| Library / Tipiṭaka / д̇ибидага • Tipiṭaka / вимад̇ивинод̣̇аний-дийгаа • Vimativinodanī-ṭīkā |
5. сан̃жарид̇д̇асигкаабад̣̇аван̣н̣анаа
5. Sañcarittasikkhāpadavaṇṇanā
296. бан̃жамз бан̣д̣ижжзнаад̇и сабхааван̃аан̣зна. г̇ад̇иманд̇аад̇и сабхааван̃аан̣аг̇ад̇ияуд̇д̇аа. взяяад̇д̇иязнаад̇и ид̇т̇игад̇д̇аб̣б̣зсу сигкид̇ан̃аан̣зна. мзд̇хааяаад̇и асигкид̇зсуби д̇ам̣ид̇т̇игад̇д̇аб̣б̣зсу таануббад̇д̇ияаа бан̃н̃ааяа. чзгаад̇и гааязна бажанаад̣̇игусалаа.
296. Pañcame paṇḍiccenāti sabhāvañāṇena. Gatimantāti sabhāvañāṇagatiyuttā. Veyyattiyenāti itthikattabbesu sikkhitañāṇena. Medhāyāti asikkhitesupi taṃitthikattabbesu ṭhānuppattiyā paññāya. Chekāti kāyena pacanādikusalā.
ааваханам̣ ааваахо, д̣̇ааригааяа г̇ахан̣ам̣. вид̇хинаа барагулз ваханам̣ бзсанам̣ виваахо, д̣̇ааригааяа д̣̇аанам̣.
Āvahanaṃ āvāho, dārikāya gahaṇaṃ. Vidhinā parakule vahanaṃ pesanaṃ vivāho, dārikāya dānaṃ.
297. ранд̇хаабанам̣ бхад̇д̇абажаабанам̣. б̣яан̃ж̇анаад̣̇исамбаад̣̇анам̣ бажаабанам̣. на убаахаданд̇и на д̣̇иннам̣. гаяо наама г̇ахан̣ам̣. виггаяо наама д̣̇аанам̣. д̇ад̣̇убхаяам̣ сан̇г̇ахзд̇ваа ‘‘вохааро’’д̇и вуд̇д̇ам̣.
297.Randhāpanaṃ bhattapacāpanaṃ. Byañjanādisampādanaṃ pacāpanaṃ. Na upāhaṭanti na dinnaṃ. Kayo nāma gahaṇaṃ. Vikkayo nāma dānaṃ. Tadubhayaṃ saṅgahetvā ‘‘vohāro’’ti vuttaṃ.
300. ‘‘аб̣бхуд̇ам̣ гаад̇ум̣ на ваддад̇ий’’д̇и иминаа д̣̇уггадам̣ ход̇ийд̇и д̣̇ийбзд̇и. ‘‘барааж̇ид̇зна д̣̇аад̇аб̣б̣а’’нд̇и вуд̇д̇ад̇д̇аа ад̣̇знд̇о д̇хуранигкзбзна гаарзд̇аб̣б̣о. ажирагаалз ад̇хигааро зд̇асса ад̇т̇ийд̇и ажирагаалаад̇хигааригам̣, сан̃жарид̇д̇ам̣. ‘‘ажирагаалаажаарига’’нд̇и ваа баато. ажирагаалз аажааро аж̇жхаажааро зд̇ассаад̇и яож̇анаа.
300.‘‘Abbhutaṃ kātuṃ na vaṭṭatī’’ti iminā dukkaṭaṃ hotīti dīpeti. ‘‘Parājitena dātabba’’nti vuttattā adento dhuranikkhepena kāretabbo. Acirakāle adhikāro etassa atthīti acirakālādhikārikaṃ, sañcarittaṃ. ‘‘Acirakālācārika’’nti vā pāṭho. Acirakāle ācāro ajjhācāro etassāti yojanā.
301. гин̃жааби зхибхигкуаад̣̇игааби сан̃жарид̇д̇аад̣̇ибан̣н̣ад̇д̇иваж̇ж̇ам̣ аабад̇д̇им̣ аабаж̇ж̇анд̇и, д̇зсам̣ бана асаб̣б̣агаалигад̇д̇аа, аббагад̇д̇аа жа ид̇хааби н̃ад̇д̇ижад̇уд̇т̇знзва гаммзна убасамбаннам̣ санд̇хааяа ‘‘явааяа’’нд̇иаад̣̇ибад̣̇абхааж̇анамааха. сан̃жаран̣ам̣ сан̃жаро, со зд̇асса ад̇т̇ийд̇и сан̃жарий, д̇асса бхааво сан̃жарид̇д̇ам̣. д̇знааха ‘‘сан̃жаран̣абхаава’’нд̇и. сан̃жарад̇ийд̇и сан̃жаран̣о, буг̇г̇ало, д̇асса бхааво сан̃жаран̣абхааво, д̇ам̣ ид̇т̇ибурисаанам̣ анд̇арз сан̃жаран̣абхааванд̇и ад̇т̇о.
