| Library / Tipiṭaka / తిపిటక • Tipiṭaka / కఙ్ఖావితరణీ-అభినవ-టీకా • Kaṅkhāvitaraṇī-abhinava-ṭīkā |
౭. సఞ్చిచ్చసిక్ఖాపదవణ్ణనా
7. Sañciccasikkhāpadavaṇṇanā
కుక్కుచ్చం ఉప్పాదేన్తస్సాతి (వజిర॰ టీ॰ పాచిత్తియ ౪౬౮) సంసయం జనేన్తస్స. పరో కుక్కుచ్చం ఉప్పాదేతు వా, మా వా, తం అప్పమాణం. మఞ్ఞేతి తక్కయామి. ఆదిసద్దేన ‘‘వికాలే మఞ్ఞే తయా భుత్తం, మజ్జం మఞ్ఞే తయా పీతం, మాతుగామేన సద్ధిం రహో మఞ్ఞే తయా నిసిన్న’’న్తిఆదీనం (పాచి॰ ౪౬౬) గహణం. అనుపసమ్పన్నేతి సామణేరే.
Kukkuccaṃ uppādentassāti (vajira. ṭī. pācittiya 468) saṃsayaṃ janentassa. Paro kukkuccaṃ uppādetu vā, mā vā, taṃ appamāṇaṃ. Maññeti takkayāmi. Ādisaddena ‘‘vikāle maññe tayā bhuttaṃ, majjaṃ maññe tayā pītaṃ, mātugāmena saddhiṃ raho maññe tayā nisinna’’ntiādīnaṃ (pāci. 466) gahaṇaṃ. Anupasampanneti sāmaṇere.
సఞ్చిచ్చసిక్ఖాపదవణ్ణనా నిట్ఠితా.
Sañciccasikkhāpadavaṇṇanā niṭṭhitā.
