| Library / Tipiṭaka / д̇ибидага • Tipiṭaka / махаавибхан̇г̇а-адтагат̇аа • Mahāvibhaṅga-aṭṭhakathā |
5. сан̃жарид̇д̇асигкаабад̣̇аван̣н̣анаа
5. Sañcarittasikkhāpadavaṇṇanā
296. д̇зна самаязна б̣уд̣̇д̇хо бхаг̇аваад̇и сан̃жарид̇д̇ам̣. д̇ад̇т̇а бан̣д̣ид̇аад̇и бан̣д̣ижжзна саманнааг̇ад̇аа г̇ад̇иманд̇аа. б̣яад̇д̇аад̇и взяяад̇д̇иязна саманнааг̇ад̇аа, убааязна саманнааг̇ад̇аа убааяан̃н̃уу висаарад̣̇аа. мзд̇хаавинийд̇и мзд̇хааяа саманнааг̇ад̇аа, д̣̇идтам̣ д̣̇идтам̣ гарод̇и. д̣̇агкаад̇и чзгаа. аналасаад̇и удтаанавийрияасамбаннаа. чаннаад̇и анужчавигаа.
296.Tenasamayena buddho bhagavāti sañcarittaṃ. Tattha paṇḍitāti paṇḍiccena samannāgatā gatimantā. Byattāti veyyattiyena samannāgatā, upāyena samannāgatā upāyaññū visāradā. Medhāvinīti medhāya samannāgatā, diṭṭhaṃ diṭṭhaṃ karoti. Dakkhāti chekā. Analasāti uṭṭhānavīriyasampannā. Channāti anucchavikā.
гисмим̣ вияаад̇и гижчам̣ вияа гилзсо вияа, хири вияа амхаагам̣ ход̇ийд̇и ад̇хиббааяо. гумааригааяа вад̇д̇унд̇и ‘‘имам̣ д̇умхз г̇ан̣хат̇аа’’д̇и гумааригааяа гааран̣аа вад̇д̇ум̣.
Kismiṃ viyāti kicchaṃ viya kileso viya, hiri viya amhākaṃ hotīti adhippāyo. Kumārikāya vattunti ‘‘imaṃ tumhe gaṇhathā’’ti kumārikāya kāraṇā vattuṃ.
ааваахаад̣̇ийсу аавааход̇и д̣̇аарагасса барагулад̇о д̣̇ааригааяа аахаран̣ам̣. вивааход̇и ад̇д̇ано д̣̇ааригааяа барагулабзсанам̣. ваарзяяанд̇и ‘‘д̣̇зт̇а но д̣̇аарагасса д̣̇аарига’’нд̇и яаажанам̣, д̣̇ивасанагкад̇д̇амухуд̇д̇абарижчзд̣̇агаран̣ам̣ ваа.
Āvāhādīsu āvāhoti dārakassa parakulato dārikāya āharaṇaṃ. Vivāhoti attano dārikāya parakulapesanaṃ. Vāreyyanti ‘‘detha no dārakassa dārika’’nti yācanaṃ, divasanakkhattamuhuttaparicchedakaraṇaṃ vā.
297. бураан̣аг̇ан̣агияаад̇и згасса г̇ан̣агасса бхарияааяа, саа д̇асмим̣ ж̇ийвамаанз г̇ан̣агийд̇и бан̃н̃ааяид̇т̇а, мад̇з бана бураан̣аг̇ан̣агийд̇и сан̇кам̣ г̇ад̇аа. д̇ирог̇аамод̇и б̣ахиг̇аамо, ан̃н̃о г̇аамод̇и ад̇хиббааяо. мануссаад̇и уд̣̇ааяисса имам̣ сан̃жарид̇д̇агаммз яуд̇д̇абаяуд̇д̇абхаавам̣ ж̇аананагамануссаа.
297.Purāṇagaṇakiyāti ekassa gaṇakassa bhariyāya, sā tasmiṃ jīvamāne gaṇakīti paññāyittha, mate pana purāṇagaṇakīti saṅkhaṃ gatā. Tirogāmoti bahigāmo, añño gāmoti adhippāyo. Manussāti udāyissa imaṃ sañcarittakamme yuttapayuttabhāvaṃ jānanakamanussā.
сун̣исабхог̇знаад̇и язна бхог̇зна сун̣исаа бхун̃ж̇ид̇аб̣б̣аа ход̇и ранд̇хаабанабажаабанабаавзсанаад̣̇инаа, д̇зна бхун̃ж̇им̣су. д̇ад̇о абарзна д̣̇аасибхог̇знаад̇и маасаад̇иггамз язна бхог̇зна д̣̇аасий бхун̃ж̇ид̇аб̣б̣аа ход̇и кзд̇д̇агаммагажаварачад̣д̣анауд̣̇агаахаран̣аад̣̇инаа, д̇зна бхун̃ж̇им̣су. д̣̇уг̇г̇ад̇аад̇и д̣̇алид̣̇д̣̇аа, яад̇т̇а ваа г̇ад̇аа д̣̇уг̇г̇ад̇аа ход̇и д̇аад̣̇исам̣ гулам̣ г̇ад̇аа. мааяяо имам̣ гумаариганд̇и маа аяяо имам̣ гумааригам̣. аахааруубахаарод̇и аахааро жа убахааро жа г̇ахан̣ан̃жа д̣̇аанан̃жа, на амхзхи гин̃жи аахадам̣ на убаахадам̣ д̇аяаа сад̣̇д̇хим̣ гаяавиггаяо вохааро амхаагам̣ над̇т̇ийд̇и д̣̇ийбзнд̇и. саман̣зна бхавид̇аб̣б̣ам̣ аб̣яаавадзна, саман̣о асса сусаман̣од̇и саман̣зна наама ийд̣̇исзсу гаммзсу аб̣яаавадзна аб̣яаабаарзна бхавид̇аб̣б̣ам̣, звам̣ бхаванд̇о хи саман̣о сусаман̣о ассаад̇и, звам̣ нам̣ абасаад̣̇зд̇ваа ‘‘г̇ажча д̇вам̣ на маяам̣ д̇ам̣ ж̇аанаамаа’’д̇и аахам̣су.
Suṇisabhogenāti yena bhogena suṇisā bhuñjitabbā hoti randhāpanapacāpanapaavesanādinā, tena bhuñjiṃsu. Tato aparena dāsibhogenāti māsātikkame yena bhogena dāsī bhuñjitabbā hoti khettakammakacavarachaḍḍanaudakāharaṇādinā, tena bhuñjiṃsu. Duggatāti daliddā, yattha vā gatā duggatā hoti tādisaṃ kulaṃ gatā. Māyyo imaṃ kumārikanti mā ayyo imaṃ kumārikaṃ. Āhārūpahāroti āhāro ca upahāro ca gahaṇañca dānañca, na amhehi kiñci āhaṭaṃ na upāhaṭaṃ tayā saddhiṃ kayavikkayo vohāro amhākaṃ natthīti dīpenti. Samaṇena bhavitabbaṃ abyāvaṭena, samaṇo assa susamaṇoti samaṇena nāma īdisesu kammesu abyāvaṭena abyāpārena bhavitabbaṃ, evaṃ bhavanto hi samaṇo susamaṇo assāti, evaṃ naṃ apasādetvā ‘‘gaccha tvaṃ na mayaṃ taṃ jānāmā’’ti āhaṃsu.
298. саж̇ж̇ид̇од̇и саб̣б̣уубагаран̣асамбанно ман̣д̣ид̇абасаад̇хид̇о ваа.
298.Sajjitoti sabbūpakaraṇasampanno maṇḍitapasādhito vā.
300. д̇худ̇д̇аад̇и ид̇т̇ид̇худ̇д̇аа. барижаарзнд̇аад̇и манаабиязсу руубаад̣̇ийсу ид̇о жид̇о жа саманд̇аа инд̣̇рияаани жаарзнд̇аа, гийл̣анд̇аа абхираманд̇аад̇и вуд̇д̇ам̣ ход̇и. аб̣бхуд̇амагам̣сууд̇и яад̣̇и гариссад̇и д̇вам̣ зд̇д̇агам̣ ж̇ид̇о, яад̣̇и на гариссад̇и ахам̣ зд̇д̇аганд̇и бан̣амагам̣су. бхигкуунам̣ бана аб̣бхуд̇ам̣ гаад̇ум̣ на ваддад̇и. яо гарод̇и барааж̇ид̇зна д̣̇аад̇аб̣б̣анд̇и махаабажжарияам̣ вуд̇д̇ам̣.