301. Kiñcāpi ehibhikkhuādikāpi sañcarittādipaṇṇattivajjaṃ āpattiṃ āpajjanti, tesaṃ pana asabbakālikattā, appakattā ca idhāpi ñatticatuttheneva kammena upasampannaṃ sandhāya ‘‘yvāya’’ntiādipadabhājanamāha. Sañcaraṇaṃ sañcaro, so etassa atthīti sañcarī, tassa bhāvo sañcarittaṃ. Tenāha ‘‘sañcaraṇabhāva’’nti. Sañcaratīti sañcaraṇo, puggalo, tassa bhāvo sañcaraṇabhāvo, taṃ itthipurisānaṃ antare sañcaraṇabhāvanti attho.
ж̇ааяаабхаавзд̇и бхарияабхаавааяа. ж̇аарабхаавзд̇и саамибхаавааяа, д̇ам̣нимид̇д̇анд̇и ад̇т̇о. нимид̇д̇ад̇т̇з хи зд̇ам̣ бхуммаважанам̣. гин̃жааби ‘‘ж̇аарад̇д̇анз’’д̇и бад̣̇асса бад̣̇абхааж̇анз ‘‘ж̇аарий бхависсасий’’д̇и (баараа. 302) ид̇т̇илин̇г̇авасзна бад̣̇абхааж̇анам̣ вуд̇д̇ам̣, ‘‘сан̃жарид̇д̇ам̣ самаабаж̇ж̇зяяаа’’д̇и бад̣̇асса бана нид̣̇д̣̇зсз ‘‘ид̇т̇ияаа ваа бахид̇о бурисасса санд̇игз г̇ажчад̇и, бурисзна ваа бахид̇о ид̇т̇ияаа санд̇игз г̇ажчад̇ий’’д̇и вуд̇д̇ад̇д̇аа бурисассааби санд̇игз вад̇д̇аб̣б̣аагаарам̣ д̣̇ассзд̇ум̣ ‘‘ж̇аарад̇д̇анз’’д̇и нид̣̇д̣̇зсасса ид̇т̇ибурисасаад̇хааран̣ад̇д̇аа ‘‘ид̇т̇ияаа мад̇им̣ бурисасса аарожзнд̇о ж̇аарад̇д̇анз аарожзд̇ий’’д̇и вуд̇д̇ам̣. баал̣ияам̣ бана бурисасса мад̇им̣ ид̇т̇ияаа аарожанавасзнзва бад̣̇ад̣̇ваязби яож̇анаа гад̇аа, д̇ад̣̇анусаарзна ид̇т̇ияаа мад̇им̣ бурисасса аарожанаагаароби саггаа вин̃н̃аад̇унд̇и.
Jāyābhāveti bhariyabhāvāya. Jārabhāveti sāmibhāvāya, taṃnimittanti attho. Nimittatthe hi etaṃ bhummavacanaṃ. Kiñcāpi ‘‘jārattane’’ti padassa padabhājane ‘‘jārī bhavissasī’’ti (pārā. 302) itthiliṅgavasena padabhājanaṃ vuttaṃ, ‘‘sañcarittaṃ samāpajjeyyā’’ti padassa pana niddese ‘‘itthiyā vā pahito purisassa santike gacchati, purisena vā pahito itthiyā santike gacchatī’’ti vuttattā purisassāpi santike vattabbākāraṃ dassetuṃ ‘‘jārattane’’ti niddesassa itthipurisasādhāraṇattā ‘‘itthiyā matiṃ purisassa ārocento jārattane ārocetī’’ti vuttaṃ. Pāḷiyaṃ pana purisassa matiṃ itthiyā ārocanavaseneva padadvayepi yojanā katā, tadanusārena itthiyā matiṃ purisassa ārocanākāropi sakkā viññātunti.
