| Library / Tipiṭaka / ཏིཔིཊཀ • Tipiṭaka / མཧཱཝིབྷངྒ-ཨཊྛཀཐཱ • Mahāvibhaṅga-aṭṭhakathā |
༧. སཔྤཱཎཀཝགྒོ
7. Sappāṇakavaggo
༡. སཉྩིཙྩཔཱཎསིཀྑཱཔདཝཎྞནཱ
1. Sañciccapāṇasikkhāpadavaṇṇanā
༣༨༢. སཔྤཱཎཀཝགྒསྶ པཋམསིཀྑཱཔདེ – ཨིསྶཱསོ ཧོཏཱིཏི གིཧིཀཱལེ དྷནུགྒཧཱཙརིཡོ ཧོཏི། ཛཱིཝིཏཱ ཝོརོཔིཏཱཏི ཛཱིཝིཏཱ ཝིཡོཛིཏཱ།
382. Sappāṇakavaggassa paṭhamasikkhāpade – issāso hotīti gihikāle dhanuggahācariyo hoti. Jīvitā voropitāti jīvitā viyojitā.
སིཀྑཱཔདེཔི ཝོརོཔེཡྻཱཏི ཝིཡོཛེཡྻ། ཡསྨཱ པན ཝོཧཱརམཏྟམེཝེཏཾ; ན ཧེཏྠ ཀིཉྩི ཝིཡོཛིཏེ སཱིསཱལངྐཱརེ སཱིསཾ ཝིཡ ཛཱིཝིཏཱ ཝོརོཔིཏེ པཱཎེཔི ཛཱིཝིཏཾ ནཱམ ཝིསུཾ ཏིཊྛཏི, ཨཉྙདཏྠུ ཨནྟརདྷཱནམེཝ གཙྪཏི, ཏསྨཱ ཏམཏྠཾ དསྶེཏུཾ པདབྷཱཛནེ ‘‘ཛཱིཝིཏིནྡྲིཡཾ ཨུཔཙྪིནྡཏཱི’’ཏིཨཱདི ཝུཏྟཾ། ཨིམསྨིཉྩ སིཀྑཱཔདེ ཏིརཙྪཱནགཏོཡེཝ ‘‘པཱཎོ’’ཏི ཝེདིཏབྦོ། ཏཾ ཁུདྡཀམྤི མཧནྟམྤི མཱརེནྟསྶ ཨཱཔཏྟིནཱནཱཀརཎཾ ནཏྠི། མཧནྟེ པན ཨུཔཀྐམམཧནྟཏྟཱ ཨཀུསལམཧཏྟཾ ཧོཏི། པཱཎེ པཱཎསཉྙཱིཏི ཨནྟམསོ མཉྩཔཱིཋཾ སོདྷེནྟོ མངྒུལབཱིཛཀེཔི པཱཎསཉྙཱི ནིཀྐཱརུཎིཀཏཱཡ ཏཾ བྷིནྡནྟོ ཨཔནེཏི, པཱཙིཏྟིཡཾ། ཏསྨཱ ཨེཝརཱུཔེསུ ཋཱནེསུ ཀཱརུཉྙཾ ཨུཔཊྛཔེཏྭཱ ཨཔྤམཏྟེན ཝཏྟཾ ཀཱཏབྦཾ། སེསཾ མནུསྶཝིགྒཧེ ཝུཏྟནཡེནེཝ ཝེདིཏབྦཾ སདྡྷིཾ སམུཊྛཱནཱདཱིཧཱིཏི།
Sikkhāpadepi voropeyyāti viyojeyya. Yasmā pana vohāramattamevetaṃ; na hettha kiñci viyojite sīsālaṅkāre sīsaṃ viya jīvitā voropite pāṇepi jīvitaṃ nāma visuṃ tiṭṭhati, aññadatthu antaradhānameva gacchati, tasmā tamatthaṃ dassetuṃ padabhājane ‘‘jīvitindriyaṃ upacchindatī’’tiādi vuttaṃ. Imasmiñca sikkhāpade tiracchānagatoyeva ‘‘pāṇo’’ti veditabbo. Taṃ khuddakampi mahantampi mārentassa āpattinānākaraṇaṃ natthi. Mahante pana upakkamamahantattā akusalamahattaṃ hoti. Pāṇe pāṇasaññīti antamaso mañcapīṭhaṃ sodhento maṅgulabījakepi pāṇasaññī nikkāruṇikatāya taṃ bhindanto apaneti, pācittiyaṃ. Tasmā evarūpesu ṭhānesu kāruññaṃ upaṭṭhapetvā appamattena vattaṃ kātabbaṃ. Sesaṃ manussaviggahe vuttanayeneva veditabbaṃ saddhiṃ samuṭṭhānādīhīti.
སཉྩིཙྩཔཱཎསིཀྑཱཔདཾ པཋམཾ།
Sañciccapāṇasikkhāpadaṃ paṭhamaṃ.
Related texts:
ཏིཔིཊཀ (མཱུལ) • Tipiṭaka (Mūla) / ཝིནཡཔིཊཀ • Vinayapiṭaka / མཧཱཝིབྷངྒ • Mahāvibhaṅga / ༧. སཔྤཱཎཀཝགྒོ • 7. Sappāṇakavaggo
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / སཱརཏྠདཱིཔནཱི-ཊཱིཀཱ • Sāratthadīpanī-ṭīkā / ༡. སཉྩིཙྩསིཀྑཱཔདཝཎྞནཱ • 1. Sañciccasikkhāpadavaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝཛིརབུདྡྷི-ཊཱིཀཱ • Vajirabuddhi-ṭīkā / ༡. སཉྩིཙྩཔཱཎསིཀྑཱཔདཝཎྞནཱ • 1. Sañciccapāṇasikkhāpadavaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝིམཏིཝིནོདནཱི-ཊཱིཀཱ • Vimativinodanī-ṭīkā / ༡. སཉྩིཙྩཔཱཎསིཀྑཱཔདཝཎྞནཱ • 1. Sañciccapāṇasikkhāpadavaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / པཱཙིཏྱཱདིཡོཛནཱཔཱལི༹ • Pācityādiyojanāpāḷi / ༡. སཉྩིཙྩཔཱཎསིཀྑཱཔད-ཨཏྠཡོཛནཱ • 1. Sañciccapāṇasikkhāpada-atthayojanā
