| Library / Tipiṭaka / д̇ибидага • Tipiṭaka / баажид̇яаад̣̇ияож̇анаабаал̣и • Pācityādiyojanāpāḷi |
7. саббаан̣агаваг̇г̇о
7. Sappāṇakavaggo
1. сан̃жижжабаан̣асигкаабад̣̇а-ад̇т̇аяож̇анаа
1. Sañciccapāṇasikkhāpada-atthayojanā
382. саббаан̣агаваг̇г̇асса батамз усум̣ асад̇и кибад̇и анзнаад̇и иссаасод̇и гад̇з д̇хануязва мукяад̇о иссаасо наама, д̇хануг̇г̇ахаа- жарияо бана убажаарзна. усум̣ асад̇и кибад̇ийд̇и иссаасод̇и гад̇з д̇хануг̇г̇ахаажарияо иссаасо наама, ид̇ха бана убажаарад̇т̇о ваа гад̇д̇уд̇т̇о ваа г̇ахзд̇аб̣б̣од̇и ааха ‘‘д̇хануг̇г̇ахаажарияо ход̇ий’’д̇и. баб̣б̣аж̇ид̇агаалз иссаасасса аяуд̇д̇ад̇д̇аа вуд̇д̇ам̣ ‘‘г̇ихигаалз’’д̇и. воробид̇аад̇и зд̇т̇а ви ава буб̣б̣асса рухад̇хаад̇усса ад̇хиббааяад̇т̇ам̣ д̣̇ассзд̇ум̣ вуд̇д̇ам̣ ‘‘вияож̇ид̇аа’’д̇и.
382. Sappāṇakavaggassa paṭhame usuṃ asati khipati anenāti issāsoti kate dhanuyeva mukhyato issāso nāma, dhanuggahā- cariyo pana upacārena. Usuṃ asati khipatīti issāsoti kate dhanuggahācariyo issāso nāma, idha pana upacārattho vā kattuttho vā gahetabboti āha ‘‘dhanuggahācariyo hotī’’ti. Pabbajitakāle issāsassa ayuttattā vuttaṃ ‘‘gihikāle’’ti. Voropitāti ettha vi ava pubbassa ruhadhātussa adhippāyatthaṃ dassetuṃ vuttaṃ ‘‘viyojitā’’ti.
яасмаа г̇ажчад̇ийд̇и самб̣анд̇хо. зд̇анд̇и ‘‘ж̇ийвид̇аа воробид̇аа’’д̇иважанам̣. гасмаа вохаарамад̇д̇амзва ход̇и, нану яад̇о гуд̇ожи яасмим̣ гисмим̣жи вияож̇ид̇з д̣̇вз вад̇т̇ууни вияа висум̣ д̇идтанд̇и баан̣ад̇о ж̇ийвид̇з вияож̇ид̇з баан̣аж̇ийвид̇аабийд̇и ааха ‘‘на хзд̇т̇аа’’д̇иаад̣̇и. хийд̇и сажжам̣. зд̇т̇аад̇и ‘‘ж̇ийвид̇аа воробид̇аа’’д̇иважанз д̣̇ассзд̇унд̇и самб̣анд̇хо. гин̃жи ж̇ийвид̇ам̣ наамаад̇и яож̇анаа. аяам̣ банзд̇т̇а ад̇т̇асамб̣анд̇хо – сийсаалан̇гаарз сийсад̇о вияож̇ид̇з сийсам̣ алан̇гаарад̇о висум̣ д̇идтад̇и яат̇аа, звам̣ ж̇ийвид̇з баан̣ад̇о вияож̇ид̇з ж̇ийвид̇ам̣ баан̣ад̇о висум̣ на д̇идтад̇и наамаад̇и. ан̃н̃ад̣̇ад̇т̇ууд̇и згам̣сзна. ‘‘баан̣а’’нд̇и сааман̃н̃ад̇о вуд̇д̇оби мануссабаан̣асса баарааж̇игадтаанз г̇ахид̇ад̇д̇аа ид̇ха баарисзсан̃ааязна д̇иражчаанабаан̣ова г̇ахзд̇аб̣б̣од̇и ааха ‘‘д̇иражчаанаг̇ад̇оязва баан̣о’’д̇и. д̇анд̇и баан̣ам̣. маханд̇з бана баан̣зд̇и самб̣анд̇хо.
