| Library / Tipiṭaka / তিপিটক • Tipiṭaka / মহাৰিভঙ্গ • Mahāvibhaṅga |
৫. সঞ্চরিত্তসিক্খাপদং
5. Sañcarittasikkhāpadaṃ
২৯৬. তেন সমযেন বুদ্ধো ভগৰা সাৰত্থিযং ৰিহরতি জেতৰনে অনাথপিণ্ডিকস্স আরামে। তেন খো পন সমযেন আযস্মা উদাযী সাৰত্থিযং কুলূপকো হোতি। বহুকানি কুলানি উপসঙ্কমতি। যত্থ পস্সতি কুমারকং ৰা অপজাপতিকং, কুমারিকং ৰা অপতিকং, কুমারকস্স মাতাপিতূনং সন্তিকে কুমারিকায ৰণ্ণং ভণতি – ‘‘অমুকস্স কুলস্স কুমারিকা অভিরূপা দস্সনীযা পাসাদিকা পণ্ডিতা ব্যত্তা মেধাৰিনী দক্খা অনলসা। ছন্না সা কুমারিকা ইমস্স কুমারকস্সা’’তি। তে এৰং ৰদন্তি – ‘‘এতে খো, ভন্তে, অম্হে ন জানন্তি – ‘কে ৰা ইমে কস্স ৰা’তি। সচে, ভন্তে, অয্যো দাপেয্য আনেয্যাম মযং তং কুমারিকং ইমস্স কুমারকস্সা’’তি। কুমারিকায মাতাপিতূনং সন্তিকে কুমারকস্স ৰণ্ণং ভণতি – ‘‘অমুকস্স কুলস্স কুমারকো অভিরূপো দস্সনীযো পাসাদিকো পণ্ডিতো ব্যত্তো মেধাৰী দক্খো অনলসো। ছন্নাযং কুমারিকা তস্স কুমারকস্সা’’তি 1। তে এৰং ৰদন্তি – ‘‘এতে খো, ভন্তে, অম্হে ন জানন্তি – ‘কে ৰা ইমে কস্স ৰা’তি, কিস্মিং ৰিয কুমারিকায ৰত্তুং। সচে, ভন্তে, অয্যো যাচাপেয্য দজ্জেয্যাম মযং ইমং কুমারিকং তস্স কুমারকস্সা’’তি। এতেনেৰ উপাযেন আৰাহানিপি কারাপেতি , ৰিৰাহানিপি কারাপেতি, ৰারেয্যানিপি কারাপেতি।
296. Tena samayena buddho bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena āyasmā udāyī sāvatthiyaṃ kulūpako hoti. Bahukāni kulāni upasaṅkamati. Yattha passati kumārakaṃ vā apajāpatikaṃ, kumārikaṃ vā apatikaṃ, kumārakassa mātāpitūnaṃ santike kumārikāya vaṇṇaṃ bhaṇati – ‘‘amukassa kulassa kumārikā abhirūpā dassanīyā pāsādikā paṇḍitā byattā medhāvinī dakkhā analasā. Channā sā kumārikā imassa kumārakassā’’ti. Te evaṃ vadanti – ‘‘ete kho, bhante, amhe na jānanti – ‘ke vā ime kassa vā’ti. Sace, bhante, ayyo dāpeyya āneyyāma mayaṃ taṃ kumārikaṃ imassa kumārakassā’’ti. Kumārikāya mātāpitūnaṃ santike kumārakassa vaṇṇaṃ bhaṇati – ‘‘amukassa kulassa kumārako abhirūpo dassanīyo pāsādiko paṇḍito byatto medhāvī dakkho analaso. Channāyaṃ kumārikā tassa kumārakassā’’ti 2. Te evaṃ vadanti – ‘‘ete kho, bhante, amhe na jānanti – ‘ke vā ime kassa vā’ti, kismiṃ viya kumārikāya vattuṃ. Sace, bhante, ayyo yācāpeyya dajjeyyāma mayaṃ imaṃ kumārikaṃ tassa kumārakassā’’ti. Eteneva upāyena āvāhānipi kārāpeti , vivāhānipi kārāpeti, vāreyyānipi kārāpeti.
২৯৭. তেন খো পন সমযেন অঞ্ঞতরিস্সা পুরাণগণকিযা ধীতা অভিরূপা হোতি দস্সনীযা পাসাদিকা। তিরোগামকা আজীৰকসাৰকা আগন্ত্ৰা তং গণকিং এতদৰোচুং – ‘‘দেহায্যে, ইমং কুমারিকং অম্হাকং কুমারকস্সা’’তি। সা এৰমাহ – ‘‘অহং খ্ৰয্যো 3 তুম্হে ন জানামি – ‘কে ৰা ইমে কস্স ৰা’তি। অযঞ্চ মে একধীতিকা, তিরোগামো চ গন্তব্বো, নাহং দস্সামী’’তি। মনুস্সা তে আজীৰকসাৰকে এতদৰোচুং – ‘‘কিস্স তুম্হে, অয্যো , আগতত্থা’’তি? ‘‘ইধ মযং, অয্যো, অমুকং নাম গণকিং ধীতরং যাচিম্হা অম্হাকং কুমারকস্স। সা এৰমাহ – ‘অহং, খ্ৰয্যো তুম্হে ন জানামি – কে ৰা ইমে কস্স ৰা’তি। অযঞ্চ মে একধীতিকা, তিরোগামো চ গন্তব্বো, নাহং দস্সামী’’তি। ‘‘কিস্স তুম্হে, অয্যো, তং গণকিং ধীতরং যাচিত্থ? ননু অয্যো উদাযী ৰত্তব্বো। অয্যো উদাযী দাপেস্সতী’’তি।
297. Tena kho pana samayena aññatarissā purāṇagaṇakiyā dhītā abhirūpā hoti dassanīyā pāsādikā. Tirogāmakā ājīvakasāvakā āgantvā taṃ gaṇakiṃ etadavocuṃ – ‘‘dehāyye, imaṃ kumārikaṃ amhākaṃ kumārakassā’’ti. Sā evamāha – ‘‘ahaṃ khvayyo 4 tumhe na jānāmi – ‘ke vā ime kassa vā’ti. Ayañca me ekadhītikā, tirogāmo ca gantabbo, nāhaṃ dassāmī’’ti. Manussā te ājīvakasāvake etadavocuṃ – ‘‘kissa tumhe, ayyo , āgatatthā’’ti? ‘‘Idha mayaṃ, ayyo, amukaṃ nāma gaṇakiṃ dhītaraṃ yācimhā amhākaṃ kumārakassa. Sā evamāha – ‘ahaṃ, khvayyo tumhe na jānāmi – ke vā ime kassa vā’ti. Ayañca me ekadhītikā, tirogāmo ca gantabbo, nāhaṃ dassāmī’’ti. ‘‘Kissa tumhe, ayyo, taṃ gaṇakiṃ dhītaraṃ yācittha? Nanu ayyo udāyī vattabbo. Ayyo udāyī dāpessatī’’ti.
অথ খো তে আজীৰকসাৰকা যেনাযস্মা উদাযী তেনুপসঙ্কমিংসু; উপসঙ্কমিত্ৰা আযস্মন্তং উদাযিং এতদৰোচুং – ‘‘ইধ মযং, ভন্তে, অমুকং নাম গণকিং ধীতরং যাচিম্হা অম্হাকং কুমারকস্স। সা এৰমাহ – ‘অহং খ্ৰয্যো তুম্হে ন জানামি – কে ৰা ইমে কস্স ৰাতি। অযঞ্চ মে একধীতিকা, তিরোগামো চ গন্তব্বো, নাহং দস্সামী’তি। সাধু, ভন্তে, অয্যো তং গণকিং ধীতরং দাপেতু অম্হাকং কুমারকস্সা’’তি। অথ খো আযস্মা উদাযী যেন সা গণকী তেনুপসঙ্কমি; উপসঙ্কমিত্ৰা তং গণকিং এতদৰোচ – ‘‘কিস্সিমেসং ধীতরং ন দেসী’’তি? ‘‘অহং খ্ৰয্য, ইমে ন জানামি – ‘কে ৰা ইমে কস্স ৰা’তি। অযঞ্চ মে একধীতিকা, তিরোগামো চ গন্তব্বো, নাহং দস্সামী’’তি। ‘‘দেহিমেসং। অহং ইমে জানামী’’তি। ‘‘সচে, ভন্তে, অয্যো জানাতি, দস্সামী’’তি। অথ খো সা গণকী তেসং আজীৰকসাৰকানং ধীতরং অদাসি। অথ খো তে আজীৰকসাৰকা তং কুমারিকং নেত্ৰা মাসংযেৰ সুণিসভোগেন ভুঞ্জিংসু। ততো অপরেন দাসিভোগেন ভুঞ্জন্তি।
Atha kho te ājīvakasāvakā yenāyasmā udāyī tenupasaṅkamiṃsu; upasaṅkamitvā āyasmantaṃ udāyiṃ etadavocuṃ – ‘‘idha mayaṃ, bhante, amukaṃ nāma gaṇakiṃ dhītaraṃ yācimhā amhākaṃ kumārakassa. Sā evamāha – ‘ahaṃ khvayyo tumhe na jānāmi – ke vā ime kassa vāti. Ayañca me ekadhītikā, tirogāmo ca gantabbo, nāhaṃ dassāmī’ti. Sādhu, bhante, ayyo taṃ gaṇakiṃ dhītaraṃ dāpetu amhākaṃ kumārakassā’’ti. Atha kho āyasmā udāyī yena sā gaṇakī tenupasaṅkami; upasaṅkamitvā taṃ gaṇakiṃ etadavoca – ‘‘kissimesaṃ dhītaraṃ na desī’’ti? ‘‘Ahaṃ khvayya, ime na jānāmi – ‘ke vā ime kassa vā’ti. Ayañca me ekadhītikā, tirogāmo ca gantabbo, nāhaṃ dassāmī’’ti. ‘‘Dehimesaṃ. Ahaṃ ime jānāmī’’ti. ‘‘Sace, bhante, ayyo jānāti, dassāmī’’ti. Atha kho sā gaṇakī tesaṃ ājīvakasāvakānaṃ dhītaraṃ adāsi. Atha kho te ājīvakasāvakā taṃ kumārikaṃ netvā māsaṃyeva suṇisabhogena bhuñjiṃsu. Tato aparena dāsibhogena bhuñjanti.
অথ খো সা কুমারিকা মাতুযা সন্তিকে দূতং পাহেসি – ‘‘অহম্হি দুগ্গতা দুক্খিতা, ন সুখং লভামি। মাসংযেৰ মং সুণিসভোগেন ভুঞ্জিংসু। ততো অপরেন দাসিভোগেন ভুঞ্জন্তি। আগচ্ছতু মে মাতা, মং নেস্সতূ’’তি। অথ খো সা গণকী যেন তে আজীৰকসাৰকা তেনুপসঙ্কমি; উপসঙ্কমিত্ৰা তে আজীৰকসাৰকে এতদৰোচ – ‘‘মায্যো, ইমং কুমারিকং দাসিভোগেন ভুঞ্জিত্থ। সুণিসভোগেন ইমং কুমারিকং ভুঞ্জথা’’তি। তে এৰমাহংসু – ‘‘নত্থম্হাকং তযা সদ্ধিং আহারূপহারো, সমণেন সদ্ধিং অম্হাকং আহারূপহারো । গচ্ছ ত্ৰং। ন মযং তং জানামা’’তি। অথ খো সা গণকী তেহি আজীৰকসাৰকেহি অপসাদিতা পুনদেৰ সাৰত্থিং পচ্চাগঞ্ছি। দুতিযম্পি খো সা কুমারিকা মাতুযা সন্তিকে দূতং পাহেসি – ‘‘অহম্হি দুগ্গতা দুক্খিতা, ন সুখং লভামি। মাসংযেৰ মং সুণিসভোগেন ভুঞ্জিংসু। ততো অপরেন দাসিভোগেন ভুঞ্জন্তি। আগচ্ছতু মে মাতা, মং নেস্সতূ’’তি। অথ খো সা গণকী যেনাযস্মা উদাযী তেনুপসঙ্কমি; উপসঙ্কমিত্ৰা আযস্মন্তং উদাযিং এতদৰোচ – ‘‘সা কির, ভন্তে, কুমারিকা দুগ্গতা দুক্খিতা, ন সুখং লভতি। মাসংযেৰ নং সুণিসভোগেন ভুঞ্জিংসু। ততো অপরেন দাসিভোগেন ভুঞ্জন্তি। ৰদেয্যাথ, ভন্তে – ‘মায্যো, ইমং কুমারিকং দাসিভোগেন ভুঞ্জিত্থ। সুণিসভোগেন ইমং কুমারিকং ভুঞ্জিথা’’’তি।
Atha kho sā kumārikā mātuyā santike dūtaṃ pāhesi – ‘‘ahamhi duggatā dukkhitā, na sukhaṃ labhāmi. Māsaṃyeva maṃ suṇisabhogena bhuñjiṃsu. Tato aparena dāsibhogena bhuñjanti. Āgacchatu me mātā, maṃ nessatū’’ti. Atha kho sā gaṇakī yena te ājīvakasāvakā tenupasaṅkami; upasaṅkamitvā te ājīvakasāvake etadavoca – ‘‘māyyo, imaṃ kumārikaṃ dāsibhogena bhuñjittha. Suṇisabhogena imaṃ kumārikaṃ bhuñjathā’’ti. Te evamāhaṃsu – ‘‘natthamhākaṃ tayā saddhiṃ āhārūpahāro, samaṇena saddhiṃ amhākaṃ āhārūpahāro . Gaccha tvaṃ. Na mayaṃ taṃ jānāmā’’ti. Atha kho sā gaṇakī tehi ājīvakasāvakehi apasāditā punadeva sāvatthiṃ paccāgañchi. Dutiyampi kho sā kumārikā mātuyā santike dūtaṃ pāhesi – ‘‘ahamhi duggatā dukkhitā, na sukhaṃ labhāmi. Māsaṃyeva maṃ suṇisabhogena bhuñjiṃsu. Tato aparena dāsibhogena bhuñjanti. Āgacchatu me mātā, maṃ nessatū’’ti. Atha kho sā gaṇakī yenāyasmā udāyī tenupasaṅkami; upasaṅkamitvā āyasmantaṃ udāyiṃ etadavoca – ‘‘sā kira, bhante, kumārikā duggatā dukkhitā, na sukhaṃ labhati. Māsaṃyeva naṃ suṇisabhogena bhuñjiṃsu. Tato aparena dāsibhogena bhuñjanti. Vadeyyātha, bhante – ‘māyyo, imaṃ kumārikaṃ dāsibhogena bhuñjittha. Suṇisabhogena imaṃ kumārikaṃ bhuñjithā’’’ti.
অথ খো আযস্মা উদাযী যেন তে আজীৰকসাৰকা তেনুপসঙ্কমি; উপসঙ্কমিত্ৰা তে আজীৰকসাৰকে এতদৰোচ – ‘‘মায্যো, ইমং কুমারিকং দাসিভোগেন ভুজ্জিত্থ। সুণিসভোগেন ইমং কুমারিকং ভুঞ্জথা’’তি। তে এৰমাহংসু – ‘‘নত্থম্হাকং তযা সদ্ধিং আহারূপহারো, গণকিযা সদ্ধিং অম্হাকং আহারূপহারো। সমণেন ভৰিতব্বং অব্যাৰটেন। সমণো অস্স সুসমণো, গচ্ছ ত্ৰং, ন মযং তং জানামা’’তি। অথ খো আযস্মা উদাযী তেহি আজীৰকসাৰকেহি অপসাদিতো পুনদেৰ সাৰত্থিং পচ্চাগঞ্ছি। ততিযম্পি খো সা কুমারিকা মাতুযা সন্তিকে দূতং পাহেসি – ‘‘অহম্হি দুগ্গতা দুক্খিতা, ন সুখং লভামি। মাসংযেৰ মং সুণিসভোগেন ভুঞ্জিংসু। ততো অপরেন দাসিভোগেন ভুঞ্জন্তি। আগচ্ছতু মে মাতা, মং নেস্সতূ’’তি। দুতিযম্পি খো সা গণকী যেনাযস্মা উদাযী তেনুপসঙ্কমি; উপসঙ্কমিত্ৰা আযস্মন্তং উদাযিং এতদৰোচ – ‘‘সা কির, ভন্তে, কুমারিকা দুগ্গতা দুক্খিতা, ন সুখং লভতি। মাসংযেৰ নং সুণিসভোগেন ভুঞ্জিংসু। ততো অপরেন দাসিভোগেন ভুঞ্জন্তি। ৰদেয্যাথ, ভন্তে – ‘মায্যো, ইমং কুমারিকং দাসিভোগেন ভুঞ্জিত্থ, সুণিসভোগেন ইমং কুমারিকং ভুঞ্জথা’’’তি। ‘‘পঠমংপাহং তেহি আজীৰকসাৰকেহি অপসাদিতো। গচ্ছ ত্ৰং। নাহং গমিস্সামী’’তি।
Atha kho āyasmā udāyī yena te ājīvakasāvakā tenupasaṅkami; upasaṅkamitvā te ājīvakasāvake etadavoca – ‘‘māyyo, imaṃ kumārikaṃ dāsibhogena bhujjittha. Suṇisabhogena imaṃ kumārikaṃ bhuñjathā’’ti. Te evamāhaṃsu – ‘‘natthamhākaṃ tayā saddhiṃ āhārūpahāro, gaṇakiyā saddhiṃ amhākaṃ āhārūpahāro. Samaṇena bhavitabbaṃ abyāvaṭena. Samaṇo assa susamaṇo, gaccha tvaṃ, na mayaṃ taṃ jānāmā’’ti. Atha kho āyasmā udāyī tehi ājīvakasāvakehi apasādito punadeva sāvatthiṃ paccāgañchi. Tatiyampi kho sā kumārikā mātuyā santike dūtaṃ pāhesi – ‘‘ahamhi duggatā dukkhitā, na sukhaṃ labhāmi. Māsaṃyeva maṃ suṇisabhogena bhuñjiṃsu. Tato aparena dāsibhogena bhuñjanti. Āgacchatu me mātā, maṃ nessatū’’ti. Dutiyampi kho sā gaṇakī yenāyasmā udāyī tenupasaṅkami; upasaṅkamitvā āyasmantaṃ udāyiṃ etadavoca – ‘‘sā kira, bhante, kumārikā duggatā dukkhitā, na sukhaṃ labhati. Māsaṃyeva naṃ suṇisabhogena bhuñjiṃsu. Tato aparena dāsibhogena bhuñjanti. Vadeyyātha, bhante – ‘māyyo, imaṃ kumārikaṃ dāsibhogena bhuñjittha, suṇisabhogena imaṃ kumārikaṃ bhuñjathā’’’ti. ‘‘Paṭhamaṃpāhaṃ tehi ājīvakasāvakehi apasādito. Gaccha tvaṃ. Nāhaṃ gamissāmī’’ti.
