| Library / Tipiṭaka / তিপিটক • Tipiṭaka / অঙ্গুত্তরনিকায (অট্ঠকথা) • Aṅguttaranikāya (aṭṭhakathā) |
৭-৮. সঞ্চেতনিকসুত্তদ্ৰযৰণ্ণনা
7-8. Sañcetanikasuttadvayavaṇṇanā
২১৭-২১৮. সত্তমে সঞ্চেতনিকানন্তি চেতেত্ৰা পকপ্পেত্ৰা কতানং। উপচিতানন্তি চিতানং ৰড্ঢিতানং। অপ্পটিসংৰেদিত্ৰাতি তেসং কম্মানং ৰিপাকং অৰেদিযিত্ৰা। ব্যন্তীভাৰন্তি ৰিগতন্তভাৰং তেসং কম্মানং পরিচ্ছেদপরিৰটুমতাকরণং। তঞ্চ খো দিট্ঠেৰ ধম্মেতি তঞ্চ খো ৰিপাকং দিট্ঠধম্মৰেদনীযং দিট্ঠেৰ ধম্মে। উপপজ্জন্তি উপপজ্জৰেদনীযং অনন্তরে অত্তভাৰে। অপরে ৰা পরিযাযেতি অপরপরিযাযৰেদনীযং পন সংসারপ্পৰত্তে সতি সহস্সিমেপি অত্তভাৰেতি। ইমিনা ইদং দস্সেতি ‘‘সংসারপ্পৰত্তে পটিলদ্ধৰিপাকারহকম্মে ন ৰিজ্জতি সো জগতিপ্পদেসো, যত্থ ঠিতো মুচ্চেয্য পাপকম্মা’’তি। তিৰিধাতি তিপ্পকারা। কাযকম্মন্তসন্দোসব্যাপত্তীতি কাযকম্মন্তসঙ্খাতা ৰিপত্তি। ইমিনা নযেন সব্বপদানি ৰেদিতব্বানি। অট্ঠমে অপণ্ণকো মণীতি সমন্ততো চতুরস্সো পাসকো।
217-218. Sattame sañcetanikānanti cetetvā pakappetvā katānaṃ. Upacitānanti citānaṃ vaḍḍhitānaṃ. Appaṭisaṃveditvāti tesaṃ kammānaṃ vipākaṃ avediyitvā. Byantībhāvanti vigatantabhāvaṃ tesaṃ kammānaṃ paricchedaparivaṭumatākaraṇaṃ. Tañca kho diṭṭheva dhammeti tañca kho vipākaṃ diṭṭhadhammavedanīyaṃ diṭṭheva dhamme. Upapajjanti upapajjavedanīyaṃ anantare attabhāve. Apare vā pariyāyeti aparapariyāyavedanīyaṃ pana saṃsārappavatte sati sahassimepi attabhāveti. Iminā idaṃ dasseti ‘‘saṃsārappavatte paṭiladdhavipākārahakamme na vijjati so jagatippadeso, yattha ṭhito mucceyya pāpakammā’’ti. Tividhāti tippakārā. Kāyakammantasandosabyāpattīti kāyakammantasaṅkhātā vipatti. Iminā nayena sabbapadāni veditabbāni. Aṭṭhame apaṇṇako maṇīti samantato caturasso pāsako.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / অঙ্গুত্তরনিকায • Aṅguttaranikāya
৭. পঠমসঞ্চেতনিকসুত্তং • 7. Paṭhamasañcetanikasuttaṃ
৮. দুতিযসঞ্চেতনিকসুত্তং • 8. Dutiyasañcetanikasuttaṃ
টীকা • Tīkā / সুত্তপিটক (টীকা) • Suttapiṭaka (ṭīkā) / অঙ্গুত্তরনিকায (টীকা) • Aṅguttaranikāya (ṭīkā) / ১-৫৩৬. পঠমনিরযসগ্গসুত্তাদিৰণ্ণনা • 1-536. Paṭhamanirayasaggasuttādivaṇṇanā
