| Library / Tipiṭaka / তিপিটক • Tipiṭaka / কঙ্খাৰিতরণী-অভিনৰ-টীকা • Kaṅkhāvitaraṇī-abhinava-ṭīkā |
৭. সপ্পাণকৰগ্গো
7. Sappāṇakavaggo
১. সঞ্চিচ্চসিক্খাপদৰণ্ণনা
1. Sañciccasikkhāpadavaṇṇanā
পাচিত্তিযন্তি অন্তমসো মঞ্চপীঠং সোধেন্তো মঙ্গুলবীজকেপি পাণসঞ্ঞী নিক্কারুণিকতায তং ভিন্দন্তো অপনেতি (পাচি॰ অট্ঠ॰ ৩৮২), পাচিত্তিযং। তেনাহ ‘‘তং খুদ্দকম্পী’’তিআদি। উপক্কমমহন্ততায অকুসলং মহন্তং হোতীতি বহুক্খত্তুং পৰত্তজৰনেহি লদ্ধাসেৰনায সন্নিট্ঠাপকচেতনায ৰসেন পযোগস্স মহন্তত্তা অকুসলং মহন্তং হোতি, মহাসাৰজ্জং হোতীতি অধিপ্পাযো।
Pācittiyanti antamaso mañcapīṭhaṃ sodhento maṅgulabījakepi pāṇasaññī nikkāruṇikatāya taṃ bhindanto apaneti (pāci. aṭṭha. 382), pācittiyaṃ. Tenāha ‘‘taṃ khuddakampī’’tiādi. Upakkamamahantatāya akusalaṃ mahantaṃ hotīti bahukkhattuṃ pavattajavanehi laddhāsevanāya sanniṭṭhāpakacetanāya vasena payogassa mahantattā akusalaṃ mahantaṃ hoti, mahāsāvajjaṃ hotīti adhippāyo.
সঞ্চিচ্চসিক্খাপদৰণ্ণনা নিট্ঠিতা।
Sañciccasikkhāpadavaṇṇanā niṭṭhitā.