২৯৮. অথ খো সা গণকী উজ্ঝাযতি খিয্যতি ৰিপাচেতি – ‘‘এৰং দুগ্গতো হোতু অয্যো উদাযী, এৰং দুক্খিতো হোতু অয্যো উদাযী, এৰং মা সুখং লভতু অয্যো উদাযী, যথা মে কুমারিকা দুগ্গতা দুক্খিতা ন সুখং লভতি পাপিকায সস্সুযা পাপকেন সসুরেন পাপকেন সামিকেনা’’তি। সাপি খো কুমারিকা উজ্ঝাযতি খিয্যতি ৰিপাচেতি – ‘‘এৰং দুগ্গতো হোতু অয্যো উদাযী, এৰং দুক্খিতো হোতু অয্যো উদাযী, এৰং মা সুখং লভতু অয্যো উদাযী, যথাহং দুগ্গতা দুক্খিতা ন সুখং লভামি পাপিকায সস্সুযা পাপকেন সসুরেন পাপকেন সামিকেনা’’তি। অঞ্ঞাপি ইত্থিযো অসন্তুট্ঠা সস্সূহি ৰা সসুরেহি ৰা সামিকেহি ৰা, তা এৰং ওযাচন্তি – ‘‘এৰং দুগ্গতো হোতু অয্যো উদাযী, এৰং দুক্খিতো হোতু অয্যো উদাযী, এৰং মা সুখং লভতু অয্যো উদাযী, যথা মযং দুগ্গতা দুক্খিতা ন সুখং লভাম পাপিকাহি সস্সূহি পাপকেহি সসুরেহি পাপকেহি সামিকেহী’’তি। যা পন তা ইত্থিযো সন্তুট্ঠা সস্সূহি ৰা সসুরেহি ৰা সামিকেহি ৰা তা এৰং আযাচন্তি – ‘‘এৰং সুখিতো হোতু অয্যো উদাযী, এৰং সজ্জিতো হোতু অয্যো উদাযী, এৰং সুখমেধো 5 হোতু অয্যো উদাযী, যথা মযং সুখিতা সজ্জিতা সুখমেধা ভদ্দিকাহি সস্সূহি ভদ্দকেহি সসুরেহি ভদ্দকেহি সামিকেহী’’তি।
298. Atha kho sā gaṇakī ujjhāyati khiyyati vipāceti – ‘‘evaṃ duggato hotu ayyo udāyī, evaṃ dukkhito hotu ayyo udāyī, evaṃ mā sukhaṃ labhatu ayyo udāyī, yathā me kumārikā duggatā dukkhitā na sukhaṃ labhati pāpikāya sassuyā pāpakena sasurena pāpakena sāmikenā’’ti. Sāpi kho kumārikā ujjhāyati khiyyati vipāceti – ‘‘evaṃ duggato hotu ayyo udāyī, evaṃ dukkhito hotu ayyo udāyī, evaṃ mā sukhaṃ labhatu ayyo udāyī, yathāhaṃ duggatā dukkhitā na sukhaṃ labhāmi pāpikāya sassuyā pāpakena sasurena pāpakena sāmikenā’’ti. Aññāpi itthiyo asantuṭṭhā sassūhi vā sasurehi vā sāmikehi vā, tā evaṃ oyācanti – ‘‘evaṃ duggato hotu ayyo udāyī, evaṃ dukkhito hotu ayyo udāyī, evaṃ mā sukhaṃ labhatu ayyo udāyī, yathā mayaṃ duggatā dukkhitā na sukhaṃ labhāma pāpikāhi sassūhi pāpakehi sasurehi pāpakehi sāmikehī’’ti. Yā pana tā itthiyo santuṭṭhā sassūhi vā sasurehi vā sāmikehi vā tā evaṃ āyācanti – ‘‘evaṃ sukhito hotu ayyo udāyī, evaṃ sajjito hotu ayyo udāyī, evaṃ sukhamedho 6 hotu ayyo udāyī, yathā mayaṃ sukhitā sajjitā sukhamedhā bhaddikāhi sassūhi bhaddakehi sasurehi bhaddakehi sāmikehī’’ti.
অস্সোসুং খো ভিক্খূ একচ্চানং ইত্থীনং ওযাচন্তীনং একচ্চানং ইত্থীনং আযাচন্তীনং। যে তে ভিক্খূ অপ্পিচ্ছা…পে॰… তে উজ্ঝাযন্তি খিয্যন্তি ৰিপাচেন্তি – ‘‘কথঞ্হি নাম আযস্মা উদাযী সঞ্চরিত্তং সমাপজ্জিস্সতী’’তি! অথ খো তে ভিক্খূ আযস্মন্তং উদাযিং অনেকপরিযাযেন ৰিগরহিত্ৰা ভগৰতো এতমত্থং আরোচেসুং। অথ খো ভগৰা এতস্মিং নিদানে এতস্মিং পকরণে ভিক্খুসঙ্ঘং সন্নিপাতাপেত্ৰা আযস্মন্তং উদাযিং পটিপুচ্ছি – ‘‘সচ্চং কির ত্ৰং, উদাযি, সঞ্চরিত্তং সমাপজ্জসী’’তি? ‘‘সচ্চং, ভগৰা’’তি। ৰিগরহি বুদ্ধো ভগৰা…পে॰… কথঞ্হি নাম ত্ৰং, মোঘপুরিস, সঞ্চরিত্তং সমাপজ্জসি! নেতং, মোঘপুরিস, অপ্পসন্নানং ৰা পসাদায…পে॰… এৰঞ্চ পন, ভিক্খৰে, ইমং সিক্খাপদং উদ্দিসেয্যাথ –
Assosuṃ kho bhikkhū ekaccānaṃ itthīnaṃ oyācantīnaṃ ekaccānaṃ itthīnaṃ āyācantīnaṃ. Ye te bhikkhū appicchā…pe… te ujjhāyanti khiyyanti vipācenti – ‘‘kathañhi nāma āyasmā udāyī sañcarittaṃ samāpajjissatī’’ti! Atha kho te bhikkhū āyasmantaṃ udāyiṃ anekapariyāyena vigarahitvā bhagavato etamatthaṃ ārocesuṃ. Atha kho bhagavā etasmiṃ nidāne etasmiṃ pakaraṇe bhikkhusaṅghaṃ sannipātāpetvā āyasmantaṃ udāyiṃ paṭipucchi – ‘‘saccaṃ kira tvaṃ, udāyi, sañcarittaṃ samāpajjasī’’ti? ‘‘Saccaṃ, bhagavā’’ti. Vigarahi buddho bhagavā…pe… kathañhi nāma tvaṃ, moghapurisa, sañcarittaṃ samāpajjasi! Netaṃ, moghapurisa, appasannānaṃ vā pasādāya…pe… evañca pana, bhikkhave, imaṃ sikkhāpadaṃ uddiseyyātha –
২৯৯. ‘‘যো পন ভিক্খু সঞ্চরিত্তং সমাপজ্জেয্য, ইত্থিযা ৰা পুরিসমতিং পুরিসস্স ৰা ইত্থিমতিং, জাযত্তনে ৰা জারত্তনে ৰা, সঙ্ঘাদিসেসো’’তি।
299.‘‘Yopana bhikkhu sañcarittaṃ samāpajjeyya, itthiyā vā purisamatiṃ purisassa vā itthimatiṃ, jāyattane vā jārattane vā, saṅghādiseso’’ti.
এৰঞ্চিদং ভগৰতা ভিক্খূনং সিক্খাপদং পঞ্ঞত্তং হোতি।
Evañcidaṃ bhagavatā bhikkhūnaṃ sikkhāpadaṃ paññattaṃ hoti.
৩০০. তেন খো পন সমযেন সম্বহুলা ধুত্তা উয্যানে পরিচারেন্তা অঞ্ঞতরিস্সা ৰেসিযা সন্তিকে দূতং পাহেসুং – ‘‘আগচ্ছতু উয্যানে, পরিচারেস্সামা’’তি। সা এৰমাহ – ‘‘অহং খ্ৰয্যো তুম্হে ন জানামি – ‘কে ৰা ইমে কস্স ৰা’তি। অহঞ্চম্হি বহুভণ্ডা বহুপরিক্খারা, বহিনগরঞ্চ গন্তব্বং। নাহং গমিস্সামী’’তি। অথ খো সো দূতো তেসং ধুত্তানং এতমত্থং আরোচেসি। এৰং ৰুত্তে, অঞ্ঞতরো পুরিসো তে ধুত্তে এতদৰোচ – ‘‘কিস্স তুম্হে অয্যো এতং ৰেসিং যাচিত্থ? ননু অয্যো উদাযী ৰত্তব্বো! অয্যো উদাযী উয্যোজেস্সতী’’তি। এৰং ৰুত্তে, অঞ্ঞতরো উপাসকো তং পুরিসং এতদৰোচ – ‘‘মায্যো এৰং অৰচ। ন কপ্পতি সমণানং সক্যপুত্তিযানং এৰরূপং কাতুং। নায্যো উদাযী এৰং করিস্সতী’’তি। এৰং ৰুত্তে, ‘‘করিস্সতি ন করিস্সতী’’তি অব্ভুতমকংসু। অথ খো তে ধুত্তা যেনাযস্মা উদাযী তেনুপসঙ্কমিংসু; উপসঙ্কমিত্ৰা আযস্মন্তং উদাযিং এতদৰোচুং – ‘‘ইধ মযং, ভন্তে, উয্যানে পরিচারেন্তা অসুকায নাম ৰেসিযা সন্তিকে দূতং পহিণিম্হা – ‘আগচ্ছতু উয্যানে, পরিচারেস্সামা’তি। সা এৰমাহ – ‘অহং খ্ৰয্যো তুম্হে ন জানামি – কে ৰা ইমে কস্স ৰাতি, অহঞ্চম্হি বহুভণ্ডা বহুপরিক্খারা, বহিনগরঞ্চ গন্তব্বং। নাহং গমিস্সামী’তি। সাধু, ভন্তে, অয্যো তং ৰসিং উয্যোজেতূ’’তি।
300. Tena kho pana samayena sambahulā dhuttā uyyāne paricārentā aññatarissā vesiyā santike dūtaṃ pāhesuṃ – ‘‘āgacchatu uyyāne, paricāressāmā’’ti. Sā evamāha – ‘‘ahaṃ khvayyo tumhe na jānāmi – ‘ke vā ime kassa vā’ti. Ahañcamhi bahubhaṇḍā bahuparikkhārā, bahinagarañca gantabbaṃ. Nāhaṃ gamissāmī’’ti. Atha kho so dūto tesaṃ dhuttānaṃ etamatthaṃ ārocesi. Evaṃ vutte, aññataro puriso te dhutte etadavoca – ‘‘kissa tumhe ayyo etaṃ vesiṃ yācittha? Nanu ayyo udāyī vattabbo! Ayyo udāyī uyyojessatī’’ti. Evaṃ vutte, aññataro upāsako taṃ purisaṃ etadavoca – ‘‘māyyo evaṃ avaca. Na kappati samaṇānaṃ sakyaputtiyānaṃ evarūpaṃ kātuṃ. Nāyyo udāyī evaṃ karissatī’’ti. Evaṃ vutte, ‘‘karissati na karissatī’’ti abbhutamakaṃsu. Atha kho te dhuttā yenāyasmā udāyī tenupasaṅkamiṃsu; upasaṅkamitvā āyasmantaṃ udāyiṃ etadavocuṃ – ‘‘idha mayaṃ, bhante, uyyāne paricārentā asukāya nāma vesiyā santike dūtaṃ pahiṇimhā – ‘āgacchatu uyyāne, paricāressāmā’ti. Sā evamāha – ‘ahaṃ khvayyo tumhe na jānāmi – ke vā ime kassa vāti, ahañcamhi bahubhaṇḍā bahuparikkhārā, bahinagarañca gantabbaṃ. Nāhaṃ gamissāmī’ti. Sādhu, bhante, ayyo taṃ vasiṃ uyyojetū’’ti.
অথ খো আযস্মা উদাযী যেন সা ৰেসী তেনুপসঙ্কমি; উপসঙ্কমিত্ৰা তং ৰেসিং এতদৰোচ – ‘‘কিস্সিমেসং ন গচ্ছসী’’তি? ‘‘অহং খ্ৰয্য ইমে ন জানামি – ‘কে ৰা ইমে কস্স ৰা’তি। অহঞ্চম্হি বহুভণ্ডা বহুপরিক্খারা, বহিনগরঞ্চ গন্তব্বং। নাহং গমিস্সামী’’তি। ‘‘গচ্ছিমেসং। অহং ইমে জানামী’’তি। ‘‘সচে, ভন্তে, অয্যো জানাতি অহং গমিস্সামী’’তি। অথ খো তে ধুত্তা তং ৰেসিং আদায উয্যানং অগমংসু। অথ খো সো উপাসকো উজ্ঝাযতি খিয্যতি ৰিপাচেতি – ‘‘কথঞ্হি নাম অয্যো উদাযী তঙ্খণিকং সঞ্চরিত্তং সমাপজ্জিস্সতী’’তি। অস্সোসুং খো ভিক্খূ তস্স উপাসকস্স উজ্ঝাযন্তস্স খিয্যন্তস্স ৰিপাচেন্তস্স। যে তে ভিক্খূ অপ্পিচ্ছা…পে॰… তে উজ্ঝাযন্তি খিয্যন্তি ৰিপাচেন্তি – ‘‘কথঞ্হি নাম আযস্মা উদাযী তঙ্খণিকং সঞ্চরিত্তং সমাপজ্জিস্সতী’’তি! অথ খো তে ভিক্খূ আযস্মন্তং উদাযিং অনেকপরিযাযেন ৰিগরহিত্ৰা ভগৰতো এতমত্থং আরোচেসুং…পে॰… ‘‘সচ্চং কির ত্ৰং, উদাযি, তঙ্খণিকং সঞ্চরিত্তং সমাপজ্জসী’’তি? ‘‘সচ্চং, ভগৰা’’তি। ৰিগরহি বুদ্ধো ভগৰা…পে॰… ‘‘কথঞ্হি নাম ত্ৰং, মোঘপুরিস, তঙ্খণিকং সঞ্চরিত্তং সমাপজ্জিস্সসি? নেতং, মোঘপুরিস, অপ্পসন্নানং ৰা পসাদায…পে॰… এৰঞ্চ পন, ভিক্খৰে, ইমং সিক্খাপদং উদ্দিসেয্যাথ –
Atha kho āyasmā udāyī yena sā vesī tenupasaṅkami; upasaṅkamitvā taṃ vesiṃ etadavoca – ‘‘kissimesaṃ na gacchasī’’ti? ‘‘Ahaṃ khvayya ime na jānāmi – ‘ke vā ime kassa vā’ti. Ahañcamhi bahubhaṇḍā bahuparikkhārā, bahinagarañca gantabbaṃ. Nāhaṃ gamissāmī’’ti. ‘‘Gacchimesaṃ. Ahaṃ ime jānāmī’’ti. ‘‘Sace, bhante, ayyo jānāti ahaṃ gamissāmī’’ti. Atha kho te dhuttā taṃ vesiṃ ādāya uyyānaṃ agamaṃsu. Atha kho so upāsako ujjhāyati khiyyati vipāceti – ‘‘kathañhi nāma ayyo udāyī taṅkhaṇikaṃ sañcarittaṃ samāpajjissatī’’ti. Assosuṃ kho bhikkhū tassa upāsakassa ujjhāyantassa khiyyantassa vipācentassa. Ye te bhikkhū appicchā…pe… te ujjhāyanti khiyyanti vipācenti – ‘‘kathañhi nāma āyasmā udāyī taṅkhaṇikaṃ sañcarittaṃ samāpajjissatī’’ti! Atha kho te bhikkhū āyasmantaṃ udāyiṃ anekapariyāyena vigarahitvā bhagavato etamatthaṃ ārocesuṃ…pe… ‘‘saccaṃ kira tvaṃ, udāyi, taṅkhaṇikaṃ sañcarittaṃ samāpajjasī’’ti? ‘‘Saccaṃ, bhagavā’’ti. Vigarahi buddho bhagavā…pe… ‘‘kathañhi nāma tvaṃ, moghapurisa, taṅkhaṇikaṃ sañcarittaṃ samāpajjissasi? Netaṃ, moghapurisa, appasannānaṃ vā pasādāya…pe… evañca pana, bhikkhave, imaṃ sikkhāpadaṃ uddiseyyātha –
৩০১. ‘‘যো পন ভিক্খু সঞ্চরিত্তং সমাপজ্জেয্য, ইত্থিযা ৰা পুরিসমতিং পুরিসস্স ৰা ইত্থিমতিং, জাযত্তনে ৰা জারত্তনে ৰা, অন্তমসো তঙ্খণিকাযপি, সঙ্ঘাদিসেসো’’তি।
301.‘‘Yo pana bhikkhu sañcarittaṃ samāpajjeyya, itthiyā vā purisamatiṃ purisassa vā itthimatiṃ, jāyattane vā jārattane vā, antamaso taṅkhaṇikāyapi, saṅghādiseso’’ti.