300.Dhuttāti itthidhuttā. Paricārentāti manāpiyesu rūpādīsu ito cito ca samantā indriyāni cārentā, kīḷantā abhiramantāti vuttaṃ hoti. Abbhutamakaṃsūti yadi karissati tvaṃ ettakaṃ jito, yadi na karissati ahaṃ ettakanti paṇamakaṃsu. Bhikkhūnaṃ pana abbhutaṃ kātuṃ na vaṭṭati. Yo karoti parājitena dātabbanti mahāpaccariyaṃ vuttaṃ.
гат̇ан̃хи наама аяяо уд̣̇ааяий д̇ан̇кан̣иганд̇и зд̇т̇а д̇ан̇кан̣од̇и ажирагаало вужжад̇и. д̇ан̇кан̣иганд̇и ажирагаалаад̇хигааригам̣.
Kathañhi nāma ayyo udāyī taṅkhaṇikanti ettha taṅkhaṇoti acirakālo vuccati. Taṅkhaṇikanti acirakālādhikārikaṃ.
301. сан̃жарид̇д̇ам̣ самаабаж̇ж̇зяяаад̇и сан̃жаран̣абхаавам̣ самаабаж̇ж̇зяяа. яасмаа бана д̇ам̣ самаабаж̇ж̇анд̇зна гзнажи бзсид̇зна гад̇т̇ажи г̇анд̇аб̣б̣ам̣ ход̇и, барад̇о жа ‘‘ид̇т̇ияаа ваа бурисамад̇и’’нд̇и аад̣̇иважанад̇о ид̇ха ид̇т̇ибурисаа ад̇хиббзд̇аа, д̇асмаа д̇амад̇т̇ам̣ д̣̇ассзд̇ум̣ ‘‘ид̇т̇ияаа ваа бахид̇о бурисасса санд̇игз г̇ажчад̇и, бурисзна ваа бахид̇о ид̇т̇ияаа санд̇игз г̇ажчад̇ий’’д̇и звамасса бад̣̇абхааж̇анам̣ вуд̇д̇ам̣. ид̇т̇ияаа ваа бурисамад̇им̣ бурисасса ваа ид̇т̇имад̇инд̇и зд̇т̇а аарожзяяаад̇и баатасзсо д̣̇адтаб̣б̣о, д̇знзвасса бад̣̇абхааж̇анз ‘‘бурисасса мад̇им̣ ид̇т̇ияаа аарожзд̇и, ид̇т̇ияаа мад̇им̣ бурисасса аарожзд̇ий’’д̇и вуд̇д̇ам̣.
301.Sañcarittaṃ samāpajjeyyāti sañcaraṇabhāvaṃ samāpajjeyya. Yasmā pana taṃ samāpajjantena kenaci pesitena katthaci gantabbaṃ hoti, parato ca ‘‘itthiyā vā purisamati’’nti ādivacanato idha itthipurisā adhippetā, tasmā tamatthaṃ dassetuṃ ‘‘itthiyā vā pahito purisassa santike gacchati, purisena vā pahito itthiyā santike gacchatī’’ti evamassa padabhājanaṃ vuttaṃ. Itthiyā vā purisamatiṃ purisassa vā itthimatinti ettha āroceyyāti pāṭhaseso daṭṭhabbo, tenevassa padabhājane ‘‘purisassa matiṃ itthiyā āroceti, itthiyā matiṃ purisassa ārocetī’’ti vuttaṃ.
ид̣̇аани яад̣̇ад̇т̇ам̣ д̇ам̣ д̇зсам̣ мад̇им̣ ад̇хиббааяам̣ аж̇жхаасаяам̣ чанд̣̇ам̣ ружим̣ аарожзд̇и, д̇ам̣ д̣̇ассзнд̇о ‘‘ж̇ааяад̇д̇анз ваа ж̇аарад̇д̇анз ваа’’д̇иаад̣̇имааха. д̇ад̇т̇а ж̇ааяад̇д̇анзд̇и ж̇ааяаабхаавз. ж̇аарад̇д̇анзд̇и ж̇аарабхаавз. бурисасса хи мад̇им̣ ид̇т̇ияаа аарожзнд̇о ж̇ааяад̇д̇анз аарожзд̇и, ид̇т̇ияаа мад̇им̣ бурисасса аарожзнд̇о ж̇аарад̇д̇анз аарожзд̇и; абижа бурисассзва мад̇им̣ ид̇т̇ияаа аарожзнд̇о ж̇ааяад̇д̇анз ваа аарожзд̇и ниб̣ад̣̇д̇хабхарияаабхаавз, ж̇аарад̇д̇анз ваа мижчаажаарабхаавз. яасмаа банзд̇ам̣ аарожзнд̇зна ‘‘д̇вам̣ гирасса ж̇ааяаа бхависсасий’’д̇иаад̣̇и вад̇д̇аб̣б̣ам̣ ход̇и, д̇асмаа д̇ам̣ вад̇д̇аб̣б̣ад̇аагаарам̣ д̣̇ассзд̇ум̣ ‘‘ж̇ааяад̇д̇анз ваад̇и ж̇ааяаа бхависсаси, ж̇аарад̇д̇анз ваад̇и ж̇аарий бхависсасий’’д̇и асса бад̣̇абхааж̇анам̣ вуд̇д̇ам̣. зд̇знзва жа убааязна ид̇т̇ияаа мад̇им̣ бурисасса аарожанзби бад̇и бхависсаси, саамиго бхависсаси, ж̇ааро бхависсасийд̇и вад̇д̇аб̣б̣ад̇аагааро взд̣̇ид̇аб̣б̣о.
Idāni yadatthaṃ taṃ tesaṃ matiṃ adhippāyaṃ ajjhāsayaṃ chandaṃ ruciṃ āroceti, taṃ dassento ‘‘jāyattane vā jārattane vā’’tiādimāha. Tattha jāyattaneti jāyābhāve. Jārattaneti jārabhāve. Purisassa hi matiṃ itthiyā ārocento jāyattane āroceti, itthiyā matiṃ purisassa ārocento jārattane āroceti; apica purisasseva matiṃ itthiyā ārocento jāyattane vā āroceti nibaddhabhariyābhāve, jārattane vā micchācārabhāve. Yasmā panetaṃ ārocentena ‘‘tvaṃ kirassa jāyā bhavissasī’’tiādi vattabbaṃ hoti, tasmā taṃ vattabbatākāraṃ dassetuṃ ‘‘jāyattane vāti jāyā bhavissasi, jārattane vāti jārī bhavissasī’’ti assa padabhājanaṃ vuttaṃ. Eteneva ca upāyena itthiyā matiṃ purisassa ārocanepi pati bhavissasi, sāmiko bhavissasi, jāro bhavissasīti vattabbatākāro veditabbo.
анд̇амасо д̇ан̇кан̣игааяабийд̇и саб̣б̣анд̇имзна барижчзд̣̇зна яаа аяам̣ д̇ан̇кан̣з мухуд̇д̇амад̇д̇з бадисам̣васид̇аб̣б̣ад̇о д̇ан̇кан̣игаад̇и вужжад̇и, мухуд̇д̇игаад̇и ад̇т̇о. д̇ассааби ‘‘мухуд̇д̇игаа бхависсасий’’д̇и звам̣ бурисамад̇им̣ аарожзнд̇асса сан̇гхаад̣̇исзсо. зд̇знзвубааязна ‘‘мухуд̇д̇иго бхависсасий’’д̇и звам̣ бурисасса ид̇т̇имад̇им̣ аарожзнд̇оби сан̇гхаад̣̇исзсам̣ аабаж̇ж̇ад̇ийд̇и взд̣̇ид̇аб̣б̣о.
Antamaso taṅkhaṇikāyapīti sabbantimena paricchedena yā ayaṃ taṅkhaṇe muhuttamatte paṭisaṃvasitabbato taṅkhaṇikāti vuccati, muhuttikāti attho. Tassāpi ‘‘muhuttikā bhavissasī’’ti evaṃ purisamatiṃ ārocentassa saṅghādiseso. Etenevupāyena ‘‘muhuttiko bhavissasī’’ti evaṃ purisassa itthimatiṃ ārocentopi saṅghādisesaṃ āpajjatīti veditabbo.
