| Library / Tipiṭaka / திபிடக • Tipiṭaka / மஹாவிப⁴ங்க³-அட்ட²கதா² • Mahāvibhaṅga-aṭṭhakathā |
7. ஸப்பாணகவக்³கோ³
7. Sappāṇakavaggo
1. ஸஞ்சிச்சபாணஸிக்கா²பத³வண்ணனா
1. Sañciccapāṇasikkhāpadavaṇṇanā
382. ஸப்பாணகவக்³க³ஸ்ஸ பட²மஸிக்கா²பதே³ – இஸ்ஸாஸோ ஹோதீதி கி³ஹிகாலே த⁴னுக்³க³ஹாசரியோ ஹோதி. ஜீவிதா வோரோபிதாதி ஜீவிதா வியோஜிதா.
382. Sappāṇakavaggassa paṭhamasikkhāpade – issāso hotīti gihikāle dhanuggahācariyo hoti. Jīvitā voropitāti jīvitā viyojitā.
ஸிக்கா²பதே³பி வோரோபெய்யாதி வியோஜெய்ய. யஸ்மா பன வோஹாரமத்தமேவேதங்; ந ஹெத்த² கிஞ்சி வியோஜிதே ஸீஸாலங்காரே ஸீஸங் விய ஜீவிதா வோரோபிதே பாணேபி ஜீவிதங் நாம விஸுங் திட்ட²தி, அஞ்ஞத³த்து² அந்தரதா⁴னமேவ க³ச்ச²தி, தஸ்மா தமத்த²ங் த³ஸ்ஸேதுங் பத³பா⁴ஜனே ‘‘ஜீவிதிந்த்³ரியங் உபச்சி²ந்த³தீ’’திஆதி³ வுத்தங். இமஸ்மிஞ்ச ஸிக்கா²பதே³ திரச்சா²னக³தோயேவ ‘‘பாணோ’’தி வேதி³தப்³போ³. தங் கு²த்³த³கம்பி மஹந்தம்பி மாரெந்தஸ்ஸ ஆபத்தினானாகரணங் நத்தி². மஹந்தே பன உபக்கமமஹந்தத்தா அகுஸலமஹத்தங் ஹோதி. பாணே பாணஸஞ்ஞீதி அந்தமஸோ மஞ்சபீட²ங் ஸோதெ⁴ந்தோ மங்கு³லபீ³ஜகேபி பாணஸஞ்ஞீ நிக்காருணிகதாய தங் பி⁴ந்த³ந்தோ அபனேதி, பாசித்தியங். தஸ்மா ஏவரூபேஸு டா²னேஸு காருஞ்ஞங் உபட்ட²பெத்வா அப்பமத்தேன வத்தங் காதப்³ப³ங். ஸேஸங் மனுஸ்ஸவிக்³க³ஹே வுத்தனயேனேவ வேதி³தப்³ப³ங் ஸத்³தி⁴ங் ஸமுட்டா²னாதீ³ஹீதி.
Sikkhāpadepi voropeyyāti viyojeyya. Yasmā pana vohāramattamevetaṃ; na hettha kiñci viyojite sīsālaṅkāre sīsaṃ viya jīvitā voropite pāṇepi jīvitaṃ nāma visuṃ tiṭṭhati, aññadatthu antaradhānameva gacchati, tasmā tamatthaṃ dassetuṃ padabhājane ‘‘jīvitindriyaṃ upacchindatī’’tiādi vuttaṃ. Imasmiñca sikkhāpade tiracchānagatoyeva ‘‘pāṇo’’ti veditabbo. Taṃ khuddakampi mahantampi mārentassa āpattinānākaraṇaṃ natthi. Mahante pana upakkamamahantattā akusalamahattaṃ hoti. Pāṇe pāṇasaññīti antamaso mañcapīṭhaṃ sodhento maṅgulabījakepi pāṇasaññī nikkāruṇikatāya taṃ bhindanto apaneti, pācittiyaṃ. Tasmā evarūpesu ṭhānesu kāruññaṃ upaṭṭhapetvā appamattena vattaṃ kātabbaṃ. Sesaṃ manussaviggahe vuttanayeneva veditabbaṃ saddhiṃ samuṭṭhānādīhīti.
ஸஞ்சிச்சபாணஸிக்கா²பத³ங் பட²மங்.
Sañciccapāṇasikkhāpadaṃ paṭhamaṃ.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவிப⁴ங்க³ • Mahāvibhaṅga / 7. ஸப்பாணகவக்³கோ³ • 7. Sappāṇakavaggo
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / 1. ஸஞ்சிச்சஸிக்கா²பத³வண்ணனா • 1. Sañciccasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / 1. ஸஞ்சிச்சபாணஸிக்கா²பத³வண்ணனா • 1. Sañciccapāṇasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / 1. ஸஞ்சிச்சபாணஸிக்கா²பத³வண்ணனா • 1. Sañciccapāṇasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / பாசித்யாதி³யோஜனாபாளி • Pācityādiyojanāpāḷi / 1. ஸஞ்சிச்சபாணஸிக்கா²பத³-அத்த²யோஜனா • 1. Sañciccapāṇasikkhāpada-atthayojanā