৩০২. যো পনাতি যো যাদিসো…পে॰… ভিক্খূতি…পে॰… অযং ইমস্মিং অত্থে অধিপ্পেতো ভিক্খূতি।
302.Yo panāti yo yādiso…pe… bhikkhūti…pe… ayaṃ imasmiṃ atthe adhippeto bhikkhūti.
সঞ্চরিত্তং সমাপজ্জেয্যাতি ইত্থিযা ৰা পহিতো পুরিসস্স সন্তিকে গচ্ছতি, পুরিসেন ৰা পহিতো ইত্থিযা সন্তিকে গচ্ছতি।
Sañcarittaṃ samāpajjeyyāti itthiyā vā pahito purisassa santike gacchati, purisena vā pahito itthiyā santike gacchati.
ইত্থিযা ৰা পুরিসমতিন্তি পুরিসস্স মতিং ইত্থিযা আরোচেতি।
Itthiyāvā purisamatinti purisassa matiṃ itthiyā āroceti.
পুরিসস্স ৰা ইত্থিমতিন্তি ইত্থিযা মতিং পুরিসস্স আরোচেতি।
Purisassa vā itthimatinti itthiyā matiṃ purisassa āroceti.
জাযত্তনে ৰাতি জাযা ভৰিস্সসি।
Jāyattane vāti jāyā bhavissasi.
জারত্তনে ৰাতি জারী ভৰিস্সসি।
Jārattane vāti jārī bhavissasi.
অন্তমসো তঙ্খণিকাযপীতি মুহুত্তিকা ভৰিস্সসি ।
Antamaso taṅkhaṇikāyapīti muhuttikā bhavissasi .
সঙ্ঘাদিসেসোতি…পে॰… তেনপি ৰুচ্চতি সঙ্ঘাদিসেসোতি।
Saṅghādisesoti…pe… tenapi vuccati saṅghādisesoti.
৩০৩. দস ইত্থিযো – মাতুরক্খিতা পিতুরক্খিতা মাতাপিতুরক্খিতা ভাতুরক্খিতা ভগিনিরক্খিতা ঞাতিরক্খিতা গোত্তরক্খিতা ধম্মরক্খিতা সারক্খা সপরিদণ্ডা।
303. Dasa itthiyo – māturakkhitā piturakkhitā mātāpiturakkhitā bhāturakkhitā bhaginirakkhitā ñātirakkhitā gottarakkhitā dhammarakkhitā sārakkhā saparidaṇḍā.
দস ভরিযাযো – ধনক্কীতা ছন্দৰাসিনী ভোগৰাসিনী পটৰাসিনী ওদপত্তকিনী ওভটচুম্বটা দাসী চ ভরিযা চ কম্মকারী চ ভরিযা চ ধজাহটা মুহুত্তিকা।
Dasa bhariyāyo – dhanakkītā chandavāsinī bhogavāsinī paṭavāsinī odapattakinī obhaṭacumbaṭā dāsī ca bhariyā ca kammakārī ca bhariyā ca dhajāhaṭā muhuttikā.
৩০৪. মাতুরক্খিতা নাম মাতা রক্খতি গোপেতি ইস্সরিযং কারেতি ৰসং ৰত্তেতি।
304.Māturakkhitā nāma mātā rakkhati gopeti issariyaṃ kāreti vasaṃ vatteti.
পিতুরক্খিতা নাম পিতা রক্খতি গোপেতি ইস্সরিযং কারেতি ৰসং ৰত্তেতি।
Piturakkhitā nāma pitā rakkhati gopeti issariyaṃ kāreti vasaṃ vatteti.
মাতাপিতুরক্খিতা নাম মাতাপিতরো রক্খন্তি গোপেন্তি ইস্সরিযং কারেন্তি ৰসং ৰত্তেন্তি।
Mātāpiturakkhitā nāma mātāpitaro rakkhanti gopenti issariyaṃ kārenti vasaṃ vattenti.
ভাতুরক্খিতা নাম ভাতা রক্খতি গোপেতি ইস্সরিযং কারেতি ৰসং ৰত্তেতি।
Bhāturakkhitā nāma bhātā rakkhati gopeti issariyaṃ kāreti vasaṃ vatteti.
ভগিনিরক্খিতা নাম ভগিনী রক্খতি গোপেতি ইস্সরিযং কারেতি ৰসং ৰত্তেতি।
Bhaginirakkhitā nāma bhaginī rakkhati gopeti issariyaṃ kāreti vasaṃ vatteti.
ঞাতিরক্খিতা নাম ঞাতকা রক্খন্তি গোপেন্তি ইস্সরিযং কারেন্তি ৰসং ৰত্তেন্তি।
Ñātirakkhitā nāma ñātakā rakkhanti gopenti issariyaṃ kārenti vasaṃ vattenti.
গোত্তরক্খিতা নাম সগোত্তা রক্খন্তি গোপেন্তি ইস্সরিযং কারেন্তি ৰসং ৰত্তেন্তি।
Gottarakkhitā nāma sagottā rakkhanti gopenti issariyaṃ kārenti vasaṃ vattenti.
ধম্মরক্খিতা নাম সহধম্মিকা রক্খন্তি গোপেন্তি ইস্সরিযং কারেন্তি ৰসং ৰত্তেন্তি।
Dhammarakkhitā nāma sahadhammikā rakkhanti gopenti issariyaṃ kārenti vasaṃ vattenti.
সারক্খা নাম গব্ভেপি পরিগ্গহিতা হোতি – ময্হং এসাতি। অন্তমসো মালাগুল়পরিক্খিত্তাপি।
Sārakkhā nāma gabbhepi pariggahitā hoti – mayhaṃ esāti. Antamaso mālāguḷaparikkhittāpi.
সপরিদণ্ডা নাম কেহিচি দণ্ডো ঠপিতো হোতি – যো ইত্থন্নামং ইত্থিং গচ্ছতি এত্তকো দণ্ডোতি।
Saparidaṇḍā nāma kehici daṇḍo ṭhapito hoti – yo itthannāmaṃ itthiṃ gacchati ettako daṇḍoti.
ধনক্কীতা নাম ধনেন কিণিত্ৰা ৰাসেতি।
Dhanakkītā nāma dhanena kiṇitvā vāseti.
ছন্দৰাসিনী নাম পিযো পিযং ৰাসেতি।
Chandavāsinī nāma piyo piyaṃ vāseti.
ভোগৰাসিনী নাম ভোগং দত্ৰা ৰাসেতি।
Bhogavāsinī nāma bhogaṃ datvā vāseti.
পটৰাসিনী নাম পটং দত্ৰা ৰাসেতি।
Paṭavāsinī nāma paṭaṃ datvā vāseti.
ওদপত্তকিনী নাম উদকপত্তং আমসিত্ৰা ৰাসেতি।
Odapattakinī nāma udakapattaṃ āmasitvā vāseti.
ওভটচুম্বটা নাম চুম্বটং ওরোপেত্ৰা ৰাসেতি।
Obhaṭacumbaṭā nāma cumbaṭaṃ oropetvā vāseti.
দাসী নাম দাসী চেৰ হোতি ভরিযা চ।
Dāsī nāma dāsī ceva hoti bhariyā ca.
কম্মকারী নাম কম্মকারী চেৰ হোতি ভরিযা চ।
Kammakārī nāma kammakārī ceva hoti bhariyā ca.
ধজাহটা নাম করমরানীতা ৰুচ্চতি।
Dhajāhaṭā nāma karamarānītā vuccati.
মুহুত্তিকা নাম তঙ্খণিকা ৰুচ্চতি।
Muhuttikā nāma taṅkhaṇikā vuccati.
৩০৫. পুরিসো ভিক্খুং পহিণতি – ‘‘গচ্ছ, ভন্তে, ইত্থন্নামং মাতুরক্খিতং ব্রূহি – ‘হোহি কির ইত্থন্নামস্স ভরিযা ধনক্কীতা’’’তি। পটিগ্গণ্হাতি ৰীমংসতি পচ্চাহরতি, আপত্তি সঙ্ঘাদিসেসস্স।
305. Puriso bhikkhuṃ pahiṇati – ‘‘gaccha, bhante, itthannāmaṃ māturakkhitaṃ brūhi – ‘hohi kira itthannāmassa bhariyā dhanakkītā’’’ti. Paṭiggaṇhāti vīmaṃsati paccāharati, āpatti saṅghādisesassa.
পুরিসো ভিক্খুং পহিণতি – ‘‘গচ্ছ, ভন্তে, ইত্থন্নামং পিতুরক্খিতং ব্রূহি…পে॰… মাতাপিতুরক্খিতং ব্রূহি… ভাতুরক্খিতং ব্রূহি… ভগিনিরক্খিতং ব্রূহি… ঞাতিরক্খিতং ব্রূহি… গোত্তরক্খিতং ব্রূহি… ধম্মরক্খিতং ব্রূহি… সারক্খং ব্রূহি… সপরিদণ্ডং ব্রূহি – ‘হোহি কির ইত্থন্নামস্স ভরিযা ধনক্কীতা’’’তি। পটিগ্গণ্হাতি ৰীমংসতি পচ্চাহরতি, আপত্তি সঙ্ঘাদিসেসস্স।
Puriso bhikkhuṃ pahiṇati – ‘‘gaccha, bhante, itthannāmaṃ piturakkhitaṃ brūhi…pe… mātāpiturakkhitaṃ brūhi… bhāturakkhitaṃ brūhi… bhaginirakkhitaṃ brūhi… ñātirakkhitaṃ brūhi… gottarakkhitaṃ brūhi… dhammarakkhitaṃ brūhi… sārakkhaṃ brūhi… saparidaṇḍaṃ brūhi – ‘hohi kira itthannāmassa bhariyā dhanakkītā’’’ti. Paṭiggaṇhāti vīmaṃsati paccāharati, āpatti saṅghādisesassa.
নিক্খেপপদানি।
Nikkhepapadāni.
৩০৬. পুরিসো ভিক্খুং পহিণতি – ‘‘গচ্ছ, ভন্তে, ইত্থন্নামং মাতুরক্খিতঞ্চ পিতুরক্খিতঞ্চ ব্রূহি – ‘হোথ কির ইত্থন্নামস্স ভরিযাযো ধনক্কীতা’’’তি। পটিগ্গণ্হাতি ৰীমংসতি পচ্চাহরতি, আপত্তি সঙ্ঘাদিসেসস্স।
306. Puriso bhikkhuṃ pahiṇati – ‘‘gaccha, bhante, itthannāmaṃ māturakkhitañca piturakkhitañca brūhi – ‘hotha kira itthannāmassa bhariyāyo dhanakkītā’’’ti. Paṭiggaṇhāti vīmaṃsati paccāharati, āpatti saṅghādisesassa.
পুরিসো ভিক্খুং পহিণতি – ‘‘গচ্ছ, ভন্তে, ইত্থন্নামং মাতুরক্খিতঞ্চ মাতাপিতুরঅখতঞ্চ…পে॰…
Puriso bhikkhuṃ pahiṇati – ‘‘gaccha, bhante, itthannāmaṃ māturakkhitañca mātāpituraakhatañca…pe…
মাতুরক্খিতঞ্চ ভাতুরক্খিতঞ্চ… মাতুরক্খিতঞ্চ ভগিনিরক্খিতঞ্চ… মাতুরক্খিতঞ্চ ঞাতিরক্খিতঞ্চ… মাতুরক্খিতঞ্চ গোত্তরক্খিতঞ্চ… মাতুরক্খিতঞ্চ ধম্মরক্খিতঞ্চ… মাতুরক্খিতঞ্চ সারক্খঞ্চ… মাতুরক্খিতঞ্চ সপরিদণ্ডঞ্চ ব্রূহি – ‘হোথ কির ইত্থন্নামস্স ভরিযাযো ধনক্কীতা’’’তি। পটিগ্গণ্হাতি ৰীমংসতি পচ্চাহরতি, আপত্তি সঙ্ঘাদিসেসস্স।
Māturakkhitañca bhāturakkhitañca… māturakkhitañca bhaginirakkhitañca… māturakkhitañca ñātirakkhitañca… māturakkhitañca gottarakkhitañca… māturakkhitañca dhammarakkhitañca… māturakkhitañca sārakkhañca… māturakkhitañca saparidaṇḍañca brūhi – ‘hotha kira itthannāmassa bhariyāyo dhanakkītā’’’ti. Paṭiggaṇhāti vīmaṃsati paccāharati, āpatti saṅghādisesassa.
খণ্ডচক্কং।
Khaṇḍacakkaṃ.
৩০৭. পুরিসো ভিক্খুং পহিণতি – ‘‘গচ্ছ, ভন্তে, ইত্থন্নামং পিতুরক্খিতঞ্চ মাতাপিতুরক্খিতঞ্চ ব্রূহি – ‘হোথ কির ইত্থন্নামস্স ভরিযাযো ধনক্কীতা’’’তি। পটিগ্গণ্হাতি ৰীমংসতি পচ্চাহরতি, আপত্তি সঙ্ঘাদিসেসস্স।
307. Puriso bhikkhuṃ pahiṇati – ‘‘gaccha, bhante, itthannāmaṃ piturakkhitañca mātāpiturakkhitañca brūhi – ‘hotha kira itthannāmassa bhariyāyo dhanakkītā’’’ti. Paṭiggaṇhāti vīmaṃsati paccāharati, āpatti saṅghādisesassa.
পুরিসো ভিক্খুং পহিণতি – ‘‘গচ্ছ, ভন্তে, ইত্থন্নামং পিতুরক্খিতঞ্চ ভাতুরক্খিতঞ্চ…পে॰… পিতুরক্খিতঞ্চ ভগিনিরক্খিতঞ্চ… পিতুরক্খিতঞ্চ ঞাতিরক্খিতঞ্চ… পিতুরক্খিতঞ্চ গোত্তরক্খিতঞ্চ… পিতুরক্খিতঞ্চ ধম্মরক্খিতঞ্চ… পিতুরক্খিতঞ্চ সারক্খঞ্চ… পিতুরক্খিতঞ্চ সপরিদণ্ডঞ্চ ব্রূহি – ‘হোথ কির ইত্থন্নামস্স ভরিযাযো ধনক্কীতা’’’তি। পটিগ্গণ্হাতি ৰীমংসতি পচ্চাহরতি, আপত্তি সঙ্ঘাদিসেসস্স।
Puriso bhikkhuṃ pahiṇati – ‘‘gaccha, bhante, itthannāmaṃ piturakkhitañca bhāturakkhitañca…pe… piturakkhitañca bhaginirakkhitañca… piturakkhitañca ñātirakkhitañca… piturakkhitañca gottarakkhitañca… piturakkhitañca dhammarakkhitañca… piturakkhitañca sārakkhañca… piturakkhitañca saparidaṇḍañca brūhi – ‘hotha kira itthannāmassa bhariyāyo dhanakkītā’’’ti. Paṭiggaṇhāti vīmaṃsati paccāharati, āpatti saṅghādisesassa.
পুরিসো ভিক্খুং পহিণতি – ‘‘গচ্ছ, ভন্তে, ইত্থন্নামং পিতুরক্খিতঞ্চ মাতুরক্খিতঞ্চ ব্রূহি – ‘হোথ কির ইত্থন্নামস্স ভরিযাযো ধনক্কীতা’’’তি। পটিগ্গণ্হাতি ৰীমংসতি পচ্চাহরতি, আপত্তি সঙ্ঘাদিসেসস্স।
Puriso bhikkhuṃ pahiṇati – ‘‘gaccha, bhante, itthannāmaṃ piturakkhitañca māturakkhitañca brūhi – ‘hotha kira itthannāmassa bhariyāyo dhanakkītā’’’ti. Paṭiggaṇhāti vīmaṃsati paccāharati, āpatti saṅghādisesassa.