ид̣̇аани баал̣ияам̣ вуд̇д̇анаязнааби ад̇т̇ам̣ д̣̇ассзнд̇о ‘‘абижаа’’д̇иаад̣̇имааха. ‘‘бад̇и бхависсасий’’д̇и ид̣̇ам̣ ж̇ааяаасад̣̇д̣̇асса ид̇т̇илин̇г̇анияамад̇о бурисабарияааязна вуд̇д̇ам̣, ниб̣ад̣̇д̇хасаамиго бхависсасийд̇и ад̇т̇о. ж̇ааро бхависсасийд̇и мижчаажаарабхаавзна убаг̇ажчанаго бхависсасийд̇и ад̇хиббааяо.
Idāni pāḷiyaṃ vuttanayenāpi atthaṃ dassento ‘‘apicā’’tiādimāha. ‘‘Pati bhavissasī’’ti idaṃ jāyāsaddassa itthiliṅganiyamato purisapariyāyena vuttaṃ, nibaddhasāmiko bhavissasīti attho. Jāro bhavissasīti micchācārabhāvena upagacchanako bhavissasīti adhippāyo.
303. сзривихааранд̇и сажчанд̣̇ажаарам̣. ад̇д̇ано васанд̇и ад̇д̇ано аан̣ам̣. г̇од̇д̇аванд̇зсу г̇од̇д̇а-сад̣̇д̣̇о, д̇хаммажаарийсу жа д̇хамма-сад̣̇д̣̇о вад̇д̇ад̇ийд̇и ааха ‘‘саг̇од̇д̇зхий’’д̇иаад̣̇и. д̇ад̇т̇а саг̇од̇д̇зхийд̇и самаанаг̇од̇д̇зхи. сахад̇хаммигзхийд̇и згасса сад̇т̇у саасанз сахажарид̇аб̣б̣ад̇хаммзхи, самаанагулад̇хаммзхи ваа. д̇знзвааха ‘‘згам̣ сад̇т̇аара’’нд̇иаад̣̇и. згаг̇ан̣абарияаабаннзхийд̇и маалаагаараад̣̇изгаг̇ан̣абарияаабаннзхи.
303.Serivihāranti sacchandacāraṃ. Attano vasanti attano āṇaṃ. Gottavantesu gotta-saddo, dhammacārīsu ca dhamma-saddo vattatīti āha ‘‘sagottehī’’tiādi. Tattha sagottehīti samānagottehi. Sahadhammikehīti ekassa satthu sāsane sahacaritabbadhammehi, samānakuladhammehi vā. Tenevāha ‘‘ekaṃ satthāra’’ntiādi. Ekagaṇapariyāpannehīti mālākārādiekagaṇapariyāpannehi.
сассаамигаа саарагкаа. яассаа г̇аманз ран̃н̃аа д̣̇ан̣д̣о табид̇о, саа сабарид̣̇ан̣д̣аа. бажчимаанам̣ д̣̇виннанд̇и саарагкасабарид̣̇ан̣д̣аанам̣. мижчаажааро ход̇ийд̇и д̇аасу г̇ад̇абурисаанам̣ вияа д̇аасамби мижчаажааро ход̇и сассаамигабхаавад̇о. на ид̇араасанд̇и маад̇урагкид̇аад̣̇ийнам̣ адтаннам̣ мижчаажааро над̇т̇и ассаамигад̇д̇аа, д̇аасу г̇ад̇аанам̣ бурисаанамзва мижчаажааро ход̇и маад̇аад̣̇ийхи рагкид̇ад̇д̇аа. бурисаа хи барзхи язхи гзхижи г̇обид̇ам̣ ид̇т̇им̣ г̇анд̇ум̣ на лабханд̇и, ид̇т̇ияо бана гзнажи бурисзна бхарияаабхаавзна г̇ахид̇аава бурисанд̇арам̣ г̇анд̇ум̣ на лабханд̇и, на ид̇араа ад̇д̇ано пассасса саяам̣ саамигад̇д̇аа. на хи маад̇аад̣̇аяо саяам̣ д̇аасам̣ пассаанубхаванад̇т̇ам̣ д̇аа рагканд̇и, гзвалам̣ бурисаг̇аманамзва д̇аасам̣ ваарзнд̇и. д̇асмаа гзнажи абариг̇г̇ахид̇апассад̇д̇аа, ад̇д̇ано пассад̇д̇аа жа ид̇т̇ийнам̣ на мижчаажааро, бурисаанам̣ бана барзхи ваарид̇з ад̇д̇ано асанд̇агадтаанз бавидтад̇д̇аа мижчаажаарод̇и взд̣̇ид̇аб̣б̣о.
