| Library / Tipiṭaka / ติปิฎก • Tipiṭaka / องฺคุตฺตรนิกาย (อฎฺฐกถา) • Aṅguttaranikāya (aṭṭhakathā) |
๗-๘. สเญฺจตนิกสุตฺตทฺวยวณฺณนา
7-8. Sañcetanikasuttadvayavaṇṇanā
๒๑๗-๒๑๘. สตฺตเม สเญฺจตนิกานนฺติ เจเตตฺวา ปกเปฺปตฺวา กตานํฯ อุปจิตานนฺติ จิตานํ วฑฺฒิตานํฯ อปฺปฎิสํเวทิตฺวาติ เตสํ กมฺมานํ วิปากํ อเวทิยิตฺวาฯ พฺยนฺตีภาวนฺติ วิคตนฺตภาวํ เตสํ กมฺมานํ ปริเจฺฉทปริวฎุมตากรณํฯ ตญฺจ โข ทิเฎฺฐว ธเมฺมติ ตญฺจ โข วิปากํ ทิฎฺฐธมฺมเวทนียํ ทิเฎฺฐว ธเมฺมฯ อุปปชฺชนฺติ อุปปชฺชเวทนียํ อนนฺตเร อตฺตภาเวฯ อปเร วา ปริยาเยติ อปรปริยายเวทนียํ ปน สํสารปฺปวเตฺต สติ สหสฺสิเมปิ อตฺตภาเวติฯ อิมินา อิทํ ทเสฺสติ ‘‘สํสารปฺปวเตฺต ปฎิลทฺธวิปาการหกเมฺม น วิชฺชติ โส ชคติปฺปเทโส, ยตฺถ ฐิโต มุเจฺจยฺย ปาปกมฺมา’’ติฯ ติวิธาติ ติปฺปการาฯ กายกมฺมนฺตสโนฺทสพฺยาปตฺตีติ กายกมฺมนฺตสงฺขาตา วิปตฺติฯ อิมินา นเยน สพฺพปทานิ เวทิตพฺพานิฯ อฎฺฐเม อปณฺณโก มณีติ สมนฺตโต จตุรโสฺส ปาสโกฯ
217-218. Sattame sañcetanikānanti cetetvā pakappetvā katānaṃ. Upacitānanti citānaṃ vaḍḍhitānaṃ. Appaṭisaṃveditvāti tesaṃ kammānaṃ vipākaṃ avediyitvā. Byantībhāvanti vigatantabhāvaṃ tesaṃ kammānaṃ paricchedaparivaṭumatākaraṇaṃ. Tañca kho diṭṭheva dhammeti tañca kho vipākaṃ diṭṭhadhammavedanīyaṃ diṭṭheva dhamme. Upapajjanti upapajjavedanīyaṃ anantare attabhāve. Apare vā pariyāyeti aparapariyāyavedanīyaṃ pana saṃsārappavatte sati sahassimepi attabhāveti. Iminā idaṃ dasseti ‘‘saṃsārappavatte paṭiladdhavipākārahakamme na vijjati so jagatippadeso, yattha ṭhito mucceyya pāpakammā’’ti. Tividhāti tippakārā. Kāyakammantasandosabyāpattīti kāyakammantasaṅkhātā vipatti. Iminā nayena sabbapadāni veditabbāni. Aṭṭhame apaṇṇako maṇīti samantato caturasso pāsako.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / องฺคุตฺตรนิกาย • Aṅguttaranikāya
๗. ปฐมสเญฺจตนิกสุตฺตํ • 7. Paṭhamasañcetanikasuttaṃ
๘. ทุติยสเญฺจตนิกสุตฺตํ • 8. Dutiyasañcetanikasuttaṃ
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / องฺคุตฺตรนิกาย (ฎีกา) • Aṅguttaranikāya (ṭīkā) / ๑-๕๓๖. ปฐมนิรยสคฺคสุตฺตาทิวณฺณนา • 1-536. Paṭhamanirayasaggasuttādivaṇṇanā