303. ид̣̇аани ‘‘ид̇т̇ияаа ваа бурисамад̇и’’нд̇и зд̇т̇а ад̇хиббзд̇аа ид̇т̇ияо бабхзд̣̇ад̇о д̣̇ассзд̇ваа д̇аасу сан̃жарид̇д̇авасзна аабад̇д̇ибхзд̣̇ам̣ д̣̇ассзд̇ум̣ ‘‘д̣̇аса ид̇т̇ияо’’д̇иаад̣̇имааха. д̇ад̇т̇а маад̇урагкид̇аад̇и маад̇араа рагкид̇аа. яат̇аа бурисзна сам̣ваасам̣ на габбзд̇и, звам̣ маад̇араа рагкид̇аа, д̇знасса бад̣̇абхааж̇анзби вуд̇д̇ам̣ – ‘‘маад̇аа рагкад̇и г̇обзд̇и иссарияам̣ гаарзд̇и васам̣ вад̇д̇зд̇ий’’д̇и. д̇ад̇т̇а рагкад̇ийд̇и гад̇т̇ажи г̇анд̇ум̣ на д̣̇зд̇и. г̇обзд̇ийд̇и яат̇аа ан̃н̃з на бассанд̇и, звам̣ г̇уд̇д̇адтаанз табзд̇и. иссарияам̣ гаарзд̇ийд̇и сзривихаарамассаа нисзд̇хзнд̇ий абхибхавид̇ваа бавад̇д̇ад̇и. васам̣ вад̇д̇зд̇ийд̇и ‘‘ид̣̇ам̣ гарохи, ид̣̇ам̣ маа агаасий’’д̇и звам̣ ад̇д̇ано васам̣ д̇ассаа убари вад̇д̇зд̇и. зд̇знубааязна бид̇урагкид̇аад̣̇аяоби н̃аад̇аб̣б̣аа. г̇од̇д̇ам̣ ваа д̇хаммо ваа на рагкад̇и, саг̇од̇д̇зхи бана сахад̇хаммигзхи жа згам̣ сад̇т̇аарам̣ уд̣̇д̣̇исса баб̣б̣аж̇ид̇зхи згаг̇ан̣абарияаабаннзхи жа рагкид̇аа ‘‘г̇од̇д̇арагкид̇аа д̇хаммарагкид̇аа’’д̇и вужжад̇и, д̇асмаа д̇зсам̣ бад̣̇аанам̣ ‘‘саг̇од̇д̇аа рагканд̇ий’’д̇иаад̣̇инаа наязна бад̣̇абхааж̇анам̣ вуд̇д̇ам̣.
303. Idāni ‘‘itthiyā vā purisamati’’nti ettha adhippetā itthiyo pabhedato dassetvā tāsu sañcarittavasena āpattibhedaṃ dassetuṃ ‘‘dasa itthiyo’’tiādimāha. Tattha māturakkhitāti mātarā rakkhitā. Yathā purisena saṃvāsaṃ na kappeti, evaṃ mātarā rakkhitā, tenassa padabhājanepi vuttaṃ – ‘‘mātā rakkhati gopeti issariyaṃ kāreti vasaṃ vattetī’’ti. Tattha rakkhatīti katthaci gantuṃ na deti. Gopetīti yathā aññe na passanti, evaṃ guttaṭṭhāne ṭhapeti. Issariyaṃ kāretīti serivihāramassā nisedhentī abhibhavitvā pavattati. Vasaṃ vattetīti ‘‘idaṃ karohi, idaṃ mā akāsī’’ti evaṃ attano vasaṃ tassā upari vatteti. Etenupāyena piturakkhitādayopi ñātabbā. Gottaṃ vā dhammo vā na rakkhati, sagottehi pana sahadhammikehi ca ekaṃ satthāraṃ uddissa pabbajitehi ekagaṇapariyāpannehi ca rakkhitā ‘‘gottarakkhitā dhammarakkhitā’’ti vuccati, tasmā tesaṃ padānaṃ ‘‘sagottā rakkhantī’’tiādinā nayena padabhājanaṃ vuttaṃ.
саха аарагкзнаад̇и саарагкаа. саха барид̣̇ан̣д̣знаад̇и сабарид̣̇ан̣д̣аа. д̇аасам̣ нид̣̇д̣̇зсаа баагадаава. имаасу д̣̇асасу бажчимаанам̣ д̣̇виннамзва бурисанд̇арам̣ г̇ажчанд̇ийнам̣ мижчаажааро ход̇и, на ид̇араасам̣.
Saha ārakkhenāti sārakkhā. Saha paridaṇḍenāti saparidaṇḍā. Tāsaṃ niddesā pākaṭāva. Imāsu dasasu pacchimānaṃ dvinnameva purisantaraṃ gacchantīnaṃ micchācāro hoti, na itarāsaṃ.
д̇ханаггийд̇аад̣̇ийсу аббзна ваа б̣ахунаа ваа д̇ханзна гийд̇аа д̇ханаггийд̇аа. яасмаа бана саа на гийд̇амад̇д̇аа зва сам̣ваасад̇т̇ааяа бана гийд̇ад̇д̇аа бхарияаа, д̇асмаасса нид̣̇д̣̇зсз д̇ханзна гин̣ид̇ваа ваасзд̇ийд̇и вуд̇д̇ам̣.
Dhanakkītādīsu appena vā bahunā vā dhanena kītā dhanakkītā. Yasmā pana sā na kītamattā eva saṃvāsatthāya pana kītattā bhariyā, tasmāssa niddese dhanena kiṇitvā vāsetīti vuttaṃ.
чанд̣̇зна ад̇д̇ано ружияаа васад̇ийд̇и чанд̣̇аваасиний. яасмаа бана саа на ад̇д̇ано чанд̣̇амад̇д̇знзва бхарияаа ход̇и бурисзна бана самбадижчид̇ад̇д̇аа, д̇асмаасса нид̣̇д̣̇зсз ‘‘бияо бияам̣ ваасзд̇ий’’д̇и вуд̇д̇ам̣.
Chandena attano ruciyā vasatīti chandavāsinī. Yasmā pana sā na attano chandamatteneva bhariyā hoti purisena pana sampaṭicchitattā, tasmāssa niddese ‘‘piyo piyaṃ vāsetī’’ti vuttaṃ.
бхог̇зна васад̇ийд̇и бхог̇аваасиний. уд̣̇угкаламусалаад̣̇игхаруубагаран̣ам̣ лабхид̇ваа бхарияаабхаавам̣ г̇ажчанд̇ияаа ж̇анабад̣̇ид̇т̇ияаа зд̇ам̣ ад̇хиважанам̣.
Bhogena vasatīti bhogavāsinī. Udukkhalamusalādigharūpakaraṇaṃ labhitvā bhariyābhāvaṃ gacchantiyā janapaditthiyā etaṃ adhivacanaṃ.
бадзна васад̇ийд̇и бадаваасиний. ниваасанамад̇д̇амби баавуран̣амад̇д̇амби лабхид̇ваа бхарияаабхаавам̣ убаг̇ажчанд̇ияаа д̣̇алид̣̇д̣̇ид̇т̇ияаа зд̇ам̣ ад̇хиважанам̣.
Paṭena vasatīti paṭavāsinī. Nivāsanamattampi pāvuraṇamattampi labhitvā bhariyābhāvaṃ upagacchantiyā dalidditthiyā etaṃ adhivacanaṃ.
од̣̇абад̇д̇агинийд̇и убхиннам̣ згиссаа уд̣̇агабаад̇ияаа хад̇т̇з од̇аарзд̇ваа ‘‘ид̣̇ам̣ уд̣̇агам̣ вияа сам̣садтаа абхзж̇ж̇аа хот̇аа’’д̇и вад̇ваа бариг̇г̇ахид̇ааяа вохааранаамамзд̇ам̣, нид̣̇д̣̇зсзбисса ‘‘д̇ааяа саха уд̣̇агабад̇д̇ам̣ аамасид̇ваа д̇ам̣ ваасзд̇ий’’д̇и звамад̇т̇о взд̣̇ид̇аб̣б̣о.
Odapattakinīti ubhinnaṃ ekissā udakapātiyā hatthe otāretvā ‘‘idaṃ udakaṃ viya saṃsaṭṭhā abhejjā hothā’’ti vatvā pariggahitāya vohāranāmametaṃ, niddesepissa ‘‘tāya saha udakapattaṃ āmasitvā taṃ vāsetī’’ti evamattho veditabbo.