বদ্ধচক্কং মূলং সংখিত্তং।
Baddhacakkaṃ mūlaṃ saṃkhittaṃ.
৩০৮. পুরিসো ভিক্খুং পহিণতি – ‘‘গচ্ছ, ভন্তে, ইত্থন্নামং সপরিদণ্ডঞ্চ মাতুরক্খিতঞ্চ ব্রূহি – ‘হোথ কির ইত্থন্নামস্স ভরিযাযো ধনক্কীতা’’’তি। পটিগ্গণ্হাতি ৰীমংসতি পচ্চাহরতি, আপত্তি সঙ্ঘাদিসেসস্স।
308. Puriso bhikkhuṃ pahiṇati – ‘‘gaccha, bhante, itthannāmaṃ saparidaṇḍañca māturakkhitañca brūhi – ‘hotha kira itthannāmassa bhariyāyo dhanakkītā’’’ti. Paṭiggaṇhāti vīmaṃsati paccāharati, āpatti saṅghādisesassa.
পুরিসো ভিক্খুং পহিণতি – ‘‘গচ্ছ, ভন্তে, ইত্থন্নামং সপরিদণ্ডঞ্চ পিতুরঅখতঞ্চ…পে॰…
Puriso bhikkhuṃ pahiṇati – ‘‘gaccha, bhante, itthannāmaṃ saparidaṇḍañca pituraakhatañca…pe…
সপরিদণ্ডঞ্চ মাতাপিতুরক্খিতঞ্চ… সপরিদণ্ডঞ্চ ভাতুরক্খিতঞ্চ… সপরিদণ্ডঞ্চ ভগিনিরক্খিতঞ্চ… সপরিদণ্ডঞ্চ ঞাতিরক্খিতঞ্চ… সপরিদণ্ডঞ্চ গোত্তরক্খিতঞ্চ… সপরিদণ্ডঞ্চ ধম্মরক্খিতঞ্চ… সপরিদণ্ডঞ্চ সারক্খঞ্চ ব্রূহি – ‘হোথ কির ইত্থন্নামস্স ভরিযাযো ধনক্কীতা’’’তি। পটিগ্গণ্হাতি ৰীমংসতি পচ্চাহরতি, আপত্তি সঙ্ঘাদিসেসস্স।
Saparidaṇḍañca mātāpiturakkhitañca… saparidaṇḍañca bhāturakkhitañca… saparidaṇḍañca bhaginirakkhitañca… saparidaṇḍañca ñātirakkhitañca… saparidaṇḍañca gottarakkhitañca… saparidaṇḍañca dhammarakkhitañca… saparidaṇḍañca sārakkhañca brūhi – ‘hotha kira itthannāmassa bhariyāyo dhanakkītā’’’ti. Paṭiggaṇhāti vīmaṃsati paccāharati, āpatti saṅghādisesassa.
একমূলকং নিট্ঠিতং।
Ekamūlakaṃ niṭṭhitaṃ.
এৰং দুমূলকম্পি তিমূলকম্পি যাৰ নৰমূলকং কাতব্বং।
Evaṃ dumūlakampi timūlakampi yāva navamūlakaṃ kātabbaṃ.
ইদং দসমূলকং
Idaṃ dasamūlakaṃ
৩০৯. পুরিসো ভিক্খুং পহিণতি – ‘‘গচ্ছ, ভন্তে, ইত্থন্নামং মাতুরক্খিতঞ্চ পিতুরক্খিতঞ্চ মাতাপিতুরক্খিতঞ্চ ভাতুরক্খিতঞ্চ ভগিনিরক্খিতঞ্চ ঞাতিরক্খিতঞ্চ গোত্তরক্খিতঞ্চ ধম্মরক্খিতঞ্চ সারক্খঞ্চ সপরিদণ্ডঞ্চ ব্রূহি – ‘হোথ কির ইত্থন্নামস্স ভরিযাযো ধনক্কীতা’’’তি। পটিগ্গণ্হাতি ৰীমংসতি পচ্চাহরতি, আপত্তি সঙ্ঘাদিসেসস্স।
309. Puriso bhikkhuṃ pahiṇati – ‘‘gaccha, bhante, itthannāmaṃ māturakkhitañca piturakkhitañca mātāpiturakkhitañca bhāturakkhitañca bhaginirakkhitañca ñātirakkhitañca gottarakkhitañca dhammarakkhitañca sārakkhañca saparidaṇḍañca brūhi – ‘hotha kira itthannāmassa bhariyāyo dhanakkītā’’’ti. Paṭiggaṇhāti vīmaṃsati paccāharati, āpatti saṅghādisesassa.
ধনক্কীতাচক্কং নিট্ঠিতং।
Dhanakkītācakkaṃ niṭṭhitaṃ.
৩১০. পুরিসো ভিক্খুং পহিণতি – ‘‘গচ্ছ, ভন্তে, ইত্থন্নামং মাতুরক্খিতং ব্রূহি – ‘হোহি কির ইত্থন্নামস্স ভরিযা ছন্দৰাসিনী…পে॰… ভোগৰাসিনী… পটৰাসিনী… ওদপত্তকিনী… ওভটচুম্বটা… দাসী চ ভরিযা চ… কম্মকারী চ ভরিযা চ… ধজাহটা… মুহুত্তিকা’’’তি। পটিগ্গণ্হাতি ৰীমংসতি পচ্চাহরতি, আপত্তি সঙ্ঘাদিসেসস্স।
310. Puriso bhikkhuṃ pahiṇati – ‘‘gaccha, bhante, itthannāmaṃ māturakkhitaṃ brūhi – ‘hohi kira itthannāmassa bhariyā chandavāsinī…pe… bhogavāsinī… paṭavāsinī… odapattakinī… obhaṭacumbaṭā… dāsī ca bhariyā ca… kammakārī ca bhariyā ca… dhajāhaṭā… muhuttikā’’’ti. Paṭiggaṇhāti vīmaṃsati paccāharati, āpatti saṅghādisesassa.
পুরিসো ভিক্খুং পহিণতি – ‘‘গচ্ছ, ভন্তে, ইত্থন্নামং পিতুরক্খিতং ব্রূহি…পে॰… মাতাপিতুরক্খিতং ব্রূহি… ভাতুরক্খিতং ব্রূহি… ভগিনিরক্খিতং ব্রূহি… ঞাতিরক্খিতং ব্রূহি… গোত্তরক্খিতং ব্রূহি… ধম্মরক্খিতং ব্রূহি… সারক্খং ব্রূহি… সপরিদণ্ডং ব্রূহি – ‘হোহি কির ইত্থন্নামস্স ভরিযা মুহুত্তিকা’’’তি। পটিগ্গণ্হাতি ৰীমংসতি পচ্চাহরতি, আপত্তি সঙ্ঘাদিসেসস্স।
Puriso bhikkhuṃ pahiṇati – ‘‘gaccha, bhante, itthannāmaṃ piturakkhitaṃ brūhi…pe… mātāpiturakkhitaṃ brūhi… bhāturakkhitaṃ brūhi… bhaginirakkhitaṃ brūhi… ñātirakkhitaṃ brūhi… gottarakkhitaṃ brūhi… dhammarakkhitaṃ brūhi… sārakkhaṃ brūhi… saparidaṇḍaṃ brūhi – ‘hohi kira itthannāmassa bhariyā muhuttikā’’’ti. Paṭiggaṇhāti vīmaṃsati paccāharati, āpatti saṅghādisesassa.
নিক্খেপপদানি।
Nikkhepapadāni.
৩১১. পুরিসো ভিক্খুং পহিণতি – ‘‘গচ্ছ, ভন্তে, ইত্থন্নামং মাতুরক্খিতঞ্চ পিতুরক্খিতঞ্চ ব্রূহি – ‘হোথ কির ইত্থন্নামস্স ভরিযাযো মুহুত্তিকা’’’তি। পটিগ্গণ্হাতি ৰীমংসতি পচ্চাহরতি, আপত্তি সঙ্ঘাদিসেসস্স।
311. Puriso bhikkhuṃ pahiṇati – ‘‘gaccha, bhante, itthannāmaṃ māturakkhitañca piturakkhitañca brūhi – ‘hotha kira itthannāmassa bhariyāyo muhuttikā’’’ti. Paṭiggaṇhāti vīmaṃsati paccāharati, āpatti saṅghādisesassa.
পুরিসো ভিক্খুং পহিণতি – ‘‘গচ্ছ, ভন্তে, ইত্থন্নামং মাতুরক্খিতঞ্চ মাতাপিতুরক্খিতঞ্চ…পে॰… মাতুরক্খিতঞ্চ সপরিদণ্ডঞ্চ ব্রূহি – ‘হোথ কির ইত্থন্নামস্স ভরিযাযো মুহুত্তিকা’’’তি। পটিগ্গণ্হাতি ৰীমংসতি পচ্চাহরতি, আপত্তি সঙ্ঘাদিসেসস্স।
Puriso bhikkhuṃ pahiṇati – ‘‘gaccha, bhante, itthannāmaṃ māturakkhitañca mātāpiturakkhitañca…pe… māturakkhitañca saparidaṇḍañca brūhi – ‘hotha kira itthannāmassa bhariyāyo muhuttikā’’’ti. Paṭiggaṇhāti vīmaṃsati paccāharati, āpatti saṅghādisesassa.
খণ্ডচক্কং।
Khaṇḍacakkaṃ.
৩১২. পুরিসো ভিক্খুং পহিণতি – ‘‘গচ্ছ, ভন্তে, ইত্থন্নামং পিতুরক্খিতঞ্চ মাতাপিতুরক্খিতঞ্চ ব্রূহি – ‘হোথ কির ইত্থন্নামস্স ভরিযাযো মুহুত্তিকা’’’তি। পটিগ্গণ্হাতি ৰীমংসতি পচ্চাহরতি, আপত্তি সঙ্ঘাদিসেসস্স।
312. Puriso bhikkhuṃ pahiṇati – ‘‘gaccha, bhante, itthannāmaṃ piturakkhitañca mātāpiturakkhitañca brūhi – ‘hotha kira itthannāmassa bhariyāyo muhuttikā’’’ti. Paṭiggaṇhāti vīmaṃsati paccāharati, āpatti saṅghādisesassa.
পুরিসো ভিক্খুং পহিণতি – ‘‘গচ্ছ, ভন্তে, ইত্থন্নামং পিতুরক্খিতঞ্চ ভাতুরক্খিতঞ্চ…পে॰… পিতুরক্খিতঞ্চ সপরিদণ্ডঞ্চ ব্রূহি – ‘হোথ কির ইত্থন্নামস্স ভরিযাযো মুহুত্তিকা’’’তি। পটিগ্গণ্হাতি ৰীমংসতি পচ্চাহরতি, আপত্তি সঙ্ঘাদিসেসস্স।
Puriso bhikkhuṃ pahiṇati – ‘‘gaccha, bhante, itthannāmaṃ piturakkhitañca bhāturakkhitañca…pe… piturakkhitañca saparidaṇḍañca brūhi – ‘hotha kira itthannāmassa bhariyāyo muhuttikā’’’ti. Paṭiggaṇhāti vīmaṃsati paccāharati, āpatti saṅghādisesassa.
পুরিসো ভিক্খুং পহিণতি – ‘‘গচ্ছ, ভন্তে, ইত্থন্নামং পিতুরক্খিতঞ্চ মাতুরক্খিতঞ্চ ব্রূহি – ‘হোথ কির ইত্থন্নামস্স ভরিযাযো মুহুত্তিকা’’’তি। পটিগ্গণ্হাতি ৰীমংসতি পচ্চাহরতি, আপত্তি সঙ্ঘাদিসেসস্স।
Puriso bhikkhuṃ pahiṇati – ‘‘gaccha, bhante, itthannāmaṃ piturakkhitañca māturakkhitañca brūhi – ‘hotha kira itthannāmassa bhariyāyo muhuttikā’’’ti. Paṭiggaṇhāti vīmaṃsati paccāharati, āpatti saṅghādisesassa.
বদ্ধচক্কং মূলং সংখিত্তং।
Baddhacakkaṃ mūlaṃ saṃkhittaṃ.
৩১৩. পুরিসো ভিক্খুং পহিণতি – ‘‘গচ্ছ, ভন্তে, ইত্থন্নামং সপরিদণ্ডঞ্চ মাতুরক্খিতঞ্চ ব্রূহি – ‘হোথ কির ইত্থন্নামস্স ভরিযাযো মুহুত্তিকা’’’তি । পটিগ্গণ্হাতি ৰীমংসতি পচ্চাহরতি, আপত্তি সঙ্ঘাদিসেসস্স।
313. Puriso bhikkhuṃ pahiṇati – ‘‘gaccha, bhante, itthannāmaṃ saparidaṇḍañca māturakkhitañca brūhi – ‘hotha kira itthannāmassa bhariyāyo muhuttikā’’’ti . Paṭiggaṇhāti vīmaṃsati paccāharati, āpatti saṅghādisesassa.
পুরিসো ভিক্খুং পহিণতি – ‘‘গচ্ছ, ভন্তে, ইত্থন্নামং সপরিদণ্ডঞ্চ পিতুরক্খিতঞ্চ…পে॰… সপরিদণ্ডঞ্চ সারক্খঞ্চ ব্রূহি – ‘হোথ কির ইত্থন্নামস্স ভরিযাযো মুহুত্তিকা’’’তি। পটিগ্গণ্হাতি ৰীমংসতি পচ্চাহরতি, আপত্তি সঙ্ঘাদিসেসস্স।
Puriso bhikkhuṃ pahiṇati – ‘‘gaccha, bhante, itthannāmaṃ saparidaṇḍañca piturakkhitañca…pe… saparidaṇḍañca sārakkhañca brūhi – ‘hotha kira itthannāmassa bhariyāyo muhuttikā’’’ti. Paṭiggaṇhāti vīmaṃsati paccāharati, āpatti saṅghādisesassa.
একমূলকং নিট্ঠিতং।
Ekamūlakaṃ niṭṭhitaṃ.
দুমূলকাদীনিপি এৰমেৰ কাতব্বানি।
Dumūlakādīnipi evameva kātabbāni.
ইদং দসমূলকং
Idaṃ dasamūlakaṃ
৩১৪. পুরিসো ভিক্খুং পহিণতি – ‘‘গচ্ছ, ভন্তে, ইত্থন্নামং মাতুরক্খিতঞ্চ পিতুরক্খিতঞ্চ মাতাপিতুরক্খিতঞ্চ ভাতুরক্খিতঞ্চ ভগিনিরক্খিতঞ্চ ঞাতিরক্খিতঞ্চ গোত্তরক্খিতঞ্চ ধম্মরক্খিতঞ্চ সারক্খঞ্চ সপরিদণ্ডঞ্চ ব্রূহি – ‘হোথ কির ইত্থন্নামস্স ভরিযাযো মুহুত্তিকা’’’তি। পটিগ্গণ্হাতি ৰীমংসতি পচ্চাহরতি, আপত্তি সঙ্ঘাদিসেসস্স।
314. Puriso bhikkhuṃ pahiṇati – ‘‘gaccha, bhante, itthannāmaṃ māturakkhitañca piturakkhitañca mātāpiturakkhitañca bhāturakkhitañca bhaginirakkhitañca ñātirakkhitañca gottarakkhitañca dhammarakkhitañca sārakkhañca saparidaṇḍañca brūhi – ‘hotha kira itthannāmassa bhariyāyo muhuttikā’’’ti. Paṭiggaṇhāti vīmaṃsati paccāharati, āpatti saṅghādisesassa.
মুহুত্তিকাচক্কং নিট্ঠিতং।
Muhuttikācakkaṃ niṭṭhitaṃ.
৩১৫. পুরিসো ভিক্খুং পহিণতি – ‘‘গচ্ছ, ভন্তে, ইত্থন্নামং মাতুরক্খিতং ব্রূহি – ‘হোহি কির ইত্থন্নামস্স ভরিযা ধনক্কীতা’’’তি। পটিগ্গণ্হাতি ৰীমংসতি পচ্চাহরতি, আপত্তি সঙ্ঘাদিসেসস্স।
315. Puriso bhikkhuṃ pahiṇati – ‘‘gaccha, bhante, itthannāmaṃ māturakkhitaṃ brūhi – ‘hohi kira itthannāmassa bhariyā dhanakkītā’’’ti. Paṭiggaṇhāti vīmaṃsati paccāharati, āpatti saṅghādisesassa.
পুরিসো ভিক্খুং পহিণতি – ‘‘গচ্ছ, ভন্তে, ইত্থন্নামং মাতুরক্খিতং ব্রূহি – ‘হোহি কির ইত্থন্নামস্স ভরিযা ছন্দৰাসিনী…পে॰… ভোগৰাসিনী… পটৰাসিনী… ওদপত্তকিনী… ওভটচুম্বটা… দাসী চ ভরিযা চ… কম্মকারী চ ভরিযা চ… ধজাহটা… মুহুত্তিকা’’’তি। পটিগ্গণ্হাতি ৰীমংসতি পচ্চাহরতি, আপত্তি সঙ্ঘাদিসেসস্স।
Puriso bhikkhuṃ pahiṇati – ‘‘gaccha, bhante, itthannāmaṃ māturakkhitaṃ brūhi – ‘hohi kira itthannāmassa bhariyā chandavāsinī…pe… bhogavāsinī… paṭavāsinī… odapattakinī… obhaṭacumbaṭā… dāsī ca bhariyā ca… kammakārī ca bhariyā ca… dhajāhaṭā… muhuttikā’’’ti. Paṭiggaṇhāti vīmaṃsati paccāharati, āpatti saṅghādisesassa.
