| Library / Tipiṭaka / တိပိဋက • Tipiṭaka / အင္ဂုတ္တရနိကာယ (အဋ္ဌကထာ) • Aṅguttaranikāya (aṭṭhakathā) |
၇-၈. သဉ္စေတနိကသုတ္တဒ္ဝယဝဏ္ဏနာ
7-8. Sañcetanikasuttadvayavaṇṇanā
၂၁၇-၂၁၈. သတ္တမေ သဉ္စေတနိကာနန္တိ စေတေတ္ဝာ ပကပ္ပေတ္ဝာ ကတာနံ။ ဥပစိတာနန္တိ စိတာနံ ဝဍ္ဎိတာနံ။ အပ္ပဋိသံဝေဒိတ္ဝာတိ တေသံ ကမ္မာနံ ဝိပာကံ အဝေဒိယိတ္ဝာ။ ဗ္ယန္တီဘာဝန္တိ ဝိဂတန္တဘာဝံ တေသံ ကမ္မာနံ ပရိစ္ဆေဒပရိဝဋုမတာကရဏံ။ တဉ္စ ခော ဒိဋ္ဌေဝ ဓမ္မေတိ တဉ္စ ခော ဝိပာကံ ဒိဋ္ဌဓမ္မဝေဒနီယံ ဒိဋ္ဌေဝ ဓမ္မေ။ ဥပပဇ္ဇန္တိ ဥပပဇ္ဇဝေဒနီယံ အနန္တရေ အတ္တဘာဝေ။ အပရေ ဝာ ပရိယာယေတိ အပရပရိယာယဝေဒနီယံ ပန သံသာရပ္ပဝတ္တေ သတိ သဟသ္သိမေပိ အတ္တဘာဝေတိ။ ဣမိနာ ဣဒံ ဒသ္သေတိ ‘‘သံသာရပ္ပဝတ္တေ ပဋိလဒ္ဓဝိပာကာရဟကမ္မေ န ဝိဇ္ဇတိ သော ဇဂတိပ္ပဒေသော, ယတ္ထ ဌိတော မုစ္စေယ္ယ ပာပကမ္မာ’’တိ။ တိဝိဓာတိ တိပ္ပကာရာ။ ကာယကမ္မန္တသန္ဒောသဗ္ယာပတ္တီတိ ကာယကမ္မန္တသင္ခာတာ ဝိပတ္တိ။ ဣမိနာ နယေန သဗ္ဗပဒာနိ ဝေဒိတဗ္ဗာနိ။ အဋ္ဌမေ အပဏ္ဏကော မဏီတိ သမန္တတော စတုရသ္သော ပာသကော။
217-218. Sattame sañcetanikānanti cetetvā pakappetvā katānaṃ. Upacitānanti citānaṃ vaḍḍhitānaṃ. Appaṭisaṃveditvāti tesaṃ kammānaṃ vipākaṃ avediyitvā. Byantībhāvanti vigatantabhāvaṃ tesaṃ kammānaṃ paricchedaparivaṭumatākaraṇaṃ. Tañca kho diṭṭheva dhammeti tañca kho vipākaṃ diṭṭhadhammavedanīyaṃ diṭṭheva dhamme. Upapajjanti upapajjavedanīyaṃ anantare attabhāve. Apare vā pariyāyeti aparapariyāyavedanīyaṃ pana saṃsārappavatte sati sahassimepi attabhāveti. Iminā idaṃ dasseti ‘‘saṃsārappavatte paṭiladdhavipākārahakamme na vijjati so jagatippadeso, yattha ṭhito mucceyya pāpakammā’’ti. Tividhāti tippakārā. Kāyakammantasandosabyāpattīti kāyakammantasaṅkhātā vipatti. Iminā nayena sabbapadāni veditabbāni. Aṭṭhame apaṇṇako maṇīti samantato caturasso pāsako.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / အင္ဂုတ္တရနိကာယ • Aṅguttaranikāya
၇. ပဌမသဉ္စေတနိကသုတ္တံ • 7. Paṭhamasañcetanikasuttaṃ
၈. ဒုတိယသဉ္စေတနိကသုတ္တံ • 8. Dutiyasañcetanikasuttaṃ
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / အင္ဂုတ္တရနိကာယ (ဋီကာ) • Aṅguttaranikāya (ṭīkā) / ၁-၅၃၆. ပဌမနိရယသဂ္ဂသုတ္တာဒိဝဏ္ဏနာ • 1-536. Paṭhamanirayasaggasuttādivaṇṇanā