обхадам̣ оробид̇ам̣ жумб̣адамассаад̇и обхадажумб̣адаа, гадтахааригаад̣̇ийнам̣ ан̃н̃ад̇араа, яассаа сийсад̇о жумб̣адам̣ оробзд̇ваа гхарз ваасзд̇и, д̇ассаа зд̇ам̣ ад̇хиважанам̣.
Obhaṭaṃ oropitaṃ cumbaṭamassāti obhaṭacumbaṭā, kaṭṭhahārikādīnaṃ aññatarā, yassā sīsato cumbaṭaṃ oropetvā ghare vāseti, tassā etaṃ adhivacanaṃ.
д̣̇аасий жаад̇и ад̇д̇аноязва д̣̇аасий жа ход̇и бхарияаа жа.
Dāsī cāti attanoyeva dāsī ca hoti bhariyā ca.
гаммагаарий наама г̇зхз бхад̇ияаа гаммам̣ гарод̇и, д̇ааяа сад̣̇д̇хим̣ гожи гхарааваасам̣ габбзд̇и ад̇д̇ано бхарияааяа анад̇т̇иго худ̇ваа. аяам̣ вужжад̇и ‘‘гаммагаарий жа бхарияаа жаа’’д̇и.
Kammakārī nāma gehe bhatiyā kammaṃ karoti, tāya saddhiṃ koci gharāvāsaṃ kappeti attano bhariyāya anatthiko hutvā. Ayaṃ vuccati ‘‘kammakārī ca bhariyā cā’’ti.
д̇хаж̇зна аахадаа д̇хаж̇аахадаа, уссид̇ад̣̇д̇хаж̇ааяа сзнааяа г̇анд̇ваа барависаяам̣ вилумбид̇ваа аанийд̇аад̇и вуд̇д̇ам̣ ход̇и, д̇ам̣ гожи бхарияам̣ гарод̇и, аяам̣ д̇хаж̇аахадаа наама. мухуд̇д̇игаа вуд̇д̇анаяаазва, зд̇аасам̣ д̣̇асаннамби бурисанд̇араг̇аманз мижчаажааро ход̇и. бурисаанам̣ бана вийсад̇ияааби зд̇аасу мижчаажааро ход̇и, бхигкуно жа сан̃жарид̇д̇ам̣ ход̇ийд̇и.
Dhajena āhaṭā dhajāhaṭā, ussitaddhajāya senāya gantvā paravisayaṃ vilumpitvā ānītāti vuttaṃ hoti, taṃ koci bhariyaṃ karoti, ayaṃ dhajāhaṭā nāma. Muhuttikā vuttanayāeva, etāsaṃ dasannampi purisantaragamane micchācāro hoti. Purisānaṃ pana vīsatiyāpi etāsu micchācāro hoti, bhikkhuno ca sañcarittaṃ hotīti.
305. ид̣̇аани бурисо бхигкум̣ бахин̣ад̇ийд̇иаад̣̇ийсу бадиг̇г̇ан̣хаад̇ийд̇и со бхигку д̇асса бурисасса ‘‘г̇ажча, бханд̇з, ид̇т̇аннаамам̣ маад̇урагкид̇ам̣ б̣руухи, хохи гира ид̇т̇аннаамасса бхарияаа д̇ханаггийд̇аа’’д̇и звам̣ вуд̇д̇аважанам̣ ‘‘саад̇ху убаасагаа’’д̇и ваа ‘‘ход̇уу’’д̇и ваа ‘‘аарожзссаамий’’д̇и ваа язна гзнажи аагаарзна важийбхзд̣̇ам̣ гад̇ваа ваа сийсагамбанаад̣̇ийхи ваа самбадижчад̇и. виймам̣сад̇ийд̇и звам̣ бадиг̇г̇ан̣хид̇ваа д̇ассаа ид̇т̇ияаа санд̇игам̣ г̇анд̇ваа д̇ам̣ саасанам̣ аарожзд̇и. бажжаахарад̇ийд̇и д̇зна аарожид̇з саа ид̇т̇ий ‘‘саад̇хуу’’д̇и самбадижчад̇у ваа бадигкибад̇у ваа лаж̇ж̇ааяа ваа д̇ун̣хий ход̇у, буна ааг̇анд̇ваа д̇асса бурисасса д̇ам̣ бавад̇д̇им̣ аарожзд̇и.
305. Idāni puriso bhikkhuṃ pahiṇatītiādīsu paṭiggaṇhātīti so bhikkhu tassa purisassa ‘‘gaccha, bhante, itthannāmaṃ māturakkhitaṃ brūhi, hohi kira itthannāmassa bhariyā dhanakkītā’’ti evaṃ vuttavacanaṃ ‘‘sādhu upāsakā’’ti vā ‘‘hotū’’ti vā ‘‘ārocessāmī’’ti vā yena kenaci ākārena vacībhedaṃ katvā vā sīsakampanādīhi vā sampaṭicchati. Vīmaṃsatīti evaṃ paṭiggaṇhitvā tassā itthiyā santikaṃ gantvā taṃ sāsanaṃ āroceti. Paccāharatīti tena ārocite sā itthī ‘‘sādhū’’ti sampaṭicchatu vā paṭikkhipatu vā lajjāya vā tuṇhī hotu, puna āgantvā tassa purisassa taṃ pavattiṃ āroceti.
зд̇д̇аавад̇аа имааяа бадиг̇г̇ахан̣аарожанабажжаахаран̣асан̇каад̇ааяа д̇иван̇г̇асамбад̇д̇ияаа сан̇гхаад̣̇исзсо ход̇и. саа бана д̇асса бхарияаа ход̇у ваа маа ваа, агааран̣амзд̇ам̣. сажз бана со маад̇урагкид̇ааяа санд̇игам̣ бзсид̇о д̇ам̣ ад̣̇исваа д̇ассаа маад̇уяаа д̇ам̣ саасанам̣ аарожзд̇и, б̣ахид̣̇д̇хаа вимадтам̣ наама ход̇и, д̇асмаа висан̇гзд̇анд̇и махаабад̣̇умад̇т̇зро ааха. махаасумад̇т̇зро бана маад̇аа ваа ход̇у бид̇аа ваа анд̇амасо г̇зхад̣̇аасийби ан̃н̃о вааби яо гожи д̇ам̣ гирияам̣ самбаад̣̇зссад̇и, д̇асса вуд̇д̇зби вимадтам̣ наама на ход̇и, д̇иван̇г̇асамбад̇д̇игаалз аабад̇д̇иязва.
Ettāvatā imāya paṭiggahaṇārocanapaccāharaṇasaṅkhātāya tivaṅgasampattiyā saṅghādiseso hoti. Sā pana tassa bhariyā hotu vā mā vā, akāraṇametaṃ. Sace pana so māturakkhitāya santikaṃ pesito taṃ adisvā tassā mātuyā taṃ sāsanaṃ āroceti, bahiddhā vimaṭṭhaṃ nāma hoti, tasmā visaṅketanti mahāpadumatthero āha. Mahāsumatthero pana mātā vā hotu pitā vā antamaso gehadāsīpi añño vāpi yo koci taṃ kiriyaṃ sampādessati, tassa vuttepi vimaṭṭhaṃ nāma na hoti, tivaṅgasampattikāle āpattiyeva.
нану яат̇аа ‘‘б̣уд̣̇д̇хам̣ бажжагкаамий’’д̇и вад̇д̇угаамо вираж̇жхид̇ваа ‘‘д̇хаммам̣ бажжагкаамий’’д̇и вад̣̇зяяа бажжагкаад̇аавасса сигкаа. яат̇аа ваа ‘‘батамам̣ жхаанам̣ самаабаж̇ж̇аамий’’д̇и вад̇д̇угаамо вираж̇жхид̇ваа ‘‘д̣̇уд̇ияам̣ жхаанам̣ самаабаж̇ж̇аамий’’д̇и вад̣̇зяяа аабанновасса баарааж̇игам̣. звам̣самбад̣̇амид̣̇анд̇и ааха. д̇ам̣ банзд̇ам̣ ‘‘бадиг̇г̇ан̣хаад̇и, анд̇зваасим̣ виймам̣саабзд̇ваа ад̇д̇анаа бажжаахарад̇и, аабад̇д̇и сан̇гхаад̣̇исзсассаа’’д̇и иминаа самзд̇и, д̇асмаа субхаасид̇ам̣.