নিক্খেপপদানি।
Nikkhepapadāni.
৩১৬. পুরিসো ভিক্খুং পহিণতি – ‘‘গচ্ছ, ভন্তে, ইত্থন্নামং মাতুরক্খিতং ব্রূহি – ‘হোহি কির ইত্থন্নামস্স ভরিযা ধনক্কীতা চ ছন্দৰাসিনী চা’’’তি। পটিগ্গণ্হাতি ৰীমংসতি পচ্চাহরতি, আপত্তি সঙ্ঘাদিসেসস্স।
316. Puriso bhikkhuṃ pahiṇati – ‘‘gaccha, bhante, itthannāmaṃ māturakkhitaṃ brūhi – ‘hohi kira itthannāmassa bhariyā dhanakkītā ca chandavāsinī cā’’’ti. Paṭiggaṇhāti vīmaṃsati paccāharati, āpatti saṅghādisesassa.
পুরিসো ভিক্খুং পহিণতি – ‘‘গচ্ছ, ভন্তে, ইত্থন্নামং মাতুরক্খিতং ব্রূহি – ‘হোহি কির ইত্থন্নামস্স ভরিযা ধনক্কীতা চ ভোগৰাসিনী চ…পে॰… ধনক্কীতা চ পটৰাসিনী চ… ধনক্কীতা চ ওদপত্তকিনী চ… ধনক্কীতা চ ওভটচুম্বটা চ… ধনক্কীতা চ দাসী চ ভরিযা চ… ধনক্কীতা চ কম্মকারী চ ভরিযা চ… ধনক্কীতা চ ধজাহটা চ… ধনক্কীতা চ মুহুত্তিকা চা’’’তি। পটিগ্গণ্হাতি ৰীমংসতি পচ্চাহরতি, আপত্তি সঙ্ঘাদিসেসস্স।
Puriso bhikkhuṃ pahiṇati – ‘‘gaccha, bhante, itthannāmaṃ māturakkhitaṃ brūhi – ‘hohi kira itthannāmassa bhariyā dhanakkītā ca bhogavāsinī ca…pe… dhanakkītā ca paṭavāsinī ca… dhanakkītā ca odapattakinī ca… dhanakkītā ca obhaṭacumbaṭā ca… dhanakkītā ca dāsī ca bhariyā ca… dhanakkītā ca kammakārī ca bhariyā ca… dhanakkītā ca dhajāhaṭā ca… dhanakkītā ca muhuttikā cā’’’ti. Paṭiggaṇhāti vīmaṃsati paccāharati, āpatti saṅghādisesassa.
খণ্ডচক্কং।
Khaṇḍacakkaṃ.
৩১৭. পুরিসো ভিক্খুং পহিণতি – ‘‘গচ্ছ, ভন্তে, ইত্থন্নামং মাতুরক্খিতং ব্রূহি – ‘হোহি কির ইত্থন্নামস্স ভরিযা ছন্দৰাসিনী চ ভোগৰাসিনী চ…পে॰… ছন্দৰাসিনী চ মুহুত্তিকা চ… ছন্দৰাসিনী চ ধনক্কীতা চা’’’তি। পটিগ্গণ্হাতি ৰীমংসতি পচ্চাহরতি, আপত্তি সঙ্ঘাদিসেসস্স।
317. Puriso bhikkhuṃ pahiṇati – ‘‘gaccha, bhante, itthannāmaṃ māturakkhitaṃ brūhi – ‘hohi kira itthannāmassa bhariyā chandavāsinī ca bhogavāsinī ca…pe… chandavāsinī ca muhuttikā ca… chandavāsinī ca dhanakkītā cā’’’ti. Paṭiggaṇhāti vīmaṃsati paccāharati, āpatti saṅghādisesassa.
বদ্ধচক্কং মূলং সংখিত্তং।
Baddhacakkaṃ mūlaṃ saṃkhittaṃ.
৩১৮. পুরিসো ভিক্খুং পহিণতি – ‘‘গচ্ছ, ভন্তে, ইত্থন্নামং মাতুরক্খিতং ব্রূহি – ‘হোহি কির ইত্থন্নামস্স ভরিযা মুহুত্তিকা চ ধনক্কীতা চ…পে॰… মুহুত্তিকা চ ছন্দৰাসিনী চ…পে॰… মুহুত্তিকা চ ধজাহটা চা’’’তি। পটিগ্গণ্হাতি ৰীমংসতি পচ্চাহরতি, আপত্তি সঙ্ঘাদিসেসস্স।
318. Puriso bhikkhuṃ pahiṇati – ‘‘gaccha, bhante, itthannāmaṃ māturakkhitaṃ brūhi – ‘hohi kira itthannāmassa bhariyā muhuttikā ca dhanakkītā ca…pe… muhuttikā ca chandavāsinī ca…pe… muhuttikā ca dhajāhaṭā cā’’’ti. Paṭiggaṇhāti vīmaṃsati paccāharati, āpatti saṅghādisesassa.
একমূলকং নিট্ঠিতং।
Ekamūlakaṃ niṭṭhitaṃ.
দুমূলকাদীনিপি এৰমেৰ কাতব্বানি।
Dumūlakādīnipi evameva kātabbāni.
ইদং দসমূলকং
Idaṃ dasamūlakaṃ
৩১৯. পুরিসো ভিক্খুং পহিণতি – ‘‘গচ্ছ, ভন্তে, ইত্থন্নামং মাতুরক্খিতং ব্রূহি – ‘হোহি কির ইত্থন্নামস্স ভরিযা ধনক্কীতা চ ছন্দৰাসিনী চ ভোগৰাসিনী চ পটৰাসিনী চ ওদপত্তকিনী চ ওভটচুম্বটা চ দাসী চ ভরিযা চ কম্মকারী চ ভরিযা চ ধজাহটা চ মুহুত্তিকা চা’’’তি। পটিগ্গণ্হাতি ৰীমংসতি পচ্চাহরতি, আপত্তি সঙ্ঘাদিসেসস্স।
319. Puriso bhikkhuṃ pahiṇati – ‘‘gaccha, bhante, itthannāmaṃ māturakkhitaṃ brūhi – ‘hohi kira itthannāmassa bhariyā dhanakkītā ca chandavāsinī ca bhogavāsinī ca paṭavāsinī ca odapattakinī ca obhaṭacumbaṭā ca dāsī ca bhariyā ca kammakārī ca bhariyā ca dhajāhaṭā ca muhuttikā cā’’’ti. Paṭiggaṇhāti vīmaṃsati paccāharati, āpatti saṅghādisesassa.
মাতুরক্খিতাচক্কং নিট্ঠিতং।
Māturakkhitācakkaṃ niṭṭhitaṃ.
পুরিসো ভিক্খুং পহিণতি – ‘‘গচ্ছ, ভন্তে, ইত্থন্নামং পিতুরক্খিতং…পে॰… মাতাপিতুরক্খিতং… ভাতুরক্খিতং… ভগিনিরক্খিতং … ঞাতিরক্খিতং… গোত্তরক্খিতং… ধম্মরক্খিতং … সারক্খং… সপরিদণ্ডং ব্রূহি – ‘হোহি কির ইত্থন্নামস্স ভরিযা ধনক্কীতা’’’তি। পটিগ্গণ্হাতি ৰীমংসতি পচ্চাহরতি, আপত্তি সঙ্ঘাদিসেসস্স।
Puriso bhikkhuṃ pahiṇati – ‘‘gaccha, bhante, itthannāmaṃ piturakkhitaṃ…pe… mātāpiturakkhitaṃ… bhāturakkhitaṃ… bhaginirakkhitaṃ … ñātirakkhitaṃ… gottarakkhitaṃ… dhammarakkhitaṃ … sārakkhaṃ… saparidaṇḍaṃ brūhi – ‘hohi kira itthannāmassa bhariyā dhanakkītā’’’ti. Paṭiggaṇhāti vīmaṃsati paccāharati, āpatti saṅghādisesassa.
পুরিসো ভিক্খুং পহিণতি – ‘‘গচ্ছ, ভন্তে, ইত্থন্নামং সপরিদণ্ডং ব্রূহি – ‘হোহি কির ইত্থন্নামস্স ভরিযা ছন্দৰাসিনী…পে॰… ভোগৰাসিনী, পটৰাসিনী, ওদপত্তকিনী, ওভটচুম্বটা, দাসী চ ভরিযা চ, কম্মকারী চ ভরিযা চ, ধজাহটা, মুহুত্তিকা’’’তি। পটিগ্গণ্হাতি ৰীমংসতি পচ্চাহরতি, আপত্তি সঙ্ঘাদিসেসস্স।
Puriso bhikkhuṃ pahiṇati – ‘‘gaccha, bhante, itthannāmaṃ saparidaṇḍaṃ brūhi – ‘hohi kira itthannāmassa bhariyā chandavāsinī…pe… bhogavāsinī, paṭavāsinī, odapattakinī, obhaṭacumbaṭā, dāsī ca bhariyā ca, kammakārī ca bhariyā ca, dhajāhaṭā, muhuttikā’’’ti. Paṭiggaṇhāti vīmaṃsati paccāharati, āpatti saṅghādisesassa.
নিক্খেপপদানি।
Nikkhepapadāni.
৩২০. পুরিসো ভিক্খুং পহিণতি – ‘‘গচ্ছ, ভন্তে, ইত্থন্নামং সপরিদণ্ডং ব্রূহি – ‘হোহি কির ইত্থন্নামস্স ভরিযা ধনক্কীতা চ ছন্দৰাসিনী চা’’’তি। পটিগ্গণ্হাতি ৰীমংসতি পচ্চাহরতি, আপত্তি সঙ্ঘাদিসেসস্স।
320. Puriso bhikkhuṃ pahiṇati – ‘‘gaccha, bhante, itthannāmaṃ saparidaṇḍaṃ brūhi – ‘hohi kira itthannāmassa bhariyā dhanakkītā ca chandavāsinī cā’’’ti. Paṭiggaṇhāti vīmaṃsati paccāharati, āpatti saṅghādisesassa.
পুরিসো ভিক্খুং পহিণতি – ‘‘গচ্ছ, ভন্তে, ইত্থন্নামং সপরিদণ্ডং ব্রূহি – ‘হোহি কির ইত্থন্নামস্স ভরিযা ধনক্কীতা চ ভোগৰাসিনী চ…পে॰… ধনক্কীতা চ মুহুত্তিকা চা’’’তি। পটিগ্গণ্হাতি ৰীমংসতি পচ্চাহরতি, আপত্তি সঙ্ঘাদিসেসস্স।
Puriso bhikkhuṃ pahiṇati – ‘‘gaccha, bhante, itthannāmaṃ saparidaṇḍaṃ brūhi – ‘hohi kira itthannāmassa bhariyā dhanakkītā ca bhogavāsinī ca…pe… dhanakkītā ca muhuttikā cā’’’ti. Paṭiggaṇhāti vīmaṃsati paccāharati, āpatti saṅghādisesassa.
খণ্ডচক্কং।
Khaṇḍacakkaṃ.
পুরিসো ভিক্খুং পহিণতি – ‘‘গচ্ছ, ভন্তে, ইত্থন্নামং সপরিদণ্ডং ব্রূহি – ‘হোহি কির ইত্থন্নামস্স ভরিযা ছন্দৰাসিনী চ ভোগৰাসিনী চ…পে॰… ছন্দৰাসিনী চ মুহুত্তিকা চ, ছন্দৰাসিনী চ ধনক্কীতা চা’’’তি। পটিগ্গণ্হাতি ৰীমংসতি পচ্চাহরতি, আপত্তি সঙ্ঘাদিসেসস্স।
Puriso bhikkhuṃ pahiṇati – ‘‘gaccha, bhante, itthannāmaṃ saparidaṇḍaṃ brūhi – ‘hohi kira itthannāmassa bhariyā chandavāsinī ca bhogavāsinī ca…pe… chandavāsinī ca muhuttikā ca, chandavāsinī ca dhanakkītā cā’’’ti. Paṭiggaṇhāti vīmaṃsati paccāharati, āpatti saṅghādisesassa.
বদ্ধচক্কং মূলং সংখিত্তং।
Baddhacakkaṃ mūlaṃ saṃkhittaṃ.
পুরিসো ভিক্খুং পহিণতি – ‘‘গচ্ছ, ভন্তে, ইত্থন্নামং সপরিদণ্ডং ব্রূহি – ‘হোহি কির ইত্থন্নামস্স ভরিযা মুহুত্তিকা চ ধনক্কীতা চ…পে॰… মুহুত্তিকা চ ছন্দৰাসিনী চ, মুহুত্তিকা চ ধজাহটা চা’’’তি। পটিগ্গণ্হাতি ৰীমংসতি পচ্চাহরতি, আপত্তি সঙ্ঘাদিসেসস্স।
Puriso bhikkhuṃ pahiṇati – ‘‘gaccha, bhante, itthannāmaṃ saparidaṇḍaṃ brūhi – ‘hohi kira itthannāmassa bhariyā muhuttikā ca dhanakkītā ca…pe… muhuttikā ca chandavāsinī ca, muhuttikā ca dhajāhaṭā cā’’’ti. Paṭiggaṇhāti vīmaṃsati paccāharati, āpatti saṅghādisesassa.
একমূলকং নিট্ঠিতং।
Ekamūlakaṃ niṭṭhitaṃ.
দুমূলকম্পি তিমূলকম্পি যাৰ নৰমূলকং এৰমেৰ কাতব্বং।
Dumūlakampi timūlakampi yāva navamūlakaṃ evameva kātabbaṃ.
ইদং দসমূলকং।
Idaṃ dasamūlakaṃ.
৩২১. পুরিসো ভিক্খুং পহিণতি – ‘‘গচ্ছ, ভন্তে, ইত্থন্নামং সপরিদণ্ডং ব্রূহি – ‘হোহি কির ইত্থন্নামস্স ভরিযা ধনক্কীতা চ ছন্দৰাসিনী চ ভোগৰাসিনী চ পটৰাসিনী চ ওদপত্তকিনী চ ওভটচুম্বটা চ দাসী চ ভরিযা চ কম্মকারী চ ভরিযা চ ধজাহটা চ মুহুত্তিকা চা’’’তি। পটিগ্গণ্হাতি ৰীমংসতি পচ্চাহরতি, আপত্তি সঙ্ঘাদিসেসস্স।
321. Puriso bhikkhuṃ pahiṇati – ‘‘gaccha, bhante, itthannāmaṃ saparidaṇḍaṃ brūhi – ‘hohi kira itthannāmassa bhariyā dhanakkītā ca chandavāsinī ca bhogavāsinī ca paṭavāsinī ca odapattakinī ca obhaṭacumbaṭā ca dāsī ca bhariyā ca kammakārī ca bhariyā ca dhajāhaṭā ca muhuttikā cā’’’ti. Paṭiggaṇhāti vīmaṃsati paccāharati, āpatti saṅghādisesassa.
সপরিদণ্ডাচক্কং নিট্ঠিতং।
Saparidaṇḍācakkaṃ niṭṭhitaṃ.
পুরিসো ভিক্খুং পহিণতি – ‘‘গচ্ছ, ভন্তে, ইত্থন্নামং মাতুরক্খিতং ব্রূহি – ‘হোহি কির ইত্থন্নামস্স ভরিযা ধনক্কীতা’’’তি। পটিগ্গণ্হাতি ৰীমংসতি পচ্চাহরতি, আপত্তি সঙ্ঘাদিসেসস্স।
Puriso bhikkhuṃ pahiṇati – ‘‘gaccha, bhante, itthannāmaṃ māturakkhitaṃ brūhi – ‘hohi kira itthannāmassa bhariyā dhanakkītā’’’ti. Paṭiggaṇhāti vīmaṃsati paccāharati, āpatti saṅghādisesassa.
পুরিসো ভিক্খুং পহিণতি – ‘‘গচ্ছ, ভন্তে, ইত্থন্নামং মাতুরক্খিতঞ্চ পিতুরক্খিতঞ্চ ব্রূহি – ‘হোথ কির ইত্থন্নামস্স ভরিযাযো ধনক্কীতা চ ছন্দৰাসিনী চা’’’তি। পটিগ্গণ্হাতি ৰীমংসতি পচ্চাহরতি, আপত্তি সঙ্ঘাদিসেসস্স।
Puriso bhikkhuṃ pahiṇati – ‘‘gaccha, bhante, itthannāmaṃ māturakkhitañca piturakkhitañca brūhi – ‘hotha kira itthannāmassa bhariyāyo dhanakkītā ca chandavāsinī cā’’’ti. Paṭiggaṇhāti vīmaṃsati paccāharati, āpatti saṅghādisesassa.
