| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) |
੭-੮. ਸਞ੍ਚੇਤਨਿਕਸੁਤ੍ਤਦ੍વਯવਣ੍ਣਨਾ
7-8. Sañcetanikasuttadvayavaṇṇanā
੨੧੭-੨੧੮. ਸਤ੍ਤਮੇ ਸਞ੍ਚੇਤਨਿਕਾਨਨ੍ਤਿ ਚੇਤੇਤ੍વਾ ਪਕਪ੍ਪੇਤ੍વਾ ਕਤਾਨਂ। ਉਪਚਿਤਾਨਨ੍ਤਿ ਚਿਤਾਨਂ વਡ੍ਢਿਤਾਨਂ। ਅਪ੍ਪਟਿਸਂવੇਦਿਤ੍વਾਤਿ ਤੇਸਂ ਕਮ੍ਮਾਨਂ વਿਪਾਕਂ ਅવੇਦਿਯਿਤ੍વਾ। ਬ੍ਯਨ੍ਤੀਭਾવਨ੍ਤਿ વਿਗਤਨ੍ਤਭਾવਂ ਤੇਸਂ ਕਮ੍ਮਾਨਂ ਪਰਿਚ੍ਛੇਦਪਰਿવਟੁਮਤਾਕਰਣਂ। ਤਞ੍ਚ ਖੋ ਦਿਟ੍ਠੇવ ਧਮ੍ਮੇਤਿ ਤਞ੍ਚ ਖੋ વਿਪਾਕਂ ਦਿਟ੍ਠਧਮ੍ਮવੇਦਨੀਯਂ ਦਿਟ੍ਠੇવ ਧਮ੍ਮੇ। ਉਪਪਜ੍ਜਨ੍ਤਿ ਉਪਪਜ੍ਜવੇਦਨੀਯਂ ਅਨਨ੍ਤਰੇ ਅਤ੍ਤਭਾવੇ। ਅਪਰੇ વਾ ਪਰਿਯਾਯੇਤਿ ਅਪਰਪਰਿਯਾਯવੇਦਨੀਯਂ ਪਨ ਸਂਸਾਰਪ੍ਪવਤ੍ਤੇ ਸਤਿ ਸਹਸ੍ਸਿਮੇਪਿ ਅਤ੍ਤਭਾવੇਤਿ। ਇਮਿਨਾ ਇਦਂ ਦਸ੍ਸੇਤਿ ‘‘ਸਂਸਾਰਪ੍ਪવਤ੍ਤੇ ਪਟਿਲਦ੍ਧવਿਪਾਕਾਰਹਕਮ੍ਮੇ ਨ વਿਜ੍ਜਤਿ ਸੋ ਜਗਤਿਪ੍ਪਦੇਸੋ, ਯਤ੍ਥ ਠਿਤੋ ਮੁਚ੍ਚੇਯ੍ਯ ਪਾਪਕਮ੍ਮਾ’’ਤਿ। ਤਿવਿਧਾਤਿ ਤਿਪ੍ਪਕਾਰਾ। ਕਾਯਕਮ੍ਮਨ੍ਤਸਨ੍ਦੋਸਬ੍ਯਾਪਤ੍ਤੀਤਿ ਕਾਯਕਮ੍ਮਨ੍ਤਸਙ੍ਖਾਤਾ વਿਪਤ੍ਤਿ। ਇਮਿਨਾ ਨਯੇਨ ਸਬ੍ਬਪਦਾਨਿ વੇਦਿਤਬ੍ਬਾਨਿ। ਅਟ੍ਠਮੇ ਅਪਣ੍ਣਕੋ ਮਣੀਤਿ ਸਮਨ੍ਤਤੋ ਚਤੁਰਸ੍ਸੋ ਪਾਸਕੋ।
217-218. Sattame sañcetanikānanti cetetvā pakappetvā katānaṃ. Upacitānanti citānaṃ vaḍḍhitānaṃ. Appaṭisaṃveditvāti tesaṃ kammānaṃ vipākaṃ avediyitvā. Byantībhāvanti vigatantabhāvaṃ tesaṃ kammānaṃ paricchedaparivaṭumatākaraṇaṃ. Tañca kho diṭṭheva dhammeti tañca kho vipākaṃ diṭṭhadhammavedanīyaṃ diṭṭheva dhamme. Upapajjanti upapajjavedanīyaṃ anantare attabhāve. Apare vā pariyāyeti aparapariyāyavedanīyaṃ pana saṃsārappavatte sati sahassimepi attabhāveti. Iminā idaṃ dasseti ‘‘saṃsārappavatte paṭiladdhavipākārahakamme na vijjati so jagatippadeso, yattha ṭhito mucceyya pāpakammā’’ti. Tividhāti tippakārā. Kāyakammantasandosabyāpattīti kāyakammantasaṅkhātā vipatti. Iminā nayena sabbapadāni veditabbāni. Aṭṭhame apaṇṇako maṇīti samantato caturasso pāsako.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya
੭. ਪਠਮਸਞ੍ਚੇਤਨਿਕਸੁਤ੍ਤਂ • 7. Paṭhamasañcetanikasuttaṃ
੮. ਦੁਤਿਯਸਞ੍ਚੇਤਨਿਕਸੁਤ੍ਤਂ • 8. Dutiyasañcetanikasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੧-੫੩੬. ਪਠਮਨਿਰਯਸਗ੍ਗਸੁਤ੍ਤਾਦਿવਣ੍ਣਨਾ • 1-536. Paṭhamanirayasaggasuttādivaṇṇanā
