| Library / Tipiṭaka / д̇ибидага • Tipiṭaka / ган̇каавид̇аран̣ий-бураан̣а-дийгаа • Kaṅkhāvitaraṇī-purāṇa-ṭīkā |
5. сан̃жарид̇д̇асигкаабад̣̇аван̣н̣анаа
5. Sañcarittasikkhāpadavaṇṇanā
алам̣важанийяаад̇и на важанийяаа, нивааран̣з алам̣-сад̣̇д̣̇о, на алам̣важанийяаа наалам̣важанийяаа. ‘‘бадиг̇г̇ан̣хаад̇и виймам̣сад̇и бажжаахарад̇и, аабад̇д̇и сан̇гхаад̣̇исзсассаа’’д̇и (баараа. 305) вуд̇д̇ад̇д̇аа яасса зганд̇зна сан̇гхаад̣̇исзсо ход̇и, д̇асса бадиг̇г̇ан̣ханавиймам̣санабаяог̇аа зд̇з д̣̇уггадат̇уллажжаяаа над̇т̇ийд̇и вад̣̇анд̇ийд̇и ликид̇ам̣. гин̃жааби зд̇т̇а ‘‘ид̇т̇ий наама мануссид̇т̇ий, на яагкий на бзд̇ий на д̇иражчаанаг̇ад̇аа. бурисо наама мануссабурисо, на яагко на бзд̇о на д̇иражчаанаг̇ад̇о’’д̇и баал̣и над̇т̇и, д̇ат̇ааби гааяасам̣саг̇г̇аад̣̇ийсу ‘‘маад̇уг̇аамо наама мануссид̇т̇ий’’д̇и (баараа. 285) ид̇т̇ивавад̇т̇аанасса гад̇ад̇д̇аа ид̇хааби мануссид̇т̇ий зваад̇и бан̃н̃ааяад̇и. мзт̇унабуб̣б̣абхааг̇асааман̃н̃ад̇о ид̇т̇ивавад̇т̇аанзна бурисававад̇т̇аанам̣ гад̇амзва ход̇и. д̇знзвааха ‘‘язсу сан̃жарид̇д̇ам̣ самаабаж̇ж̇ад̇и, д̇зсам̣ мануссаж̇аад̇игад̇аа’’д̇и (ган̇каа. адта. сан̃жарид̇д̇асигкаабад̣̇аван̣н̣анаа). гааяасам̣саг̇г̇аад̣̇ийсу жа бан̣д̣агаяагкибзд̇ияо т̇уллажжаяавад̇т̇угаава вуд̇д̇аа, д̇ат̇аа ид̇хааби, бан̣д̣агасабхаавад̇д̇аа мануссаубхад̇об̣яан̃ж̇анаго жа т̇уллажжаяавад̇т̇угова ход̇и. сзсаа мануссабурисаамануссабан̣д̣агаубхад̇об̣яан̃ж̇анагад̇иражчаанаг̇ад̇абурисаад̣̇аяо д̣̇уггадавад̇т̇угаава мижчаажаарад̣̇ассанасабхаавад̇од̇и взд̣̇ид̇аб̣б̣ам̣.
Alaṃvacanīyāti na vacanīyā, nivāraṇe alaṃ-saddo, na alaṃvacanīyā nālaṃvacanīyā. ‘‘Paṭiggaṇhāti vīmaṃsati paccāharati, āpatti saṅghādisesassā’’ti (pārā. 305) vuttattā yassa ekantena saṅghādiseso hoti, tassa paṭiggaṇhanavīmaṃsanapayogā ete dukkaṭathullaccayā natthīti vadantīti likhitaṃ. Kiñcāpi ettha ‘‘itthī nāma manussitthī, na yakkhī na petī na tiracchānagatā. Puriso nāma manussapuriso, na yakkho na peto na tiracchānagato’’ti pāḷi natthi, tathāpi kāyasaṃsaggādīsu ‘‘mātugāmo nāma manussitthī’’ti (pārā. 285) itthivavatthānassa katattā idhāpi manussitthī evāti paññāyati. Methunapubbabhāgasāmaññato itthivavatthānena purisavavatthānaṃ katameva hoti. Tenevāha ‘‘yesu sañcarittaṃ samāpajjati, tesaṃ manussajātikatā’’ti (kaṅkhā. aṭṭha. sañcarittasikkhāpadavaṇṇanā). Kāyasaṃsaggādīsu ca paṇḍakayakkhipetiyo thullaccayavatthukāva vuttā, tathā idhāpi, paṇḍakasabhāvattā manussaubhatobyañjanako ca thullaccayavatthukova hoti. Sesā manussapurisaamanussapaṇḍakaubhatobyañjanakatiracchānagatapurisādayo dukkaṭavatthukāva micchācāradassanasabhāvatoti veditabbaṃ.
сан̃жарид̇д̇асигкаабад̣̇аван̣н̣анаа нидтид̇аа.
Sañcarittasikkhāpadavaṇṇanā niṭṭhitā.
