| Library / Tipiṭaka / திபிடக • Tipiṭaka / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) |
7-8. ஸஞ்சேதனிகஸுத்தத்³வயவண்ணனா
7-8. Sañcetanikasuttadvayavaṇṇanā
217-218. ஸத்தமே ஸஞ்சேதனிகானந்தி சேதெத்வா பகப்பெத்வா கதானங். உபசிதானந்தி சிதானங் வட்³டி⁴தானங். அப்படிஸங்வேதி³த்வாதி தேஸங் கம்மானங் விபாகங் அவேதி³யித்வா. ப்³யந்தீபா⁴வந்தி விக³தந்தபா⁴வங் தேஸங் கம்மானங் பரிச்சே²த³பரிவடுமதாகரணங். தஞ்ச கோ² தி³ட்டே²வ த⁴ம்மேதி தஞ்ச கோ² விபாகங் தி³ட்ட²த⁴ம்மவேத³னீயங் தி³ட்டே²வ த⁴ம்மே. உபபஜ்ஜந்தி உபபஜ்ஜவேத³னீயங் அனந்தரே அத்தபா⁴வே. அபரே வா பரியாயேதி அபரபரியாயவேத³னீயங் பன ஸங்ஸாரப்பவத்தே ஸதி ஸஹஸ்ஸிமேபி அத்தபா⁴வேதி. இமினா இத³ங் த³ஸ்ஸேதி ‘‘ஸங்ஸாரப்பவத்தே படிலத்³த⁴விபாகாரஹகம்மே ந விஜ்ஜதி ஸோ ஜக³திப்பதே³ஸோ, யத்த² டி²தோ முச்செய்ய பாபகம்மா’’தி. திவிதா⁴தி திப்பகாரா. காயகம்மந்தஸந்தோ³ஸப்³யாபத்தீதி காயகம்மந்தஸங்கா²தா விபத்தி. இமினா நயேன ஸப்³ப³பதா³னி வேதி³தப்³பா³னி. அட்ட²மே அபண்ணகோ மணீதி ஸமந்ததோ சதுரஸ்ஸோ பாஸகோ.
217-218. Sattame sañcetanikānanti cetetvā pakappetvā katānaṃ. Upacitānanti citānaṃ vaḍḍhitānaṃ. Appaṭisaṃveditvāti tesaṃ kammānaṃ vipākaṃ avediyitvā. Byantībhāvanti vigatantabhāvaṃ tesaṃ kammānaṃ paricchedaparivaṭumatākaraṇaṃ. Tañca kho diṭṭheva dhammeti tañca kho vipākaṃ diṭṭhadhammavedanīyaṃ diṭṭheva dhamme. Upapajjanti upapajjavedanīyaṃ anantare attabhāve. Apare vā pariyāyeti aparapariyāyavedanīyaṃ pana saṃsārappavatte sati sahassimepi attabhāveti. Iminā idaṃ dasseti ‘‘saṃsārappavatte paṭiladdhavipākārahakamme na vijjati so jagatippadeso, yattha ṭhito mucceyya pāpakammā’’ti. Tividhāti tippakārā. Kāyakammantasandosabyāpattīti kāyakammantasaṅkhātā vipatti. Iminā nayena sabbapadāni veditabbāni. Aṭṭhame apaṇṇako maṇīti samantato caturasso pāsako.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya
7. பட²மஸஞ்சேதனிகஸுத்தங் • 7. Paṭhamasañcetanikasuttaṃ
8. து³தியஸஞ்சேதனிகஸுத்தங் • 8. Dutiyasañcetanikasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 1-536. பட²மனிரயஸக்³க³ஸுத்தாதி³வண்ணனா • 1-536. Paṭhamanirayasaggasuttādivaṇṇanā