Nanu yathā ‘‘buddhaṃ paccakkhāmī’’ti vattukāmo virajjhitvā ‘‘dhammaṃ paccakkhāmī’’ti vadeyya paccakkhātāvassa sikkhā. Yathā vā ‘‘paṭhamaṃ jhānaṃ samāpajjāmī’’ti vattukāmo virajjhitvā ‘‘dutiyaṃ jhānaṃ samāpajjāmī’’ti vadeyya āpannovassa pārājikaṃ. Evaṃsampadamidanti āha. Taṃ panetaṃ ‘‘paṭiggaṇhāti, antevāsiṃ vīmaṃsāpetvā attanā paccāharati, āpatti saṅghādisesassā’’ti iminā sameti, tasmā subhāsitaṃ.
яат̇аа жа ‘‘маад̇урагкид̇ам̣ б̣руухий’’д̇и вуд̇д̇асса г̇анд̇ваа д̇ассаа аарожзд̇ум̣ самад̇т̇аанам̣ маад̇аад̣̇ийнамби вад̣̇ад̇о висан̇гзд̇о над̇т̇и, звамзва ‘‘хохи гира ид̇т̇аннаамасса бхарияаа д̇ханаггийд̇аа’’д̇и вад̇д̇аб̣б̣з ‘‘хохи гира ид̇т̇аннаамасса бхарияаа чанд̣̇аваасиний’’д̇и звам̣ баал̣ияам̣ вуд̇д̇зсу чанд̣̇аваасиниаад̣̇ийсу важанзсу ан̃н̃ад̇аравасзна ваа авуд̇д̇зсуби ‘‘хохи гира ид̇т̇аннаамасса бхарияаа ж̇ааяаа баж̇аабад̇и буд̇д̇амаад̇аа гхаран̣ий гхарасааминий бхад̇д̇аранд̇хигаа суссуусигаа барижааригаа’’д̇извамаад̣̇ийсу сам̣ваасабарид̣̇ийбагзсу важанзсу ан̃н̃ад̇аравасзна ваа вад̣̇анд̇ассааби висан̇гзд̇о над̇т̇и д̇иван̇г̇асамбад̇д̇ияаа аабад̇д̇иязва. ‘‘маад̇урагкид̇ам̣ б̣руухий’’д̇и бзсид̇асса бана г̇анд̇ваа ан̃н̃аасу бид̇урагкид̇аад̣̇ийсу ан̃н̃ад̇арам̣ вад̣̇анд̇асса висан̇гзд̇ам̣. зса наяо ‘‘бид̇урагкид̇ам̣ б̣руухий’’д̇иаад̣̇ийсуби.
Yathā ca ‘‘māturakkhitaṃ brūhī’’ti vuttassa gantvā tassā ārocetuṃ samatthānaṃ mātādīnampi vadato visaṅketo natthi, evameva ‘‘hohi kira itthannāmassa bhariyā dhanakkītā’’ti vattabbe ‘‘hohi kira itthannāmassa bhariyā chandavāsinī’’ti evaṃ pāḷiyaṃ vuttesu chandavāsiniādīsu vacanesu aññataravasena vā avuttesupi ‘‘hohi kira itthannāmassa bhariyā jāyā pajāpati puttamātā gharaṇī gharasāminī bhattarandhikā sussūsikā paricārikā’’tievamādīsu saṃvāsaparidīpakesu vacanesu aññataravasena vā vadantassāpi visaṅketo natthi tivaṅgasampattiyā āpattiyeva. ‘‘Māturakkhitaṃ brūhī’’ti pesitassa pana gantvā aññāsu piturakkhitādīsu aññataraṃ vadantassa visaṅketaṃ. Esa nayo ‘‘piturakkhitaṃ brūhī’’tiādīsupi.
гзвалан̃хзд̇т̇а згамуулагад̣̇умуулагаад̣̇ивасзна ‘‘бурисасса маад̇аа бхигкум̣ бахин̣ад̇и, маад̇урагкид̇ааяа маад̇аа бхигкум̣ бахин̣ад̇ий’’д̇и звамаад̣̇ийнам̣ мууладтаанан̃жа васзна бзяяаалабхзд̣̇оязва висзсо . соби буб̣б̣з вуд̇д̇анаяад̇д̇аа баал̣ианусаарзнзва саггаа ж̇аанид̇унд̇и наасса вибхааг̇ам̣ д̣̇ассзд̇ум̣ аад̣̇арам̣ гаримха.
Kevalañhettha ekamūlakadumūlakādivasena ‘‘purisassa mātā bhikkhuṃ pahiṇati, māturakkhitāya mātā bhikkhuṃ pahiṇatī’’ti evamādīnaṃ mūlaṭṭhānañca vasena peyyālabhedoyeva viseso . Sopi pubbe vuttanayattā pāḷianusāreneva sakkā jānitunti nāssa vibhāgaṃ dassetuṃ ādaraṃ karimha.
338. бадиг̇г̇ан̣хаад̇ийд̇иаад̣̇ийсу бана д̣̇вийсу жад̇уггзсу батамажад̇уггз аад̣̇ибад̣̇зна д̇иван̇г̇асамбад̇д̇ияаа сан̇гхаад̣̇исзсо, маж̇жхз д̣̇вийхи д̣̇уван̇г̇асамбад̇д̇ияаа т̇уллажжаяам̣, анд̇з згзна зган̇г̇асамбад̇д̇ияаа д̣̇уггадам̣. д̣̇уд̇ияажад̇уггз аад̣̇ибад̣̇зна д̣̇уван̇г̇асамбад̇д̇ияаа т̇уллажжаяам̣, маж̇жхз д̣̇вийхи зган̇г̇асамбад̇д̇ияаа д̣̇уггадам̣, анд̇з згзна ан̇г̇аабхаавад̇о анаабад̇д̇и. д̇ад̇т̇а бадиг̇г̇ан̣хаад̇ийд̇и аан̣аабагасса саасанам̣ бадиг̇г̇ан̣хаад̇и. виймам̣сад̇ийд̇и бахид̇адтаанам̣ г̇анд̇ваа д̇ам̣ аарожзд̇и. бажжаахарад̇ийд̇и буна ааг̇анд̇ваа мууладтасса аарожзд̇и.
338. Paṭiggaṇhātītiādīsu pana dvīsu catukkesu paṭhamacatukke ādipadena tivaṅgasampattiyā saṅghādiseso, majjhe dvīhi duvaṅgasampattiyā thullaccayaṃ, ante ekena ekaṅgasampattiyā dukkaṭaṃ. Dutiyacatukke ādipadena duvaṅgasampattiyā thullaccayaṃ, majjhe dvīhi ekaṅgasampattiyā dukkaṭaṃ, ante ekena aṅgābhāvato anāpatti. Tattha paṭiggaṇhātīti āṇāpakassa sāsanaṃ paṭiggaṇhāti. Vīmaṃsatīti pahitaṭṭhānaṃ gantvā taṃ āroceti. Paccāharatīti puna āgantvā mūlaṭṭhassa āroceti.
на бажжаахарад̇ийд̇и аарожзд̇ваа зд̇д̇ова баггамад̇и. бадиг̇г̇ан̣хаад̇и на виймам̣сад̇ийд̇и бурисзна ‘‘ид̇т̇аннаамам̣ г̇анд̇ваа б̣руухий’’д̇и вужжамаано ‘‘саад̇хуу’’д̇и д̇асса саасанам̣ бадиг̇г̇ан̣хид̇ваа д̇ам̣ бамуссид̇ваа ваа аббамуссид̇ваа ваа ан̃н̃зна гаран̣ийязна д̇ассаа санд̇игам̣ г̇анд̇ваа гин̃жид̣̇зва гат̇ам̣ гат̇знд̇о нисийд̣̇ад̇и, зд̇д̇аавад̇аа ‘‘бадиг̇г̇ан̣хаад̇и на виймам̣сад̇и наамаа’’д̇и вужжад̇и. ат̇а нам̣ саа ид̇т̇ий саяамзва вад̣̇ад̇и ‘‘д̇умхаагам̣ гира убадтааго мам̣ г̇зхз гаад̇угаамо’’д̇и звам̣ вад̇ваа жа ‘‘ахам̣ д̇асса бхарияаа бхависсаамий’’д̇и ваа ‘‘на бхависсаамий’’д̇и ваа вад̣̇ад̇и. со д̇ассаа важанам̣ анабхинанд̣̇ид̇ваа аббадиггосид̇ваа д̇ун̣хийбхууд̇ова удтааяаасанаа д̇асса бурисасса санд̇игам̣ ааг̇анд̇ваа д̇ам̣ бавад̇д̇им̣ аарожзд̇и, зд̇д̇аавад̇аа ‘‘на виймам̣сад̇и бажжаахарад̇и наамаа’’д̇и вужжад̇и. на виймам̣сад̇и на бажжаахарад̇ийд̇и гзвалам̣ саасанаарожанагаалз бадиг̇г̇ан̣хаад̇иязва, ид̇арам̣ бана д̣̇ваяам̣ на гарод̇и.