পুরিসো ভিক্খুং পহিণতি – ‘‘গচ্ছ, ভন্তে, ইত্থন্নামং মাতুরক্খিতঞ্চ পিতুরক্খিতঞ্চ মাতাপিতুরক্খিতঞ্চ ব্রূহি – ‘হোথ কির ইত্থন্নামস্স ভরিযাযো ধনক্কীতা চ ছন্দৰাসিনী চ ভোগৰাসিনী চা’’’তি। পটিগ্গণ্হাতি ৰীমংসতি পচ্চাহরতি, আপত্তি সঙ্ঘাদিসেসস্স।
Puriso bhikkhuṃ pahiṇati – ‘‘gaccha, bhante, itthannāmaṃ māturakkhitañca piturakkhitañca mātāpiturakkhitañca brūhi – ‘hotha kira itthannāmassa bhariyāyo dhanakkītā ca chandavāsinī ca bhogavāsinī cā’’’ti. Paṭiggaṇhāti vīmaṃsati paccāharati, āpatti saṅghādisesassa.
এৰং উভতোৰড্ঢকং কাতব্বং।
Evaṃ ubhatovaḍḍhakaṃ kātabbaṃ.
পুরিসো ভিক্খুং পহিণতি – ‘‘গচ্ছ, ভন্তে, ইত্থন্নামং মাতুরক্খিতঞ্চ পিতুরক্খিতঞ্চ মাতাপিতুরক্খিতঞ্চ ভাতুরক্খিতঞ্চ ভগিনিরক্খিতঞ্চ ঞাতিরক্খিতঞ্চ গোত্তরক্খিতঞ্চ ধম্মরক্খিতঞ্চ সারক্খঞ্চ সপরিদণ্ডঞ্চ ব্রূহি – ‘হোথ কির ইত্থন্নামস্স ভরিযাযো ধনক্কীতা চ ছন্দৰাসিনী চ ভোগৰাসিনী চ পটৰাসিনী চ ওদপত্তকিনী চ ওভটচুম্বটা চ দাসী চ ভরিযা চ কম্মকারী চ ভরিযা চ ধজাহটা চ মুহুত্তিকা চা’’’তি। পটিগ্গণ্হাতি ৰীমংসতি পচ্চাহরতি, আপত্তি সঙ্ঘাদিসেসস্স।
Puriso bhikkhuṃ pahiṇati – ‘‘gaccha, bhante, itthannāmaṃ māturakkhitañca piturakkhitañca mātāpiturakkhitañca bhāturakkhitañca bhaginirakkhitañca ñātirakkhitañca gottarakkhitañca dhammarakkhitañca sārakkhañca saparidaṇḍañca brūhi – ‘hotha kira itthannāmassa bhariyāyo dhanakkītā ca chandavāsinī ca bhogavāsinī ca paṭavāsinī ca odapattakinī ca obhaṭacumbaṭā ca dāsī ca bhariyā ca kammakārī ca bhariyā ca dhajāhaṭā ca muhuttikā cā’’’ti. Paṭiggaṇhāti vīmaṃsati paccāharati, āpatti saṅghādisesassa.
উভতোৰড্ঢকং নিট্ঠিতং।
Ubhatovaḍḍhakaṃ niṭṭhitaṃ.
পুরিসস্স মাতা ভিক্খুং পহিণতি…পে॰… পুরিসস্স পিতা ভিক্খুং পহিণতি…পে॰… পুরিসস্স মাতাপিতরো ভিক্খুং পহিণন্তি…পে॰… পুরিসস্স ভাতা ভিক্খুং পহিণতি…পে॰… পুরিসস্স ভগিনী ভিক্খুং পহিণতি…পে॰… পুরিসস্স ঞাতকা ভিক্খুং পহিণন্তি…পে॰… পুরিসস্স গোত্তা ভিক্খুং পহিণন্তি…পে॰… পুরিসস্স সহধম্মিকা ভিক্খুং পহিণন্তি…পে॰…।
Purisassa mātā bhikkhuṃ pahiṇati…pe… purisassa pitā bhikkhuṃ pahiṇati…pe… purisassa mātāpitaro bhikkhuṃ pahiṇanti…pe… purisassa bhātā bhikkhuṃ pahiṇati…pe… purisassa bhaginī bhikkhuṃ pahiṇati…pe… purisassa ñātakā bhikkhuṃ pahiṇanti…pe… purisassa gottā bhikkhuṃ pahiṇanti…pe… purisassa sahadhammikā bhikkhuṃ pahiṇanti…pe….
পুরিসস্স পেয্যালো ৰিত্থারেতব্বো।
Purisassa peyyālo vitthāretabbo.
উভতোৰড্ঢকং যথা পুরিমনযো তথেৰ ৰিত্থারেতব্বং।
Ubhatovaḍḍhakaṃ yathā purimanayo tatheva vitthāretabbaṃ.
৩২২. মাতুরক্খিতায মাতা ভিক্খুং পহিণতি – ‘‘গচ্ছ, ভন্তে, ইত্থন্নামং ব্রূহি – ‘হোতু ইত্থন্নামস্স ভরিযা ধনক্কীতা’’’তি। পটিগ্গণ্হাতি ৰীমংসতি পচ্চাহরতি, আপত্তি সঙ্ঘাদিসেসস্স।
322. Māturakkhitāya mātā bhikkhuṃ pahiṇati – ‘‘gaccha, bhante, itthannāmaṃ brūhi – ‘hotu itthannāmassa bhariyā dhanakkītā’’’ti. Paṭiggaṇhāti vīmaṃsati paccāharati, āpatti saṅghādisesassa.
মাতুরক্খিতায মাতা ভিক্খুং পহিণতি – ‘‘গচ্ছ, ভন্তে, ইত্থন্নামং ব্রূহি – ‘হোতু ইত্থন্নামস্স ভরিযা ছন্দৰাসিনী…পে॰… ভোগৰাসিনী, পটৰাসিনী, ওদপত্তকিনী, ওভটচুম্বটা, দাসী চ ভরিযা চ, কম্মকারী চ ভরিযা চ, ধজাহটা, মুহুত্তিকা’’’তি। পটিগ্গণ্হাতি ৰীমংসতি পচ্চাহরতি, আপত্তি সঙ্ঘাদিসেসস্স।
Māturakkhitāya mātā bhikkhuṃ pahiṇati – ‘‘gaccha, bhante, itthannāmaṃ brūhi – ‘hotu itthannāmassa bhariyā chandavāsinī…pe… bhogavāsinī, paṭavāsinī, odapattakinī, obhaṭacumbaṭā, dāsī ca bhariyā ca, kammakārī ca bhariyā ca, dhajāhaṭā, muhuttikā’’’ti. Paṭiggaṇhāti vīmaṃsati paccāharati, āpatti saṅghādisesassa.
নিক্খেপপদানি।
Nikkhepapadāni.
৩২৩. মাতুরক্খিতায মাতা ভিক্খুং পহিণতি – ‘‘গচ্ছ, ভন্তে, ইত্থন্নামং ব্রূহি – ‘হোতু ইত্থন্নামস্স ভরিযা ধনক্কীতা চ ছন্দৰাসিনী চ…পে॰… ধনক্কীতা চ ভোগৰাসিনী চ, ধনক্কীতা চ মুহুত্তিকা চা’’’তি। পটিগ্গণ্হাতি ৰীমংসতি পচ্চাহরতি, আপত্তি সঙ্ঘাদিসেসস্স।
323. Māturakkhitāya mātā bhikkhuṃ pahiṇati – ‘‘gaccha, bhante, itthannāmaṃ brūhi – ‘hotu itthannāmassa bhariyā dhanakkītā ca chandavāsinī ca…pe… dhanakkītā ca bhogavāsinī ca, dhanakkītā ca muhuttikā cā’’’ti. Paṭiggaṇhāti vīmaṃsati paccāharati, āpatti saṅghādisesassa.
খণ্ডচক্কং।
Khaṇḍacakkaṃ.
৩২৪. মাতুরক্খিতায মাতা ভিক্খুং পহিণতি – ‘‘গচ্ছ, ভন্তে, ইত্থন্নামং ব্রূহি – ‘হোতু ইত্থন্নামস্স ভরিযা ছন্দৰাসিনী চ ভোগৰাসিনী চ…পে॰… ছন্দৰাসিনী চ মুহুত্তিকা চ, ছন্দৰাসিনী চ ধনক্কীতা চা’’’তি। পটিগ্গণ্হাতি ৰীমংসতি পচ্চাহরতি, আপত্তি সঙ্ঘাদিসেসস্স।
324. Māturakkhitāya mātā bhikkhuṃ pahiṇati – ‘‘gaccha, bhante, itthannāmaṃ brūhi – ‘hotu itthannāmassa bhariyā chandavāsinī ca bhogavāsinī ca…pe… chandavāsinī ca muhuttikā ca, chandavāsinī ca dhanakkītā cā’’’ti. Paṭiggaṇhāti vīmaṃsati paccāharati, āpatti saṅghādisesassa.
বদ্ধচক্কং মূলং সংখিত্তং।
Baddhacakkaṃ mūlaṃ saṃkhittaṃ.
৩২৫. মাতুরক্খিতায মাতা ভিক্খুং পহিণতি – ‘‘গচ্ছ, ভন্তে, ইত্থন্নামং ব্রূহি – ‘হোতু ইত্থন্নামস্স ভরিযা মুহুত্তিকা চ ধনক্কীতা চ…পে॰… মুহুত্তিকা চ ছন্দৰাসিনী চ…পে॰… মুহুত্তিকা চ ধজাহটা চা’’’তি। পটিগ্গণ্হাতি ৰীমংসতি পচ্চাহরতি, আপত্তি সঙ্ঘাদিসেসস্স।
325. Māturakkhitāya mātā bhikkhuṃ pahiṇati – ‘‘gaccha, bhante, itthannāmaṃ brūhi – ‘hotu itthannāmassa bhariyā muhuttikā ca dhanakkītā ca…pe… muhuttikā ca chandavāsinī ca…pe… muhuttikā ca dhajāhaṭā cā’’’ti. Paṭiggaṇhāti vīmaṃsati paccāharati, āpatti saṅghādisesassa.
একমূলকং নিট্ঠিতং।
Ekamūlakaṃ niṭṭhitaṃ.
দুমূলকম্পি তিমূলকম্পি যাৰ নৰমূলকং এৰমেৰ কাতব্বং।
Dumūlakampi timūlakampi yāva navamūlakaṃ evameva kātabbaṃ.
ইদং দসমূলকং
Idaṃ dasamūlakaṃ
৩২৬. মাতুরক্খিতায মাতা ভিক্খুং পহিণতি – ‘‘গচ্ছ, ভন্তে, ইত্থন্নামং ব্রূহি – ‘হোতু ইত্থন্নামস্স ভরিযা ধনক্কীতা চ ছন্দৰাসিনী চ ভোগৰাসিনী চ পটৰাসিনী চ ওদপত্তকিনী চ ওভটচুম্বটা চ দাসী চ ভরিযা চ কম্মকারী চ ভরিযা চ ধজাহটা চ মুহুত্তিকা চা’’’তি। পটিগ্গণ্হাতি ৰীমংসতি পচ্চাহরতি, আপত্তি সঙ্ঘাদিসেসস্স।
326. Māturakkhitāya mātā bhikkhuṃ pahiṇati – ‘‘gaccha, bhante, itthannāmaṃ brūhi – ‘hotu itthannāmassa bhariyā dhanakkītā ca chandavāsinī ca bhogavāsinī ca paṭavāsinī ca odapattakinī ca obhaṭacumbaṭā ca dāsī ca bhariyā ca kammakārī ca bhariyā ca dhajāhaṭā ca muhuttikā cā’’’ti. Paṭiggaṇhāti vīmaṃsati paccāharati, āpatti saṅghādisesassa.
মাতুচক্কং নিট্ঠিতং।
Mātucakkaṃ niṭṭhitaṃ.
পিতুরক্খিতায পিতা ভিক্খুং পহিণতি…পে॰… মাতাপিতুরক্খিতায মাতাপিতরো ভিক্খুং পহিণন্তি… ভাতুরক্খিতায ভাতা ভিক্খুং পহিণতি… ভগিনিরক্খিতায ভগিনী ভিক্খুং পহিণতি… ঞাতিরক্খিতায ঞাতকা ভিক্খুং পহিণন্তি… গোত্তরক্খিতায গোত্তা 7 ভিক্খুং পহিণন্তি… ধম্মরক্খিতায সহধম্মিকা ভিক্খুং পহিণন্তি… সারক্খায যেন পরিগ্গহিতা হোতি সো ভিক্খুং পহিণতি… সপরিদণ্ডায যেন দণ্ডো ঠপিতো হোতি সো ভিক্খুং পহিণতি – ‘‘গচ্ছ, ভন্তে, ইত্থন্নামং ব্রূহি – ‘হোতু ইত্থন্নামস্স ভরিযা ধনক্কীতা’’’তি। পটিগ্গণ্হাতি ৰীমংসতি পচ্চাহরতি, আপত্তি সঙ্ঘাদিসেসস্স।
Piturakkhitāya pitā bhikkhuṃ pahiṇati…pe… mātāpiturakkhitāya mātāpitaro bhikkhuṃ pahiṇanti… bhāturakkhitāya bhātā bhikkhuṃ pahiṇati… bhaginirakkhitāya bhaginī bhikkhuṃ pahiṇati… ñātirakkhitāya ñātakā bhikkhuṃ pahiṇanti… gottarakkhitāya gottā 8 bhikkhuṃ pahiṇanti… dhammarakkhitāya sahadhammikā bhikkhuṃ pahiṇanti… sārakkhāya yena pariggahitā hoti so bhikkhuṃ pahiṇati… saparidaṇḍāya yena daṇḍo ṭhapito hoti so bhikkhuṃ pahiṇati – ‘‘gaccha, bhante, itthannāmaṃ brūhi – ‘hotu itthannāmassa bhariyā dhanakkītā’’’ti. Paṭiggaṇhāti vīmaṃsati paccāharati, āpatti saṅghādisesassa.
সপরিদণ্ডায যেন দণ্ডো ঠপিতো হোতি সো ভিক্খুং পহিণতি – ‘‘গচ্ছ, ভন্তে, ইত্থন্নামং ব্রূহি – ‘হোতু ইত্থন্নামস্স ভরিযা ছন্দৰাসিনী…পে॰… ভোগৰাসিনী… পটৰাসিনী… ওদপত্তকিনী… ওভটচুম্বটা… দাসী চ ভরিযা চ… কম্মকারী চ ভরিযা চ… ধজাহটা… মুহুত্তিকা’’’তি। পটিগ্গণ্হাতি ৰীমংসতি পচ্চাহরতি, আপত্তি সঙ্ঘাদিসেসস্স।
Saparidaṇḍāya yena daṇḍo ṭhapito hoti so bhikkhuṃ pahiṇati – ‘‘gaccha, bhante, itthannāmaṃ brūhi – ‘hotu itthannāmassa bhariyā chandavāsinī…pe… bhogavāsinī… paṭavāsinī… odapattakinī… obhaṭacumbaṭā… dāsī ca bhariyā ca… kammakārī ca bhariyā ca… dhajāhaṭā… muhuttikā’’’ti. Paṭiggaṇhāti vīmaṃsati paccāharati, āpatti saṅghādisesassa.
নিক্খেপপদানি।
Nikkhepapadāni.
৩২৭. সপরিদণ্ডায যেন দণ্ডো ঠপিতো হোতি সো ভিক্খুং পহিণতি – ‘‘গচ্ছ, ভন্তে, ইত্থন্নামং ব্রূহি – ‘হোতু ইত্থন্নামস্স ভরিযা ধনক্কীতা চ ছন্দৰাসিনী চ…পে॰… ধনক্কীতা চ ভোগৰাসিনী চ… ধনক্কীতা চ মুহুত্তিকা চা’’’তি। পটিগ্গণ্হাতি ৰীমংসতি পচ্চাহরতি, আপত্তি সঙ্ঘাদিসেসস্স।
327. Saparidaṇḍāya yena daṇḍo ṭhapito hoti so bhikkhuṃ pahiṇati – ‘‘gaccha, bhante, itthannāmaṃ brūhi – ‘hotu itthannāmassa bhariyā dhanakkītā ca chandavāsinī ca…pe… dhanakkītā ca bhogavāsinī ca… dhanakkītā ca muhuttikā cā’’’ti. Paṭiggaṇhāti vīmaṃsati paccāharati, āpatti saṅghādisesassa.
খণ্ডচক্কং।
Khaṇḍacakkaṃ.
৩২৮. সপরিদণ্ডায যেন দণ্ডো ঠপিতো হোতি সো ভিক্খুং পহিণতি – ‘‘গচ্ছ, ভন্তে, ইত্থন্নামং ব্রূহি – ‘হোতু ইত্থন্নামস্স ভরিযা ছন্দৰাসিনী চ ভোগৰাসিনী চ…পে॰… ছন্দৰাসিনী চ মুহুত্তিকা চ… ছন্দৰাসিনী চ ধনক্কীতা চা’’’ তি। পটিগ্গণ্হাতি ৰীমংসতি পচ্চাহরতি আপত্তি সঙ্ঘাদিসেসস্স।
328. Saparidaṇḍāya yena daṇḍo ṭhapito hoti so bhikkhuṃ pahiṇati – ‘‘gaccha, bhante, itthannāmaṃ brūhi – ‘hotu itthannāmassa bhariyā chandavāsinī ca bhogavāsinī ca…pe… chandavāsinī ca muhuttikā ca… chandavāsinī ca dhanakkītā cā’’’ ti. Paṭiggaṇhāti vīmaṃsati paccāharati āpatti saṅghādisesassa.