Yasmā gacchatīti sambandho. Etanti ‘‘jīvitā voropitā’’tivacanaṃ. Kasmā vohāramattameva hoti, nanu yato kutoci yasmiṃ kismiṃci viyojite dve vatthūni viya visuṃ tiṭṭhanti pāṇato jīvite viyojite pāṇajīvitāpīti āha ‘‘na hetthā’’tiādi. Hīti saccaṃ. Etthāti ‘‘jīvitā voropitā’’tivacane dassetunti sambandho. Kiñci jīvitaṃ nāmāti yojanā. Ayaṃ panettha atthasambandho – sīsālaṅkāre sīsato viyojite sīsaṃ alaṅkārato visuṃ tiṭṭhati yathā, evaṃ jīvite pāṇato viyojite jīvitaṃ pāṇato visuṃ na tiṭṭhati nāmāti. Aññadatthūti ekaṃsena. ‘‘Pāṇa’’nti sāmaññato vuttopi manussapāṇassa pārājikaṭṭhāne gahitattā idha pārisesañāyena tiracchānapāṇova gahetabboti āha ‘‘tiracchānagatoyeva pāṇo’’ti. Tanti pāṇaṃ. Mahante pana pāṇeti sambandho.
385. сод̇хзнд̇о абанзд̇ийд̇и яож̇анаа. ман̇г̇улод̇и мануссарад̇д̇або зго гимивисзсо. со хи рад̇д̇абиванад̇т̇ааяа ман̇г̇ад̇и ид̇о жид̇о жа имам̣ жиман̃жа таанам̣ г̇ажчад̇ийд̇и ‘‘ман̇г̇уло’’д̇и вужжад̇и. бад̣̇агкараанан̃хи авибарид̇ад̇т̇ам̣, сод̇уунан̃жа саж̇жхааяобад̣̇зсалабханад̇т̇ам̣ гад̇т̇ажи таанз важанад̇т̇о вуд̇д̇од̇и д̣̇адтаб̣б̣ам̣. д̇асса б̣ийж̇амзва куд̣̇д̣̇агадтзна ман̇г̇улаб̣ийж̇агам̣, д̇асмим̣. д̇анд̇и ман̇г̇улаб̣ийж̇агам̣. бхинд̣̇анд̇о худ̇ваад̇и яож̇анаад̇и. батамам̣.
385. Sodhento apanetīti yojanā. Maṅguloti manussarattapo eko kimiviseso. So hi rattapivanatthāya maṅgati ito cito ca imaṃ cimañca ṭhānaṃ gacchatīti ‘‘maṅgulo’’ti vuccati. Padakkharānañhi aviparitatthaṃ, sotūnañca sajjhāyopadesalabhanatthaṃ katthaci ṭhāne vacanattho vuttoti daṭṭhabbaṃ. Tassa bījameva khuddakaṭṭhena maṅgulabījakaṃ, tasmiṃ. Tanti maṅgulabījakaṃ. Bhindanto hutvāti yojanāti. Paṭhamaṃ.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 7. саббаан̣агаваг̇г̇о • 7. Sappāṇakavaggo
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 1. сан̃жижжабаан̣асигкаабад̣̇аван̣н̣анаа • 1. Sañciccapāṇasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 1. сан̃жижжасигкаабад̣̇аван̣н̣анаа • 1. Sañciccasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 1. сан̃жижжабаан̣асигкаабад̣̇аван̣н̣анаа • 1. Sañciccapāṇasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 1. сан̃жижжабаан̣асигкаабад̣̇аван̣н̣анаа • 1. Sañciccapāṇasikkhāpadavaṇṇanā