Sassāmikā sārakkhā. Yassā gamane raññā daṇḍo ṭhapito, sā saparidaṇḍā. Pacchimānaṃ dvinnanti sārakkhasaparidaṇḍānaṃ. Micchācāro hotīti tāsu gatapurisānaṃ viya tāsampi micchācāro hoti sassāmikabhāvato. Na itarāsanti māturakkhitādīnaṃ aṭṭhannaṃ micchācāro natthi assāmikattā, tāsu gatānaṃ purisānameva micchācāro hoti mātādīhi rakkhitattā. Purisā hi parehi yehi kehici gopitaṃ itthiṃ gantuṃ na labhanti, itthiyo pana kenaci purisena bhariyābhāvena gahitāva purisantaraṃ gantuṃ na labhanti, na itarā attano phassassa sayaṃ sāmikattā. Na hi mātādayo sayaṃ tāsaṃ phassānubhavanatthaṃ tā rakkhanti, kevalaṃ purisagamanameva tāsaṃ vārenti. Tasmā kenaci apariggahitaphassattā, attano phassattā ca itthīnaṃ na micchācāro, purisānaṃ pana parehi vārite attano asantakaṭṭhāne paviṭṭhattā micchācāroti veditabbo.
бхог̇знаад̇и бхог̇ахзд̇у. уд̣̇абад̇д̇ам̣ аамасид̇ваа г̇ахид̇аа од̣̇абад̇д̇агиний. д̇хаж̇а-сад̣̇д̣̇зна сзнаа зва убалагкид̇аад̇и ааха ‘‘уссид̇ад̣̇д̇хаж̇ааяаа’’д̇иаад̣̇и.
Bhogenāti bhogahetu. Udapattaṃ āmasitvā gahitā odapattakinī. Dhaja-saddena senā eva upalakkhitāti āha ‘‘ussitaddhajāyā’’tiādi.
305. б̣ахид̣̇д̇хаа вимадтанд̇и ан̃н̃ад̇т̇а аарожид̇ам̣. д̇ам̣ гирияам̣ самбаад̣̇зссад̇ийд̇и д̇ассаа аарожзд̇ваа д̇ам̣ гижжам̣ самбаад̣̇зд̇у ваа маа ваа, д̇ам̣ гирияам̣ самбаад̣̇анз саамад̇т̇ияам̣ санд̇хааяа вуд̇д̇ам̣. д̣̇аарагам̣, д̣̇аариган̃жа аж̇аанаабзд̇ваа маад̇аабид̇уаад̣̇ийхи маад̇аабид̇уаад̣̇ийнан̃н̃зва санд̇игам̣ саасанз бзсид̇зби бадиг̇г̇ан̣ханавиймам̣санабажжаахаран̣асан̇каад̇ааяа д̇иван̇г̇асамбад̇д̇ияаа сан̇гхаад̣̇исзсо ход̇и зваад̇и д̣̇адтаб̣б̣ам̣.
305.Bahiddhā vimaṭṭhanti aññattha ārocitaṃ. Taṃ kiriyaṃ sampādessatīti tassā ārocetvā taṃ kiccaṃ sampādetu vā mā vā, taṃ kiriyaṃ sampādane sāmatthiyaṃ sandhāya vuttaṃ. Dārakaṃ, dārikañca ajānāpetvā mātāpituādīhi mātāpituādīnaññeva santikaṃ sāsane pesitepi paṭiggaṇhanavīmaṃsanapaccāharaṇasaṅkhātāya tivaṅgasampattiyā saṅghādiseso hoti evāti daṭṭhabbaṃ.