Na paccāharatīti ārocetvā ettova pakkamati. Paṭiggaṇhāti na vīmaṃsatīti purisena ‘‘itthannāmaṃ gantvā brūhī’’ti vuccamāno ‘‘sādhū’’ti tassa sāsanaṃ paṭiggaṇhitvā taṃ pamussitvā vā appamussitvā vā aññena karaṇīyena tassā santikaṃ gantvā kiñcideva kathaṃ kathento nisīdati, ettāvatā ‘‘paṭiggaṇhāti na vīmaṃsati nāmā’’ti vuccati. Atha naṃ sā itthī sayameva vadati ‘‘tumhākaṃ kira upaṭṭhāko maṃ gehe kātukāmo’’ti evaṃ vatvā ca ‘‘ahaṃ tassa bhariyā bhavissāmī’’ti vā ‘‘na bhavissāmī’’ti vā vadati. So tassā vacanaṃ anabhinanditvā appaṭikkositvā tuṇhībhūtova uṭṭhāyāsanā tassa purisassa santikaṃ āgantvā taṃ pavattiṃ āroceti, ettāvatā ‘‘na vīmaṃsati paccāharati nāmā’’ti vuccati. Na vīmaṃsati na paccāharatīti kevalaṃ sāsanārocanakāle paṭiggaṇhātiyeva, itaraṃ pana dvayaṃ na karoti.
на бадиг̇г̇ан̣хаад̇и виймам̣сад̇и бажжаахарад̇ийд̇и гожи бурисо бхигкусса тид̇адтаанз ваа нисиннадтаанз ваа д̇ат̇ааруубим̣ гат̇ам̣ гат̇зд̇и, бхигку д̇зна аббахид̇оби бахид̇о вияа худ̇ваа ид̇т̇ияаа санд̇игам̣ г̇анд̇ваа ‘‘хохи гира ид̇т̇аннаамасса бхарияаа’’д̇иаад̣̇инаа наязна виймам̣сид̇ваа д̇ассаа ружим̣ ваа аружим̣ ваа буна ааг̇анд̇ваа имасса аарожзд̇и. д̇знзва наязна виймам̣сид̇ваа абажжаахаранд̇о ‘‘на бадиг̇г̇ан̣хаад̇и виймам̣сад̇и на бажжаахарад̇ий’’д̇и вужжад̇и. д̇знзва наязна г̇ад̇о авиймам̣сид̇ваа д̇ааяа самудтаабид̇ам̣ гат̇ам̣ суд̇ваа батамажад̇уггасса д̇ад̇ияабад̣̇з вуд̇д̇анаязна ааг̇анд̇ваа имасса аарожзнд̇о ‘‘на бадиг̇г̇ан̣хаад̇и на виймам̣сад̇и бажжаахарад̇ий’’д̇и вужжад̇и. жад̇уд̇т̇абад̣̇ам̣ баагадамзва.
Na paṭiggaṇhāti vīmaṃsati paccāharatīti koci puriso bhikkhussa ṭhitaṭṭhāne vā nisinnaṭṭhāne vā tathārūpiṃ kathaṃ katheti, bhikkhu tena appahitopi pahito viya hutvā itthiyā santikaṃ gantvā ‘‘hohi kira itthannāmassa bhariyā’’tiādinā nayena vīmaṃsitvā tassā ruciṃ vā aruciṃ vā puna āgantvā imassa āroceti. Teneva nayena vīmaṃsitvā apaccāharanto ‘‘na paṭiggaṇhāti vīmaṃsati na paccāharatī’’ti vuccati. Teneva nayena gato avīmaṃsitvā tāya samuṭṭhāpitaṃ kathaṃ sutvā paṭhamacatukkassa tatiyapade vuttanayena āgantvā imassa ārocento ‘‘na paṭiggaṇhāti na vīmaṃsati paccāharatī’’ti vuccati. Catutthapadaṃ pākaṭameva.
самб̣ахулз бхигкуу аан̣аабзд̇ийд̇иаад̣̇инаяаа баагадааязва. яат̇аа бана самб̣ахулааби згавад̇т̇умхи аабаж̇ж̇анд̇и, звам̣ згассаби самб̣ахулавад̇т̇уусу самб̣ахулаа аабад̇д̇ияо взд̣̇ид̇аб̣б̣аа. гат̇ам̣? бурисо бхигкум̣ аан̣аабзд̇и ‘‘г̇ажча, бханд̇з, асугасмим̣ наама баасаад̣̇з садтимад̇д̇аа ваа сад̇д̇ад̇имад̇д̇аа ваа ид̇т̇ияо тид̇аа д̇аа вад̣̇зхи, хот̇а гира ид̇т̇аннаамасса бхарияааяо’’д̇и. со самбадижчид̇ваа д̇ад̇т̇а г̇анд̇ваа аарожзд̇ваа буна д̇ам̣ саасанам̣ бажжаахарад̇и. яад̇д̇агаа ид̇т̇ияо д̇ад̇д̇агаа аабад̇д̇ияо аабаж̇ж̇ад̇и. вуд̇д̇ан̃хзд̇ам̣ бариваарзби –
Sambahule bhikkhū āṇāpetītiādinayā pākaṭāyeva. Yathā pana sambahulāpi ekavatthumhi āpajjanti, evaṃ ekassapi sambahulavatthūsu sambahulā āpattiyo veditabbā. Kathaṃ? Puriso bhikkhuṃ āṇāpeti ‘‘gaccha, bhante, asukasmiṃ nāma pāsāde saṭṭhimattā vā sattatimattā vā itthiyo ṭhitā tā vadehi, hotha kira itthannāmassa bhariyāyo’’ti. So sampaṭicchitvā tattha gantvā ārocetvā puna taṃ sāsanaṃ paccāharati. Yattakā itthiyo tattakā āpattiyo āpajjati. Vuttañhetaṃ parivārepi –
‘‘бад̣̇авийд̇ихаарамад̇д̇зна, ваажааяа бхан̣ид̇зна жа;
‘‘Padavītihāramattena, vācāya bhaṇitena ca;
саб̣б̣аани г̇аругаани саббадигаммаани;
Sabbāni garukāni sappaṭikammāni;
жад̇усадти аабад̇д̇ияо аабаж̇ж̇зяяа згад̇о;
Catusaṭṭhi āpattiyo āpajjeyya ekato;
бан̃хаамзсаа гусалзхи жинд̇ид̇аа’’д̇и. (бари. 480);
Pañhāmesā kusalehi cintitā’’ti. (pari. 480);
имам̣ гира ад̇т̇авасам̣ бадижжа аяам̣ бан̃хо вуд̇д̇о. важанасилидтад̇ааяа жзд̇т̇а ‘‘жад̇усадти аабад̇д̇ияо’’д̇и вуд̇д̇ам̣. звам̣ гаронд̇о бана сад̇амби сахассамби аабаж̇ж̇ад̇ийд̇и. яат̇аа жа згзна бзсид̇асса згасса самб̣ахулаасу ид̇т̇ийсу самб̣ахулаа аабад̇д̇ияо, звам̣ зго бурисо самб̣ахулз бхигкуу згиссаа санд̇игам̣ бзсзд̇и, саб̣б̣зсам̣ сан̇гхаад̣̇исзсо. зго самб̣ахулз бхигкуу самб̣ахулаанам̣ ид̇т̇ийнам̣ санд̇игам̣ бзсзд̇и, ид̇т̇иг̇ан̣анааяа сан̇гхаад̣̇исзсаа. самб̣ахулаа бурисаа згам̣ бхигкум̣ згиссаа санд̇игам̣ бзсзнд̇и, бурисаг̇ан̣анааяа сан̇гхаад̣̇исзсаа. самб̣ахулаа згам̣ самб̣ахулаанам̣ ид̇т̇ийнам̣ санд̇игам̣ бзсзнд̇и, вад̇т̇уг̇ан̣анааяа сан̇гхаад̣̇исзсаа. самб̣ахулаа самб̣ахулз згиссаа санд̇игам̣ бзсзнд̇и, вад̇т̇уг̇ан̣анааяа сан̇гхаад̣̇исзсаа. самб̣ахулаа бурисаа самб̣ахулз бхигкуу самб̣ахулаанам̣ ид̇т̇ийнам̣ санд̇игам̣ бзсзнд̇и, вад̇т̇уг̇ан̣анааяа сан̇гхаад̣̇исзсаа. зса наяо ‘‘згаа ид̇т̇ий згам̣ бхигку’’нд̇иаад̣̇ийсуби. зд̇т̇а жа сабхааг̇авибхааг̇ад̇аа наама аббамаан̣ам̣, маад̇аабид̇унамби бан̃жасахад̇хаммигаанамби сан̃жарид̇д̇агаммам̣ гаронд̇асса аабад̇д̇иязва.
