே॰… ‘‘அனாபத்தி, பி⁴க்கு², ஸங்கா⁴தி³ஸேஸஸ்ஸ; ஆபத்தி து³க்கடஸ்ஸா’’தி.
Tena kho pana samayena aññataro puriso aññataraṃ bhikkhuṃ āṇāpesi – ‘‘gaccha, bhante, itthannāmaṃ itthiṃ vīmaṃsā’’ti. So gantvā manusse pucchi – ‘‘kahaṃ itthannāmā’’ti? ‘‘Matā, bhante’’ti…pe… ‘‘nikkhantā, bhante’’ti… ‘‘anitthī, bhante’’ti… ‘‘itthipaṇḍakā, bhante’’ti. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti dukkaṭassā’’ti.
தேன கோ² பன ஸமயேன அஞ்ஞதரா இத்தீ² ஸாமிகேன ஸஹ ப⁴ண்டி³த்வா மாதுக⁴ரங் அக³மாஸி. குலூபகோ பி⁴க்கு² ஸம்மோத³னீயங் அகாஸி. தஸ்ஸ குக்குச்சங் அஹோஸி…பே॰… ‘‘அலங்வசனீயா, பி⁴க்கூ²’’தி? ‘‘நாலங்வசனீயா, ப⁴க³வா’’தி. ‘‘அனாபத்தி, பி⁴க்கு², நாலங்வசனீயாயா’’தி.
Tena kho pana samayena aññatarā itthī sāmikena saha bhaṇḍitvā mātugharaṃ agamāsi. Kulūpako bhikkhu sammodanīyaṃ akāsi. Tassa kukkuccaṃ ahosi…pe… ‘‘alaṃvacanīyā, bhikkhū’’ti? ‘‘Nālaṃvacanīyā, bhagavā’’ti. ‘‘Anāpatti, bhikkhu, nālaṃvacanīyāyā’’ti.
தேன கோ² பன ஸமயேன அஞ்ஞதரோ பி⁴க்கு² பண்ட³கே ஸஞ்சரித்தங் ஸமாபஜ்ஜி. தஸ்ஸ குக்குச்சங் அஹோஸி…பே॰… ‘‘அனாபத்தி, பி⁴க்கு², ஸங்கா⁴தி³ஸேஸஸ்ஸ; ஆபத்தி து²ல்லச்சயஸ்ஸா’’தி.
Tena kho pana samayena aññataro bhikkhu paṇḍake sañcarittaṃ samāpajji. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
ஸஞ்சரித்தஸிக்கா²பத³ங் நிட்டி²தங் பஞ்சமங்.
Sañcarittasikkhāpadaṃ niṭṭhitaṃ pañcamaṃ.
Footnotes:
Related texts:
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / மஹாவிப⁴ங்க³-அட்ட²கதா² • Mahāvibhaṅga-aṭṭhakathā / 5. ஸஞ்சரித்தஸிக்கா²பத³வண்ணனா • 5. Sañcarittasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / 5. ஸஞ்சரித்தஸிக்கா²பத³வண்ணனா • 5. Sañcarittasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā
5. ஸஞ்சரித்தஸிக்கா²பத³வண்ணனா • 5. Sañcarittasikkhāpadavaṇṇanā
பத³பா⁴ஜனீயவண்ணனா • Padabhājanīyavaṇṇanā
வினீதவத்து²வண்ணனா • Vinītavatthuvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / 5. ஸஞ்சரித்தஸிக்கா²பத³வண்ணனா • 5. Sañcarittasikkhāpadavaṇṇanā