яам̣ уд̣̇д̣̇исса саасанам̣ бзсид̇ам̣, д̇ам̣ зва санд̇хааяа д̇ассаа маад̇уаад̣̇ийнам̣ аарожид̇зби кзд̇д̇амзва од̇ин̣н̣абхаавам̣ д̣̇ассзд̇ум̣ ‘‘б̣уд̣̇д̇хам̣ бажжагкаамий’’д̇иаад̣̇и уд̣̇аахадам̣, ид̣̇ан̃жа важанаб̣яад̇д̇аяахзд̇уб̣яад̇д̇аяаанам̣ бхзд̣̇зби б̣яад̇д̇аяасааман̃н̃ад̇о уд̣̇аахаданд̇и д̣̇адтаб̣б̣ам̣. д̇амби уд̣̇аахаран̣ад̣̇осам̣ барихарид̇ваа суд̇д̇аануломад̇ам̣ д̣̇ассзд̇ум̣ ‘‘д̇ам̣ банаа’’д̇иаад̣̇и вуд̇д̇ам̣. иминаа самзд̇ийд̇и зд̇т̇ааяамад̇хиббааяо – яат̇аа саяам̣ анаарожзд̇ваа ан̃н̃зсам̣ анд̇зваасигаад̣̇ийнам̣ вад̇ваа виймам̣саабзд̇ваа бажжаахаранд̇асса над̇т̇и висан̇гзд̇о, звам̣ д̇ассаа саяам̣ анаарожзд̇ваа аарожанад̇т̇ам̣ маад̇уаад̣̇ийнам̣ вад̣̇анд̇ассааби маад̇уаад̣̇аяо д̇ам̣ гирияам̣ самбаад̣̇знд̇у ваа маа ваа. яад̣̇и хи д̇зсам̣ маад̇уаад̣̇ийнам̣ д̇ун̣хийбхууд̇абхаавамби бажжаахарад̇и, висан̇гзд̇о над̇т̇ийд̇и.
Yaṃ uddissa sāsanaṃ pesitaṃ, taṃ eva sandhāya tassā mātuādīnaṃ ārocitepi khettameva otiṇṇabhāvaṃ dassetuṃ ‘‘buddhaṃ paccakkhāmī’’tiādi udāhaṭaṃ, idañca vacanabyattayahetubyattayānaṃ bhedepi byattayasāmaññato udāhaṭanti daṭṭhabbaṃ. Tampi udāharaṇadosaṃ pariharitvā suttānulomataṃ dassetuṃ ‘‘taṃ panā’’tiādi vuttaṃ. Iminā sametīti etthāyamadhippāyo – yathā sayaṃ anārocetvā aññesaṃ antevāsikādīnaṃ vatvā vīmaṃsāpetvā paccāharantassa natthi visaṅketo, evaṃ tassā sayaṃ anārocetvā ārocanatthaṃ mātuādīnaṃ vadantassāpi mātuādayo taṃ kiriyaṃ sampādentu vā mā vā. Yadi hi tesaṃ mātuādīnaṃ tuṇhībhūtabhāvampi paccāharati, visaṅketo natthīti.
гхарагижжам̣ нзд̇ийд̇и гхаран̣ий. ан̃н̃ад̇арам̣ вад̣̇анд̇асса висан̇гзд̇ам̣ ад̣̇иннаад̣̇аанаад̣̇ийсу аан̣ад̇д̇ияам̣ вад̇т̇усан̇гзд̇о вияаад̇и ад̇хиббааяо. мууладтаанан̃жа васзнаад̇и зд̇т̇а бурисасса маад̇уаад̣̇аяо саасанабзсанз муулабхууд̇ад̇д̇аа ‘‘мууладтаа’’д̇и вуд̇д̇аа.
Gharakiccaṃ netīti gharaṇī. Aññataraṃ vadantassa visaṅketaṃ adinnādānādīsu āṇattiyaṃ vatthusaṅketo viyāti adhippāyo. Mūlaṭṭhānañca vasenāti ettha purisassa mātuādayo sāsanapesane mūlabhūtattā ‘‘mūlaṭṭhā’’ti vuttā.
322. баал̣ияам̣ маад̇урагкид̇ааяа маад̇аа бхигкум̣ бахин̣ад̇ийд̇и зд̇т̇а ад̇д̇ано ваа д̇хийд̇у санд̇игам̣ ‘‘ид̇т̇аннаамасса бхарияаа ход̇уу’’д̇и бхигкум̣ бахин̣ад̇и, бурисасса ваа д̇асса н̃аад̇агаанам̣ ваа санд̇игам̣ ‘‘мама д̇хийд̇аа ид̇т̇аннаамасса бхарияаа ход̇уу’’д̇и бахин̣ад̇ийд̇и г̇ахзд̇аб̣б̣ам̣. зсзва наяо сзсзсуби. буб̣б̣з вуд̇д̇анаяад̇д̇аад̇и батамасан̇гхаад̣̇исзсз вуд̇д̇анаяад̇д̇аа.
322. Pāḷiyaṃ māturakkhitāya mātā bhikkhuṃ pahiṇatīti ettha attano vā dhītu santikaṃ ‘‘itthannāmassa bhariyā hotū’’ti bhikkhuṃ pahiṇati, purisassa vā tassa ñātakānaṃ vā santikaṃ ‘‘mama dhītā itthannāmassa bhariyā hotū’’ti pahiṇatīti gahetabbaṃ. Eseva nayo sesesupi. Pubbe vuttanayattāti paṭhamasaṅghādisese vuttanayattā.