বদ্ধচক্কং মূলং সংখিত্তং।
Baddhacakkaṃ mūlaṃ saṃkhittaṃ.
৩২৯. সপরিদণ্ডায যেন দণ্ডো, ঠপিতো হোতি সো ভিক্খুং পহিণতি – ‘‘গচ্ছ, ভন্তে, ইত্থন্নামং ব্রূহি – ‘হোতু ইত্থন্নামস্স ভরিযা মুহুত্তিকা চ ধনক্কীতা চ…পে॰… মুহুত্তিকা চ ছন্দৰাসিনী চ…পে॰… মুহুত্তিকা চ ধজাহটা চা’’’তি। পটিগ্গণ্হাতি ৰীমংসতি পচ্চাহরতি, আপত্তি সঙ্ঘাদিসেসস্স।
329. Saparidaṇḍāya yena daṇḍo, ṭhapito hoti so bhikkhuṃ pahiṇati – ‘‘gaccha, bhante, itthannāmaṃ brūhi – ‘hotu itthannāmassa bhariyā muhuttikā ca dhanakkītā ca…pe… muhuttikā ca chandavāsinī ca…pe… muhuttikā ca dhajāhaṭā cā’’’ti. Paṭiggaṇhāti vīmaṃsati paccāharati, āpatti saṅghādisesassa.
একমূলকং নিট্ঠিতং।
Ekamūlakaṃ niṭṭhitaṃ.
দুমূলকম্পি তিমূলকম্পি যাৰ নৰমূলকং এৰমেৰ কাতব্বং।
Dumūlakampi timūlakampi yāva navamūlakaṃ evameva kātabbaṃ.
ইদং দসমূলকং
Idaṃ dasamūlakaṃ
৩৩০. সপরিদণ্ডায যেন দণ্ডো ঠপিতো হোতি সো ভিক্খুং পহিণতি – ‘‘গচ্ছ, ভন্তে, ইত্থন্নামং ব্রূহি – ‘হোতু ইত্থন্নামস্স ভরিযা ধনক্কীতা চ ছন্দৰাসিনী চ ভোগৰাসিনী চ পটৰাসিনী চ ওদপত্তকিনী চ ওভটচুম্বটা চ দাসী চ ভরিযা চ কম্মকারী চ ভরিযা চ ধজাহটা চ মুহুত্তিকা চা’’’তি। পটিগ্গণ্হাতি ৰীমংসতি পচ্চাহরতি, আপত্তি সঙ্ঘাদিসেসস্স।
330. Saparidaṇḍāya yena daṇḍo ṭhapito hoti so bhikkhuṃ pahiṇati – ‘‘gaccha, bhante, itthannāmaṃ brūhi – ‘hotu itthannāmassa bhariyā dhanakkītā ca chandavāsinī ca bhogavāsinī ca paṭavāsinī ca odapattakinī ca obhaṭacumbaṭā ca dāsī ca bhariyā ca kammakārī ca bhariyā ca dhajāhaṭā ca muhuttikā cā’’’ti. Paṭiggaṇhāti vīmaṃsati paccāharati, āpatti saṅghādisesassa.
দণ্ডঠপিতচক্কং নিট্ঠিতং।
Daṇḍaṭhapitacakkaṃ niṭṭhitaṃ.
মাতুরক্খিতা ভিক্খুং পহিণতি – ‘‘গচ্ছ, ভন্তে, ইত্থন্নামং ব্রূহি – ‘হোমি ইত্থন্নামস্স ভরিযা ধনক্কীতা’’’তি। পটিগ্গণ্হাতি ৰীমংসতি পচ্চাহরতি, আপত্তি সঙ্ঘাদিসেসস্স।
Māturakkhitā bhikkhuṃ pahiṇati – ‘‘gaccha, bhante, itthannāmaṃ brūhi – ‘homi itthannāmassa bhariyā dhanakkītā’’’ti. Paṭiggaṇhāti vīmaṃsati paccāharati, āpatti saṅghādisesassa.
মাতুরক্খিতা ভিক্খুং পহিণতি – ‘‘গচ্ছ, ভন্তে, ইত্থন্নামং ব্রূহি – ‘হোমি ইত্থন্নামস্স ভরিযা ছন্দৰাসিনী…পে॰… ভোগৰাসিনী… পটৰাসিনী… ওদপত্তকিনী… ওভটচুম্বটা… দাসী চ ভরিযা চ… কম্মকারী চ ভরিযা চ… ধজাহটা… মুহুত্তিকা’’’তি। পটিগ্গণ্হাতি ৰীমংসতি পচ্চাহরতি, আপত্তি সঙ্ঘাদিসেসস্স।
Māturakkhitā bhikkhuṃ pahiṇati – ‘‘gaccha, bhante, itthannāmaṃ brūhi – ‘homi itthannāmassa bhariyā chandavāsinī…pe… bhogavāsinī… paṭavāsinī… odapattakinī… obhaṭacumbaṭā… dāsī ca bhariyā ca… kammakārī ca bhariyā ca… dhajāhaṭā… muhuttikā’’’ti. Paṭiggaṇhāti vīmaṃsati paccāharati, āpatti saṅghādisesassa.
নিক্খেপপদানি।
Nikkhepapadāni.
৩৩১. মাতুরক্খিতা ভিক্খুং পহিণতি – ‘‘গচ্ছ, ভন্তে, ইত্থন্নামং ব্রূহি – ‘হোমি ইত্থন্নামস্স ভরিযা ধনক্কীতা চ ছন্দৰাসিনী চা’’’তি। পটিগ্গণ্হাতি ৰীমংসতি পচ্চাহরতি, আপত্তি সঙ্ঘাদিসেসস্স।
331. Māturakkhitā bhikkhuṃ pahiṇati – ‘‘gaccha, bhante, itthannāmaṃ brūhi – ‘homi itthannāmassa bhariyā dhanakkītā ca chandavāsinī cā’’’ti. Paṭiggaṇhāti vīmaṃsati paccāharati, āpatti saṅghādisesassa.
মাতুরক্খিতা ভিক্খুং পহিণতি – ‘‘গচ্ছ, ভন্তে, ইত্থন্নামং ব্রূহি – ‘হোমি ইত্থন্নামস্স ভরিযা ধনক্কীতা চ ভোগৰাসিনী চ…পে॰… ধনক্কীতা চ পটৰাসিনী চ…পে॰… ধনক্কীতা চ মুহুত্তিকা চা’’’তি। পটিগ্গণ্হাতি ৰীমংসতি পচ্চাহরতি, আপত্তি সঙ্ঘাদিসেসস্স।
Māturakkhitā bhikkhuṃ pahiṇati – ‘‘gaccha, bhante, itthannāmaṃ brūhi – ‘homi itthannāmassa bhariyā dhanakkītā ca bhogavāsinī ca…pe… dhanakkītā ca paṭavāsinī ca…pe… dhanakkītā ca muhuttikā cā’’’ti. Paṭiggaṇhāti vīmaṃsati paccāharati, āpatti saṅghādisesassa.
খণ্ডচক্কং।
Khaṇḍacakkaṃ.
৩৩২. মাতুরক্খিতা ভিক্খুং পহিণতি – ‘‘গচ্ছ, ভন্তে, ইত্থন্নামং ব্রূহি – ‘হোমি ইত্থন্নামস্স ভরিযা ছন্দৰাসিনী চ ভোগৰাসিনী চ…পে॰… ছন্দৰাসিনী চ মুহুত্তিকা চ… ছন্দৰাসিনী চ ধনক্কীতা চা’’’তি। পটিগ্গণ্হাতি ৰীমংসতি পচ্চাহরতি, আপত্তি সঙ্ঘাদিসেসস্স।
332. Māturakkhitā bhikkhuṃ pahiṇati – ‘‘gaccha, bhante, itthannāmaṃ brūhi – ‘homi itthannāmassa bhariyā chandavāsinī ca bhogavāsinī ca…pe… chandavāsinī ca muhuttikā ca… chandavāsinī ca dhanakkītā cā’’’ti. Paṭiggaṇhāti vīmaṃsati paccāharati, āpatti saṅghādisesassa.
বদ্ধচক্কং মূলং সংখিত্তং।
Baddhacakkaṃ mūlaṃ saṃkhittaṃ.
মাতুরক্খিতা ভিক্খুং পহিণতি – ‘‘গচ্ছ, ভন্তে, ইত্থন্নামং ব্রূহি – ‘হোমি ইত্থন্নামস্স ভরিযা মুহুত্তিকা চ ধনক্কীতা চ…পে॰… মুহুত্তিকা চ ছন্দৰাসিনী চ…পে॰… মুহুত্তিকা চ ধজাহটা চা’’’তি। পটিগ্গণ্হাতি ৰীমংসতি পচ্চাহরতি, আপত্তি সঙ্ঘাদিসেসস্স।
Māturakkhitā bhikkhuṃ pahiṇati – ‘‘gaccha, bhante, itthannāmaṃ brūhi – ‘homi itthannāmassa bhariyā muhuttikā ca dhanakkītā ca…pe… muhuttikā ca chandavāsinī ca…pe… muhuttikā ca dhajāhaṭā cā’’’ti. Paṭiggaṇhāti vīmaṃsati paccāharati, āpatti saṅghādisesassa.
একমূলকং নিট্ঠিতং।
Ekamūlakaṃ niṭṭhitaṃ.
দুমূলকাদীনিপি এৰমেৰ কাতব্বানি।
Dumūlakādīnipi evameva kātabbāni.
ইদং দসমূলকং
Idaṃ dasamūlakaṃ
৩৩৩. মাতুরক্খিতা ভিক্খুং পহিণতি – ‘‘গচ্ছ, ভন্তে, ইত্থন্নামং ব্রূহি – ‘হোমি ইত্থন্নামস্স ভরিযা ধনক্কীতা চ ছন্দৰাসিনী চ ভোগৰাসিনী চ পটৰাসিনী চ ওদপত্তকিনী চ ওভটচুম্বটা চ দাসী চ ভরিযা চ কম্মকারী চ ভরিযা চ ধজাহটা চ মুহুত্তিকা চা’’’তি। পটিগ্গণ্হাতি ৰীমংসতি পচ্চাহরতি, আপত্তি সঙ্ঘাদিসেসস্স।
333. Māturakkhitā bhikkhuṃ pahiṇati – ‘‘gaccha, bhante, itthannāmaṃ brūhi – ‘homi itthannāmassa bhariyā dhanakkītā ca chandavāsinī ca bhogavāsinī ca paṭavāsinī ca odapattakinī ca obhaṭacumbaṭā ca dāsī ca bhariyā ca kammakārī ca bhariyā ca dhajāhaṭā ca muhuttikā cā’’’ti. Paṭiggaṇhāti vīmaṃsati paccāharati, āpatti saṅghādisesassa.
অপরং মাতুরক্খিতাচক্কং নিট্ঠিতং।
Aparaṃ māturakkhitācakkaṃ niṭṭhitaṃ.
পিতুরক্খিতা ভিক্খুং পহিণতি…পে॰… মাতাপিতুরক্খিতা ভিক্খুং পহিণতি… ভাতুরক্খিতা ভিক্খুং পহিণতি… ভগিনিরক্খিতা ভিক্খুং পহিণতি… ঞাতিরক্খিতা ভিক্খুং পহিণতি… গোত্তরক্খিতা ভিক্খুং পহিণতি… ধম্মরক্খিতা ভিক্খুং পহিণতি… সারক্খা ভিক্খুং পহিণতি… সপরিদণ্ডা ভিক্খুং পহিণতি – ‘‘গচ্ছ, ভন্তে, ইত্থন্নামং ব্রূহি – ‘হোমি ইত্থন্নামস্স ভরিযা ধনক্কীতা’’’তি। পটিগ্গণ্হাতি ৰীমংসতি পচ্চাহরতি, আপত্তি সঙ্ঘাদিসেসস্স।
Piturakkhitā bhikkhuṃ pahiṇati…pe… mātāpiturakkhitā bhikkhuṃ pahiṇati… bhāturakkhitā bhikkhuṃ pahiṇati… bhaginirakkhitā bhikkhuṃ pahiṇati… ñātirakkhitā bhikkhuṃ pahiṇati… gottarakkhitā bhikkhuṃ pahiṇati… dhammarakkhitā bhikkhuṃ pahiṇati… sārakkhā bhikkhuṃ pahiṇati… saparidaṇḍā bhikkhuṃ pahiṇati – ‘‘gaccha, bhante, itthannāmaṃ brūhi – ‘homi itthannāmassa bhariyā dhanakkītā’’’ti. Paṭiggaṇhāti vīmaṃsati paccāharati, āpatti saṅghādisesassa.
সপরিদণ্ডা ভিক্খুং পহিণতি – ‘‘গচ্ছ, ভন্তে, ইত্থন্নামং ব্রূহি – ‘হোমি ইত্থন্নামস্স ভরিযা ছন্দৰাসিনী…পে॰… ভোগৰাসিনী… পটৰাসিনী… ওদপত্তকিনী… ওভটচুম্বটা… দাসী চ ভরিযা চ… কম্মকারী চ ভরিযা চ… ধজাহটা… মুহুত্তিকা’’’তি। পটিগ্গণ্হাতি ৰীমংসতি পচ্চাহরতি, আপত্তি সঙ্ঘাদিসেসস্স।
Saparidaṇḍā bhikkhuṃ pahiṇati – ‘‘gaccha, bhante, itthannāmaṃ brūhi – ‘homi itthannāmassa bhariyā chandavāsinī…pe… bhogavāsinī… paṭavāsinī… odapattakinī… obhaṭacumbaṭā… dāsī ca bhariyā ca… kammakārī ca bhariyā ca… dhajāhaṭā… muhuttikā’’’ti. Paṭiggaṇhāti vīmaṃsati paccāharati, āpatti saṅghādisesassa.
নিক্খেপপদানি।
Nikkhepapadāni.
৩৩৪. সপরিদণ্ডা ভিক্খুং পহিণতি – ‘‘গচ্ছ, ভন্তে, ইত্থন্নামং ব্রূহি – ‘হোমি ইত্থন্নামস্স ভরিযা ধনক্কীতা চ ছন্দৰাসিনী চ…পে॰… ধনক্কীতা চ মুহুত্তিকা চা’’’তি। পটিগ্গণ্হাতি ৰীমংসতি পচ্চাহরতি, আপত্তি সঙ্ঘাদিসেসস্স।
334. Saparidaṇḍā bhikkhuṃ pahiṇati – ‘‘gaccha, bhante, itthannāmaṃ brūhi – ‘homi itthannāmassa bhariyā dhanakkītā ca chandavāsinī ca…pe… dhanakkītā ca muhuttikā cā’’’ti. Paṭiggaṇhāti vīmaṃsati paccāharati, āpatti saṅghādisesassa.
খণ্ডচক্কং।
Khaṇḍacakkaṃ.
৩৩৫. সপরিদণ্ডা ভিক্খুং পহিণতি – ‘‘গচ্ছ, ভন্তে, ইত্থন্নামং ব্রূহি – ‘হোমি ইত্থন্নামস্স ভরিযা ছন্দৰাসিনী চ ভোগৰাসিনী চ…পে॰… ছন্দৰাসিনী চ মুহুত্তিকা চ… ছন্দৰাসিনী চ ধনক্কীতা চা’’’তি। পটিগ্গণ্হাতি ৰীমংসতি পচ্চাহরতি, আপত্তি সঙ্ঘাদিসেসস্স।
335. Saparidaṇḍā bhikkhuṃ pahiṇati – ‘‘gaccha, bhante, itthannāmaṃ brūhi – ‘homi itthannāmassa bhariyā chandavāsinī ca bhogavāsinī ca…pe… chandavāsinī ca muhuttikā ca… chandavāsinī ca dhanakkītā cā’’’ti. Paṭiggaṇhāti vīmaṃsati paccāharati, āpatti saṅghādisesassa.
বদ্ধচক্কং মূলং সংখিত্তং।
Baddhacakkaṃ mūlaṃ saṃkhittaṃ.
৩৩৬. সপরিদণ্ডা ভিক্খুং পহিণতি – ‘‘গচ্ছ, ভন্তে, ইত্থন্নামং ব্রূহি – ‘হোমি ইত্থন্নামস্স ভরিযা মুহুত্তিকা চ ধনক্কীতা চ…পে॰… মুহুত্তিকা চ ছন্দৰাসিনী চ…পে॰… মুহুত্তিকা চ ধজাহটা চা’’’তি। পটিগ্গণ্হাতি ৰীমংসতি পচ্চাহরতি, আপত্তি সঙ্ঘাদিসেসস্স।
336. Saparidaṇḍā bhikkhuṃ pahiṇati – ‘‘gaccha, bhante, itthannāmaṃ brūhi – ‘homi itthannāmassa bhariyā muhuttikā ca dhanakkītā ca…pe… muhuttikā ca chandavāsinī ca…pe… muhuttikā ca dhajāhaṭā cā’’’ti. Paṭiggaṇhāti vīmaṃsati paccāharati, āpatti saṅghādisesassa.