Imaṃ kira atthavasaṃ paṭicca ayaṃ pañho vutto. Vacanasiliṭṭhatāya cettha ‘‘catusaṭṭhi āpattiyo’’ti vuttaṃ. Evaṃ karonto pana satampi sahassampi āpajjatīti. Yathā ca ekena pesitassa ekassa sambahulāsu itthīsu sambahulā āpattiyo, evaṃ eko puriso sambahule bhikkhū ekissā santikaṃ peseti, sabbesaṃ saṅghādiseso. Eko sambahule bhikkhū sambahulānaṃ itthīnaṃ santikaṃ peseti, itthigaṇanāya saṅghādisesā. Sambahulā purisā ekaṃ bhikkhuṃ ekissā santikaṃ pesenti, purisagaṇanāya saṅghādisesā. Sambahulā ekaṃ sambahulānaṃ itthīnaṃ santikaṃ pesenti, vatthugaṇanāya saṅghādisesā. Sambahulā sambahule ekissā santikaṃ pesenti, vatthugaṇanāya saṅghādisesā. Sambahulā purisā sambahule bhikkhū sambahulānaṃ itthīnaṃ santikaṃ pesenti, vatthugaṇanāya saṅghādisesā. Esa nayo ‘‘ekā itthī ekaṃ bhikkhu’’ntiādīsupi. Ettha ca sabhāgavibhāgatā nāma appamāṇaṃ, mātāpitunampi pañcasahadhammikānampi sañcarittakammaṃ karontassa āpattiyeva.
бурисо бхигкум̣ аан̣аабзд̇и г̇ажча бханд̇зд̇и жад̇уггам̣ ан̇г̇авасзна аабад̇д̇ибхзд̣̇а д̣̇ассанад̇т̇ам̣ вуд̇д̇ам̣. д̇асса бажчимабад̣̇з анд̇зваасий виймам̣сид̇ваа б̣ахид̣̇д̇хаа бажжаахарад̇ийд̇и ааг̇анд̇ваа аажарияасса анаарожзд̇ваа зд̇д̇ова г̇анд̇ваа д̇асса бурисасса аарожзд̇и. аабад̇д̇и убхиннам̣ т̇уллажжаяассаад̇и аажарияасса бадиг̇г̇ахид̇ад̇д̇аа жа виймам̣саабид̇ад̇д̇аа жа д̣̇вийхан̇г̇зхи т̇уллажжаяам̣, анд̇зваасигасса виймам̣сид̇ад̇д̇аа жа бажжаахадад̇д̇аа жа д̣̇вийхан̇г̇зхи т̇уллажжаяам̣. сзсам̣ баагадамзва.
Purisobhikkhuṃ āṇāpeti gaccha bhanteti catukkaṃ aṅgavasena āpattibheda dassanatthaṃ vuttaṃ. Tassa pacchimapade antevāsī vīmaṃsitvā bahiddhā paccāharatīti āgantvā ācariyassa anārocetvā ettova gantvā tassa purisassa āroceti. Āpatti ubhinnaṃ thullaccayassāti ācariyassa paṭiggahitattā ca vīmaṃsāpitattā ca dvīhaṅgehi thullaccayaṃ, antevāsikassa vīmaṃsitattā ca paccāhaṭattā ca dvīhaṅgehi thullaccayaṃ. Sesaṃ pākaṭameva.
339. г̇ажчанд̇о самбаад̣̇зд̇ийд̇и бадиг̇г̇ан̣хаад̇и жзва виймам̣сад̇и жа. ааг̇ажчанд̇о висам̣ваад̣̇зд̇ийд̇и на бажжаахарад̇и. г̇ажчанд̇о висам̣ваад̣̇зд̇ийд̇и на бадиг̇г̇ан̣хаад̇и. ааг̇ажчанд̇о самбаад̣̇зд̇ийд̇и виймам̣сад̇и жзва бажжаахарад̇и жа. звам̣ убхаяад̇т̇а д̣̇вийхан̇г̇зхи т̇уллажжаяам̣. д̇ад̇ияабад̣̇з аабад̇д̇и, жад̇уд̇т̇з анаабад̇д̇и.
339.Gacchanto sampādetīti paṭiggaṇhāti ceva vīmaṃsati ca. Āgacchanto visaṃvādetīti na paccāharati. Gacchanto visaṃvādetīti na paṭiggaṇhāti. Āgacchanto sampādetīti vīmaṃsati ceva paccāharati ca. Evaṃ ubhayattha dvīhaṅgehi thullaccayaṃ. Tatiyapade āpatti, catutthe anāpatti.
340. анаабад̇д̇и сан̇гхасса ваа жзд̇ияасса ваа г̇илаанасса ваа гаран̣ийязна г̇ажчад̇и уммад̇д̇агасса аад̣̇игаммигассаад̇и зд̇т̇а бхигкусан̇гхасса убосат̇ааг̇аарам̣ ваа гин̃жи ваа виббагад̇ам̣ ход̇и. д̇ад̇т̇а гааругаанам̣ бхад̇д̇авзд̇анад̇т̇ааяа убаасаго ваа убаасигааяа санд̇игам̣ бхигкум̣ бахин̣зяяа, ум̣баасигаа ваа убаасагасса, зваруубзна сан̇гхасса гаран̣ийязна г̇ажчанд̇асса анаабад̇д̇и. жзд̇ияагаммз гаяирамаанзби зсзва наяо. г̇илаанасса бхзсаж̇ж̇ад̇т̇ааяаби убаасагзна ваа убаасигааяа санд̇игам̣ убаасигааяа ваа убаасагасса санд̇игам̣ бахид̇асса г̇ажчад̇о анаабад̇д̇и. уммад̇д̇агааад̣̇игаммигаа вуд̇д̇анаяаа зва.
340.Anāpatti saṅghassa vā cetiyassa vā gilānassa vā karaṇīyena gacchati ummattakassa ādikammikassāti ettha bhikkhusaṅghassa uposathāgāraṃ vā kiñci vā vippakataṃ hoti. Tattha kārukānaṃ bhattavetanatthāya upāsako vā upāsikāya santikaṃ bhikkhuṃ pahiṇeyya, uṃpāsikā vā upāsakassa, evarūpena saṅghassa karaṇīyena gacchantassa anāpatti. Cetiyakamme kayiramānepi eseva nayo. Gilānassa bhesajjatthāyapi upāsakena vā upāsikāya santikaṃ upāsikāya vā upāsakassa santikaṃ pahitassa gacchato anāpatti. Ummattakaādikammikā vuttanayā eva.
бад̣̇абхааж̇анийяаван̣н̣анаа нидтид̇аа.
Padabhājanīyavaṇṇanā niṭṭhitā.