338. анд̇з згзнаад̇и згзна бад̣̇зна. зд̇д̇ова баггамад̇ийд̇и абажжаахарид̇ваа д̇ад̇ова баггамад̇и. ‘‘анабхинанд̣̇ид̇ваа’’д̇и ид̣̇ам̣ д̇ат̇аа бадибаж̇ж̇амаанам̣ санд̇хааяа вуд̇д̇ам̣. сад̇иби абхинанд̣̇анз саасанам̣ анаарожзнд̇о бана на виймам̣сад̇и наама. д̇ад̇ияабад̣̇з вуд̇д̇анаязнаад̇и ‘‘со д̇ассаа важанам̣ анабхинанд̣̇ид̇ваа’’д̇иаад̣̇инаа вуд̇д̇анаязна. баал̣ияам̣ анд̇зваасим̣ виймам̣саабзд̇ваад̇и ‘‘аяам̣ д̇зсам̣ вад̇д̇ум̣ самад̇т̇о’’д̇и анд̇зваасинаа виймам̣саабзд̇ваа. сажз бана со анд̇зваасиго д̇ам̣ важанам̣ аад̣̇ияид̇ваа д̇ун̣хий ход̇и, д̇ассааби д̇ам̣ бавад̇д̇им̣ бажжаахаранд̇асса аажарияасса сан̇гхаад̣̇исзсова маад̇уаад̣̇ийсу д̇ун̣хийбхууд̇зсу д̇зсам̣ д̇ун̣хибхаавам̣ бажжаахаранд̇асса вияаад̇и д̣̇адтаб̣б̣ам̣.
338.Ante ekenāti ekena padena. Ettova pakkamatīti apaccāharitvā tatova pakkamati. ‘‘Anabhinanditvā’’ti idaṃ tathā paṭipajjamānaṃ sandhāya vuttaṃ. Satipi abhinandane sāsanaṃ anārocento pana na vīmaṃsati nāma. Tatiyapade vuttanayenāti ‘‘so tassā vacanaṃ anabhinanditvā’’tiādinā vuttanayena. Pāḷiyaṃ antevāsiṃ vīmaṃsāpetvāti ‘‘ayaṃ tesaṃ vattuṃ samattho’’ti antevāsinā vīmaṃsāpetvā. Sace pana so antevāsiko taṃ vacanaṃ ādiyitvā tuṇhī hoti, tassāpi taṃ pavattiṃ paccāharantassa ācariyassa saṅghādisesova mātuādīsu tuṇhībhūtesu tesaṃ tuṇhibhāvaṃ paccāharantassa viyāti daṭṭhabbaṃ.
баал̣ияам̣ жад̇уд̇т̇аваарз асад̇иби г̇ажчанд̇о самбаад̣̇зд̇и, ааг̇ажчанд̇о висам̣ваад̣̇зд̇и анаабад̇д̇ийд̇и ад̇т̇ад̇о аабаннамзваад̇игад̇ваа вуд̇д̇ам̣ ‘‘жад̇уд̇т̇з анаабад̇д̇ий’’д̇и.
Pāḷiyaṃ catutthavāre asatipi gacchanto sampādeti, āgacchanto visaṃvādeti anāpattīti atthato āpannamevātikatvā vuttaṃ ‘‘catutthe anāpattī’’ti.
340. гааругаананд̇и вад̣дхагийаад̣̇ийнам̣ д̇ажчагааяогаарад̇анд̇авааяараж̇аганхаабид̇агаа бан̃жа гаараво ‘‘гааругаа’’д̇и вужжанд̇и. зваруубзна…бз… анаабад̇д̇ийд̇и д̇аад̣̇исам̣ г̇ихивзяяааважжамби на ход̇ийд̇и гад̇ваа вуд̇д̇ам̣.
340.Kārukānanti vaḍḍhakīādīnaṃ tacchakaayokāratantavāyarajakanhāpitakā pañca kāravo ‘‘kārukā’’ti vuccanti. Evarūpena…pe… anāpattīti tādisaṃ gihiveyyāvaccampi na hotīti katvā vuttaṃ.
