| Library / Tipiṭaka / ਤਿਪਿਟਕ • Tipiṭaka / ਮਹਾવਿਭਙ੍ਗ-ਅਟ੍ਠਕਥਾ • Mahāvibhaṅga-aṭṭhakathā |
੭. ਸਪ੍ਪਾਣਕવਗ੍ਗੋ
7. Sappāṇakavaggo
੧. ਸਞ੍ਚਿਚ੍ਚਪਾਣਸਿਕ੍ਖਾਪਦવਣ੍ਣਨਾ
1. Sañciccapāṇasikkhāpadavaṇṇanā
੩੮੨. ਸਪ੍ਪਾਣਕવਗ੍ਗਸ੍ਸ ਪਠਮਸਿਕ੍ਖਾਪਦੇ – ਇਸ੍ਸਾਸੋ ਹੋਤੀਤਿ ਗਿਹਿਕਾਲੇ ਧਨੁਗ੍ਗਹਾਚਰਿਯੋ ਹੋਤਿ। ਜੀવਿਤਾ વੋਰੋਪਿਤਾਤਿ ਜੀવਿਤਾ વਿਯੋਜਿਤਾ।
382. Sappāṇakavaggassa paṭhamasikkhāpade – issāso hotīti gihikāle dhanuggahācariyo hoti. Jīvitā voropitāti jīvitā viyojitā.
ਸਿਕ੍ਖਾਪਦੇਪਿ વੋਰੋਪੇਯ੍ਯਾਤਿ વਿਯੋਜੇਯ੍ਯ। ਯਸ੍ਮਾ ਪਨ વੋਹਾਰਮਤ੍ਤਮੇવੇਤਂ; ਨ ਹੇਤ੍ਥ ਕਿਞ੍ਚਿ વਿਯੋਜਿਤੇ ਸੀਸਾਲਙ੍ਕਾਰੇ ਸੀਸਂ વਿਯ ਜੀવਿਤਾ વੋਰੋਪਿਤੇ ਪਾਣੇਪਿ ਜੀવਿਤਂ ਨਾਮ વਿਸੁਂ ਤਿਟ੍ਠਤਿ, ਅਞ੍ਞਦਤ੍ਥੁ ਅਨ੍ਤਰਧਾਨਮੇવ ਗਚ੍ਛਤਿ, ਤਸ੍ਮਾ ਤਮਤ੍ਥਂ ਦਸ੍ਸੇਤੁਂ ਪਦਭਾਜਨੇ ‘‘ਜੀવਿਤਿਨ੍ਦ੍ਰਿਯਂ ਉਪਚ੍ਛਿਨ੍ਦਤੀ’’ਤਿਆਦਿ વੁਤ੍ਤਂ। ਇਮਸ੍ਮਿਞ੍ਚ ਸਿਕ੍ਖਾਪਦੇ ਤਿਰਚ੍ਛਾਨਗਤੋਯੇવ ‘‘ਪਾਣੋ’’ਤਿ વੇਦਿਤਬ੍ਬੋ। ਤਂ ਖੁਦ੍ਦਕਮ੍ਪਿ ਮਹਨ੍ਤਮ੍ਪਿ ਮਾਰੇਨ੍ਤਸ੍ਸ ਆਪਤ੍ਤਿਨਾਨਾਕਰਣਂ ਨਤ੍ਥਿ। ਮਹਨ੍ਤੇ ਪਨ ਉਪਕ੍ਕਮਮਹਨ੍ਤਤ੍ਤਾ ਅਕੁਸਲਮਹਤ੍ਤਂ ਹੋਤਿ। ਪਾਣੇ ਪਾਣਸਞ੍ਞੀਤਿ ਅਨ੍ਤਮਸੋ ਮਞ੍ਚਪੀਠਂ ਸੋਧੇਨ੍ਤੋ ਮਙ੍ਗੁਲਬੀਜਕੇਪਿ ਪਾਣਸਞ੍ਞੀ ਨਿਕ੍ਕਾਰੁਣਿਕਤਾਯ ਤਂ ਭਿਨ੍ਦਨ੍ਤੋ ਅਪਨੇਤਿ, ਪਾਚਿਤ੍ਤਿਯਂ। ਤਸ੍ਮਾ ਏવਰੂਪੇਸੁ ਠਾਨੇਸੁ ਕਾਰੁਞ੍ਞਂ ਉਪਟ੍ਠਪੇਤ੍વਾ ਅਪ੍ਪਮਤ੍ਤੇਨ વਤ੍ਤਂ ਕਾਤਬ੍ਬਂ। ਸੇਸਂ ਮਨੁਸ੍ਸવਿਗ੍ਗਹੇ વੁਤ੍ਤਨਯੇਨੇવ વੇਦਿਤਬ੍ਬਂ ਸਦ੍ਧਿਂ ਸਮੁਟ੍ਠਾਨਾਦੀਹੀਤਿ।
Sikkhāpadepi voropeyyāti viyojeyya. Yasmā pana vohāramattamevetaṃ; na hettha kiñci viyojite sīsālaṅkāre sīsaṃ viya jīvitā voropite pāṇepi jīvitaṃ nāma visuṃ tiṭṭhati, aññadatthu antaradhānameva gacchati, tasmā tamatthaṃ dassetuṃ padabhājane ‘‘jīvitindriyaṃ upacchindatī’’tiādi vuttaṃ. Imasmiñca sikkhāpade tiracchānagatoyeva ‘‘pāṇo’’ti veditabbo. Taṃ khuddakampi mahantampi mārentassa āpattinānākaraṇaṃ natthi. Mahante pana upakkamamahantattā akusalamahattaṃ hoti. Pāṇe pāṇasaññīti antamaso mañcapīṭhaṃ sodhento maṅgulabījakepi pāṇasaññī nikkāruṇikatāya taṃ bhindanto apaneti, pācittiyaṃ. Tasmā evarūpesu ṭhānesu kāruññaṃ upaṭṭhapetvā appamattena vattaṃ kātabbaṃ. Sesaṃ manussaviggahe vuttanayeneva veditabbaṃ saddhiṃ samuṭṭhānādīhīti.
ਸਞ੍ਚਿਚ੍ਚਪਾਣਸਿਕ੍ਖਾਪਦਂ ਪਠਮਂ।
Sañciccapāṇasikkhāpadaṃ paṭhamaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਿਭਙ੍ਗ • Mahāvibhaṅga / ੭. ਸਪ੍ਪਾਣਕવਗ੍ਗੋ • 7. Sappāṇakavaggo
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ੧. ਸਞ੍ਚਿਚ੍ਚਸਿਕ੍ਖਾਪਦવਣ੍ਣਨਾ • 1. Sañciccasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ੧. ਸਞ੍ਚਿਚ੍ਚਪਾਣਸਿਕ੍ਖਾਪਦવਣ੍ਣਨਾ • 1. Sañciccapāṇasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ੧. ਸਞ੍ਚਿਚ੍ਚਪਾਣਸਿਕ੍ਖਾਪਦવਣ੍ਣਨਾ • 1. Sañciccapāṇasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੧. ਸਞ੍ਚਿਚ੍ਚਪਾਣਸਿਕ੍ਖਾਪਦ-ਅਤ੍ਥਯੋਜਨਾ • 1. Sañciccapāṇasikkhāpada-atthayojanā