самудтаанаад̣̇ийсу ид̣̇ам̣ сигкаабад̣̇ам̣ часамудтаанам̣, сийсугкибанаад̣̇инаа гааяавигаарзна саасанам̣ г̇ахзд̇ваа г̇анд̇ваа хад̇т̇амуд̣̇д̣̇ааяа виймам̣сид̇ваа буна ааг̇анд̇ваа хад̇т̇амуд̣̇д̣̇ааяа зва аарожзнд̇асса гааяад̇о самудтаад̇и. аасанасаалааяа нисиннасса ‘‘ид̇т̇аннаамаа ааг̇амиссад̇и, д̇ассаа жид̇д̇ам̣ ж̇аанзяяаат̇аа’’д̇и гзнажи вуд̇д̇з ‘‘саад̇хуу’’д̇и самбадижчид̇ваа д̇ам̣ ааг̇ад̇ам̣ вад̇ваа д̇ассаа г̇ад̇ааяа буна д̇асмим̣ бурисз ааг̇ад̇з аарожзнд̇асса ваажад̇о самудтаад̇и. ваажааяа ‘‘саад̇хуу’’д̇и саасанам̣ г̇ахзд̇ваа ан̃н̃зна гаран̣ийязна д̇ассаа гхарам̣ г̇анд̇ваа ан̃н̃ад̇т̇а ваа г̇аманагаалз д̇ам̣ д̣̇исваа важийбхзд̣̇знзва виймам̣сид̇ваа буна ан̃н̃знзва гаран̣ийязна д̇ад̇о абаггамма гад̣̇аажид̣̇зва д̇ам̣ бурисам̣ д̣̇исваа аарожзнд̇ассааби ваажад̇ова самудтаад̇и. бан̣н̣ад̇д̇им̣ аж̇аананд̇асса бана кийн̣аасавассааби гааяаваажад̇о самудтаад̇и. гат̇ам̣? сажз хисса маад̇аабид̇аро гуж̇жхид̇ваа алам̣важанийяаа хонд̇и, д̇ан̃жа бхигкум̣ гхарам̣ убаг̇ад̇ам̣ т̇зрабид̇аа вад̣̇ад̇и ‘‘маад̇аа д̇з д̇аад̇а мам̣ махаллагам̣ чад̣д̣зд̇ваа н̃аад̇игулам̣ г̇ад̇аа, г̇ажча д̇ам̣ мам̣ убадтаад̇ум̣ бзсзхий’’д̇и. со жз г̇анд̇ваа д̇ам̣ вад̇ваа буна бид̇уно д̇ассаа ааг̇аманам̣ ваа анааг̇аманам̣ ваа аарожзд̇и, сан̇гхаад̣̇исзсо. имаани д̇ийн̣и ажид̇д̇агасамудтаанаани.
Samuṭṭhānādīsu idaṃ sikkhāpadaṃ chasamuṭṭhānaṃ, sīsukkhipanādinā kāyavikārena sāsanaṃ gahetvā gantvā hatthamuddāya vīmaṃsitvā puna āgantvā hatthamuddāya eva ārocentassa kāyato samuṭṭhāti. Āsanasālāya nisinnassa ‘‘itthannāmā āgamissati, tassā cittaṃ jāneyyāthā’’ti kenaci vutte ‘‘sādhū’’ti sampaṭicchitvā taṃ āgataṃ vatvā tassā gatāya puna tasmiṃ purise āgate ārocentassa vācato samuṭṭhāti. Vācāya ‘‘sādhū’’ti sāsanaṃ gahetvā aññena karaṇīyena tassā gharaṃ gantvā aññattha vā gamanakāle taṃ disvā vacībhedeneva vīmaṃsitvā puna aññeneva karaṇīyena tato apakkamma kadācideva taṃ purisaṃ disvā ārocentassāpi vācatova samuṭṭhāti. Paṇṇattiṃ ajānantassa pana khīṇāsavassāpi kāyavācato samuṭṭhāti. Kathaṃ? Sace hissa mātāpitaro kujjhitvā alaṃvacanīyā honti, tañca bhikkhuṃ gharaṃ upagataṃ therapitā vadati ‘‘mātā te tāta maṃ mahallakaṃ chaḍḍetvā ñātikulaṃ gatā, gaccha taṃ maṃ upaṭṭhātuṃ pesehī’’ti. So ce gantvā taṃ vatvā puna pituno tassā āgamanaṃ vā anāgamanaṃ vā āroceti, saṅghādiseso. Imāni tīṇi acittakasamuṭṭhānāni.
бан̣н̣ад̇д̇им̣ бана ж̇аанид̇ваа зд̇зхзва д̇ийхи наязхи сан̃жарид̇д̇ам̣ самаабаж̇ж̇ад̇о гааяажид̇д̇ад̇о ваажаажид̇д̇ад̇о гааяаваажаажид̇д̇ад̇о жа самудтаад̇и. имаани д̇ийн̣и бан̣н̣ад̇д̇иж̇аананажид̇д̇зна сажид̇д̇агасамудтаанаани. гирияам̣, носан̃н̃аавимогкам̣, бан̣н̣ад̇д̇иваж̇ж̇ам̣, гааяагаммам̣, важийгаммам̣, гусалаад̣̇ивасзна жзд̇т̇а д̇ийн̣и жид̇д̇аани, сукаад̣̇ивасзна д̇иссо взд̣̇анаад̇и.
Paṇṇattiṃ pana jānitvā eteheva tīhi nayehi sañcarittaṃ samāpajjato kāyacittato vācācittato kāyavācācittato ca samuṭṭhāti. Imāni tīṇi paṇṇattijānanacittena sacittakasamuṭṭhānāni. Kiriyaṃ, nosaññāvimokkhaṃ, paṇṇattivajjaṃ, kāyakammaṃ, vacīkammaṃ, kusalādivasena cettha tīṇi cittāni, sukhādivasena tisso vedanāti.
341. винийд̇авад̇т̇уусу аад̣̇ид̇о вад̇т̇убан̃жагз бадиг̇г̇ахид̇амад̇д̇ад̇д̇аа д̣̇уггадам̣.
341. Vinītavatthūsu ādito vatthupañcake paṭiggahitamattattā dukkaṭaṃ.
галахавад̇т̇усмим̣ саммод̣̇анийяам̣ агаасийд̇и д̇ам̣ сан̃н̃аабзд̇ваа буна г̇зхаг̇аманийяам̣
Kalahavatthusmiṃ sammodanīyaṃ akāsīti taṃ saññāpetvā puna gehagamanīyaṃ
агааси. наалам̣важанийяаад̇и на барижжад̇д̇аад̇и ад̇т̇о. яаа хи яат̇аа яат̇аа язсу язсу ж̇анабад̣̇зсу барижжад̇д̇аа барижжад̇д̇аава ход̇и, бхарияаабхаавам̣ ад̇иггамад̇и, аяам̣ ‘‘алам̣важанийяаа’’д̇и вужжад̇и. зсаа бана на алам̣важанийяаа гзнажид̣̇зва гааран̣зна галахам̣ гад̇ваа г̇ад̇аа, д̇знзвзд̇т̇а бхаг̇аваа ‘‘анаабад̇д̇ий’’д̇и ааха. яасмаа бана гааяасам̣саг̇г̇з яагкияаа т̇уллажжаяам̣ вуд̇д̇ам̣, д̇асмаа д̣̇удтуллаад̣̇ийсуби яагкибзд̇ияо т̇уллажжаяавад̇т̇умзваад̇и взд̣̇ид̇аб̣б̣аа. адтагат̇аасу банзд̇ам̣ на вижаарид̇ам̣. сзсам̣ саб̣б̣ад̇т̇а уд̇д̇аанад̇т̇амзваад̇и.
Akāsi. Nālaṃvacanīyāti na pariccattāti attho. Yā hi yathā yathā yesu yesu janapadesu pariccattā pariccattāva hoti, bhariyābhāvaṃ atikkamati, ayaṃ ‘‘alaṃvacanīyā’’ti vuccati. Esā pana na alaṃvacanīyā kenacideva kāraṇena kalahaṃ katvā gatā, tenevettha bhagavā ‘‘anāpattī’’ti āha. Yasmā pana kāyasaṃsagge yakkhiyā thullaccayaṃ vuttaṃ, tasmā duṭṭhullādīsupi yakkhipetiyo thullaccayavatthumevāti veditabbā. Aṭṭhakathāsu panetaṃ na vicāritaṃ. Sesaṃ sabbattha uttānatthamevāti.
сан̃жарид̇д̇асигкаабад̣̇аван̣н̣анаа нидтид̇аа.
Sañcarittasikkhāpadavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 5. сан̃жарид̇д̇асигкаабад̣̇ам̣ • 5. Sañcarittasikkhāpadaṃ
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 5. сан̃жарид̇д̇асигкаабад̣̇аван̣н̣анаа • 5. Sañcarittasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā
5. сан̃жарид̇д̇асигкаабад̣̇аван̣н̣анаа • 5. Sañcarittasikkhāpadavaṇṇanā
бад̣̇абхааж̇анийяаван̣н̣анаа • Padabhājanīyavaṇṇanā
винийд̇авад̇т̇уван̣н̣анаа • Vinītavatthuvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 5. сан̃жарид̇д̇асигкаабад̣̇аван̣н̣анаа • 5. Sañcarittasikkhāpadavaṇṇanā