гааяад̇о самудтаад̇ийд̇и бан̣н̣ад̇д̇им̣ ваа алам̣важанийяабхаавам̣ ваа д̇ад̣̇убхаяам̣ ваа аж̇аананд̇асса гааяад̇о самудтаад̇и. зса наяо ид̇арад̣̇ваязби. алам̣важанийяаа хонд̇ийд̇и ид̇т̇ий ваа бурисо ваа убхоби ваа ж̇ааяаабхаавз, саамигабхаавз жа нигкид̇д̇ачанд̣̇ад̇ааяа ажжанд̇авияуд̇д̇ад̇д̇аа буна ан̃н̃аман̃н̃ам̣ самааг̇амад̇т̇ам̣ ‘‘маа звам̣ агарид̇т̇аа’’д̇иаад̣̇инаа важанийяад̇ааяа вад̇д̇аб̣б̣ад̇ааяа алам̣ арахаад̇и алам̣важанийяаа, алам̣ ваа гад̇д̇ум̣ арахам̣ санд̇хаанаважанамзд̇зсу ид̇т̇ибурисзсууд̇и алам̣важанийяаа, санд̇хаанагаарасса важанам̣ винаа асан̇г̇ажчанагаа барижжад̇д̇ааязваад̇и ад̇хиббааяо.
Kāyato samuṭṭhātīti paṇṇattiṃ vā alaṃvacanīyabhāvaṃ vā tadubhayaṃ vā ajānantassa kāyato samuṭṭhāti. Esa nayo itaradvayepi. Alaṃvacanīyā hontīti itthī vā puriso vā ubhopi vā jāyābhāve, sāmikabhāve ca nikkhittachandatāya accantaviyuttattā puna aññamaññaṃ samāgamatthaṃ ‘‘mā evaṃ akaritthā’’tiādinā vacanīyatāya vattabbatāya alaṃ arahāti alaṃvacanīyā, alaṃ vā kattuṃ arahaṃ sandhānavacanametesu itthipurisesūti alaṃvacanīyā, sandhānakārassa vacanaṃ vinā asaṅgacchanakā pariccattāyevāti adhippāyo.
бан̣н̣ад̇д̇им̣ бана ж̇аанид̇ваад̇и зд̇т̇а алам̣важанийяабхаавам̣ ваад̇и вад̇д̇аб̣б̣ам̣. д̇знзва маад̇игаадтагат̇ааяан̃жа ‘‘д̇ад̣̇убхаяам̣ бана ж̇аанид̇ваа’’д̇иаад̣̇и вуд̇д̇ам̣. бхигкум̣ аж̇аанаабзд̇ваа ад̇д̇ано ад̇хиббааяам̣ бан̣н̣з ликид̇ваа ‘‘имам̣ бан̣н̣ам̣ асугасса д̣̇зхий’’д̇и д̣̇иннам̣ харанд̇асса сан̃жарид̇д̇ам̣ на ход̇и. бан̣н̣ад̇д̇иалам̣важанийяабхаавааж̇аананавасзнзва хи имам̣ сигкаабад̣̇ам̣ ажид̇д̇агам̣, на саб̣б̣зна саб̣б̣ам̣ сан̃жаран̣абхаавамби аж̇аананавасзна, баал̣ияан̃жа адтагат̇ааяан̃жа аарожанамзва д̣̇ассид̇ам̣. д̇асмаа санд̣̇ассанад̇т̇ам̣ н̃ад̇ваа бан̣н̣асанд̣̇ассанавасзнааби гааязна ваа ваажааяа ваа аарожзнд̇ассзва аабад̇д̇и ход̇ийд̇и г̇ахзд̇аб̣б̣ам̣.
Paṇṇattiṃ pana jānitvāti ettha alaṃvacanīyabhāvaṃ vāti vattabbaṃ. Teneva mātikāṭṭhakathāyañca ‘‘tadubhayaṃ pana jānitvā’’tiādi vuttaṃ. Bhikkhuṃ ajānāpetvā attano adhippāyaṃ paṇṇe likhitvā ‘‘imaṃ paṇṇaṃ asukassa dehī’’ti dinnaṃ harantassa sañcarittaṃ na hoti. Paṇṇattialaṃvacanīyabhāvaajānanavaseneva hi imaṃ sikkhāpadaṃ acittakaṃ, na sabbena sabbaṃ sañcaraṇabhāvampi ajānanavasena, pāḷiyañca aṭṭhakathāyañca ārocanameva dassitaṃ. Tasmā sandassanatthaṃ ñatvā paṇṇasandassanavasenāpi kāyena vā vācāya vā ārocentasseva āpatti hotīti gahetabbaṃ.