একমূলকং নিট্ঠিতং।
Ekamūlakaṃ niṭṭhitaṃ.
দুমূলকাদীনিপি এৰমেৰ কাতব্বানি।
Dumūlakādīnipi evameva kātabbāni.
ইদং দসমূলকং
Idaṃ dasamūlakaṃ
৩৩৭. সপরিদণ্ডা ভিক্খুং পহিণতি – ‘‘গচ্ছ, ভন্তে, ইত্থন্নামং ব্রূহি – ‘হোমি ইত্থন্নামস্স ভরিযা ধনক্কীতা চ ছন্দৰাসিনী চ ভোগৰাসিনী চ পটৰাসিনী চ ওদপত্তকিনী চ ওভটচুম্বটা চ দাসী চ ভরিযা চ কম্মকারী চ ভরিযা চ ধজাহটা চ মুহুত্তিকা চা’’’তি। পটিগ্গণ্হাতি ৰীমংসতি পচ্চাহরতি, আপত্তি সঙ্ঘাদিসেসস্স।
337. Saparidaṇḍā bhikkhuṃ pahiṇati – ‘‘gaccha, bhante, itthannāmaṃ brūhi – ‘homi itthannāmassa bhariyā dhanakkītā ca chandavāsinī ca bhogavāsinī ca paṭavāsinī ca odapattakinī ca obhaṭacumbaṭā ca dāsī ca bhariyā ca kammakārī ca bhariyā ca dhajāhaṭā ca muhuttikā cā’’’ti. Paṭiggaṇhāti vīmaṃsati paccāharati, āpatti saṅghādisesassa.
অপরং সপরিদণ্ডাচক্কং নিট্ঠিতং।
Aparaṃ saparidaṇḍācakkaṃ niṭṭhitaṃ.
সব্বং চক্কপেয্যালং নিট্ঠিতং।
Sabbaṃ cakkapeyyālaṃ niṭṭhitaṃ.
৩৩৮. পটিগ্গণ্হাতি ৰীমংসতি পচ্চাহরতি, আপত্তি সঙ্ঘাদিসেসস্স। পটিগ্গণ্হাতি ৰীমংসতি ন পচ্চাহরতি, আপত্তি থুল্লচ্চযস্স। পটিগ্গণ্হাতি ন ৰীমংসতি পচ্চাহরতি, আপত্তি থুল্লচ্চযস্স। পটিগ্গণ্হাতি ন ৰীমংসতি ন পচ্চাহরতি, আপত্তি দুক্কটস্স। ন পটিগ্গণ্হাতি ৰীমংসতি পচ্চাহরতি, আপত্তি থুল্লচ্চযস্স। ন পটিগ্গণ্হাতি ৰীমংসতি ন পচ্চাহরতি, আপত্তি দুক্কটস্স। ন পটিগ্গণ্হাতি ন ৰীমংসতি পচ্চাহরতি, আপত্তি দুক্কটস্স। ন পটিগ্গণ্হাতি ন ৰীমংসতি ন পচ্চাহরতি, অনাপত্তি।
338. Paṭiggaṇhāti vīmaṃsati paccāharati, āpatti saṅghādisesassa. Paṭiggaṇhāti vīmaṃsati na paccāharati, āpatti thullaccayassa. Paṭiggaṇhāti na vīmaṃsati paccāharati, āpatti thullaccayassa. Paṭiggaṇhāti na vīmaṃsati na paccāharati, āpatti dukkaṭassa. Na paṭiggaṇhāti vīmaṃsati paccāharati, āpatti thullaccayassa. Na paṭiggaṇhāti vīmaṃsati na paccāharati, āpatti dukkaṭassa. Na paṭiggaṇhāti na vīmaṃsati paccāharati, āpatti dukkaṭassa. Na paṭiggaṇhāti na vīmaṃsati na paccāharati, anāpatti.
পুরিসো সম্বহুলে ভিক্খূ আণাপেতি – ‘‘গচ্ছথ, ভন্তে, ইত্থন্নামং ইত্থিং ৰীমংসথা’’তি। সব্বে পটিগ্গণ্হন্তি সব্বে ৰীমংসন্তি সব্বে পচ্চাহরন্তি, আপত্তি সব্বেসং সঙ্ঘাদিসেসস্স।
Puriso sambahule bhikkhū āṇāpeti – ‘‘gacchatha, bhante, itthannāmaṃ itthiṃ vīmaṃsathā’’ti. Sabbe paṭiggaṇhanti sabbe vīmaṃsanti sabbe paccāharanti, āpatti sabbesaṃ saṅghādisesassa.
পুরিসো সম্বহুলে ভিক্খূ আণাপেতি – ‘‘গচ্ছথ, ভন্তে, ইত্থন্নামং ইত্থিং ৰীমংসথা’’তি। সব্বে পটিগ্গণ্হন্তি সব্বে ৰীমংসন্তি একং পচ্চাহরাপেন্তি, আপত্তি সব্বেসং সঙ্ঘাদিসেসস্স।
Puriso sambahule bhikkhū āṇāpeti – ‘‘gacchatha, bhante, itthannāmaṃ itthiṃ vīmaṃsathā’’ti. Sabbe paṭiggaṇhanti sabbe vīmaṃsanti ekaṃ paccāharāpenti, āpatti sabbesaṃ saṅghādisesassa.
পুরিসো সম্বহুলে ভিক্খূ আণাপেতি – ‘‘গচ্ছথ, ভন্তে, ইত্থন্নামং ইত্থিং ৰীমংসথা’’তি। সব্বে পটিগ্গণ্হন্তি, একং ৰীমংসাপেত্ৰা সব্বে পচ্চাহরন্তি, আপত্তি সব্বেসং সঙ্ঘাদিসেসস্স।
Puriso sambahule bhikkhū āṇāpeti – ‘‘gacchatha, bhante, itthannāmaṃ itthiṃ vīmaṃsathā’’ti. Sabbe paṭiggaṇhanti, ekaṃ vīmaṃsāpetvā sabbe paccāharanti, āpatti sabbesaṃ saṅghādisesassa.
পুরিসো সম্বহুলে ভিক্খূ আণাপেতি – ‘‘গচ্ছথ, ভন্তে, ইত্থন্নামং ইত্থিং ৰীমংসথা’’তি। সব্বে পটিগ্গণ্হন্তি, একং ৰীমংসাপেত্ৰা একং পচ্চাহরাপেন্তি, আপত্তি সব্বেসং সঙ্ঘাদিসেসস্স।
Puriso sambahule bhikkhū āṇāpeti – ‘‘gacchatha, bhante, itthannāmaṃ itthiṃ vīmaṃsathā’’ti. Sabbe paṭiggaṇhanti, ekaṃ vīmaṃsāpetvā ekaṃ paccāharāpenti, āpatti sabbesaṃ saṅghādisesassa.
পুরিসো ভিক্খুং আণাপেতি – ‘‘গচ্ছ, ভন্তে, ইত্থন্নামং ইত্থিং ৰীমংসা’’তি। পটিগ্গণ্হাতি ৰীমংসতি পচ্চাহরতি, আপত্তি সঙ্ঘাদিসেসস্স।
Puriso bhikkhuṃ āṇāpeti – ‘‘gaccha, bhante, itthannāmaṃ itthiṃ vīmaṃsā’’ti. Paṭiggaṇhāti vīmaṃsati paccāharati, āpatti saṅghādisesassa.
পুরিসো ভিক্খুং আণাপেতি – ‘‘গচ্ছ, ভন্তে, ইত্থন্নামং ইত্থিং ৰীমংসা’’তি। পটিগ্গণ্হাতি ৰীমংসতি অন্তেৰাসিং পচ্চাহরাপেতি, আপত্তি সঙ্ঘাদিসেসস্স।
Puriso bhikkhuṃ āṇāpeti – ‘‘gaccha, bhante, itthannāmaṃ itthiṃ vīmaṃsā’’ti. Paṭiggaṇhāti vīmaṃsati antevāsiṃ paccāharāpeti, āpatti saṅghādisesassa.
পুরিসো ভিক্খুং আণাপেতি – ‘‘গচ্ছ, ভন্তে, ইত্থন্নামং ইত্থিং ৰীমংসা’’তি। পটিগ্গণ্হাতি অন্তেৰাসিং ৰীমংসাপেত্ৰা অত্তনা পচ্চাহরতি আপত্তি সঙ্ঘাদিসেসস্স।
Puriso bhikkhuṃ āṇāpeti – ‘‘gaccha, bhante, itthannāmaṃ itthiṃ vīmaṃsā’’ti. Paṭiggaṇhāti antevāsiṃ vīmaṃsāpetvā attanā paccāharati āpatti saṅghādisesassa.
পুরিসো ভিক্খুং আণাপেতি – ‘‘গচ্ছ, ভন্তে, ইত্থন্নামং ইত্থি ৰিমংসা’’তি। পটিগ্গণ্হাতি অন্তেৰাসিং ৰীমংসাপেতি অন্তেৰাসী ৰীমংসিত্ৰা বহিদ্ধা পচ্চাহরতি, আপত্তি উভিন্নং থুল্লচ্চযস্স।
Puriso bhikkhuṃ āṇāpeti – ‘‘gaccha, bhante, itthannāmaṃ itthi vimaṃsā’’ti. Paṭiggaṇhāti antevāsiṃ vīmaṃsāpeti antevāsī vīmaṃsitvā bahiddhā paccāharati, āpatti ubhinnaṃ thullaccayassa.
৩৩৯. গচ্ছন্তো সম্পাদেতি, আগচ্ছন্তো ৰিসংৰাদেতি, আপত্তি থুল্লচ্চযস্স।
339. Gacchanto sampādeti, āgacchanto visaṃvādeti, āpatti thullaccayassa.
গচ্ছন্তো ৰিসংৰাদেতি, আগচ্ছন্তো সম্পাদেতি, আপত্তি থুল্লচ্চযস্স।
Gacchanto visaṃvādeti, āgacchanto sampādeti, āpatti thullaccayassa.
গচ্ছন্তো সম্পাদেতি, আগচ্ছন্তো সম্পাদেতি, আপত্তি সঙ্ঘাদিসেসস্স।
Gacchanto sampādeti, āgacchanto sampādeti, āpatti saṅghādisesassa.
গচ্ছন্তো ৰিসংৰাদেতি, আগচ্ছন্তো ৰিসংৰাদেতি, অনাপত্তি।
Gacchanto visaṃvādeti, āgacchanto visaṃvādeti, anāpatti.
৩৪০. অনাপত্তি সঙ্ঘস্স ৰা চেতিযস্স ৰা গিলানস্স ৰা করণীযেন গচ্ছতি, উম্মত্তকস্স, আদিকম্মিকস্সাতি।
340. Anāpatti saṅghassa vā cetiyassa vā gilānassa vā karaṇīyena gacchati, ummattakassa, ādikammikassāti.
ৰিনীতৰত্থুউদ্দানগাথা
Vinītavatthuuddānagāthā
সুত্তা মতা চ নিক্খন্তা, অনিত্থী ইত্থিপণ্ডকা।
Suttā matā ca nikkhantā, anitthī itthipaṇḍakā;
কলহং কত্ৰান সম্মোদি, সঞ্চরিত্তঞ্চ পণ্ডকেতি॥
Kalahaṃ katvāna sammodi, sañcarittañca paṇḍaketi.
ৰিনীতৰত্থু
Vinītavatthu
৩৪১. তেন খো পন সমযেন অঞ্ঞতরো পুরিসো অঞ্ঞতরং ভিক্খুং আণাপেসি – 9 ‘‘গচ্ছ, ভন্তে, ইত্থন্নামং ইত্থিং ৰীমংসা’’তি। সো গন্ত্ৰা মনুস্সে পুচ্ছি – ‘‘কহং ইত্থন্নামা’’তি? ‘‘সুত্তা, ভন্তে’’তি। তস্স কুক্কুচ্চং অহোসি – ‘‘ভগৰতা সিক্খাপদং পঞ্ঞত্তং, কচ্চি নু খো অহং সঙ্ঘাদিসেসং আপত্তিং আপন্নো’’তি? ভগৰতো এতমত্থং আরোচেসি। ‘‘অনাপত্তি, ভিক্খু, সঙ্ঘাদিসেসস্স; আপত্তি দুক্কটস্সা’’তি।
341. Tena kho pana samayena aññataro puriso aññataraṃ bhikkhuṃ āṇāpesi – 10 ‘‘gaccha, bhante, itthannāmaṃ itthiṃ vīmaṃsā’’ti. So gantvā manusse pucchi – ‘‘kahaṃ itthannāmā’’ti? ‘‘Suttā, bhante’’ti. Tassa kukkuccaṃ ahosi – ‘‘bhagavatā sikkhāpadaṃ paññattaṃ, kacci nu kho ahaṃ saṅghādisesaṃ āpattiṃ āpanno’’ti? Bhagavato etamatthaṃ ārocesi. ‘‘Anāpatti, bhikkhu, saṅghādisesassa; āpatti dukkaṭassā’’ti.
তেন খো পন সমযেন অঞ্ঞতরো পুরিসো অঞ্ঞতরং ভিক্খুং আণাপেসি – ‘‘গচ্ছ, ভন্তে, ইত্থন্নামং ইত্থিং ৰীমংসা’’তি। সো গন্ত্ৰা মনুস্সে পুচ্ছি – ‘‘কহং ইত্থন্নামা’’তি? ‘‘মতা, ভন্তে’’তি…পে॰… ‘‘নিক্খন্তা, ভন্তে’’তি… ‘‘অনিত্থী, ভন্তে’’তি… ‘‘ইত্থিপণ্ডকা, ভন্তে’’তি। তস্স কুক্কুচ্চং অহোসি…পে॰… ‘‘অনাপত্তি, ভিক্খু, সঙ্ঘাদিসেসস্স; আপত্তি দুক্কটস্সা’’তি।
Tena kho pana samayena aññataro puriso aññataraṃ bhikkhuṃ āṇāpesi – ‘‘gaccha, bhante, itthannāmaṃ itthiṃ vīmaṃsā’’ti. So gantvā manusse pucchi – ‘‘kahaṃ itthannāmā’’ti? ‘‘Matā, bhante’’ti…pe… ‘‘nikkhantā, bhante’’ti… ‘‘anitthī, bhante’’ti… ‘‘itthipaṇḍakā, bhante’’ti. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti dukkaṭassā’’ti.
তেন খো পন সমযেন অঞ্ঞতরা ইত্থী সামিকেন সহ ভণ্ডিত্ৰা মাতুঘরং অগমাসি। কুলূপকো ভিক্খু সম্মোদনীযং অকাসি। তস্স কুক্কুচ্চং অহোসি…পে॰… ‘‘অলংৰচনীযা, ভিক্খূ’’তি? ‘‘নালংৰচনীযা, ভগৰা’’তি। ‘‘অনাপত্তি, ভিক্খু, নালংৰচনীযাযা’’তি।
Tena kho pana samayena aññatarā itthī sāmikena saha bhaṇḍitvā mātugharaṃ agamāsi. Kulūpako bhikkhu sammodanīyaṃ akāsi. Tassa kukkuccaṃ ahosi…pe… ‘‘alaṃvacanīyā, bhikkhū’’ti? ‘‘Nālaṃvacanīyā, bhagavā’’ti. ‘‘Anāpatti, bhikkhu, nālaṃvacanīyāyā’’ti.
তেন খো পন সমযেন অঞ্ঞতরো ভিক্খু পণ্ডকে সঞ্চরিত্তং সমাপজ্জি। তস্স কুক্কুচ্চং অহোসি…পে॰… ‘‘অনাপত্তি, ভিক্খু, সঙ্ঘাদিসেসস্স; আপত্তি থুল্লচ্চযস্সা’’তি।
Tena kho pana samayena aññataro bhikkhu paṇḍake sañcarittaṃ samāpajji. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
সঞ্চরিত্তসিক্খাপদং নিট্ঠিতং পঞ্চমং।
Sañcarittasikkhāpadaṃ niṭṭhitaṃ pañcamaṃ.
Footnotes:
Related texts:
অট্ঠকথা • Aṭṭhakathā / ৰিনযপিটক (অট্ঠকথা) • Vinayapiṭaka (aṭṭhakathā) / মহাৰিভঙ্গ-অট্ঠকথা • Mahāvibhaṅga-aṭṭhakathā / ৫. সঞ্চরিত্তসিক্খাপদৰণ্ণনা • 5. Sañcarittasikkhāpadavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / সারত্থদীপনী-টীকা • Sāratthadīpanī-ṭīkā / ৫. সঞ্চরিত্তসিক্খাপদৰণ্ণনা • 5. Sañcarittasikkhāpadavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰজিরবুদ্ধি-টীকা • Vajirabuddhi-ṭīkā
৫. সঞ্চরিত্তসিক্খাপদৰণ্ণনা • 5. Sañcarittasikkhāpadavaṇṇanā
পদভাজনীযৰণ্ণনা • Padabhājanīyavaṇṇanā
ৰিনীতৰত্থুৰণ্ণনা • Vinītavatthuvaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰিমতিৰিনোদনী-টীকা • Vimativinodanī-ṭīkā / ৫. সঞ্চরিত্তসিক্খাপদৰণ্ণনা • 5. Sañcarittasikkhāpadavaṇṇanā