341. яат̇аа яат̇аа язсу язсу ж̇анабад̣̇зсууд̇и барижжад̇д̇абхааваббагаасанад̇т̇ам̣ гад̇д̇аб̣б̣ам̣ бан̣н̣ад̣̇аанан̃аад̇иж̇аниссараад̣̇иж̇аанаабанаад̣̇ид̇ам̣д̇ам̣д̣̇зсанияад̇ам̣ багаарам̣ д̣̇ассзд̇и, ид̣̇ан̃жа ниб̣ад̣̇д̇хабхарияаабхаавзна г̇ахид̇ам̣ санд̇хааяа вуд̇д̇ам̣. ад̇д̇ано ружияаа сан̇г̇ад̇аанам̣ бана ид̇т̇ийнам̣, мухуд̇д̇игааяа жа бурисз жид̇д̇асса вираж̇ж̇анамзва алам̣важанийяабхаавз гааран̣анд̇и д̣̇адтаб̣б̣ам̣. д̣̇удтуллаад̣̇ийсубийд̇и аад̣̇и-сад̣̇д̣̇зна ад̇д̇агаамасан̃жарид̇д̇аани сан̇г̇ан̣хаад̇и, зд̇т̇а бана баал̣ияам̣ гин̃жааби ‘‘ид̇т̇ий наама мануссид̇т̇ий на яагкий’’д̇иаад̣̇инаа мануссид̇т̇ибурисаа на д̣̇ассид̇аа, д̇ат̇ааби ‘‘д̣̇аса ид̇т̇ияо маад̇урагкид̇аа’’д̇иаад̣̇инаа мануссид̇т̇ийнан̃н̃зва д̣̇ассид̇ад̇д̇аа бурисаанамби д̇ад̣̇ануг̇ун̣аанамзва г̇ахзд̇аб̣б̣ад̇о мануссаж̇аад̇игаава ид̇т̇ибурисаа ид̇хаад̇хиббзд̇аа. д̇асмаа язсу сан̃жарид̇д̇ам̣ самаабаж̇ж̇ад̇и, д̇зсам̣ мануссаж̇аад̇игад̇аа, на наалам̣важанийяад̇аа, бадиг̇г̇ан̣хана, виймам̣сана, бажжаахаран̣аанийд̇и имаанзд̇т̇а бан̃жа ан̇г̇аани.
341.Yathā yathā yesu yesu janapadesūti pariccattabhāvappakāsanatthaṃ kattabbaṃ paṇṇadānañātijanissarādijānāpanāditaṃtaṃdesaniyataṃ pakāraṃ dasseti, idañca nibaddhabhariyābhāvena gahitaṃ sandhāya vuttaṃ. Attano ruciyā saṅgatānaṃ pana itthīnaṃ, muhuttikāya ca purise cittassa virajjanameva alaṃvacanīyabhāve kāraṇanti daṭṭhabbaṃ. Duṭṭhullādīsupīti ādi-saddena attakāmasañcarittāni saṅgaṇhāti, ettha pana pāḷiyaṃ kiñcāpi ‘‘itthī nāma manussitthī na yakkhī’’tiādinā manussitthipurisā na dassitā, tathāpi ‘‘dasa itthiyo māturakkhitā’’tiādinā manussitthīnaññeva dassitattā purisānampi tadanuguṇānameva gahetabbato manussajātikāva itthipurisā idhādhippetā. Tasmā yesu sañcarittaṃ samāpajjati, tesaṃ manussajātikatā, na nālaṃvacanīyatā, paṭiggaṇhana, vīmaṃsana, paccāharaṇānīti imānettha pañca aṅgāni.
сан̃жарид̇д̇асигкаабад̣̇аван̣н̣анаа нидтид̇аа.
Sañcarittasikkhāpadavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 5. сан̃жарид̇д̇асигкаабад̣̇ам̣ • 5. Sañcarittasikkhāpadaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 5. сан̃жарид̇д̇асигкаабад̣̇аван̣н̣анаа • 5. Sañcarittasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 5. сан̃жарид̇д̇асигкаабад̣̇аван̣н̣анаа • 5. Sañcarittasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā
5. сан̃жарид̇д̇асигкаабад̣̇аван̣н̣анаа • 5. Sañcarittasikkhāpadavaṇṇanā
бад̣̇абхааж̇анийяаван̣н̣анаа • Padabhājanīyavaṇṇanā
винийд̇авад̇т̇уван̣н̣анаа • Vinītavatthuvaṇṇanā
